အမျိုးသမီးကျန်းမာရေးပြဿနာများ

ကျန်းမာရေး ဗိုက်စည်းဆိုတာဟာ ၀မ်းဗိုက်မှာပတ်ရတဲ့ ခါးပတ်တစ်ခုပါပဲ။ ဗိုက်စည်းတွေဟာ အရွယ်အစားအမျိုးမျိုး လာပါတယ်။ များသောအားဖြင့် အလတ်စတစ်သားနဲ့ လုပ်ထားကြပြီး ပတ်ဖို့အတွက် ချိတ်၊ ဒါမှမဟုတ် ပတ်တဲ့ ကွင်းတွေပါပါတယ်။ တချို့ ဗိုက်စည်းတွေမှာတော့ ခါးကိုထောက်ပံ့ပေးတဲ့ အထိန်းပါပါတယ်။ တချို့ ဗိုက်စည်းတွေမှာတော့ ဗိုက်ခွဲထားတဲ့လူနာတွေမှာ  အရည်တွေစီးဆင်းဖို့ ပိုက်တွေပါ တွဲရက်ပါပါတယ်။ ဗိုက်စည်းတွေဟာ ဗိုက်ခွဲပြီးတဲ့နောက် နလန်ထတာကို မြန်စေပါတယ်။ ယေဘုယျအားဖြင့် ဗိုက်စည်းတွေကို ဒီလိုအခြေအနေမျိုးတွေမှာ တပ်ဆင်ဖို့ အကြံပေးလေ့ရှိကြပါတယ်။ (၁) ဗိုက်ခွဲကလေးမွေးပြီးတဲ့အခါ (၂) ၀မ်းဗိုက်ဖွင့် ဗိုက်ခွဲပြီးတဲ့အခါ (၃) သားအိမ်ထုတ်ပြီးတဲ့အခါ (၄) ခါးဆစ်ရိုးခွဲစိတ်ပြီးတဲ့အခါ တွေပဲဖြစ်ပါတယ်။ ခါးဆစ်အာရုံကြောမကြီးကို ထိခိုက်ဒဏ်ရာရထားတဲ့ လူနာတွေမှာ ၀မ်းဗိုက်ကို ထောက်ပံ့ပေးဖို့၊ ၀မ်းဗိုက်အတွင်းဖိအားကို ထိန်းညှိပေးဖို့၊ အသက်ရှူခြင်းဆိုင်ရာလုပ်ငန်းဆောင်တာတွေကို အားပေးကူညီဖို့ အတွက် စနစ်တကျ နေရာတိတိကျကျသတ်မှတ်ထားတဲ့ ဗိုက်စည်းတွေကို စည်းရပါတယ်။ ဗိုက်စည်းစည်းခြင်းရဲ့ ကောင်းကျိုးတွေ (၁) ခွဲစိတ်ပြီးနောက်ရတဲ့ […]

မကြာခဏဆီးသွားခြင်း ဆိုတာက ပုံမှန်ထက်ပိုပြီး ဆီးသွားချင်နေတဲ့ အခြေအနေ ဖြစ်ပါတယ်။ ဆီးသွားချင်တဲ့ ဆန္ဒ ရုတ်ခြည်းပေါ်လာပြီး ဆီးမထိန်းနိုင်သလိုပါ ဖြစ်တတ်ပါတယ်။ ဆီးအိမ် တင်းနေမယ်ဆိုရင် ပိုဆိုးတတ်ပါတယ်။ ဒါက ဆီးအိမ်ဟာ ပုံမှန်ထက် လုပ်ဆောင်မှု လွန်ကဲနေတဲ့ အခြေအနေကြောင့်လည်း ဖြစ်နိုင်ပါတယ်။ ဆီးလမ်းကြောင်း အထူးကု ဆရာဝန်အချို့ရဲ့ အဆိုအရ ၂၄ နာရီအတွင်း ၈ ကြိမ်ထက်ပိုပြီး သွားချင်နေရင် ဒီပြဿနာ ဖြစ်နိုင်ပါတယ်။ အဆိုပါ ဆီးမကြာခဏ သွားချင်ရတဲ့ နောက်ခံ အကြောင်းအရင်းတွေ ရှိတတ်ပါတယ်။ အမျိုးသမီးများ မကြာခဏဆီးသွားခြင်း ကို