သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

နည်းစနစ်မှန်မှန် ရေသောက် ကြမယ်

    နည်းစနစ်မှန်မှန် ရေသောက် ကြမယ်

    ရေသောက်တာများ ငယ်ငယ်ကတည်းက သောက်တတ်သားပဲလို့များ တွေးနေလား။ လူတိုင်းက ရေသောက် တတ်တာ သိပေမယ့် နည်းစနစ်မှန်မှန် ရေသောက်တတ်ရဲ့လားဆိုတာကတော့ မသေချာဘူးလေနော်။ရေကို နည်းစနစ်မှန်မှန်သောက်တတ်မှလည်း ကျန်းမာမှာပါ။ ဒီတော့ရေကိုနည်းစနစ်မှန်မှန်သောက်တတ်ဖို့ ဒီဆောင်းပါးလေးကို ဖတ်ကြည့်လိုက်ပါနော်။

    ရေသောက်ရတဲ့ပမာဏက အသက်အရွယ်၊ ရာသီဥတုအခြေအနေကိုယ်အလေးချိန် နဲ့ ဘယ်လိုလှုပ်ရှားမှုတွေလုပ်နေလဲဆိုတဲ့အပေါ်မှာ မူတည်ပြီး ကွဲပြားမှုတွေရှိနိုင်ပါတယ်နော်။ ပုံမှန်အားဖြင့်တော့ လူတစ်ယောက်ဟာ တစ်နေ့ကိုရေ ၈ ခွက်သောက်ရပါမယ်။ အနည်းဆုံးတော့ ၆ ခွက်ပေါ့။ ဒီသောက်လိုက်တဲ့ရေတွေက အချိန်မှန်ဖို့လည်းလိုပါမယ်နော်။

    ရေလုံလောက်စွာရရှိမှုက ခန္ဓာကိုယ်ကျန်းမာစေနိုင်ပါတယ်

    နည်းစနစ်မှန်မှန် ရေသောက် ကြမယ်

    နည်းစနစ်မှန်မှန် ရေသောက်ကြမယ် ဆိုရင်

    မနက်အိပ်ရာထရင်ရေတစ်ခွက်သောက်ပါ

    မနက်နိုးနိုးချင်းမှာရေတစ်ခွက်သောက်ပါ။ ကိုယ်တွင်းအင်္ဂါတွေကို အကောင်းဆုံးလည်ပတ်စေဖို့ပါ။ မနက်စာမစားခင် ကိုယ်တွင်းက အဆိပ်အတောက်တွေကို ဖယ်ရှားရာလည်းရောက်ပါတယ်။

    အစားမစားခင်ရေတစ်ခွက်သောက်ပါ

    အစားမစားခင် နာရီဝက်အလိုလောက်မှာရေတစ်ခွက်သောက်ပါ။ ဒါမှ အစာခြေစနစ်ကျန်းမာမှာပါ။ တစ်ခွက်ထက်တော့ ပိုမသောက်မိဖို့သတိထားပါ။ အစားမစားနိုင်တာမျိုးဖြစ်စေနိုင်တာကြောင့်ပါ။ အစားစားပြီးချိန်မှာလည်းရေတစ်ခွက်ထက်ပိုမသောက်ပါနဲ့။ အစာခြေအက်ဆစ်အားပျော့သွားပြီး အစာမကြေတာမျိုးဖြစ်စေနိုင်တာကြောင့်ပါ။ အကောင်းဆုံးကတော့ အူနံရံတွေက အာဟာရတွေကို အပြည့်အဝစုပ်ယူနိုင်စေဖို့အတွက် ထမင်းစားပြီး တစ်နာရီကြာမှရေသောက်တာအကောင်းဆုံးပါ။

    ရေမချိုးခင် ရေတစ်ခွက်သောက်ပါ

    ရေမချိုးခင်ရေတစ်ခွက်သောက်ပေးရပါမယ်။ ဒါကတော့သွေးပေါင်ချိန်ကိုထိန်းညှိဖို့အတွက်ပါ။ရေမချိုးခင်ရေတစ်ခွက်သောက်ပေးတာကသွေးတိုးကျစေနိုင်ပါတယ်နော်။

    မအိပ်ခင်ရေတစ်ခွက်သောက်ပါ

    ညအိပ်ရာမဝင်ခင်မှာရေတစ်ခွက်သောက်ပေးပါ။ ညအိပ်နေစဉ်ရေဓါတ်ဆုံရှုံးမှုကို ကာကွယ်ဖို့အတွက်ပါ။ ညမအိပ်ခင်ရေတစ်ခွက်သောက်တာကလေဖြတ်တာကို ကာကွယ်ပေးနိုင်သလို ရုတ်တရက်နှလုံးရပ်တာဖြစ်နိုင်ခြေကိုလည်း ကျဆင်းစေနိုင်ပါတယ်နော်။

    ကိုယ်ဝန်ဆောင်မိခင်တွေ၊ အားကစားသမားတွေ၊ ကာယအားသုံးပြီး အလုပ်လုပ်နေရသူတွေ၊ချွေးထွက်များနေသူတွေ၊ နို့တိုက်မိခင်တွေကတော့ရေကို အခြားသူတွေထက် ပိုသောက်ဖို့လိုအပ်ပါမယ်။ ဒါမှ ခန္ဓါကိုယ်မှာရေဓါတ်မျှတပြီး ကျန်းမာလန်းဆန်းနေမှာပါ။ နည်းစနစ်မှန်မှန်လေးရေသောက်လို့ ခန္ဓာကိုယ်ကျန်းမာရေးကိုစောင့်ရှောက်ရအောင်လား Hello ဆရာဝန်ပရိသတ်ကြီးရေ……………

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    8 healthful times to drink water, your body will function properlyhttps://www.medclique.org/lifestyle/drink-water-body-function-properly/ Accessed Date 14 March 2019

    Signs You Are Drinking Water Wrong (And 5 Right Ways of Doing So!)https://www.practo.com/healthfeed/signs-you-are-drinking-water-wrong-and-5-right-ways-of-doing-so-20684/post Accessed Date 14 March 2019

    Water: How much should you drink every day? https://www.mayoclinic.org/healthy-lifestyle/nutrition-and-healthy-eating/in-depth/water/art-20044256 Accessed Date 14 March 2019

    Benefits of drinking water https://www.health.harvard.edu/staying-healthy/how-much-water-should-you-drink Accessed Date 14 March 2019

    Get the Facts: Drinking Water and Intake https://www.cdc.gov/nutrition/data-statistics/plain-water-the-healthier-choice.html Accessed Date 14 March 2019

     

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 20/07/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: