ဝက်ခြံ

ဝက်ခြံတွေဟာ ဆယ်ကျော်သက်ဘဝမှာရော၊ အသက်ကြီးသည်ထိတိုင်အောင် ကြုံရအများဆုံး အရေပြားပြဿနာတစ်ခုပါ။ မြန်မြန်ကုလေလေ၊ ပိုသက်သာလေလေဆိုတာသိပါသလား။ Mesotherapy ဆိုတာ ဝက်ခြံတွေအတွက် လွယ်ကူပြီး ထိရောက်မှုရှိတဲ့ ကုသနည်းတစ်ခုပါ။ လေ့လာကြည့်ရအောင်- ဝက်ခြံဖြစ်စေသောအရာများ ဝက်ခြံတွေဟာနာမည်ကြီးလွန်းပြီးသားပါ။ သင်လည်းသိပြီးသားဖြစ်မှာပေါ့။ ဒါပေမယ့် ဘာတွေက ဝက်ခြံတွေဖြစ်လာစေနိုင်လဲဆိုတာရော သိပါသလား။ သင့်ချွေးပေါက်၊ အဆီပေါက်တွေမှာ အဆီတွေ၊ ဆဲလ်အသေတွေနဲ့ ပြည့်သွားတဲ့အခါ ဝက်ခြံတွေဖြစ်လာတတ်ပါတယ်။ ဆဲအသေတွေဟာ အပေါက်ငယ်တွေထဲမှာပြည့်နေမယ်၊ ဒါမှမဟုတ် မျက်နှာပြင်ပေါ်လျှံတက်လာပါလိမ့်မယ်။ ဝက်ခြံဖြစ်စေတဲ့အချက်တချို့ကတော့- · ဟော်မုန်းတွေ- ဟော်မုန်းတွေက အဆီတွေထွက်စေပါတယ်။ ဒါကြောင့် သင့်ဟော်မုန်းတွေ မငြိမ်ချိန် ဆယ်ကျော်သက်ဘဝမှာ ဝက်ခြံတွေပေါက်လေ့ရှိတာပေါ့။ · အစားအသောက်- နို့ထွက်ပစ္စည်း၊ ကာဗွန်ဟိုက်ဒရိတ်ကြွယ်ဝတဲ့စားစရာတွေဟာ ဝက်ခြံတွေဖြစ်စေပါတယ်။ · ဆေးတွေ- တချို့ဆေးတွေဟာ ဝက်ခြံတွေပိုပေါက်စေတယ်။ ပိုသိရှိဖို့ ဆရာဝန်နဲ့တိုင်ပင်ကြည့်နိုင်ပါတယ်။ · အသားအရေညစ်ညမ်းတဲ့အခါ- ချွေးပေါက်၊ အဆီပေါက်တွေ လေမရတဲ့အခါ ဝက်ခြံတွေပိုဆိုးနိုင်ပါတယ်။ ချွေးထွက်ခြင်း၊ အရေပြားကိုထိတွေ့ကိုင်တွယ်ခြင်းတွေက ချွေးပေါက်၊ အဆီပေါက်တွေကိုမသန့်စေပါဘူး။ […]

အန္တရာယ်မများတဲ့ ဝက်ခြံကုနည်းအမျိုးမျိုးဟာ ဘေးကင်းမှု၊ အာနိသင်ရှိမှုတွေကြောင့် လူကြိုက်များနာမည်ကျော်လာပါတယ်။ ဝက်ခြံတွေကိုကုချင်တယ်၊ ဒါပေမယ့် အပ်တော့ကြောက်တယ်ဆိုရင်တော့ အပ်မသုံးတဲ့ mesotherapy နည်းကိုစဉ်းစားကြည့်သင့်ပါတယ်။ ဘာကြောင့်ဝက်ခြံတွေဖြစ်ရသလဲ ဝက်ခြံတွေဟာ အဆီပေါက်၊ ချွေးပေါက်တွေပိတ်ခြင်းရဲ့ ရလဒ်ပါ။ သင့်အရေပြားဟာ ခြောက်သွေ့မှုကို ကာကွယ်ဖို့ အဆီတွေထုတ်ရပါတယ်။ ထိုအဆီတွေ၊ ဆဲလ်အသေတွေ၊ ဖုန်အညစ်အကြေးတွေနဲ့ မိတ်ကပ်တွေက အဆီပေါက်တွေ၊ ချွေးပေါက်တွေကို သွားပိတ်တဲ့အခါ ထိုအပေါက်ငယ်တွေရောင်ရမ်းပြီး