မီးတွင်းကာလ နောက်ဆက်တွဲပြဿနာများ

Prolonged Labour လို့ခေါ်တဲ့ မီးဖွားချိန် ကြာတဲ့ပြဿနာဟာ မီးဖွားခန်းထဲ ဝင်တဲ့ မိခင်တိုင်း စိုးရိမ်ကြတဲ့ပြဿနာတစ်ခုပါ။ မီးဖွားနေရင်း ကလေးက ဆက်ဆင်းမလာတာ၊ မိခင်က ဆက်မညှစ်နိုင်တော့တာတွေက မီးဖွားချိန်ကြာ တဲ့ ပြဿနာတွေပါ။ လူတိုင်းနီးပါးသိကြပါတယ်။ မီးဖွားတာ ကြာသင့်တဲ့ အချိန်ထက် ပိုကြာသွားရင် ကလေးရော မိခင်ရောကို ထိခိုက်နိုင်တယ်ဆိုတာ သိကြပေမယ့် ဘာတွေ ဘယ်လိုထိခိုက်သွားမလဲဆိုတာကိုတော့ သိတဲ့သူရှားမယ်လို့ထင်ပါတယ်။ မီးဖွားချိန်ကြာနေပြီဆိုတဲ့ လက္ခဏာတွေက ဘယ်လိုမျိုးလဲ ။ ဒီအချက်က လူတိုင်းသိထားသင့်တဲ့အချက်ပါ။ မီးဖွားချိန်ကြာတဲ့ လက္ခဏာတွေကတော့ ခုပြောမယ့် အချက်ထဲက အနည်းဆုံး ၃ ချက်လောက်ပါရမှာပါ။ ဗိုက်နာတာ ၁၄-၂၀ နာရီလောက်ကြာနေပြီ အမေကလည်း ဆက်မညှစ်နိုင်တော့ဘဲ နှုတ်ခမ်းတွေခြောက် အသက်ရှူမဝသလိုမျိုးတွေ ခံစားနေရလိမ့်မယ် မွေးလမ်းကြောင်းထဲ ကလေးဆက်မဆင်းတော့လို့ တစ်ဆို့ဆို့ ဖြစ်နေရာကနေ ခါးတွေ အောက်ပိုင်းတွေ နာလာမယ် […]

မီးဖွားတယ်ဆိုတာ အမျိုးသမီးတွေအတွက်တော့ အပြောင်းအလဲကြီးတစ်ခုနဲ့ ရင်ဆိုင်ရတဲ့ ကိစ္စပါပဲ။ ကိုယ်ဝန်စလွယ်တည်း မီးဖွားချိန် နဲ့နောက်ပိုင်း မီးဖွားပြီးတဲ့အချိန်တွေအထိ ပြောင်းလဲမှုတွေနဲ့ချည်း ရင်ဆိုင်ရတာပါ။ ဒီအထဲမှာ မီးဖွားပြီးနောက်ပိုင်း အမျိုးသားနဲ့ အတူနေတဲ့ ကိစ္စလည်းပါတာပေါ့။ မီးဖွားပြီးနောက် အိမ်ထောင်သည်အမျိုးသမီးတိုင်း ကြုံတွေ့ရတဲ့ ကိစ္စတွေထဲမှာ အမျိုးသားနဲ့ အတူနေတဲ့အချိန် သွေးဆင်းတဲ့ ပြဿနာဟာ စိတ်ညစ်စရာ အကောင်းဆုံးပါ။ ဘာ့ကြောင့် ဖြစ်ရတာလဲ။ စိုးရိမ်ရလားပေါ့။ မီးဖွားပြီးနောက် အမျိုးသားနဲ့ အတူနေတဲ့အခါ ဘာ့ကြောင့် သွေးဆင်းရတာလဲ။ မီးဖွားပြီးနောက် ဘယ်အချိန်အမျိုးသားနဲ့အတူပြန်နေသင့်တာလဲ ဆိုတာကို အရင်သိထားဖို့လိုပါတယ်။ မီးဖွားပြီး ၄၅ ရက်နောက်ပိုင်းမှသာ အမျိုးသားနဲ့အတူပြန်နေသင့်ပါတယ်။ ဒီမတိုင်ခင် အတူပြန်နေတဲ့အခါ နောက်ကိုယ်ဝန် ထပ်ရသွားနိုင်သလို နုနယ်နေတဲ့ သားအိမ်အတွက်လည်း အန္တရာယ်ရှိပါတယ်။ ဒီတော့ မီးဖွားပြီးနောက်ပိုင်း အမျိုးသားနဲ့ အတူပြန်နေတဲ့ခါ သွေးဆင်းရတာ ဘာ့ကြောင့်လဲ။ ( ၁ ) မီးဖွားပြီးနောက်ပိုင်း ပုံမှန်ဆင်းတဲ့သွေး […]

သားအိမ်ခြစ်တယ်ဆိုတာ မတော်တဆ ကိုယ်ဝန်ပျက်ကျသွားတဲ့အခါ သားအိမ်ထဲ ကျန်နေခဲ့တဲ့ သန္ဓေသား အကြွင်းအကျန်ကို ဖယ်ထုတ်ပေးတဲ့ အသေးစားခွဲစိတ်မှု တစ်ခုဖြစ်ပါတယ်။ ဒီလို သားအိမ်ခြစ်ပြီးတာနဲ့ အားလုံးသိချင်ကြတာက အချိန်ဘယ်လောက်စောင့်ပြီးမှ အတူနေလို့ရမလဲ၊ ကိုယ်ဝန်ပြန်ဆောင်လို့ ရမလဲဆိုတာပဲ ဖြစ်ပါတယ်။ ဒီတစ်ခေါက်တော့ သားအိမ်ခြစ်ပြီးတာနဲ့ ကိုယ်ဝန် ပြန်ယူဖို့ ဘယ်လောက်စောင့်ရမှာလဲ ဆိုတာကို ပြောပြပေးချင်တာပါ။ သားအိမ်ခြစ်တယ်ဆိုတာဘာလဲ ။ ။ သားအိမ်ခြစ်တယ် ဆိုတာ ကိုယ်ဝန်ပျက်ကျတဲ့သူ အများစု ခံယူဖူးတဲ့ကုသမှုတစ်မျိုးပါ။ ဆေးပညာအရ သားအိမ်ခြစ်တာကို dilation and curettage D & C လို့ခေါ်ပါတယ်။ dilation ဆိုတာ ချဲ့ထွင်တာလို့ အဓိပ္ပာယ်ရပြီး curettage ကတော့ ဇွန်းပုံသဏ္ဍာန်ရှိတဲ့ ကိရိယာနဲ့ခြစ်တယ်လို့ အဓိပ္ပါယ်ရပါတယ်။ ဒီတော့ dilation and curettage ဆိုတာသားအိမ်ခေါင်းကို ကျယ်သွားအောင် […]

ဗိုက်ခွဲပြီး ကလေးမွေးဖူးတဲ့ မိခင်တွေရှိကြမှာပါ။ ရိုးရိုးမွေးရင် နာမှာကြောက်လို့၊ ရိုးရိုးမွေးလို့မရလို့ဆိုပြီး ဗိုက်ခွဲပြီး ကလေးမွေးဖူးတဲ့သူတွေရှိမှာပါ။ ကလေးမွေးတဲ့အချိန်မှာတော့ အားမစိုက်ရဘဲ သက်သက်သာသာ ကလေးမွေးသွားတယ်ဆိုပေမယ့် ခွဲမွေးပြီးချိန်မှာတော့ ခံစားရမယ့် ဝေဒနာတွေ က အများကြီးပါ။ ချုပ်ရိုးကနာတာတစ်မျိုး၊ ခွဲထားလို့ဆီးမသွားနိုင်တာကတစ်မျိုး၊ ထုံဆေးကြောင့် ရတဲ့ ဘေးထွက်ဆိုးကျိုးတွေကတစ်မျိုး နဲ့ အမျိုးမျိုးခံစားရမှာပါ။ ဒီလို ဗိုက်ခွဲမွေးပြီးနောက်ပိုင်း ခံစားရတဲ့ ဘေးထွက်ဆိုးကျိုးတွေထဲမှာ ခါးနာတာ အဆိုးဆုံးနဲ့ အဖြစ်အများဆုံးပါ။ ဒီဆောင်းပါးထဲမှာတော့ ဗိုက်ခွဲမွေးပြီးတဲ့သူတွေ ဘာကြောင့် ခါးနာရတာလဲဆိုတဲ့ အကြောင်းကို ပြောပြပေးတော့မှာပါ။ ဗိုက်ခွဲမွေးပြီးနောက် ခါးနာတာ ဘာကြောင့် ဖြစ်ရတာလဲ ။ ။ ဗိုက်ခွဲမွေးတယ်ဆိုရင် အသားပေါ်ဓားတင်တဲ့ အနာဒဏ်ကို ခံနိုင်ဖို့အတွက် ခါးဆစ်ရိုးထဲကို ထုံဆေးပေးလေ့ရှိကြပါတယ်။ ထုံဆေးအပ်ဟာ အသား၊ ကြွက်သား၊ ခါးဆစ်ရိုးအရွတ်နဲ့ အာရုံကြောတို့ကို ဖြတ်ပြီး သွားရတာကြောင့် […]

အချင်းကပ်ခြင်းဆိုတာ ဘာလဲ။ အချင်းကပ်ခြင်း ဆိုသည်မှာ အချင်းသည် မိခင်၏ သားအိမ်နံရံထဲတွင် တွယ်ကပ်နေခြင်းဖြစ်ပြီး ထိုသို့ဖြစ်ခြင်းသည် ကိုယ်ဝန်ဆောင်ချိန်တွင်ကြီးမားသော နောက်ဆက်တွဲ ဆိုးကျိုးများကို ဖြစ်ပေါ်စေပါသည်။ ယေဘူယျအားဖြင့် ကလေးမွေးပြီး ချိန်တွင် အချင်းသည် သူ့ အလိုလို ကွာကျပါသည်။ သိုကသော် အချင်းကပ်နေသူများတွင်မူ အချင်းစများသည် သားအိမ်နံရံတွင် ကပ်နေပြီး သွေးထွက်လွန်ခြင်း၊ အသက်အန္တရာယ်ထိခိုက်ခြင်းတို့ဖြစ်စေနိုင်ပါသည်။ ထို့ကြောင့် သင့်ဆရာဝန်က သင့်ကို အချင်းကပ်နေကြောင်း သံသယရှိပါက ကလေးကို ခွဲမွေးပြီး သားအိမ်ကိုပါ ခွဲစိတ်ဖြတ်ထုတ်ရမည်ဖြစ်သည်။ အချင်းကပ်ခြင်း၏ရောဂါလက္ခဏာများက ဘာလဲ။ အချင်းကပ်ခြင်းသည် သေနိုင်သော အခြေအနေဖြစ်သော်လည်း သိသာသော လက္ခဏာများ မတွေ့ရပါ။ တစ်ခါတရံတွင် ကလေးမွေးပြီးသည့်တိုင်အောင် မတွေ့ရသည်များလည်းရှိပါသည်။ အချို့သော မိခင်လောင်းများတွင် အသံလှိုင်းဓာတ်မှန်ရိုက်ခြင်း၊ ကိုယ်ဝန် လနှောင်းပိုင်းတွင် မိန်းမကိုယ်မှ သွေးထွက်ခြင်း စသည့် အရေးကြီးသော ရောဂါလက္ခဏာများကို တွေ့ရတတ်သည်။ ထို့ကြောင့် သင်သည် ကိုယ်ဝန်နှောင်းပိုင်းတွင် သွေးဆင်းခြင်းများဖြစ်ပါက […]