ဖြစ်စေတဲ့ အကြောင်းရင်း အမျိုးသမီးများ မကြာခဏဆီးသွားခြင်း ဖြစ်စေတဲ့ အကြောင်းအရင်းတွေကတော့ ဆီးလမ်းကြောင်း ပိုးဝင်ခြင်း မကြာခဏ ဆီးသွားချင်စိတ် ဖြစ်ပေါ်ခြင်းဟာ ဆီးလမ်းကြောင်း ပိုးဝင်ခြင်းကြောင့် ဖြစ်နိုင်ပါတယ်။ ဆီးစွန့်ပြွန်ကနေတဆင့် ဆီးအိမ်ထဲကို ဘက်တီးရီးယားပိုးတွေ ဝင်ရောက်တာကြောင့် ဖြစ်တတ်ပါတယ်။ အမျိုးသမီးများရဲ့ […]

လှပတဲ့ ရင်သားတစ်စုံ ပိုင်ဆိုင်ဖို့ဆိုတာ အမျိုးသမီးတော်တော်များများမက်ကြတဲ့ အိပ်မက်ပါပဲ။ လိင်ဆွဲဆောင်မှုရှိဖို့၊ ကိုယ့်ကိုယ်ကို ယုံကြည်မှုတိုးဖို့ လှပတင့်တယ်တဲ့ရင်သားကို ပိုင်ဆိုင်လိုကြပါတယ်။ ရင်သားတွေတွဲကျနေတာကိုတော့ ဘယ်အမျိုးသမီးမှ သဘောကျမယ်မထင်ပါဘူး။ ကလေး မွေးဖွားထားသူ အမျိုးသမီးတွေမှာ ရင်သားတွဲကျခြင်းဟာ ပိုအဖြစ်များတယ်ဆိုပေမယ့် ကလေးတစ်ခါမှ မမွေးဖူးသူ အပျိုတွေမှာလဲ ရင်သားတွဲကျတာမျိုး ဖြစ်တတ်ပါတယ်။ အဲတော့ ဒီလို ရင်သားတွဲကျတာမျိုးမဖြစ်ရအောင် ဘယ်လိုလုပ်သင့်တယ်ဆိုတဲ့ tips လေးတွေကို ဖော်ပြပေးလိုက်ပါတယ်။ ကဲ .... တွဲနေတဲ့ရင်သားတွေ ပြန်လည်ဦးမော့လာစေဖို့ ဘာတွေ လုပ်ဆောင်ရမလဲ ကြည့်လိုက်ရအောင်နော်။ တွဲနေတဲ့ရင်သားတွေ ပြန်လည်ဦးမော့လာစေဖို့ တွဲနေတဲ့ရင်သားတွေ ပြန်လည်ဦးမော့လာစေဖို့ ဆိုရင်တော့ (၁) ပက်လက်လှန်အိပ်ပါ။ ညအိပ်ရာ၀င်တဲ့အခါ မှောက်အိပ်မယ့်အစား ပက်လက်လှန်အိပ်တာက ရင်သားပေါ်မှာ အရေးအကြောင်းဖြစ်တာ၊ ရင်သားလျော့တွဲတာတွေကို သက်သာစေပါတယ်။ ပြောင်းပြန်အနေနဲ့ မှောက်အိပ်မယ်ဆိုရင်တော့ အရေပြားလျော့တွဲတာတွေ မြန်မြန်ဖြစ်မှာပါပဲ။ (၂) ရင်သားတွေကို နှိပ်နယ်ပေးပါ။ မျက်နှာအရေပြားကို နှိပ်နယ်ပေးရင် အသားအရေကောင်းသလိုမျိုးပါပဲ။ […]

ပျိုမေ တို့ရဲ့ ကျန်းမာရေးမှာ အရေးကြီးတဲ့ ခန္ဓာကိုယ် အစိတ်အပိုင်း တစ်ခုကို ဂရုစိုက်ပေးဖို့ မေ့မေ့လျော့လျော့ ဖြစ်တတ်ကြပါတယ်။ အမျိုးသမီးကျန်းမာရေး နဲ့ ပတ်သက်လို့ မစိုးရိမ်ရစေဖို့ မိန်းမကိုယ် သန့်ရှင်းမှု၊ တစ်ကိုယ်ရည်သန့်ရှင်းမှုတို့ကို ဂရုစိုက်သင့်ပါတယ်။ မိန်းမကိုယ် ကျန်းမာရေးကို ထိခိုက်စေနိုင်တဲ့ အကြောင်းရင်းတွေကိုလည်း ပျိုမေတို့ သိကိုသိထားသင့်ပါတယ် - (၁) ယားယံစေတဲ့ ဓာတ်ပစ္စည်းတွေ မိန်းမကိုယ် ကို ဓါတုပစ္စည်းတွေနဲ့ထိတွေ့မိတဲ့အခါ ယားယံခြင်းကိုဖြစ်စေပါတယ်။ အဲဒီပစ္စည်းတွေက မိန်းမကိုယ်အပါအဝင် ခန္ဓါကိုယ်ရဲ့နေရာအတော်များများကို နီမြန်း၊ယားယံစေတဲ့ ဓါတ်မတည့်တုံ့ပြန်မှုတွေဖြစ်လာစေနိုင်ပါတယ်။Parabens ၊Methylchloroisothiazolinone ၊ Benzethonium Chloride တို့လို ဓါတုပစ္စည်းတွေကြောင့်အရေပြားကိုထိခိုက်စေနိုင်ပါတယ်။ (၂) ဆီးချို ပေါင်ခြံတဝိုက်ယားယံတာနဲ့ လောင်တာလိုမျိုး မှိုပိုးဝင်တဲ့လက္ခဏာတွေက အမျိုးအစား ၂ ဆီးချိုရောဂါ ရဲ့လက္ခဏာတွေဖြစ်ပါတယ်။ ဆီးချိုရှိတဲ့သူတွေမှာ သွေးတွင်းသကြားဓာတ်က များနေတာကြောင့် မှိုပိုးတွေပေါက်ဖွားလွယ်တဲ့အနေအထားကို ဖန်တီးပေးလိုက်သလိုဖြစ်စေတဲ့အပြင် ခန္ဓာကိုယ်ရဲ့ရောဂါကာကွယ်နိုင်စွမ်းကိုပါ လျော့နည်းစေပါတယ်။ (၃) မှိုပိုးဝင်ခြင်း မိန်းကလေး […]

မိန်းမကိုယ်က မှိုမစွဲဘဲ ဘာလို့ ယားယံနေတာလဲ။ အမျိုးသမီးတွေရဲ့ မိန်းမကိုယ်ဟာ အမြဲလိုလို စိုစွတ်နေတဲ့အတွက် မှိုစွဲခြင်း ဖြစ်လွယ်လို့ သေချာဂရုစိုက်ရပါတယ်။ ဒါဆိုရင် မှိုမစွဲဘဲ ယားယံတာမျိုးရော မဖြစ်နိုင်ဘူးလား… ဖြစ်နိုင်တာပေါ့။ တစ်ခါတလေ မှိုစွဲတာ တစ်မျိုးတည်းကြောင့် မဟုတ်ဘဲ တခြား အကြောင်းရင်းတွေကြောင့်လည်း မိန်းမကိုယ်က ယားယံတာမျိုးတွေ ဖြစ်နိုင်ပါတယ်။ မိန်းမကိုယ်က မှိုမစွဲဘဲ ဘာလို့ ယားယံနေတာလဲ ၁။ အရေပြား ဓာတ်မတည့်မှု မိန်းမကိုယ် ဆိုတာ အရမ်း ထိခိုက်လွယ်၊ ဓာတ်မတည့်ဖြစ်လွယ်တဲ့ နူးညံ့တဲ့ အစိတ်အပိုင်း ဖြစ်ပါတယ်။ အဲ့တော့ ကိုယ်သုံးနေကျ မဟုတ်တဲ့ ရေချိုးဆပ်ပြာတွေ၊ အိပ်ရာခင်းအသစ်တွေ၊ ချောဆီ၊ Latex ရာဘာသားနဲ့ လုပ်ထားတဲ့ ကွန်ဒုံးများ၊ အမျိုးသမီးသုံး ကွန်ဒုံးတွေ၊ အဝတ်လျှော်ဆပ်ပြာ၊ အတွင်းခံ ဘောင်းဘီ အကျပ်တွေ ဝတ်တာ၊ အမွှေးရနံ့ […]

