ဒေါင်းရောဂါလက္ခဏာစုအကြောင်း တစေ့တစောင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇွန် 8, 2020 . 2 mins read
Share now

မျက်နှာပုံစံ ဆင်တူကြပြီး အခြားသူတွေနဲ့ မတူ တမူကွဲပြားနေတဲ့လူတွေကို မြင်ဖူးကြမှာပါ။ ဒေါင်းရောဂါလက္ခဏာစု (Down Syndrome)လို့ ခေါ်ပါတယ်။ သူတို့လေးတွေဟာ ပုံမှန်လူတွေမှာပါဝင်တဲ့ မျိုးရိုး ဗီဇဆဲလ် (ခရိုမိုဆုမ်း)ပမာဏထက် ပိုမို ပါဝင်နေကြသူတွေပါ။

ခရိုမိုဆုမ်းဆိုတာ မျိုးရိုးဗီဇဆဲလ်တွေ စုစည်းထားတဲ့ အစုအဝေးတစ်ခုပါ။ ခရိုမိုဆုမ်းတွေဟာ  ကိုယ်ဝန်ဆောင်စဉ်မှာ ကလေးရဲ့ဖွံ့ဖြိုးမှုပုံသဏ္ဍာန်တွေကို သတ်မှတ်ပေးပြီး မွေးဖွားပြီးချိန်မှာလည်း ခန္ဓာကိုယ်ရဲ့ လုပ်ငန်းဆောင်တာတွေကို သတ်မှတ်ပေးနိုင်ပါတယ်။

သာမန်ကလေးတစ်ယောက်ဟာ ခရိုမိုဆုမ်း (၄၆)ခု ပါဝင်ပါတယ်။ ဒေါင်းကလေးတစ်ယောက်မှာတော့ သူများထက် ခရိုမိုဆုမ်းတစ်ခု ပိုမိုပါဝင်နေပါတယ်။ ခရိုမိုဆုမ်းပိုလျှံခြင်းရဲ နောက်ဆက်တွဲကတော့ ကလေးရဲ့ ခန္ဓာကိုယ်နဲ့ ဦးနှောက်ဖွံ့ဖြိုးမှုတွေကို သက်ရောက်တာပါပဲ။ ဒါဟာ ကလေးအတွက် စိတ်ပိုင်းဆိုင်ရာရော၊ ရုပ်ပိုင်းဆိုင်ရာအတွက်ပါ စိန်ခေါ်မှုတွေ ဖြစ်စေနိုင်ပါတယ်။

ဒေါင်းရောဂါလက္ခဏာစု ကလေးတွေဟာ ရုပ်ချင်းဆင်တူကြပေမယ့် စွမ်းရည်ခြင်း အနည်းငယ်ကွဲပြား တတ်ကြပါတယ်။ သာမန်ထက် ဉာဏ်ရည် (IQ)အနည်းငယ်နိမ့်ပြီးတော့  စကားပြောလည်းနောက်ကျ ပါတယ်။

သူတို့လေးတွေရဲ့ ရုပ်ရည်သွင်ပြင်ဟာ

  • မျက်နှာပြားပါတယ်။ အထူးသဖြင့် နှာခေါင်းအထက်အရိုးဟာ ပြားပါတယ်။
  • မျက်လုံးဟာ ဗာဒံစေ့လို စောင်းရွဲ့နေတတ်ပါတယ်။
  • လည်ပင်း တိုပါတယ်။
  • သေးငယ်တဲ့ နားရွက်တွေကို ပိုင်ဆိုင်ထားပြီး
  • လျှာဟာ နှုတ်ခမ်းအပြင်ကို ထွက်နေပါတယ်။
  • မျက်ဆံဘေးမှာ အဖြူရောင်အစက်လေးတွေ ရှိပါတယ်။
  • လက်တွေခြေတွေ သေးငယ်မယ်။
  • လက်ဖဝါးမှာ အတွန့်ကြောင်း တစ်ကြောင်းရှိပါတယ်။
  • လက်ချောင်းလေးတွေဟာ လက်မဘက်ကိုကွေးနေပြီး
  • အဆစ်တွေဟာ လျော့ရဲရဲ ရှိနေပါတယ်။
  • အခြားကလေးတွေထက် အရပ်ပုပါတယ်။

