အမျိုးသမီးများ နှင့် တစ်ကိုယ်ရေ အာသာဖြေခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
Share now

အမျိုးသားတွေ လိင်စိတ်ခံစားမှု ရှိသလို အမျိုးသမီးတွေဟာလည်း သွေးသားဆန္ဒ ရှိကြပါတယ်။ ဒါပေမဲ့ အမျိုးသားတွေကသာ ငယ်ကတည်းက (မှားသည်/မှန်သည် အသာထား) လိင်ပိုင်းဆိုင်ရာ အသိပညာတွေနဲ့ နီးစပ်ကြပြီး အမျိုးသမီးဟာ လိင်စိတ်ဆန္ဒတွေကို ချိုးနှိမ်ထားဖို့နဲ့ လိင်ဆက်ဆံခြင်းဟာ ကြောက်စရာ၊ ရှက်စရာ၊ ရွံစရာကောင်းတယ်ဆိုတဲ့ အသိတွေနဲ့ ကြီးပြင်းလာကြရတာပါ။ ဒါကြောင့်လည်း အမျိုးသမီးနဲ့ တစ်ကိုယ်ရေ အာသာဖြေခြင်း ဆိုလိုက်ရင် အပြစ်တွေ လုပ်နေသလို ဟင်ခနဲ နှာခေါင်းရှုံ့သွားကြမယ့်သူတွေထဲ အမျိုးသမီးတွေ ထိပ်ဆုံးက ပါနေတာပေါ့။

ဒါပေမဲ့ မိန်းကလေးတွေဟာလည်း တစ်ကိုယ်ရေ အာသာဖြေခြင်းကို လုပ်သင့်ပါတယ်။ ဘာကြောင့် လုပ်သင့်တာလဲဆိုတဲ့ အကြောင်းရင်းတွေကတော့…

၁။ ခန္ဓာကိုယ်ကို ကောင်းကျိုးတွေ ပေးစွမ်းနိုင်ပါတယ်။

အာသာဖြေခြင်းက ခန္ဓာကိုယ်ရဲ့ သွေးလည်ပတ်မှုကို ကောင်းမွန်စေပြီး Endorphins လို့ခေါ်တဲ့ နေထိုင်ကောင်းခြင်းကို ဖြစ်ပေါ်စေတဲ့ ဓာတုပစ္စည်းတစ်မျိုးကို ဦးနှောက်က ထုတ်ပေးနိုင်ပါတယ်။ တကယ်လို့များ အာသာဖြေခြင်းကနေတစ်ဆင့် ဆန္ဒပြီးမြောက်ခြင်း ဖြစ်စေခဲ့မယ်ဆိုရင် စိတ်ကြည်လင်လန်းဆန်းခြင်းကိုပါ အမြတ်အနေနဲ့ ရရှိဦးမှာ ဖြစ်သလို ယောက်ျားလေးအတွက်ရော မိန်းကလေးအတွက်ပါ အာသာဖြေခြင်းက စိတ်ဖိစီးမှုတွေ ကင်းဝေးစေပါတယ်။

၂။ အိပ်မပျော်ခြင်း ဝေဒနာ (insomnia) ကို ကုစားပေးနိုင်ပါတယ်။

ညဘက်မှာ တစ်ကိုယ်ရေ အာသာဖြေခြင်းက လူကို ပင်ပန်းစေပါတယ်။ ပြီးတော့ လူကို သက်တောင့်သက်သာဖြစ်စေတဲ့ ဟော်မုန်းတွေကိုလည်း ထုတ်ပေးနိုင်သလို ဆန္ဒပြီးမြောက်သွားတဲ့အခါတွေမှာ စိတ်ကို ငြိမ်းချမ်းစေတဲ့ Oxytocin နဲ့ Endorphins တွေကို ထုတ်ပေးတာကြောင့် နှစ်နှစ်ခြိုက်ခြိုက် အိပ်ပျော်စေနိုင်မယ့် ဆေးစွမ်းကောင်းတစ်လက်ပါပဲ။

