ကလေးကြီးထွားဖွံ့ဖြိုးမှုအတွက် လိုအပ်တဲ့ ဗီတာမင်နဲ့သတ္တုဓာတ်များ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 18, 2020 . 2 mins read
Share now

ကိုယ့်ရဲ့ ကလေးတွေ ကျန်းကျန်းမာမာနဲ့ ကြီးပြင်းလာဖို့၊ ဉာဏ်ရည်ထက်မြက်စေဖို့ နေ့စဉ် မရှိမဖြစ်လိုအပ်တဲ့ ဗီတာမင်နဲ့ သတ္တုဓာတ်တွေ လုံလောက်စွာ ရရှိဖို့ မိဘတွေအနေနဲ့ သိထားသင့်ပါတယ်။ ကလေးတွေအတွက် တစ်နေ့တာ မျှတတဲ့ အစာအာဟာရကို ချက်ပြုတ်ကျွေးမွေးဖို့၊ ဖျားနာတဲ့အခါ ပြုစုစောင့်ရှောက်ဖို့၊ ကိုယ့်ရဲ့ ကလေးကျန်းမာရေးကို အမြဲသတိရှိနေဖို့ဆိုတာ မိဘတိုင်းရဲ့ တာဝန်ဝတ္တရားတစ်ခုပါပဲ။

တစ်နေ့တာအတွက် လိုအပ်တဲ့ ဗီတာမင်တွေကို ဘယ်ကနေ ရနိုင်မလဲ။

ဖြည့်စွက်အားဆေးတွေထက်စာရင် ကလေးတွေအတွက် နေ့စဉ် လိုအပ်တဲ့ အာဟာရ၊ ဗီတာမင်နဲ့ သတ္တုဓာတ်တွေကို သေချာ ချက်ပြုတ်ပြင်ဆင်ထားတဲ့ အစားအစာတွေကနေ ရနိုင်ပါတယ်။ ငယ်စဉ်ကတည်းက ကိုယ့်ရဲ့ ကလေး စားသောက်နေထိုင်မှုပုံစံ မှန်ကန်စေဖို့နဲ့ အာဟာရဓာတ်တွေ လုံလောက်စွာ ရရှိဖို့ မိဘတွေအနေနဲ့ အကျင့်လုပ်ထားပေးဖို့ လိုပါတယ်။

ကလေးတွေအတွက် မရှိမဖြစ် အရေးကြီးတဲ့ ဗီတာမင်နဲ့ သတ္တုဓာတ်တွေက ဘာတွေလဲ။

ကလေးတွေ၊ ဆယ်ကျော်သက်လူငယ်တွေရဲ့ ကိုယ်ခန္ဓာအတွက် အဓိက လိုအပ်တဲ့ ဗီတာမင်နဲ့ သတ္တုဓာတ် ၆ မျိုး ရှိပါတယ်။ တစ်နေ့တာအတွက် ပမာဏအနည်းငယ်နဲ့ လုံလောက်မျှတတဲ့ အစာအာဟာရကို မိဘတွေအနေနဲ့ ပြင်ဆင်ချက်ပြုတ်ပေးရမှာ အထောက်အကူဖြစ်စေဖို့အတွက် ဝေမျှပေးလိုက်ပါတယ်။

ဗီတာမင် A – ကလေးတွေ ကြီးထွားဖွံ့ဖြိုးမှုအတွက် အဓိက လိုအပ်တဲ့ ဗီတာမင်ဖြစ်ပြီး အသားအရေကိုလည်း ကျန်းမာစိုပြည်စေတယ်။ အမြင်အာရုံ ကြည်လင်စေပြီး ကိုယ်ခံအားစနစ်ကို ကောင်းမွန်စေတဲ့အပြင် ကိုယ်တွင်း တစ်ရှူးတွေကိုလည်း ပြုပြင်ပေးနိုင်တယ်။ ဗီတာမင် A ဓာတ်ကို မုန်လာဥနီကန်စွန်းဥ အစရှိတဲ့ အဝါရောင်နဲ့ လိမ္မော်ရောင်ရှိတဲ့ ဟင်းသီးဟင်းရွက်တွေမှာ အများဆုံးတွေ့ရပြီး နို့ထွက်ပစ္စည်းတွေနဲ့ ဥအမျိုးမျိုးကနေ ရရှိနိုင်ပါတယ်။

ဗီတာမင် B – ဗီတာမင် B1, B2, B3, B6 နဲ့ B12 အစရှိတဲ့ ဗီတာမင် B အုပ်စုဟာ နေ့စဉ်ကုန်ဆုံးသွားတဲ့ အားအင်တွေကို ဖြည့်တင်းပေးပြီး ခန္ဓာကိုယ်အတွက် လိုအပ်တဲ့ သွေးနီဥဆဲလ်တွေကို ထုတ်လုပ်ပေးရာမှာလည်း အထောက်အကူဖြစ်စေတယ်။ သွေးလည်ပတ်မှုစနစ်နဲ့ အာရုံကြောစနစ်ကိုလည်း ကောင်းမွန်စေတယ်။ ဗီတာမင် B အုပ်စုကို အသား၊ ငါး၊ ကြက်သား၊ အခွံမာသီး၊ နို့ထွက်ပစ္စည်း၊ ဥနဲ့ ပဲအမျိုးမျိုးကနေတဆင့် ရရှိနိုင်သလို ဂျုံကြမ်းပေါင်မုန့်တွေမှာလည်း တွေ့ရပါတယ်။

ဗီတာမင် C – ကိုယ်ခန္ဓာထဲကို ဝင်လာမယ့် ရောဂါတွေကို ကာကွယ်တားဆီးပေးနိုင်တဲ့ အဓိက ဗီတာမင်ဓာတ်ဖြစ်ပါတယ်။ အရိုးနဲ့ ကြွက်သားကို ကျန်းမာကြံ့ခိုင်စေပြီး သွားဖုံးကိုလည်း ကောင်းမွန်စေပါတယ်။ အချဉ်ဓာာတ်များတဲ့ ရှောက်မျိုးနွယ်အသီးတွေ၊ သံပုရာသီး၊ စတော်ဘယ်ရီသီး၊ ကီဝီသီးအပြင် ခရမ်းချဉ်သီး၊ အာလူး၊ ဟင်းနုနွယ်ရွက်၊ ပန်းမုန်လာအစရှိတဲ့ အစိမ်းရောင် ဟင်းရွက်တွေကနေလည်း ဗီတာမင် C ဓာတ်ကို ရရှိနိုင်ပါတယ်။

ဗီတာမင် D – ကယ်လ်စီယမ်ဓာတ်ကို ကောင်းစွာ စုပ်ယူပေးနိုင်လို့ အရိုးနဲ့ သွားကို ကျန်းမာကြံ့ခိုင်စေပါတယ်။ အရေပြားပေါ် နေရောင်ခြည် တိုက်ရိုက်ထိတွေ့မိတဲ့အခါ ဗီတာမင် D ဓာတ်ကို လုံလောက်စွာ ရရှိနိုင်သလို နို့ထွက်ပစ္စည်းနဲ့ သဘာ၀ ငါးအဆီကနေလည်း ရနိုင်ပါတယ်။

သံဓာတ် – ကလေးတွေ၊ အထူးသဖြင့် လူပျို၊ အပျိုဖော်ဝင်ကာစ ဆယ်ကျော်သက်တွေရဲ့ ကြီးထွားဖွံ့ဖြိုးမှုကို အထောက်အကူဖြစ်စေတဲ့ သတ္တုဓာတ်လည်း ဖြစ်ပါတယ်။ ကြွက်သားတည်ဆောက်ဖို့နဲ့ သွေးနီဥဆဲလ်တွေကို ကောင်းစွာ ထုတ်လုပ်ပေးတဲ့နေရာမှာ ကူညီပေးနိုင်ပါတယ်။ ဝက်သား၊ အမဲသားကဲ့သို့ အနီရောင် အသား၊ ငါး၊ ကြက်သား၊ ပင်လယ်စာ၊ ပဲအမျိုးမျိုး၊ ဟင်းနုနွယ်ရွက်၊ ကြက်ဥအနှစ်ကနေ သံဓာတ်တွေကို အလုံအလောက်ရရှိနိုင်ပါတယ်။

ကယ်လ်စီယမ်ဓာတ် – အရိုးနဲ့ သွားတွေကို ကျန်းမာကြံ့ခိုင်စေဖို့အတွက် လိုအပ်တဲ့ သတ္တုဓာတ်ဖြစ်ပြီး ကျန်းမာကြံ့ခိုင်စွာ ကြီးပြင်းလာဖို့အတွက် ကလေးဘဝထဲက ကယ်လ်စီယမ်ဓာတ်ကို လုံလောက်စွာ ရရှိဖို့ အရေးကြီးပါတယ်။ ကယ်လ်စီယမ်ဓာတ် ချို့တဲ့တဲ့ ကလေးတွေဟာ တခြားကလေးတွေထက် အရိုးအဆစ်တွေ အားနည်းပြီး ကျိုးလွယ်နိုင်ပါတယ်။ အဆီလျှော့ထားတဲ့ နွားနို့၊ ဆော်လ်မွန်ငါး၊ ဆာဒင်းငါး၊ ဒိန်ချဉ်၊ ချိစ်၊ တို့ဟူးတွေမှာ ကယ်လ်စီယမ်ဓာတ် အများဆုံးပါဝင်ပြီး အစိမ်းရောင် ဟင်းရွက်တွေမှာလည်း တွေ့နိုင်ပါတယ်။