ကိုယ်ဝန်ဆောင်မိခင်များသည် ကလေးမွေးပြီးချိန်တွင် အချင်းကွာကျခြင်းကြောင့် သွေးသွန်နိုင်ချေရှိပါသည်။ ဗိုက်ခွဲမွေးသူများသည် ရိုးရိုးမွေးသူများထက်ပိုပြီး သွေးသွန်နိုင်ချေများပါသည်။ သို့သော် ကံကောင်းစွာဖြင့် ကိုယ်ဝန်ဆောင်ချိန်တွင် သာမန်ချိန်ထက် ကိုယ်ထဲရှိသွေးပမာဏသည် ၅၀ % မြင့်တက်လာခြင်းကြောင့် သွေးဆုံးရှုံးမှုကို အတန်သင့် ခံနိုင်ရည်ရှိစေပါသည်။ သို့သော် အချင်းအရှေ့ရောက်ခြင်း၊ အချင်းအပိုရှိသည့် ကိုယ်ဝန်ဆောင်များသည် သွေးသွန်နိုင်ချေများသည့်အတွက် အထူးကုသမှုများလိုအပ်ပါသည်။ ၆% သော အမျိုးသမီးများသည် ကလေးမွေးပြီးလျှင် သွေးသွန်နိုင်ချေရှိကြောင်းတွေ့ရသည်။   ကလေးမွေးပြီးနောက် သွေးသွန်ခြင်းကိုဖြစ်စေမည့် အကြောင်းတွေက ဘာတွေလဲ။ အချင်းကွာကျပြီးနောက် သွေးသွန်စေနိုင်သောအကြောင်းများမှာ မွေးလမ်းကြောင်းပြဲသွားခြင်း မိန်းမကိုယ်နှင့် စအိုတဝိုက်တွင် ပြဲသွားခြင်း မွေးလမ်းကြောင်းချဲ့ရာတွင် လွန်သွားခြင်း သားအိမ်ကွဲထွက်ခြင်း၊ သားအိမ်အတွင်းနှင့် အပြင် ပြောင်းပြန် ဖြစ်သွားခြင်း သွေးမတိတ်ခြင်း တို့ဖြစ်ပါသည်။ (သွေးမတိတ်ခြင်းသည် မျိုးရိုးကြောင့်သော်လည်းကောင်း၊ ကိုယ်ဝန်ဆောင်နေချိန်တွင် အချင်းစောကွာခြင်း၊ ကိုယ်ဝန်ဆိပ်တက်ခြင်းနှင့် အသည်းကိုထိခိုက်စေသော HELLP ရောဂါစု စသည့် ကိုယ်ဝန်ဆောင်ချိန်တွင်ဖြစ်သော နောက်ဆက်တွဲရောဂါများကြောင့်သော်လည်းကောင်းဖြစ်တတ်သည်။)   ကလေးမွေးပြီးနောက် သွေးသွန်ခြင်းကို […]

အဓိပ္ပါယ်ဖွင့်ဆိုချက်Postpartum Haemorrhage (မီးဖွားပြီးနောက်သွေးသွန်ခြင်း) ကဘာလဲ။ မီးဖွားပြီးနောက်သွေးသွန်ခြင်း (Postpartum haem orrhage – PPH) ဆိုသည်မှာ ကလေးမွေးဖွားပြီးစတွင် သွေးအလွန်ယိုစီးခြင်းဖြစ်ပြီး မိခင်သေနိုင်သည်အထိ ဖြစ်နိုင်ပါသည်။ မူလ မီးဖွားပြီးနောက်သွေးသွန်ခြင်းဆိုသည်မှာ မီးဖွားပြီး ၂၄ နာရီအတွင်း သွေးပမာဏ ၅၀၀ မီလီလီတာ (တစ်ပိုင့်) အထက် ဆုံရှုံးခြင်းကိုခေါ်သည်။ ၎င်းသည် အဖြစ်များပြီး အမျိုးသမီး ၁၀၀ လျှင် ၅ ယောက်ထိ ဖြစ်နိုင်ပါသည်။ အလွန်များစွာ သွေးယိုခြင်း (သွေး ၂ လီတာ သို့မဟုတ် ၄ ပိုင့်) ကတော့ သိပ်မဖြစ်တတ်ပါ။ အမျိုးသမီး ၁၀၀၀ မှ ၆ ယောက်လောက်သာ ဖြစ်တတ်ပါသည်။ တစ်ဆင့်ခံ မီးဖွားပြီးနောက်သွေးသွန်ခြင်းသည် မီးဖွားပြီး ၂၄ နာရီနောက်မှ ၁၂ ပတ်အတွင်း မိန်းမကိုယ်မှ မူမမှန်ပဲသွေးထွက်ခြင်း […]

ဆီးမထိန်းနိုင်ခြင်း ဟာ ကိုယ်ဝန်ဆောင်ချိန်နဲ့ ကိုယ်ဝန်ဆောင်ပြီးချိန်တွေမှာ ပုံမှန်ဖြစ်ပါတယ်။ ဒါဟာ အန္တရာယ်မရှိပေမယ့် သက်တောင့်သက်သာတော့ မရှိစေပါဘူး။   ကိုယ်ဝန်ဆောင်ချိန်နဲ့ ကိုယ်ဝန်ဆောင်ပြီးချိန်တွေမှာ ဆီးမထိန်းနိုင်ခြင်းဟာ ပုံမှန်ဖြစ်ပါသလား။ ဆီးမထိန်းနိုင်ခြင်းဟာ ကိုယ်ဝန်ဆောင် အမျိုးသမီးတွေမှာ အဖြစ်များတဲ့ ပြဿနာတစ်ခုဖြစ်ပါတယ်။ လူအချို့မှာတော့ ကလေးမွေးပြီးသည်အထိ ဖြစ်တတ်ပါတယ်။ အမျိုးသမီးအချို့အတွက်ကတော့ မပြင်းထန်ပေမယ့် အချို့အတွက်ကတော့ ပြင်းထန်တတ်ပါတယ်။ ပုံမှန်အားဖြင့် ကလေးမွေးပြီး ၃-၄ လအကြာမှာ ဆီးအိမ်နဲ့ သားအိမ်ဟာ ပုံမှန်အခြေအနေတွေကို ပြန်ရောက်သွားရင် ဆီးမထိန်းနိုင်ခြင်းလည်း ပျောက်သွားတတ်ပါတယ်။ ဆီးမထိန်းနိုင်ခြင်း ဘာကြောင့်ဖြစ်တာလဲ။ ကိုယ်ဝန်ဆောင်အပြီး ဆီးမထိန်းနိုင်ခြင်းဟာ ဆီးအိမ်ပေါ်မှာ ဖိအားများတာကြောင့် ဆီးထွက်ကျခြင်းကို ဆိုလိုပါတယ်။ ဆီးအိမ်ရဲ့ အဝက ကြွက်သားဟာ ဆီးကို ကောင်းကောင်းထိန်းပေးဖို့အတွက် အလုပ်မလုပ်နိုင်တော့ပါဘူး။ များသောအားဖြင့် အာရုံကြော၊ အရွတ်နဲ့ တင်ပါးဆုံကြွက်သားတွေက ဆီးမထွက်ကျအောင် ဆီးအိမ်နဲ့ ဆီးလမ်းကြောင်းကို အထောက်အပံ့ပေးထားကြပါတယ်။ ဒီနေရာတွေ အဆန့်လွန်ခြင်း (သို့) […]

