home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

နေလောင်ကာခရင်မ်က သွေးကြောတွေကိုပါကျန်းမာစေနိုင်ပါသေးတယ်နော်

နေလောင်ကာခရင်မ်က သွေးကြောတွေကိုပါကျန်းမာစေနိုင်ပါသေးတယ်နော်
တစ်နေ့တခြားပိုပူလာတဲ့ရာသီဥတုေကြာင့်နွေရာသီက ပိုပီပြင်လာခဲ့သလို အသားတွေ နေလောင်တာလည်း အသားကုန်ပဲနော်။နေပူထဲကို ထီးဆောင်းထွက်တာတောင်တော်တော်လေးပူတဲ့အနေအထားမှာ အပူဒဏ်ကြောင့် အသားအရေကို မထိခိုက်စေဖို့ ဘာလုပ်ရင်ကောင်မလြဲတွးနေလာ။နေပူလည်း ထွက်စရာရှိတဲ့အပြင်ကထွက်ရမှာပဲလေ။ ဒီလိုဖြစ်တဲ့အခါ အသားအရေကို အပူဒဏ်ကြောင့်ထိခိုက်မှုနည်းအောင်လုပ်ရမှာက ကိုယ်တိုင်ပါနော်။

အသားအရေကိုနေလောင်ဒဏ်ကနေကာကွယ်ပေးမယ့် အလွယ်ကူဆုံးနည်းလမ်းတစ်ခု

အသားအရေကိုနေလောင်ဒဏ်ကနေ ကာကွယ်ဖို့လုပ်ဆောင်နိုင်မယ့် အလွယ်ကူဆုံးနည်းလမ်းတစ်ခုကနေလောင်ကာခရင်မ်လူးတာပါနော်။ အပြင်သွားခါနီးတိုင်း နာရီဝက်အလိုလောက်မှာ သတိထားပြီး အသားအရေကိုနေလောင်ကာခရင်မ်လူးပြီးမှထွက်ပေးပါနော်။ ဒီလိုလုပ်တာက ရုံးခန်းထဲမှာထိုင်ပြီး အလုပ်လုပ်နေသူတွေအတွက်လည်း အကျုံးဝင်တာပါနော်။ ဘာလို့ ဒီလိုပြောရတာလဲဆိုတော့နေရောင်ဝင်နိုင်တဲ့နေရာမှာရှိနေသမျှနေလောင်ခံရနိုင်တာကြောင့်ပါ။ ဒါကြောင့်နေ့တိုင်းလိုလို အသားအရေကိုနေလောင်ဒဏ်က ကာကွယ်ဖို့ဆိုရင်နေလောင်ကာခရင်မ်လူးရမှာကမေးနေစရာတောင်မလိုအောင်ပါနော်။

နေရောင်နဲ့တိုက်ရိုက်ထိတွေ့မှုက ဘာတွေဖြစ်စေနိုင်လဲ

ခန္ဓါကိုယ်အရေပြားကိုနေရောင်နဲ့တိုက်ရိုက်ထိတွေ့စေမှုက

  • အသားအရေနေလောင်တာ
  • အသားအရေခြောက်သွေ့တာ
  • အရွယ်မတိုင်ခင်အိုမင်းရင့်ရော်တာနဲ့
  • အရေပြားကင်ဆာတွေဖြစ်စေနိုင်ပါတယ်။

ဒီပြဿနာတွေကင်းစေဖို့ကနေရောင်ထဲထွက်တဲ့အခါပြည့်စုံတဲ့ ကာကွယ်မှုတွေလုပ်သွားပေးဖို့ပါ။ ဒီလိုလုပ်ဖို့ကလည်းနေလောင်ကာခရင်မ်လူးမယ်၊ ချည်သားလက်ရှည်ပွပွလေးတွေဝတ်မယ်။ ထီးဆောင်းမယ်၊ ဦးထုပ်ဆောင်းမယ်စသဖြင့် ကာကွယ်မှုတွေလုပ်ဖို့လိုပါမယ်နော်။

