သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

သားအိမ်ခြစ်ပြီးတာနဲ့ ကိုယ်ဝန် ပြန်ယူဖို့ ဘယ်လောက်စောင့်ရမှာလဲ ။ ။

    သားအိမ်ခြစ်ပြီးတာနဲ့ ကိုယ်ဝန် ပြန်ယူဖို့ ဘယ်လောက်စောင့်ရမှာလဲ ။ ။

    သားအိမ်ခြစ်တယ်ဆိုတာ မတော်တဆ ကိုယ်ဝန်ပျက်ကျသွားတဲ့အခါ သားအိမ်ထဲ ကျန်နေခဲ့တဲ့ သန္ဓေသား အကြွင်းအကျန်ကို ဖယ်ထုတ်ပေးတဲ့ အသေးစားခွဲစိတ်မှု တစ်ခုဖြစ်ပါတယ်။ ဒီလို သားအိမ်ခြစ်ပြီးတာနဲ့ အားလုံးသိချင်ကြတာက အချိန်ဘယ်လောက်စောင့်ပြီးမှ အတူနေလို့ရမလဲ၊ ကိုယ်ဝန်ပြန်ဆောင်လို့ ရမလဲဆိုတာပဲ ဖြစ်ပါတယ်။ ။

    သားအိမ်ခြစ်တယ်ဆိုတာဘာလဲ ။ ။

    သားအိမ်ခြစ်တယ် ဆိုတာ ကိုယ်ဝန်ပျက်ကျတဲ့သူ အများစု ခံယူဖူးတဲ့ကုသမှုတစ်မျိုးပါ။ ဆေးပညာအရ သားအိမ်ခြစ်တာကို dilation and curettage D & C လို့ခေါ်ပါတယ်။ dilation ဆိုတာ ချဲ့ထွင်တာလို့ အဓိပ္ပာယ်ရပြီး curettage ကတော့ ဇွန်းပုံသဏ္ဍာန်ရှိတဲ့ ကိရိယာနဲ့ခြစ်တယ်လို့ အဓိပ္ပါယ်ရပါတယ်။ ဒီတော့ dilation and curettage ဆိုတာသားအိမ်ခေါင်းကို ကျယ်သွားအောင် ချဲ့လိုက်တာဖြစ်ပြီး သားအိမ်ထဲမှာရှိနေတဲ့ တစ်ရှူးအသားစ တွေကို ခြစ်တာဖြစ်ပါတယ်။ သားအိမ်ခြစ်တာ ဟာ အသေးစားခွဲစိတ်မှု တစ်ခုဖြစ်ပြီး ဆေးခန်း၊ ဆေးရုံတွေမှာ သွားပြီး လုပ်မှရတာပါ။

    သားအိမ်ခြစ်ပြီးတာနဲ့ ကိုယ်ဝန်ပြန်ဆောင်ဖို့ဘယ်လောက်အချိန်ယူရမှာလဲ ။ ။

    ကျွမ်းကျင်တဲ့ ဆရာဝန်တွေ အဆိုပြုထားတာကတော့ သားအိမ်ခြစ်ပြီး ရာသီသွေး ၃ ခါပေါ်အောင်စောင့် ( ဒါမှမဟုတ် ) ၃ လလောက်စောင့်ပြီးမှ ကိုယ်ဝန်ပြန်ဆောင်သင့်တယ်လို့ဆိုပါတယ်။ အချိန် ၃ လလောက်ဆို သားအိမ်ခြစ်တုန်းက ကျန်ခဲ့တဲ့ ဒဏ်တွေရော၊ ကလေးဆုံးရှုံးရလို့ ပူဆွေးနေရတဲ့ မိခင်ရဲ့ သောကတွေရော အားလုံး အနည်ထိုင်သွားပြီ ဖြစ်လို့ အစကနေ ပြန်စဖို့အတွက် အသင့်ဖြစ်နေတဲ့အနေအထားပါ။

    သားအိမ်ခြစ်ပြီး ဘယ်လောက်အကြာမှ တူတူနေလို့ရမှာလဲ ။ ။

    သားအိမ်ခြစ်ထားတဲ့အတွက် ပွန်းတာ ထိခိုက်တာတွေကတော့ ရှိနိုင်သေးတာမို့ သားအိမ်ခြစ်ပြီးပြီးချင်း အတူတူနေလို့တော့မရပါဘူး။ ၂ ပတ်လောက်တော့ စောင့်ပြီးမှ အတူတူနေလို့ရမှာပါ။ ဖြစ်နေတဲ့အနာတွေ ကျက်သွားဖို့၊ ကိုယ်ခန္ဓာက ပုံမှန်အတိုင်း ပြန်ပြီ နာလန်ထူနိုင်ဖို့အတွက် အချိန်ဆိုတာ လိုအပ်သေးပါတယ်။ အနာမကျက်တဲ့အခါ၊ သေချာဂရုမစိုက်လို့ ပိုးဝင်သွားတဲ့အခါမျိုးမှာ ၂ ပတ်ထက်လည်း ကြာသွားနိုင်ပါတယ်။