ဝက်ခြံတွေဖြစ်လာရပါတော့တယ်။ အရေပြားပေါ်မှာမြင်ရတဲ့ အမည်းစက်လေးတွေနဲ့၊ အရေပြားအောက်မှာ ဝက်ခြံဖြစ်နေတာကြောင့် အဖြူဖုငယ်လေးတွေအဖြစ်သာ မြင်နေရာတွေကတော့ ဆားဝက်ခြံတွေဖြစ်တယ်။ အပ်မသုံး mesotherapy ဆိုတာဘာလဲ mesotherapy ဆိုတာ အပ်ငယ်လေးတွေနဲ့ အရေပြားထဲကို ဆေးထိုးထည့်သော နည်းတစ်နည်းဖြစ်ပါတယ်။ တိုးတက်လာတဲ့နည်းပညာအလျောက် ခုဆိုရင် အပ်မသုံးတဲ့ mesotherapy ရရှိနေပါပြီ၊ ထိုနည်းသစ်ကတော့ အပ်အစား လျှပ်စစ်ဓါတ်သုံးပြီး ဆေးတွေ၊ အာဟာရတွေကို သင့်အရေပြားထဲထည့်ပေးခြင်းဖြစ်တယ်။ ထိုနည်းဟာ အရေပြားအတွင်းပိုင်းထိ ဆေးထိုးထည့်ခြင်းဖြင့် အရေပြားအလယ်လွှာကို လှုံ့ဆော်ပေးခြင်းဖြစ်တယ်။ […]

ဝက်ခြံဟာ ဆယ်ကျော်သက်တွေမှာ အဖြစ်များပြီး စိတ်ဖိစီးမှုကြောင့် ဖြစ်တဲ့ အိပ်မက်ဆိုးတစ်ခုပဲဖြစ်ပါတယ်။ ဆယ်ကျော်သက်တစ်ယောက်ဟာ လူပျိုဖေါ်၊ အပျိုဖေါ် ဝင်လာချိန်မှာ ဟော်မုန်းပြောင်းလဲမှုတွေ၊ လူမှုနေထိုင်ပုံပြောင်းလဲမှုတွေကြောင့် ကြောက်စရာကောင်းတဲ့ ဝက်ခြံတွေ ထွက်လာတတ်ပါတယ်။ မိဘတစ်ယောက်အနေနဲ့ သင့်ရဲ့ ဆယ်ကျော်သက်ကို ဝက်ခြံပေါက်ခြင်းနဲ့ ပတ်သက်ပြီး ဆိုးဆိုးရွားရွားမဖြစ်ခင် ကူညီသင့်ပါတယ်။ အိပ်ရာကို မကြာခဏ လျှော်ပြီး အသစ်လဲပါ။ ဝက်ခြံထွက်တတ်တဲ့ ဆယ်ကျော်သက်တစ်ယောက်အတွက် အကြီးမားဆုံးအကြောင်းရင်းက အိပ်ရာခင်းတွေကြောင့်ပဲ ဖြစ်ပါတယ်။ ညစ်ပတ်တဲ့ ခေါင်းအုံးစွပ်တွေဟာ ဝက်ခြံထွက်စေတဲ့ အဓိက အကြောင်းရင်း ဖြစ်ပါတယ်။ တကယ်တမ်းတော့ ခေါင်းအုံးစွပ်တွေဟာ အရေပြားပေါ်က အဆီတွေ ဘက်တီးရီးယားပိုးတွေကို စုပ်ယူနိုင်ပါတယ်။ ဆယ်ကျော်သက်တစ်ယောက်ဟာ အိပ်စက်စဉ်မှာ တစ်ညလုံး ခေါင်းအုံးကို ဖိအိပ်မိတာကြောင့် ခေါင်းအုံးစွပ်က ဘက်တီးရီးယားတွေ အဆီတွေဟာ ဆယ်ကျော်သက်ရဲ့ အရေပြားမှာ ပိတ်မိနေနိုင်ပါတယ်။ ဒါကြောင့် အိပ်ရာခင်းကို ပုံမှန်လျှော်ဖွတ်ခြင်း၊ အသစ်လဲခြင်း၊ ညတိုင်းခေါင်းအုံးစွပ် […]

အဓိပ္ပါယ်ဖွင့်ဆိုချက်Blackheads (ဆားဝက်ခြံ) ကဘာလဲ။ ဆားဝက်ခြံတွေဆိုတာဟာ open comedo လို့ခေါ်တဲ့ အရေပြားပေါ်မှ မွေးညင်းပေါက်တွေ ပိတ်နေသောကြောင့် ဆူထွက်နေသော အဖုလေးတွေပါ။ ဘက်တီးရီးယားတွေ ဆဲလ်သေတွေ အဆီတွေနဲ့ ပိတ်နေတဲ့ အခါမှာ ဖြစ်ပွားတတ်ပါတယ်။ ဖုန်မှုန့်တွေနဲ့ ပိတ်နေတယ်လို့ ထင်ရပေမယ့် အမှန်တကယ်တော့ အဆီနဲ့ ဘက်တီးရီးယားတွေနဲ့ ပိတ်ပြီး လေနဲ့ထိတဲ့အခါမှာ အနက်ရောင်ပြောင်းသွားတာပါ။ Closed comedo လို့ခေါ်တဲ့ ပြည်တည်ဖုတွေနဲ့ ကွဲပြားခြားနားပါတယ်။ ဆားဝက်ခြံတွေဟာ ဝက်ခြံတွေရဲ့ အဖြစ်များတဲ့ လက္ခဏာဖြစ်ပြီး များသောအားဖြင့် မျက်နှာပေါ်မှာ ဖြစ်ပေါ်တတ်ပါတယ်။ တစ်ခါတစ်ရံ ကျောကုန်း၊ ရင်ဘတ်၊ လည်ပင်း၊ လက်နဲ့ ပခုံးပေါ်တွေမှာလည်း ဖြစ်တတ်ပါတယ်။ Blackheads (ဆားဝက်ခြံ) က ဘယ်လောက်အဖြစ်များသလဲ ဆားဝက်ခြံတွေက ဝက်ခြံပေါက်တဲ့လူတွေမှာ အဖြစ်များတတ်ပါတယ်။ မိန်းမတွေက ယောက်ျားတွေထက်အဖြစ်များပါတယ်။ အသက်အရွယ်မရွေး ဖြစ်နိုင်ပါတယ်။ ဒါပေမဲ့လည်း ဝက်ခြံအပေါက်များတဲ့ ဆယ်ကျော်သက်အရွယ်တွေမှာ ပိုဖြစ်တတ်ပါတယ်။ […]

ဝက်ခြံပေါက်ခြင်းသည် သေစေလောက်သော ပြဿနာ မဟုတ်သော်လည်း ဝက်ခြံပေါက်ပြီးကျန်ခဲ့သော အမာရွတ်များသည် သင့် ရုပ်ရည်ကိုထိခိုက်စေသည်။ ထိုအမာရွတ်များကို ကုသရန် အိမ်တွင်းကုထုံးများဖြင့်သော်လည်းကောင်း အရေပြားဆရာဝန်ကိုသွားပြခြင်းဖြင့်သော်လည်းကောင်းကုသနိုင်သည်။   အရေပြားဆရာဝန်က ဝက်ခြံကြောင့်ဖြစ်သော အမာရွတ်များကို ဖယ်ရှားနိုင်သလား။ ဝက်ခြံပေါက်ပြီးလျှင် အမာရွတ်များကျန်ခဲ့တတ်သည်။ ဝက်ခြံကို နောက်ဆက်တွဲဆိုးကျိုးများမရှိအောင် ကုနိုင်သော်လည်း အမာရွတ်များကိုမူ အပြီးပျောက်ရန်ကုဖို့ရာ မလွယ်ပါ။ ဝက်ခြံပေါက်လျှင် ရက်သတ္တပတ် အနည်းငယ်သာကြာမြင့်သော်လည်း ဝက်ခြံအမာရွတ်များသည် တသက်လုံးမပျောက်ဘဲရှိနေတတ်သည်။ သို့သော် သင့်တွင် ဝက်ခြံအမာရွတ်များရှိနေပါက မစိုးရိမ်ပါနှင့်။ ယခုခေတ်တွင် ကုသနိုင်သော ဝက်ခြံအမာရွတ်များ၏ အရောင်နှင့် ပုံစံကို ပြောင်းလဲနိုင်သောနည်းလမ်းများစွာရှိပါသည်။ သင်အသုံးပြုနေသော မိတ်ကပ်ဖြင့်လည်း သင့် အမာရွတ်ကိုမမြင်ရအောင်ဖုံးနိုင်ပါသည်။   ဝက်ခြံအမာရွတ်အတွက် ကုသမှုများ ယင်းကုသမှုများသည် အောက်ဖော်ပြပါ အချက်များအပေါ်မူတည်ပြီး လူတဦးနှင့် တဦး ကွဲပြားနိုင်သည်။ အသက် ကျန်းမာရေးအခြေအနေ ယခင် ဆေးမှတ်တမ်း ဝက်ခြံအမာရွတ်အမျိုးအစား […]