၃။ တင်ပါးဆုံကွင်း (Pelvic Floor)၊ တင်ပါး နဲ့ ပေါင်တွေကို လေ့ကျင့်ခန်း လုပ်ပေးသလို ဖြစ်စေပါတယ်။

တစ်ကိုယ်ရေ အာသာဖြေခြင်းက သီးသန့် လေ့ကျင့်ခန်း လုပ်သလို အကျိုးဆက်တွေကို ပေးနိုင်တယ်ဆိုရင် အံ့ဩမသွားပါနဲ့။ ဒီလို လှုံ့ဆော်ပေးလိုက်ခြင်းက ကြွက်သားတွေကို လှုပ်ရှားစေပြီး တင်းအားတစ်ခုပေးတာကြောင့် ပေါင်အတွင်းပိုင်းတွေ၊ တင်ပါးတွေကို လေ့ကျင့်ခန်းသေးသေးလေး လုပ်ပေးလိုက်သလို အကျိုးဆက်တွေ ရရှိစေနိုင်မှာပါ။

ပြီးတော့ မိန်းမကိုယ်ကြွက်သားတွေကို ကြုံ့လိုက်၊ ဆန့်လိုက် လုပ်ပေးတဲ့ Kegels လေ့ကျင့်ခန်းတွေက တင်ပါးဆုံကွင်းတွေကို သန်မာစေတယ်မဟုတ်လား။ ဒီလိုပဲ တစ်ကိုယ်ရေအာသာဖြေတဲ့အခါ ကြွက်သားတွေကို တစ်ခါတည်း လေ့ကျင့်ပေးနိုင်ပါတယ်။

ဒီကြွက်သားတွေကို လေ့ကျင့်ပေးခြင်းက မိန်းမကိုယ် ကြုံ့ဆန့်အားကို ပိုကောင်းစေတာမို့ ဆီးမထိန်းနိုင်တဲ့ ပြဿနာတွေကို ပြေလည်သွားစေနိုင်တဲ့အပြင် အိမ်ထောင်ရေး သုခကိုလည်း ပိုပြီး ပြည့်ပြည့်ဝဝ ခံစားရစေနိုင်ပါတယ်။ ကြွက်သား လေ့ကျင့်ခန်းတွေအပြင် နှလုံးခုန်နှုန်း နဲ့ အသက်ရှူတာလည်း မြန်စေတဲ့အတွက် သွေးလည်ပတ်မှုကို ပိုကောင်းမွန်စေတာကတော့ ပြောစရာကို မလိုတော့ဘူးပေါ့။

၄။ မိန်းမကိုယ် ကျန်းမာရေးကို ကောင်းမွန်စေပါတယ်။

မိန်းမကိုယ်မှာ ကောင်းတဲ့ ဘက်တီးရီးယားတွေနဲ့ မှိုတွေရှိပြီး မိန်းမကိုယ်ထဲက ထွက်တဲ့ အရည်၊ အချွဲတွေက မကောင်းတဲ့ ဘက်တီးရီးယားတွေ ဆဲလ်သေတွေကို ရှင်းထုတ်ပေးတယ်ဆိုတဲ့အကြောင်း ပြောပြခဲ့ပြီးသားပါ။

တစ်ကိုယ်ရေ အာသာဖြေတဲ့အခါ ထွက်လာတဲ့ အရည်တွေက မိန်းမကိုယ် အတွင်းပိုင်းတွေကို သန့်စင်စေပြီး မကောင်းတဲ့ ဘက်တီးရီးယားတွေကို စွန့်ထုတ်ပစ်ပါတယ်။

ပြီးတော့ ဆီးလမ်းကြောင်း ပိုးဝင်တဲ့ အမျိုးသမီးတွေကို မေးမြန်းထားတဲ့ စစ်တမ်းတွေအရ တစ်ကိုယ်ရေအာသာဖြေခြင်း ပြုလုပ်တဲ့အခါ နာကျင်မှုတွေ လျော့သွားပြီး ပိုသက်တောင့်သက်သာ ဖြစ်လာတယ်လို့ တွေ့ရပါတယ်။