ရာသီလာတိုင်း သူများနဲ့မတူအောင် နာကျင်နေပြီလား။ ဒါမှမဟုတ် ရာသီလာတိုင်းမှာ ချုပ်ရိုးကြောင်းကသွေးထွက်တာ၊ ဝမ်းထဲမှာသွေးပါတာ စတာတွေနဲ့ တွဲဖြစ်နေပြီလား။ ဒီလိုထူးထူးဆန်းဆန်း ဝေဒနာတွေခံစားနေရပြီဆိုရင် သားအိမ် တစ်ရှူးနေရာမှားနေတာလားဆိုတာကို စဥ်းစားရမှာပါ။ ဒါက ရှားပါးတဲ့ရောဂါဖြစ်ပေမယ့် နောက်ပိုင်းကျရင် မျိုးမအောင်တဲ့ ပြဿနာတွေပေါ်လာနိုင်တာမို့လို့ သတိထားတာမမှားပါဘူး။ ဒါကို မပြောခင် ရာသီလာတဲ့အကြောင်းကို အရင်ရှင်းပြပေးပါ့မယ်။ အမျိုးသမီးတွေရဲ့ သားအိမ်နံရံမှာရှိတဲ့ ဆဲလ်တွေက အီစထရိုဂျင်၊ ပရိုဂျက်စတုန်းဟော်မုန်းတွေကို တုံ့ပြန်ပါတယ်။ ဟော်မုန်းထွက်လာရင် သားအိမ်နံရံသားလေးထူလာမယ်။ ဟော်မုန်းမရှိတော့ရင် သားအိမ်နံရံလေးကွာကျမယ်။ ဒါကို ရာသီလာတယ်လို့ပြောတာပါ။ ဒီရောဂါမှာ သားအိမ်တစ်ရှူးက ဘယ်နေရာပဲရောက်နေနေ ဟော်မုန်းကို တုံ့ပြန်လို့ ဒီလိုဖြစ်လာရတာပါ။ သားအိမ် တစ်ရှူးဘာလို့နေရာလွဲတာလဲ။ အကြောင်းရင်းကို တိတိကျကျမပြောနိုင်ပေမယ့် ဒါနဲ့ပတ်သတ်ပြီး သီအိုရီတွေ အများကြီးရှိပါတယ်။ ရာသီသွေးက အပြင်ကိုမထွက်ဘဲ နောက်ပြန်ဝင်သွားတာကြောင့်ဖြစ်တာ၊ ဝမ်းဗိုက်အတွင်းသားမှာရှိတဲ့ ဆဲလ်တွေကို ဟော်မုန်းတွေကလှုံ့ဆော်တာ၊ သန္ဓေသားဘဝမှာ ဆဲလ်တွေကို […]

ချစ်သူများနေ့ရောက်ပြီဆိုရင် ချစ်သူစုံတွဲတွေအကြား ချောကလက်လေးတွေ အပြန်အလှန်လက်ဆောင်ပေးကြတာဟာ လူငယ်လူရွယ် စုံတွဲတွေအကြား ရေပန်းစားတဲ့ ဓလေ့တစ်ခုဖြစ်ပါတယ်။ ချောကလက်ခဲလေးရယ်၊ ဝိုင်လေးတစ်ပုလင်းရယ်ဆို ဘယ်လောက်တောင်များ ရိုမန်တစ်ဆန်လိုက်မလဲနော်။ ဟိုးထား ဆရာ။ ဒီလို ရိုမန်းတစ်ဆန်တာက ချစ်စရာကောင်းတယ်ဆိုပေမယ့် တစ်ဖက်မှာလည်း ကျန်းမာရေး ဆိုးကျိုးတွေ ရှိနေပါတယ်နော်။ ဗြိတိန်ဆေးသိပ္ပံပညာရှင်တွေရဲ့ နောက်ဆုံး လေ့လာဆန်းစစ်ချက်တွေအရ ချောကလက်နဲ့ ဝိုင်အရက်ကို တွဲဖက်စားသောက်တာက Yeast Infection (မိန်းမကိုယ် ကူးစက်မှို ရောဂါ) ဖြစ်နိုင်ချေအရမ်းများပါတယ်တဲ့။ ဗယ်လင်တိုင်းဒေးကာလမှာ ချောကလက်နဲ့ ဝိုင်ကို လက်ဆောင်အဖြစ်ပေးပြီး သာယာငြိမ့်ညောင်းတဲ့ တေးသံစဉ်လေးတွေနဲ့ ဖြတ်သန်းကြတာမျိုးဟာ အနောက်တိုင်းနဲ့ အာရှအရှေ့ဖျားတိုင်းပြည်တွေမှာ ပိုမိုခေတ်စားပါတယ်။ ခုနောက်ပိုင်းမှာတော့ ပြည်တွင်းမှာလည်း ခုလို အလေ့အထလေးတွေ ရှိလာနေပါပြီ။ ဗြိတိန်က ဆရာဝန်တွေကတော့ ဒီလို တွဲဖက်စားသုံးမှုမျိုး မပြုလုပ်ဖို့ တားမြစ်ကြပါတယ်။ ခုလို ချောကလက်နဲ့ ဝိုင် ဒါမှမဟုတ် သကြားဓာတ်ပါဝင်မှုများတဲ့ […]

အသက်အရွယ် ကြီးလာတာနဲ့အမျှ အရေပြားတွေ လျော့တွဲလာတတ်တာ သဘာဝတရားပါ။ ဒါပေမယ့် ရင်သား တစ်ရှူးတွေကတော့ ခန္ဓာကိုယ်ရဲ့ တခြားအစိတ်အပိုင်းတွေထက် ရင့်ရော်မှု ၂ နှစ်၊ ၃ နှစ် ပိုစောတယ်လို့ သုတေသနက ဆိုပါတယ်။ ဒါမှမဟုတ်ရင်တော့ ရင်သား လျော့တွဲမှု ဖြစ်လာတာဟာ အရွယ်မတိုင်ခင် အလှပျက်ယွင်းစေနိုင်တဲ့ အမူအကျင့်တွေ လုပ်မိနေတာကြောင့်လည်း ဖြစ်နိုင်ပါတယ်။ ရင်သား အလှပျက်စေနိုင်တဲ့ သင့်ရဲ့ အမူအကျင့်မှား တွေ ရှိပါတယ်။ ဘာတွေ ဖြစ်မလဲ အတူတူ လေ့လာ ကြည့်ရအောင်နော်။ ရင်သား အလှပျက်စေနိုင်တဲ့ သင့်ရဲ့အမူအကျင့်မှား (၅) မျိုး မိန်းကလေးတွေမှာ ရင်သား တင်းရင်းမှုမရှိဘဲ လျော့တွဲလာတာက အလှပျက်စေပါတယ်။ ဒါကလည်း သဘာဝဆိုတာထက် ကိုယ့်ရဲ့နေထိုင်မှုပုံစံ၊ အမှုမဲ့အမှတ်မဲ့အမူအကျင့်တွေကြောင့်လည်း ဖြစ်နိုင်တာပေါ့။ ဥပမာ- အားကစားဝတ်စုံမဝတ်ဘဲ လေ့ကျင့်လှုပ်ရှားတာမျိုးက အရွယ်မတိုင်ခင် ရင်သားလျော့တွဲစေတဲ့အမူအကျင့်တွေထဲမှာ […]