ဘာတွေကို သတိထားပေးရမလဲ။

ကလေးတွေအတွက် လိုအပ်တဲ့ ဗီတာမင်နဲ့ သတ္တုဓာတ်တွေကို ဖြည့်စွက်စာ၊ ဆေးဝါးတွေအစား သဘာဝအတိုင်း ပြင်ဆင်ချက်ပြုတ်ထားတဲ့ အစားအစာတွေကိုပဲ ကျွေးတာ ပိုပြီးကောင်းပါတယ်။ သကြားပါဝင်မှုများတဲ့ ဖျော်ရည်တွေ၊ အအေးတွေ၊ ဆီပါဝင်မှုများတဲ့ အသင့်စား fast food တွေ၊ အကြော်အလှော်တွေကို တတ်နိုင်သလောက် ရှောင်ပေးပါ။ ကိုယ်တိုင်ချက်ပြုတ်တဲ့အခါမှာလည်း ဆီ၊ ဆား၊ သကြားကို လျှော့ထည့်ပြီး အချိုမှုန့်ကို လုံးဝမထည့်သင့်ပါဘူး။

ကိုယ့်ရဲ့ ကလေးက ထမင်းစားနေချိန်နဲ့ ထမင်းစားပြီးမှာ ဖျော်ရည်သောက်တတ်တဲ့ အကျင့်ရှိတယ်ဆိုရင် သဘာဝအသီးအနှံတွေကို ကိုယ်တိုင်ကြိတ်ထားတဲ့ ဖျော်ရည်တွေ ဒါမှမဟုတ် နွားနို့ကိုသာ အဓိက တိုက်ပေးပါ။ ဗီတာမင်နဲ့ သတ္တုဓာတ်တွေကို ပမာဏနည်းနည်းနဲ့ လုံလောက်စွာ ရရှိစေဖို့အတွက် တစ်နေ့တာ ချက်ပြုတ်ပေးဖို့ ဟင်းလျာတွေကို သေချာစီမံထားရပါမယ်။ ဗီတာမင်ဆေးဝါးတွေကို တိုက်ကျွေးတဲ့အခါမှာ ဆရာဝန် ဒါမှမဟုတ် ဆေးအညွှန်းမှာ ပါတဲ့ ပမာဏထက် ပိုပြီး မကျွေးသင့်ပါဘူး။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အဆုတ်ကင်ဆာ ကာကွယ်ပါ

မဖြစ်ခင်က ကြိုတင်ကာကွယ်ပါ။ ဒီလို ကြိုတင်ကာကွယ်ရမယ့်အထဲမှာ အဆုတ်ကင်ဆာကလည်း တစ်ခုအပါအဝင်ပါပဲ။ အဆုတ်ကင်ဆာ သတိပြု ကာကွယ်လို့ ကျန်းမာရေးဂရုပြုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အဆုတ်ကင်ဆာ, ကျန်းမာရေးစင်တာ အောက်တိုဘာ 6, 2020 . 2 mins read

အဆစ်ရောင်သူများ ရှောင်ကြဉ်သင့်သည့် စားသောက်ဖွယ်ရာများ

အဆစ်အမြစ်ရောင်ခြင်းဟာ တွေ့ရများတဲ့ အခြေအနေတခု ဖြစ်ပါတယ်။ အရိုးအဆစ်တွေဟာ နာတာရှည်ရောင်ရမ်းပြီး နာကျင်ကိုက်ခဲခြင်းကို ဖြစ်ပေါ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

လေ့ကျင့်ခန်းမလုပ်ခင် ဘာတွေကို အဓိက စားသင့်လဲ

လေ့ကျင့်ခန်း အစားအစာ အာဟာရဓာတ် Gym သစ်သီးဝလံ ပရိုတင်း ရေဓာတ် ကစီ အဆီ နွားနို့ ကြက်ဥပြုတ် အိပ်ချိန် ကြွက်သား ထောပတ်သီး ငှက်ပျောသီး မနက်စာ ကိုယ်ခန္ဓာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ဓာတ်မတည့်စာအကြောင်း သိထားသင့်သမျှ

ဓာတ်မတည့်စာ ဓာတ်မတည့်လက္ခဏာ မိဘမျိုးရိုး ကိုယ်ခံအားစနစ် အရေပြား အစားအစာ ကလေး ကြက်ဥ အစေ့အဆန် ပဲအမျိုးမျိုး ပင်လယ်စာ နွားနို့ အသက်ရှူကျပ် အင်ပျဉ် အရေးပေါ်ကုသ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

ခြေသည်းလက်သည်းလေးတွေကို ဘယ်လိုစောင့်ရှောက်မလဲ။

ခြေသည်းလက်သည်းလေးတွေကို ဘယ်လိုစောင့်ရှောက်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 3 mins read
သင့်နှလုံးပိုကျန်းမာဖို့ အသားအစား ပဲစားပေးပါ

သင့်နှလုံးပိုကျန်းမာဖို့ အသားအစား ပဲစားပေးပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read

လူသိနည်းတဲ့ အိမ်မြှောင်တွေရဲ့ ကျန်းမာရေးအန္တရာယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read
သက်သက်လွတ်စားရင်း မှားနေကြသည်များ

သက်သက်လွတ်စားရင်း မှားနေကြသည်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 11, 2020 . 2 mins read