နေလောင်ကာခရင်မ်က အသားအရေအတွက်တင်မကဘဲသွေးကြောတွေကိုပါကျန်းမာစေနိုင်ပါတယ်

နေလောင်ကာခရင်မ်က အသားအရေကိုနေလောင်တာကနေကာကွယ်ပေးတယ်၊ အရေပြားကင်ဆြာဖစ်နိုင်ခြေကိုလျော့ကျစေနိုင်တယ်၊ ဆိုတာက သိထားပြီးသား အယူအဆတစ်ခုပါ။ ဒီအယူအဆအပြင်ထပ်တိုးသိလာရတာတစ်ခုကနေလောင်ကာခရင်မ်ကသွေးကြောလေးတွေကိုပါ ကျန်းမာစေတယ်ဆိုတဲ့အချက်ပါ။

သိပ္ပံပညာရှင်တွေ လွန်ခဲ့တဲ့နှစ်ပေါင်းများစွာထဲကတွေ့ရှိခဲ့တဲ့အချက်တစ်ခုကနေရောင်ခြည်မှာပါတဲ့ ခရမ်းလွန်ရောင်ခြည်က အရေပြားကင်ဆာကိုဖြစ်စေနိုင်တယ်။ ဒီပြဿနာကို ကာကွယ်ဖို့ဆိုရင် အသားအရေကိုနေလောင်ဒဏ်ကနေကာကွယ်ပေးနိုင်တဲ့နေလောင်ကာခရင်မ်တစ်ခုခုလူးဖို့လိုအပ်မှာပါ။ မကြာသေးခင်ကသိလိုက်ရတဲ့လေ့လာမှုတစ်ရပ်အရနေလောင်ကာခရင်မ်လူးတာက အသားအရေကိုနေလောင်ဒဏ်ကနေ ကာကွယ်ပေးရုံတင်မဟုတ်ဘဲ အသားအရေအောက်မှာရှိတဲ့သွေးကြောတွေကိုပါ ကျန်းမာစေနိုင်တယ်၊လို့တွေ့ရှိခဲ့ရပါတယ်။

နေလောင်ကာခရင်မ်မှာပါတဲ့ ပါဝင်ပစ္စည်းတွေကသွေးကြောတလျှောက်မှာရှိတဲ့ ကြွက်သားတွေကိုပြေလျော့စေပြီးသွေးစီးဆင်းမှုကိုကောင်းမွန်စေနိုင်သလိုသွေးကြောလေးတွေကို လုပ်ဆောင်မှုတွေအကောင်းဆုံးလုပ်ဆောင်နိုင်အောင်ထောက်ပံ့ပေးပါတယ်။ အရေပြားပေါ်ကိုကျရောက်တဲ့ အပူဒဏ်ကို သက်သာစေပြီးသွေးကြောလေးတွေကိုပြေလျော့စေနိုင်တာကြောင့် အရွယ်မတိုင်ခင် အိုမင်းတာမျိုးမဖြစ်အောင်လည်း ကာကွယ်ပေးနိုင်ပါတယ်။

အရေပြားကို ခရမ်းလွန်ရောင်ခြည်ကနေကာကွယ်ပေးရုံတင်မဟုတ်ဘဲသွေးကြောလေးတွေကိုပါသွေးစီးဆင်းမှုကောင်းစေတယ်ဆိုမှတော့နေပူတာကိုလည်း ကာကွယ်ပြီးသားဖြစ် ခန္ဓါကိုယ်ရဲ့သွေးစီးဆင်းမှုကိုလည်းထောက်ပံ့ပေးပြီးသားဖြစ်ဆိုတော့ ဘယ်လောက်တောင်ကောင်းလိုက်လဲနော်။ ဒီနွေပူပူမှာနေလောင်ကာခရင်မ်လေးလူးလို့ အသားအရေရောသွေးကြောလေးတွေကိုပါ ကာကွယ်ပေးလိုက်ရအောင်လား။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Sunscreen may help maintain blood vessel healthhttps://www.medicalnewstoday.com/articles/324906.php Accessed Date 12 April 2019

Sunscreen use could lead to better blood vessel healthhttps://www.sciencedaily.com/releases/2019/04/190407144224.htmAccessed Date 12 April 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။