သောက်ရတာကြိုက်တဲ့ လေဒီတို့ ဒီ ဆောင်းပါး ခေါင်းစဉ်ကို မြင်မိပါစေနော်။ ဒီနေ့ခေတ်မှာ အရာရာ ရင်ဘောင်တန်းနိုင်ပြီ ဆိုပေမယ့် ပုရိသတွေနဲ့ ယှဉ်မသောက်ကြဖို့ သတိလေး ပေးလိုက်ချင်လို့ပါ။ လေဒီတို့ ပုရိသတွေနဲ့ ပြိုင်မသောက်သင့်တဲ့ အကြောင်းရင်း ကိုတော့ ကိုယ်တိုင် ဖတ်ကြည့်လိုက်တော့နော်။ လေဒီတို့ ပုရိသတွေနဲ့ ပြိုင်မသောက်သင့်တဲ့ အကြောင်းရင်း လေဒီတို့ ပုရိသတွေနဲ့ ပြိုင်မသောက်သင့်တဲ့ အကြောင်းရင်း ကတော့ သောက်တာချင်း တူတူကို မိန်းကလေးတွေက ယောကျာ်းလေးတွေထက် အရက်နာကျတဲ့ ဝေဒနာ ပိုခံစားရလို့ပဲ ဖြစ်ပါတယ်။ ဒီအကြောင်းကို လေ့လာတွေ့ရှိခဲ့တဲ့ သုတေသန တစ်ခု အကြောင်း ဆက်ပြီး ကြည့်ရအောင်။ အမေရိကန် သုတေသန ပညာရှင်တွေက အရက်နာကျခြင်းရဲ့ ရုပ်ပိုင်းဆိုင်ရာ၊ စိတ်ပိုင်းဆိုင်ရာ သက်ရောက်မှုတွေကို တိုင်းတာဖို့ အရက်နာကျ လက္ခဏာ တိုင်းတာမှု စနစ်သစ် တစ်ခုကို […]

အမျိုးသမီးတွေအတွက် ရွေးချယ်စရာ အလှအပကုထုံးတွေ အခုခေတ်မှာပေါများလွန်းလို့ ခြေဆုံးခေါင်းဆုံးတောင် ပြင်ပစ်လိုက်လို့ရနေပါပြီ။ ဒီဆောင်းပါးမှာတော့ အခုနောက်ပိုင်းပြုလုပ်သူများလာတဲ့ ရင်သားလှပအောင်ခွဲစိတ် ပြုပြင်မှု (Breast Augmentation) နဲ့ပတ်သက်ပြီး သိသင့်တာလေးတွေ ပြောပြပေးချင်ပါတယ်။ အမျိုးသမီးတွေက လက်ရှိရင်သားထက် အရွယ်အစားပိုကြီးလာအောင်၊ ပုံပန်းသဏ္ဍာန် ပိုလှလာအောင်နဲ့ ပိုပြီးတင်းရင်းလာအောင် ရင်သားခွဲစိတ်မှုလုပ်ကြပါတယ်။ ခွဲစိတ်တဲ့အခါ ရင်ဘတ်ကြွက်သား ဒါမှမဟုတ် ရင်သားအသားစကြားကို ရင်သားပစ္စည်း(breast implant) ထည့်သွင်းလေ့ရှိပြီး ခွဲစိတ်မှုလုပ်ပြီးရင် (၇) နှစ်ကနေ (၁၂) နှစ်အထိ ခံပါတယ်။ ဘာ့ကြောင့် ရင်သားလှပအောင်ခွဲစိတ် မှုတွေ  လုပ်ကြတာလဲ များသောအားဖြင့် နဂိုကတည်းက ရင်သားအရွယ်အစားသေးနေရင် ကိုယ်ဝန်ရှိလို့၊ ဝိတ်ကျသွားလို့၊ မိခင်နို့တိုက်ကျွေးနေလို့ ပြောင်းလဲသွားတဲ့ ရင်သားပုံစံ၊ အရွယ်အစားကို ပြန်ပြုပြင်ချင်ရင် ရင်သားတစ်ဖက်နဲ့ တစ်ဖက်မညီမညာ ဖြစ်နေတာကို ပြန်ညှိချင်ရင် ခွဲစိတ်ကုသမှုတစ်ခုခုလုပ်ပြီးလို့ ပြောင်းလဲသွားတဲ့ ရင်သားကို နဂိုအတိုင်းပြန်လုပ်ချင်ရင် ရင်သားခွဲစိတ်မှုလုပ်ကြပါတယ်။ ရင်သားပလတ်စတစ်ခွဲစိတ်မှုမှာ […]