ကလေးခေါင်းနဲ့တင်ပါးအဆုံရိုးကွင်း အချိုးမကျမှုဟာ ကလေးရဲ့ခေါင်း ဒါမှမဟုတ် ခန္တာကိုယ်ကအရမ်းကြီးနေပြီး မိခင်ရဲ့တင်ပါးဆုံရိုးနဲ့မဆန့်တဲ့ အခြေအနေမျိုးပါ။ ဒီကိစ္စမျိုးဟာရှားပါးပေမယ့် မီးဖွားစဉ်ဆက်မမွေးနိုင်တော့တဲ့ အခြေအနေတွေ တော်တော်များများက ကလေးခေါင်း နဲ့ မိခင်တင်ပါးဆုံရိုးကွင်း အချိုးမကျမှုကြောင့်ဖြစ်တတ်ပါတယ်။ ကလေးခေါင်းပိုကြီးနေမှန်း အချိုးမညီမှန်း သေချာပေါက်သိပြီဆိုရင်တော့ မိခင်ရောကလေးရော အန္တရာယ်ကင်းဖို့အတွက် ခွဲမွေးတာကအကောင်းဆုံးပါပဲ။ ဘာကြောင့်ဖြစ်ရသလဲ ဖြစ်နိုင်ချေရှိတဲ့အကြောင်းအရင်းတွေကတော့ • မျိုးရိုးလိုက်တတ်တဲ့ရောဂါပြဿနာရှိခြင်း ၊ မိခင်မှာဆီးချိုသွေးချိုရောဂါရှိခြင်း၊ မီးဖွားရက်လွန်ခြင်း၊ ကလေးများခြင်း(ကိုယ်ဝန်ခဏခဏယူခြင်း) များကြောင့် ကလေးကြီးနေတာကြောင့်ဖြစ်နိုင်သလို • ကလေးအနေအထား မမှန်ခြင်း • မိခင်ရဲ့တင်ပါးဆုံအရိုးကွင်းကျဉ်းခြင်း၊ သေးခြင်း • တင်ပါးဆုံအရိုးကွင်း ပုံစံမမှန်ခြင်းတွေကြောင့် ဖြစ်နိုင်ပါတယ်။ ဘယ်လိုစစ်ဆေးတွေ့ရှိနိုင်မလဲ ကလေးခေါင်းနဲ့တင်ပါးဆုံအရိုးကွင်း အချိုးမကျမှုဟာ မီးဖွားစဉ်နှောင့်နှေးသောအခါ၊ ဒါမှမဟုတ် မီးဖွားမှုကိုကူညီရန်ပေးသော သားအိမ်ညှစ်ဆေးများ အကျိုးသက်ရောက်မှုမရသောအခါတွေမှာ စစ်ဆေးတွေ့ရှိတတ်ပါတယ်။ တကယ်လို့ ကလေးခေါင်းကြီးနေတာကြောင့် ဒါမှမဟုတ် မိခင်တင်ပါးဆုံအရိုးကွင်းသေးနေတာကြောင့် အချိုးမကျမှုတွေဖြစ်ရတာဆိုရင် မီးဖွားတဲ့အချိန်မရောက်မချင်း သိနိုင်ခဲပါတယ်။ မီးဖွားစဉ်မှာ ကလေးရဲ့ဦးခေါင်ခွံရိုးလေးတွေထပ်သွားပြီး မိခင်တင်ပါးဆုံရိုးအဆစ်တွေက ကားသွားကာ ကလေးထွက်သွားဖို့ နေရာချဲ့ပေးပါတယ်။ အာထရာဆောင်းဟာ […]

ကလေးမွေးပြီဆိုရင် မိခင်ဟာပြင်းထန်တဲ့ခါးနာကျင်မှုကိုခံစားရတတ်ပါတယ်။ အဲဒီလိုနာကျင်ခြင်းကိုကလေးမွေးခြင်းကြောင့်ဖြစ်တဲ့ နောက်ကျောနာကျင်မှု (back labor) လို့ခေါ်ပါတယ်။ ထိုသို့ ဖြစ်ရခြင်းမှာကလေးမွေးချိန် ကလေးရဲ့ ခေါင်းကမိခင်ခါးကိုဖိအားသက်ရောက်မှု ရှိနေတာကြောင့် ဖြစ်နိုင်သလိုအခြားအကြောင်းရင်းများကြောင့်လည်း ဖြစ်နိုင်ပါတယ်။ သက်သေမပြနိုင်ပေမယ့် စိတ်ဝင်စားစရာကောင်းတဲ့ သီအိုရီတစ်ခုကတော့ သားအိမ်နာကျင်မှုကခါးဆီကိုသွားရောက် သက်ရောက်ခြင်းကြောင့် ခါးနာခြင်းပဲ ဖြစ်ပါတယ်။ အမျိုးသမီးအတော်များများဟာကလေးမွေးဖွားခြင်းနဲ့ပတ်သက်ပြီးပိုခံနိုင်ရည်ရှိအောင်လေ့ကျင့်ခန်းတွေ ပိုပြီးကြိုးစားလုပ်တတ်ကြပါတယ်။ ဒါပေမယ့် ဘယ်အရာကမှ ဒီကလေးမွေးဖွားခြင်းကြောင့်ဖြစ်တဲ့ ခါးနာခြင်းကိုမရှောင်လွှဲပေးနိုင်ပါဘူး။ မရှောင်လွှဲနိုင်ပေမယ့် အဲဒီအနာကိုသက်သာစေနိုင်တဲ့ နည်းလမ်းအချို့တော့ ရှိပါတယ်။ ၎င်းတို့ကိုအောက်တွင် ဖော်ပြထားပါတယ်။   ကျွမ်းကျင်သူတွေပြောပြချက်အရမွေးဖွားစဉ် အချိန်အတွင်းမှာစိတ်ကိုလျှော့ထားဖို့ကအရေးကြီးဆုံးအရာ ဖြစ်ပါတယ်။ ဘာကြောင့်လည်းဆိုတော့ နာမှာကိုကြောက်တဲ့အခါ စိတ်ကိုတင်းထားတာမျိုးဖြစ်တတ်ပြီးအနာကိုပိုဆိုးစေနိုင်လို့ပါ။ ခြေ၊လက် လေးချောင်းလုံးထောက်ထားတဲ့ အနေအထားကကလေးရဲ့ ခေါင်းကမိခင်ကျောရိုးအပေါ်သက်ရောက်တဲ့ ဖိအားကိုလျော့နည်းစေနိုင်တဲ့အတွက် အနာသက်သာနိုင်ပါတယ်။ လှုပ်လှုပ်ရှားရှားနေပါ။   လမ်းလျှောက်ခြင်း၊ခါးကိုဘယ်ညာစောင်းပြီးလေ့ကျင့်ခန်းလုပ်ပေးခြင်း၊အနေအထားပြောင်းပေးခြင်း၊နှင့် ယောဂလေ့ကျင့်ခန်းလုပ်ခြင်းစတာတွေကအနာကိုသက်သာစေနိုင်ရုံသာမကကမ္ဘာမြေဆွဲအားစနစ်ကိုကောင်းစွာအသုံးချပြီးမွေးတဲ့အချိန်မှာတင်ပါးဆုံရိုးခွေထဲသို့ကလေးကောင်းစွာဆင်းသက်လာဖို့နဲ့ ကလေးခေါင်း၊ကိုယ် လှည့်နိုင်ဖို့ကူညီပေးနိုင်ပါတယ်။ တင်ပါးဆုံကိုလှည့်ပေးခြင်းဖြင့်လည်းကျောရိုးပေါ်သက်ရောက်တဲ့ ဖိအားကိုလျော့နည်းစေနိုင်ပါတယ်။ မွေးပေးမည့် သူကိုလည်းသားအိမ်ညှစ်တဲ့အချိန်မှာ (သို့) အဲဒီအချိန်ကြားတွေမှာ(သို့) နှစ်ချိန်လုံးမှာသင်ပိုသက်သာတယ်လို့ […]