ဝက်ခြံအမာရွတ်များသည် ဝက်ခြံဖြစ်ပြီးနှစ်ပေါင်းများစွာ အထိ ကျန်ရှိနေနိုင်ပါသည်။ ပထမအဆင့် ဝက်ခြံပေါက်မည်။ ဒုတိယ သင်သည် အမာရွတ်များနှင့် ရင်ဆိုင်ရမည်။ ထိုအမာရွတ်များကိုကုသရန် သင့်အမာရွတ်ပုံစံများကို ရှင်းလင်းစွာသိထားသင့်သည်။ ဝက်ခြံ အမာရွတ်ဟူသည် ဝက်ခြံပေါက်ပြီး အနာကျက်နေသော အချိန်တွင် အရေပြားပျက်စီးသွားသောကြောင့် ဖြစ်လာရခြင်းဖြစ်သည်။ ဝက်ခြံ အမာရွတ်တွင် သေးကျုံ့သွားသော အမာရွတ်နှင့် ပိုကြီးလာသော ကီးလွိုက်အမာရွတ်ဟူ၍ ၂ မျိုးရှိသည်။   သေးကျုံ့သွားသော အမာရွတ် သေးကျုံ့သွားသော အမာရွတ်များသည် ပိုကြီးလာသော ကီးလွိုက်အမာရွတ်များထက် ပိုအဖြစ်များသည်။ ယင်းတွင် အောက်ဖော်ပြပါအတိုင်း အမျိုးအစား ၃ မျိုးရှိပါသည်။   ၁။ Rolling scars ထိုအမာရွတ်များသည် ၄-၅ မီလီမီတာခန့်ရှိပါသည်။ လုံးဝန်းသောပုံစံနှင့် ပြေလျောသော အနားသတ်တို့ရှိကြသည်။ ထိုအမာရွတ်များသည် သင့် မျက်နှညပေါ်တွင် ဒလှိမ့်တုံးနှင့် လှိမ့်ထားသလို သို့မဟုတ် M ပုံသဏ္ဍာန်ရှိကြသည်။ ဠင်းပုံစံ အမာရွတ်များသည် ကာလရှာကြည်စွာရောင်ရမ်းနေသော ဝက်ခြံများကြောင့်ဖြစ်ရသည်။ လေဆာရောင်ခြည်ဖြင့်ကုသခြင်း၊ […]

စနေ၊တနင်္ဂနွေတော့ရောက်လာပါရဲ့၊တပတ်လုံးပင်ပန်းနွမ်းနယ်ထားပြီးစာမေးပွဲ၊ရုံးအလုပ်၊ပရောဂျက်အပြီးလုပ်ရမယ့်အလုပ်တွေကလည်းနှိပ်စက်နေတဲ့အတွက်စိုးရိမ်ပူပန်မှုတွေကလည်းရှိနေပါသေးတယ်။ ထိုအချိန်မျိုးမှာသင့်မျက်နှာမှာ ဝက်ခြံတွေ ပိုထွက်လာတတ်တာမျိုး ဖြစ်ဖူးပါသလား။ အရေပြားပြဿနာတွေနဲ့စိုးရိမ်ပူပန်မှုတွေဟာတပြိုင်တည်းလိုလိုပေါ်လာတတ်တယ်ဆိုတာ (သို့) ဝက်ခြံတွေဟာသင့်ပြဿနာတွေရဲ့အမှတ်အသားတစ်ခုဖြစ်တယ်ဆိုတာသင်သိပါသလား။ အရေပြားရောဂါဆိုင်ရာပါမောက္ခတဦးရဲ့အဆိုအရစိတ်ပိုင်းဆိုင်ရာဖိစီးမှုတွေ၊စိုးရိမ်ပူပန်မှုတွေဟာဝက်ခြံအသစ်ထွက်လာတာနဲ့တိုက်ရိုက်သက်ဆိုင်ခြင်းတော့မရှိဘဲသူတို့ဟာရှိပြီးသားအရေပြားပြဿနာတွေကိုပိုဆိုးစေတာလို့ဆိုပါတယ်။ ဒါ့အပြင်ကျောင်းသားတွေအနေနဲ့စာမေးပွဲရက်တွေအတွင်းမှာဝက်ခြံပြဿနာကနေထွက်ပြေးဖို့အင်မတန်ခဲယဉ်းတယ်ဆိုတာနဲ့ဒီပြဿနာတွေဟာ နွေရာသီကျောင်းပိတ်ရက်လိုမျိုးဖိအားမရှိတဲ့အချိန်တွေမှာထက်ပိုပြီးဆိုးတယ်လို့သုတေသနပညာရှင်တွေရဲ့လေ့လာချက်တွေအရသိရပါတယ်။ စိတ်ဖိစီးမှုများနေချိန်မှာသူတို့ရဲ့ဆဲလ်တွေဟာ sebum လို့ခေါ်တဲ့အဆီတွေကိုပုံမှန်ထက်ပိုထုတ်လေ့ရှိပါတယ်။ အလုပ်၊အိမ်ထောင်ရေး၊စီးပွားရေးနဲ့ပညာရေးအဆင်မပြေမှုတွေကကာလရှည်စိတ်ဖိစီးမှုကို ဖြစ်လာစေနိုင်ပါတယ်။ ဒီလိုဖြစ်လာရင်အက်ဒရီနယ်ဂလင်းကိုပါသွားဆွနိုင်ပြီးအဆိုပါဂလင်းကထုတ်ပေးတဲ့ဟော်မုန်းတွေဟာအဆီထုတ်တဲ့ဂလင်းတွေအပေါ်သက်ရောက်မှုရှိပါတယ်။ ဒီအဆီတွေဟာအရေပြားဆဲလ်သေတွေ၊ဘက်တီးရီးယားတွေနဲ့ပေါင်းပြီးမွေးညင်းပေါက်တွေကိုပိတ်ဆို့ကာဝက်ခြံဖြစ်လာစေပါတယ်။ ဒါ့အပြင်စိတ်ဖိစီးမှုတွေများခြင်းဟာသွေးပေါင်တက်စေပြီးသွေးကြောတွေကိုကျယ်လာစေတာကြောင့်အရေပြားနီရဲရောင်ရမ်းတာတွေကိုလည်း ဖြစ်စေပါတယ်။ စိတ်ဖိစီးမှုတွေဟာအစာအာဟာရဓါတ်တွေစုပ်ယူမှုကိုလျော့နည်းသွားစေတာကြောင့်ကိုယ်ခံအားစနစ်အားနည်းပြီးဝက်ခြံပျောက်ဖို့အချိန်ကြာစေပါတယ်။ ဒီပြဿနာတွေကိုဖြေရှင်းဖို့အကောင်းဆုံးနဲ့အထိရောက်ဆုံးနည်းလမ်းကတော့စိတ်ဖိစီးမှုနဲ့ပင်ပန်းနွမ်းနယ်မှုတွေကိုလျှော့ချဖို့ပဲ ဖြစ်ပါတယ်။ ကိုယ်လက်လေ့ကျင့်ခန်းလုပ်ခြင်း (ယောဂ၊အပြေး၊အားကစားလုပ်၊အားကစားခန်းမမှာကစားစသည်)။ ကဖင်းဓါတ်နဲ့သကြားဓါတ်တွေလျှော့စားခြင်း။ အသီးအနှံတွေနဲ့အမျှင်ဓါတ်ပါသောဟင်းသီးဟင်းရွက်တွေများများစားခြင်း။ အသားအရေထိန်းသိမ်းခြင်း။ အိပ်ရေးဝဝအိပ်ခြင်း (တစ်ညကို၇-၈နာရီလောက်အိပ်ရပါမယ်)။ ဝက်ခြံဆိုတာဒီနေ့ကုမနက်ဖြန်ပျောက်ဆိုတဲ့အမျိုးတော့မဟုတ်ပါဘူး။ အခြေအနေဆိုးတဲ့လူနာတွေမှာဆိုရင်retinoids၊ပဋိဇီဝပိုးသတ်ဆေးနဲ့တခြားဆေးတွေသုံးပြီးကုသဖို့လည်းလိုအပ်ကောင်းလိုအပ်ပါလိမ့်မယ်။ ဒါကြောင့်သင့်အနေနဲ့စိတ်ဖိစီးမှုတွေနည်းနိုင်သမျှနည်းအောင်နေထိုင်ရမှာဖြစ်ပြီးဝက်ခြံတွေစထွက်လာပြီဆိုရင်လည်းစိတ်ဖိစီးမှုတွေကိုအမြန်ဆုံးလျှော့ချနိုင်ဖို့ရာအတွက်ဆရာဝန်နဲ့အမြန်ဆုံးပြသရမှာပဲ ဖြစ်ပါတယ်။ Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

ဝက်ခြံ ဒါမှမဟုတ် အရေပြားမှာဖြစ်တဲ့ ဒဏ်ရာတွေကတဆင့် ကြွင်းကျန်ရစ်တဲ့ အမာရွတ်တွေ၊အမည်းစက်တွေဟာ ယေဘုယျအားဖြင့် အချိန်ကြာလာတာနဲ့အမျှ အလိုလို ပျောက်ကွယ်သွားလေ့ ရှိပါတယ်။ ဒါပေမယ့် တစ်ခါတလေ ဒီအမည်းစက်တွေ လုံးဝပျောက်ကွယ်သွားဖို့ နှစ်နဲ့ချီပြီးတော့လည်း ကြာတတ်ပြန်ပါတယ်။ ဓာတ်မတည့်ခြင်း ဒါမှမဟုတ် အသက်အရွယ် ကြီးရင့်လာခြင်းကြောင့် ဖြစ်ပေါ်လာတဲ့ အမည်းစက်တွေကတော့ အလိုလိုပျောက်မသွားရုံသာမက အချိန်ကြာလာလေ ပိုလို့ဆိုးလာလေတောင် ဖြစ်သွားနိုင်ပါတယ်။ စိတ်ရှည်ပါ။ · ဝက်ခြံအမာရွတ်တွေ ပျောက်ကင်းဖို့ အဓိကသော့ချက်က စိတ်ရှည်ဖို့ပဲ ဖြစ်ပါတယ်။ ဝက်ခြံဖြစ်ပြီး ရက်သတ္တပတ်အနည်းငယ်ကြာလို့ အမာရွတ်တွေထွက်လာပြီဆိုရင် အဆိုပါနေရာကို သွေးနဲ့အာဟာရတွေ ထောက်ပံ့ပေးဖို့အတွက် သွေးကြောအသစ်တွေ ရောက်ရှိလို့ လာပါပြီ။ ဒါကြောင့် ဖြစ်ခါစ အမာရွတ်အများစုဟာ ပန်းရောင်ဖြစ်နေတာပဲ ဖြစ်ပါတယ်။ · လအနည်းငယ်ကြာတဲ့အခါ collagen (ကော်လဂျင်) ဓာတ်တွေ စတင်ဖြစ်ပေါ်လာပြီး အမာရွတ်ဖြစ်နေတဲ့ နေရာမှာ စုပုံလို့ လာပါတယ်။ […]

သင့်မျက်နှာပေါ်က ဝက်ခြံတွေကို ကောင်းကောင်းဂရုမစိုက်ဖူးဆိုရင် သင့်ဝက်ခြံဟာ နောက်ဆက်တွဲ ပြဿနာများစွာကို သယ်ဆောင်လာနိုင်ပါတယ်။ သင့်ဝက်ခြံဟာ အမာရွတ်ဖြစ်သွားနိုင်ပြီး နေလောင်ဒါဏ်ခံရရင် ပိုဆိုးလာနိုင်ပါတယ်။ ဝက်ခြံအမာရွတ်နဲ့ နေလောင်ဒဏ် ဆိုတာ လူနာအများအပြား ကြုံတွေ့ရလေ့ရှိတဲ့ အရေပြားပြဿနာတွေပဲ ဖြစ်ပါတယ်။ ဒီပြဿနာတွေ ဘာလို့ဖြစ်ရတာလဲ ဆိုတာရယ်၊ဒီပြဿနာတွေက သင့်အသားအရေကို ဘယ်လိုထိခိုက်စေနိုင်သလဲဆိုတာရယ်ကို သိထားမယ်ဆိုရင် သင့်အနေနဲ့ သူတို့ကို မှန်ကန်ထိရောက်စွာ ကုသနိုင်မှာပဲ ဖြစ်ပါတယ်။   ဝက်ခြံအမာရွတ်တွေနဲ့ နေလောင်ဒဏ်အကြောင်း သိကောင်းစရာများ နီရဲရောင်ရမ်းနေတဲ့ ဝက်ခြံတွေ ပျောက်သွားတဲ့အခါ ဝက်ခြံအမာရွတ်တွေ ဖြစ်လာပါတယ်။ အဆီတွေ၊အရေပြားဆဲလ်သေတွေနဲ့ ဘက်တီးရီးယားတွေဟာ မွေးညင်းပေါက်တွေကို ပိတ်ဆို့ပြီး ဝက်ခြံတွေ ဖြစ်လာတတ်ပါတယ်။ ဝက်ခြံတွေ ဖြစ်တာဟာ အရေပြားကို ထိခိုက်စေတာမို့ သင့်ခန္ဓါကိုယ်က ဒါကိုပြန်ပြင်ဖို့ ကြိုးစားပါလိမ့်မယ်။ ဒီလို ပြန်ပြင်လိုက်တဲ့အတွက် အမာရွတ်တစ်ရှူးတွေ ပေါ်ပေါက်လာပြီး သင့်ရဲ့မူလအရေပြားတစ်ရှူးနဲ့ တူမှာမဟုတ်တော့ဘဲ ဝက်ခြံအမာရွတ်တွေ […]

ဝက်ခြံအမာရွတ်များသည် ဝက်ခြံဖြစ်ပြီးနှစ်ပေါင်းများစွာ အထိကျန်ရှိနေနိုင်ပါသည်။ ထိုအခါ မိမိကိုယ်ကို ယုံကည်ကြည်မှုကျဆင်းခြင်းနှင့် စိတ်အားငယ်ခြင်းတို့ဖြစ်လာနိုင်ပါသည်။ သို့သော် သင့်တော်သောကုသမှုများခံယူပါက သင့်ကိုချက်ချင်း ပျောက်ကင်းသွားစေနိုင်သလို အမာရွတ်များ သေးငယ်သွားအောင်ကူညီပေးနိုင်ပါသည်။   ၁။ ဓါတုဗေဒနည်းဖြင့် ချေးချွတ်ခြင်း ၎င်းသည် အမာရွတ်ဖြစ်နေသော အရေပြားအပါ်လွှာကိုဖျက်ဆီးပစ်လိုက်ပြီး အရေပြားအသစ်ပွားလာစေရန် ဓါတုဗေပစ္စည်းတမျိုးအသုံးပြုခြင်းဖြစ်သည်။ အသက်ကြီး၍အရေပြားပျက်စီးလာခြင်း၊ ချိုင့်ခွက်များရှိခြင်းနှင့် ဝက်ခြံအမာရွတ်များအတွက် ထိုနည်းကိုအသုံးပြုနိုင်သည်။ အသုံးပြုသော ဓါတုပစ္စည်းများမှာအောက်ပါအတိုင်းဖြစ်သည်။ Glycolic အက်ဆစ် - ၎င်းသည်အသီးများနှင့် နို့မှရရှိသော Alpha hydroxyl acid အမျိုးအစားဖြစ်ပြီး အရေပြားအပေါ်ယံလွှာကိုပါးသွားစေပြီး အမာရွတ်ကိုဖျော့သွားစေသည်။ အချို့သူများတွင် ဓါတ်မတည့်မှုအနည်းငယ်ကိုတွေ့ရသော်လည်း ကြီးမားသောဆိုးကျိုးများတွေ့ရလေ့မရှိပါ။ Jessner’s အရည် - ၎င်းသည် Salicylic acid, resorcinol နှင့် lactic acid တို့ပေါင်းစပ်ထားသော အရည်တမျိုးဖြစ်ပြီး ရောဂါပိုးဝင်နေသောဝက်ခြံနေရာကိုသာလျှင်လိမ်းပေးရသည်။ အနာကျက်ရန် ၆ လတာမျှကြာမြင့်သည်။ Trichloroaceetic […]