    သားအိမ်ခြစ်ပြီးရင် ဘာဘေးထွက်ဆိုးကျိုးတွေ ဖြစ်တတ်လဲ ။ ။

    သားအိမ်ခြစ်ပြီး ရက်ပိုင်းလောက်မှာဗိုက်အောင့်တာ ၊ သွေးနည်းနည်းဆင်းတာတွေဖြစ်တတ်ပါတယ်။

    သားအိမ်ခြစ်တယ်ဆိုတာ အခြား ကြီးကြီးမားမား ဘေးထွက်ဆိုးကျိုးတွေ မရှိသလောက်ရှားတဲ့ ခွဲစိတ်မှုတစ်ခုပါ။ ဒါပေမယ့်လည်း အခန့်မသင့်ရင်တော့ ဖြစ်တတ်တဲ့ တစ်ချို့ဆိုးကျိုးလေးတွေရှိပါတယ်။ ဒါတွေကတော့

    • သားအိမ်ပေါက်ခြင်း
    • သားအိမ်ခေါင်းကို ထိခိုက်မိခြင်း
    • Asherman’s syndrome လို့ခေါ်တဲ့ သားအိမ်ခြစ်ခြင်းကြောင့် သားအိမ်မှာ အမာရွတ်တစ်ရှူးကျန်ခဲ့ခြင်း – Asherman’s syndrome ကြောင့် ရာသီလာချိန် ကိုက်ခဲတာတွေ ဖြစ်နိုင်တဲ့အပြင် နောက်ပိုင်း ကိုယ်ဝန်ဆောင်တိုင်း သန္ဓေသားမခိုင်တော့ဘဲ ကိုယ်ဝန်ပျက်တာမျိုးတွေ ဖြစ်နိုင်ပါတယ်။ ဝမ်းသာစရာတစ်ခုကတော့ Asherman’s syndrome ဟာ မဖြစ်သလောက်ကိုရှားတဲ့ ဆိုးကျိုးတစ်ခုပါ။
    • သားအိမ်ခြစ်ပြီး သားအိမ်တွင်း ပိုးဝင်တာကလည်း ဖြစ်တတ်ပေးမယ့် ရှားတဲ့ အရာတစ်ခုပါ။

    သားအိမ်ခြစ်ပြီးတာ ကြာနေတာတောင် ကလေးပြန်မရသေးရင် ဘယ်လိုလုပ်ရမလဲ ။ ။

    သားအိမ်ခြစ်တာရဲ့ နောက်ဆက်တွဲဆိုးကျိုးတွေထဲမှာ Asherman’s syndromeလည်း အပါအဝင်ဖြစ်ပါတယ်။ Asherman’s syndrome ဆိုတာ သားအိမ်ခြစ်ပြီး ကျန်ခဲ့တဲ့ အမာရွတ်လေးကြောင့် ကိုယ်ဝန်မခိုင်တာတွေ၊ ကိုယ်ဝန်မရတာတွေ ဖြစ်တတ်ပါတယ်။ ဒါပေမယ့် Asherman’s syndromeဟာ မဖြစ်သလောက်ရှားတဲ့ အရာတစ်ခုပါ။ ဒါ့ကြောင့် သားအိမ်ခြစ်ပြီးတာနဲ့ ငါကိုယ်ဝန်ရတော့မှာ မဟုတ်ဘူးဆိုတဲ့ အတွေးကို ခေါင်းထဲဖယ်ထားလိုက်ပါ။

    သားအိမ်ခြစ်ပြီးနောက်ပိုင်း ကြိုးစားတာတောင် ကိုယ်ဝန်မရသေးဘူးဆိုရင်

    ဆရာဝန်ဆီ သေချာသွားပြီး ကိုယ့်ဆီမှာ ကိုယ်ဝန်မရနိုင်တဲ့ ဘယ်လို ချို့ယွင်းချက်တွေရှိလဲဆိုတာကို အဖြေရှာပါ။ ကိုယ်ဝန်မရနိုင်သေးတဲ့ အကြောင်းအရင်းဟာ Asherman’s syndrome ကြောင့် မဟုတ်ဘဲ အခြား အကြောင်းအရာတွေလည်း ရှိနိုင်သေးတာကြောင့်ပါ။

    health-tool-icon

    မွေးဖွားမယ့်ရက် တွက်ချက်ခြင်း

    ဒီတွက်ချက်တဲ့ ကိရိယာကို အသုံးပြုပြီး ကလေးမွေးဖွားမယ့်ရက်ကို တွက်ချက်နိုင်ပါတယ်။ အတိအကျဖြစ်မယ်လို့တော့ အာမမခံနိုင်ပါဘူး။ အနီးစပ်ဆုံး ခန့်မှန်းတွက်ချက်ပေးမှာ ဖြစ်ပါတယ်။ ကိုယ်ဝန်ဆောင် မိခင်အနေနဲ့ ခန့်မှန်းရရှိလာတဲ့ ရက်ရဲ့ မတိုင်ခင် သီတင်းတစ်ပတ်အတွင်း သို့မဟုတ် သီတင်းတစ်ပတ်အကျော်မှာ မွေးဖွားနိုင်ပါတယ်။

    ရာသီစက်ဝန်း ကြာချိန်

    28 ရက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 2 ပတ် အကြာက တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: