သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဘေဘီလေးတွေသောက်သင့်တဲ့ ရေပမာဏ

ဘေဘီလေးတွေသောက်သင့်တဲ့ ရေပမာဏ

ထမင်းအသက် ၇ ရက်ရေအသက် တစ်မနက်တဲ့။ ကားတွေမောင်းလို့ရဖို့လောင်စာဆီလိုသလို ဦးနှောက်ကစလို့ ခန္ဓါကိုယ်တစ်ခုလုံးက အစိတ်အပိုင်းတွေကောင်းကောင်းလည်ပတ်စေဖို့အတွက်ရေလိုအပ်ပါမယ်နော်။ရေက ခန္ဓါကိုယ်အတွက် မရှိမဖြစ်လိုအပ်တဲ့ အာဟာရတစ်ခုပါ။ လူတစ်ယောက်ဟာ အစားမစားရဘဲ ၆ ပတ်လောက်အထိ အသက်ရှင်နိုင်ပေမယ့်ရေမသောက်ရဘဲ တစ်ပတ်ထက်ပိုမနေနိုင်ပါဘူးလို့လေ့လာချက်တွေအရသိရပါတယ်။ လူကြီးတစ်ယောက်တောင်ဒီလောက်ဆိုရင် နုနယ်သေးတဲ့ ကလေးတွေဆိုရေဓါတ်ကို ဘယ်လောက်တောင်လိုအပ်မလဲနော်။

ရေကခန္ဓါကိုယ်အတွက် ဘာတွေလုပ်ပေးလဲ

လူတစ်ယောက်ခန္ဓါကိုယ်အလေးချိန်ရဲ့ ၆၀ ရာခိုင်နှုန်းကရေတွေပါ။ ဒီလောက်ခန္ဓါကိုယ်မှာနေရာယူထားတဲ့ရေက ခန္ဓါကိုယ်ရဲ့ လုပ်ငန်းဆောင်တာတော်တော်များများမှာ အဓိကဇာတ်လိုက်အဖြစ်ပါဝင်နေပါတယ်။ ဒီလိုအဓိကနေရာက တာဝန်ယူထားတဲ့ရေက ခန္ဓါကိုယ်အတွက် ဒီလိုလုပ်ဆောင်ပေးပါတယ်နော်။

ကလေးတစ်ယောက်အနေနဲ့ တစ်နေ့တာကိုရေဘယ်လောက်သောက်ဖို့လိုမလဲ

ကလေးတစ်ယောက်ချင်းစီမှာ အသက်အရွယ်၊ ကိုယ်အလေးချိန်နဲ့ယောက်ျားလေး၊မိန်းကလေး ကွာဟမှုကိုလိုက်ပြီး လိုအပ်တဲ့ရေပမာဏကလည်း ကွာခြားနိုင်ပါတယ်။ ကလေးအသက်အရွယ်အလိုက်တစ်နေ့ကိုရေပမာဏဘယ်လောက်သောက်ရမလဲဆိုတာကိုပြောပြပေးမယ်နော်။

  • လမ်းလျှောက်တတ်စအရွယ် တစ်နေ့ကိုရေ ၂ ခွက် ကနေ ၄ ခွက်
  • အသက် ၄ နှစ်ကနေ ၈ နှစ် တစ်နေ့ကိုရေ ၇ ခွက်
  • အသက် ၉ နှစ်ကနေ ၁၃ နှစ်ယောက်ျားလေးဆိုရင် တစ်နေ့ကိုရေ ၁၀ ခွက်၊ မိန်းကလေးဆိုရင် တစ်နေ့ကိုရေ ၉ ခွက်
  • အသက် ၁၄ နှစ်ကနေ ၁၈ နှစ်ယောက်ျားလေးဆိုရင် တစ်နေ့ကို ရေ ၁၄ ခွက်၊ မိန်းကလေးဆိုရင် တစ်နေ့ကို ရေ ၁၀ ခွက် သောက်သုံးပေးရပါမယ်။

တကယ်လို့ ကလေးကပြေးလွှားဆော့မယ်၊ ကိုယ်လက်လေ့ကျင့်ခန်းလုပ်မယ် ဆိုရင်ရေကပိုမိုလိုအပ်မှာပါ။ ဒီလိုမျိုးအချိန်တွေမှာ ကလေးက ကစားရင်းဖြစ်ဖြစ်၊ ကစားပြီးချိန်ဖြစ်ဖြစ်ရေကို ပုံမှန်ထက် ၂ ခွက်ကနေ၃ခွက်လောက်အထိပိုသောက်တာမျိုးရှိနိုင်ပါတယ်။ ကလေးကရေအများကြီးသောက်တာကို သိပ်စိုးရိမ်ဖို့မလိုပါဘူး။ ကလေးဆိုတာက လှုပ်ရှားလိုက်၊ မောလိုက်၊ ချွေးထွက်လိုက်၊ရေသောက်လိုက်က ပုံမှန်လုပ်ငန်းစဉ်တစ်ခုပါပဲ။ တကယ်လို့ကလေးကရေသောက်နည်းရင်သာရေဓါတ်ခမ်းခြောက်မှာ စိုးရိမ်ရတာပါ။ ဒီလိုအချိန်မှာမေမေတို့အနေနဲ့ ကလေးကိုရေထဲမှာ ဘယ်ရီသီးလေးတွေထည့်စိမ်ပြီးတိုက်တာမျိုး ကလေးရေသောက်ချင်လာအောင်လုပ်ပေးရမှာဖြစ်ပါတယ်။ ကလေးကိုရေပဲမတိုက်ချင်ဘူးဆိုရင်တော့ရေဓါတ်ပြည့်ဝနေစေဖို့ ဖရဲသီး၊ ဆလတ်ရွက်၊သခွားသီးတို့လိုမျိုးရေဓါတ်ပြည့်ဝတဲ့ အသီးအနှံလေးတွေကိုကျွေးပေးပါ။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။
health-tool-icon

ကလေးကာကွယ်ဆေးထိုး အချိန်ဇယား

ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။

ကလေးက ယောကျာ်းလေးလား၊ မိန်းကလေးလား

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Water: How Much Do Kids Need?https://www.eatright.org/fitness/sports-and-performance/hydrate-right/water-go-with-the-flow Accessed Date 14 December 2018

Smart Sips for Healthy Kidshttps://www.webmd.com/parenting/guide/kids-healthy-hydration#1 Accessed Date 14 December 2018

Why Drinking Water Is the Way to Gohttps://kidshealth.org/en/kids/water.html Accessed Date 14 December 2018

Waterhttps://healthy-kids.com.au/food-nutrition/drinks/water/ Accessed Date 14 December 2018

စာရေးသူ ဓာတ်ပုံbadge
Aye Thi Mon မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။