၅။ လက်တွဲဖော်၊ အိမ်ထောင်ဖက် နဲ့ ပိုကောင်းမွန်တဲ့ ဆက်ဆံရေးကို တည်ဆောက်နိုင်ပါတယ်။

ကိုယ့်ခန္ဓာကိုယ်အကြောင်းကို ကိုယ်အသိဆုံးပါပဲ။ တစ်ကိုယ်ရေ အာသာဖြေတဲ့အခါ ကိုယ့်ခန္ဓာကိုယ်အကြောင်း ပိုသိလာတာမို့ လက်တွဲဖော်ကို လမ်းညွှန်ပေးနိုင်သလို နှစ်ဦးနှစ်ဖက် အဆင်ပြေမယ့် အနေအထားတွေကို ညှိယူနိုင်တာကြောင့် အိမ်ထောင်ရေးသုခ ပိုပြီး ပြည့်ဝစေမှာပါ။ Kegel လေ့ကျင့်ခန်းကို ပုံမှန်လုပ်ပေးရင်တော့ အကောင်းတကာ့ အကောင်းဆုံးပဲပေါ့။

Wathun Myet Chal

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိတ်ဖိစီးလွန်းလို့ ရာသီထိမ် နေတာလား

စိတ်ဖိစီးမှုက ကိုယ်တွင်းဟော်မုန်း အပြောင်းအလဲကို ဖြစ်စေပါတယ်။ ရာသီထိမ် တာတင်မက တခြားကျန်းမာရေး ပြဿနာတွေလည်း ဖြစ်လာစေနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Psywar တွေ ကြားမှာ စိတ်ကျန်းမာနေစေဖို့

Psywar တွေက ကြောက်ဖို့ ကောင်းတာ မှန်ပေမယ့် လက်ခံတဲ့သူပေါ် မူတည်ပါတယ်။ လက်ခံတဲ့သူက ပါးနပ်ရင် ပါးနပ်သလောက် Psywarတွေကို ကျော်ဖြတ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စိုးရိမ်ပူပန်မှု တွေက ကျန်းမာရေးကို ဘယ်လောက်ထိခိုက်စေနိုင်သလဲ။

စိုးရိမ်ပူပန်မှု တွေက ကျွန်တော်တို့ ကိုယ်ထဲကို မသိလိုက်တဲ့ အချိန်မှာ ဝင်ရောက်လာပြီး တအိအိနဲ့ နေရာဝင်ယူသွားပါတယ်။ နာတာရှည်ရောဂါလို ဒုက္ခလှည့်ပေးတော့မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စိတ်ဖိစီးမှု တွေကြားမှာ ဘယ်လိုပျော်အောင် အိပ်ကြမလဲ။

စိတ်ဖိစီးမှု တွေကြောင့် အိပ်ဖို့ခက်တာက လူတိုင်း ကြုံရတဲ့ ကိစ္စပါ။ ဒါပေမယ့် အားတင်းပြီး အိပ်ပျော်အောင် အိပ်ဖို့၊ ကျန်းမာရေး ဂရုစိုက်ဖို့ အကြံပြုချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

အရက်

အရက်ကို တစ်စက်မှ သောက်လို့မဖြစ်တဲ့ အခိုက်အတန့်များ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 30, 2021 . 2 mins read
လူကြီးတွေမှာ အစာစားချင်စိတ်ပျောက်

ဘိုးဘိုးဘွားဘွားတွေ အစာစားချင်စိတ်ပျောက်ဆုံး နေခဲ့ရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2021 . 2 mins read
sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
how-this-empath-copes-with-shocking-events မျှဝေခံစားလိုစိတ်

အခက်ခဲဆုံးအချိန်တွေကို မျှဝေခံစားလိုစိတ် နဲ့ ကျော်ဖြတ်ပါ

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 2 mins read