ဒေါင်းရောဂါလက္ခဏာစုအမျိုးအစား (၃)မျိုးရှိပါတယ်။ အမေရိကန်ပြည်ထောင်စုက လေ့လာချက်အရ တစ်နှစ်အတွင်း ကလေးခုနှစ်ရာမှာ တစ်ယောက်ဟာ ဒေါင်းရောဂါလက္ခဏာစု ရောဂါနဲ့ မွေးဖွားလာကြပါတယ်။

ဘာလို့ ဒေါင်းရောဂါလက္ခဏာစုဖြစ်ရသလဲ။

ခရိုမိုဆုမ်း ပိုမိုပါဝင်ခြင်းကြောင့် ‌ဒေါင်းဆင်ဒရုန်းဖြစ်စေတတ်ပါတယ်လို့ သုတေသနပညာရှင်တွေက ဆိုကြပေမဲ့ ဘာလို့ဒီလို ပိုမိုပါဝင်ကြသလဲ ဆိုတာကိုတော့ ဘယ်သူမှ တိတိကျကျ မပြောနိုင်ကြသေးပါဘူး။

နောက်ထပ်အချက်ဟာ မိခင်ရဲ့ အသက်အရွယ်ပါ။ အသက်(၃၅)နှစ်အထက် ကိုယ်ဝန်ဆောင် အမျိုးသမီးတွေဟာ ငယ်ရွယ်တဲ့မိခင်တွေထက် ဒေါင်းကလေးတွေ မွေးနိုင်ချေပိုများပါတယ်။ မိခင်ရဲ့ အသက်ကြီးလေလေ ကလေးဟာ ဒေါင်းရောဂါလက္ခဏာစု ရောဂါဖြစ်နိုင်လေလေပါပဲ။ အသက်(၃၅)နှစ်အောက်  ငယ်ရွယ်တဲ့ ကိုယ်ဝန်ဆောင်တွေမှာလည်း ဒေါင်းမွေးဖွားတာမျိုးတွေ့နိုင်ပါတယ်။ ဒါဟာ ဘာကြောင့် လဲဆိုတော့ (၃၅)နှစ်အောက် အမျိုးသမီးတွေဟာ ကလေးပိုမိုမွေးဖွားကြလို့ပါပဲ။

ဒေါင်းရောဂါ လက္ခဏာစုတွေရဲ့ ဉာဏ်ရည်

သာမန်ကလေးတွေထက် ဉာဏ်ရည်အနည်းငယ်နိမ့်ပေမဲ့ စာသင်ကြားလို့ရပါတယ်။ သင်ကြားမှုကို လက်ခံနိုင်တဲ့ ဉာဏ်ရည်ကို ပိုင်ဆိုင်ထားကြပါတယ်။ အခြားကလေးတွေနဲ့ အတူတူသင်ကြားတာမျိုး မဟုတ်ဘဲ ပုံစံတူ ကလေးတွေနဲ့ သင်ပေးတာမျိုးပါ။

ကျန်းမာရေးပြဿနာများ

ဒေါင်းရောဂါလက္ခဏာစု ဖြစ်ပွားသူကလေးတွေဟာ မျက်နှာသွင်ပြင်တူကြပြီး မွေးရာပါချို့တဲ့မှု ဖြစ်ပွားတာနည်းကြပါတယ်။ ဒါပေမယ့် အချို့မှာတော့ ချို့တဲ့မှု ကျန်းမာရေးပြဿနာတွေ ရှိတတ်ကြပါတယ်။

  • အကြားအာရုံချို့ယွင်းခြင်း
  • အိပ်စက်နေချိန် အသက်ရှုရပ်ခြင်း
  • နားမှာပိုးဝင်ခြင်း
  • မျက်လုံးရောဂါများ
  • မွေးရာပါနှလုံးရောဂါ
  • အဆုတ်ပိုးဝင်လွယ်ခြင်း စတဲ့ရောဂါတွေ ရှိတတ်ကြပါတယ်။

ဒေါင်းရောဂါလက္ခဏာစု ခံစားနေရသူတစ်ယောက်ရဲ့ ပျမ်းမျှသက်တမ်းဟာ ခြောက်ဆယ်ဝန်းကျင်ပါ။ ကမ္ဘာ့အသက်အကြီးဆုံး ဒေါင်းရောဂါလက္ခဏာစု ခံစားနေရသူ အဖိုးအိုဟာ အသက်(၈၃)နှစ်မှာ သေဆုံးခဲ့ပါတယ်။ (၂၀၁၂)တုန်းကပါ။

ဒေါင်းရောဂါလက္ခဏာစုဟာ ဘဝတလျှောက်လုံး ရှိနေမယ့် အခြေအနေတစ်ခုပါ။ အသက်ငယ်ရွယ်စဉ်မှာ ရုပ်ပိုင်းဆိုင်ရာနဲ့ အသိဉာဏ်ပိုင်းဆိုင်ရာစွမ်းရည်တွေကို မြှင့်တင်ပေးနိုင်ပါတယ်။ စကားပြောဆိုခြင်း၊ ရုပ်ပိုင်းဆိုင်ရာကုထုံးတွေနဲ့ လုပ်ငန်းပိုင်းဆိုင်ရာ ကုထုံးတွေလိုအပ်ပါတယ်။ ပုံမှန်ကျောင်းတစ်ခုမှာ ဒေါင်းကလေးလေးတစ်ယောက်ကို ထားမယ်ဆိုရင် တော့ အခြားကလေးတွေထက် အကူအညီတွေ ထောက်ပံ့မှုတွေနဲ့ အားပေးမှုတွေ၊ အာရုံထားအလေးထားမှုတွေ ပိုမိုလိုအပ်မှာပါ။

ရေးသားသူ-ဒေါက်တာမှူးခင်

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိတ်ပူပင်လို့ ရင်တုန်လာတာလား… နှလုံးရောဂါလား….

စိတ်ပူပင်လို့ ရင်တုန်လာတာလား ......... နှလုံးရောဂွ ခံစားနေရလို့များ ရင်တုန်နေတာလား ဆိုပြီး စိတ်ပူနေတဲ့ စာဖတ်သူတွေ ရှိကြလား....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိုးရိမ်ပူပန်မှုလွန်ကဲနေချိန် အသုံးတည့်စေမယ့် လေ့ကျင့်ခန်းလေးများ

စိုးရိမ်ပူပန်မှုလွန်ကဲနေချိန် မှာ သက်သာစေဖို့ လုပ်ပေးသင့်တဲ့လေ့ကျင့်ခန်းလေးတွေ ရှိပါတယ်။ ဒါကတော့ အသက်ရှူလေ့ကျင့်ခန်းနဲ့ကြွက်သားပြေလျော့စေမယ့်လေ့ကျင့်ခန်းပါ။

ရေးသားသူ Aye Thi Mon

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

တစ်နေကုန် နေပူထဲမှာ သွားလာရတယ်ဆိုရင် ရေသောက်ဖြစ်ဖို့က အခွင့်အလမ်း နည်းသွားသလို ရေဓာတ်ပြည့်ဝဖို့ကလည်း အတော်လေး ခက်ခဲ သွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
how-hope-affects-your-health မျှော်လင့်ချက်ထား

မျှော်လင့်ချက်ထား ခြင်းက ကျန်းမာပျော်ရွှင်စေပါတယ် စိတ်ဓာတ်မကျပါနဲ့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read