ကလေးငယ်ပထမနှစ်

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ဒီအချိန်မှာ သင့်ကလေးရဲ့ဦးနှောက်ကဟာ အရွယ်အစားရော၊ ရှုပ်ထွေးမှုပါ တိုးတက်လာနေပါပြီ။ ၅ စင်တီမီတာလောက် ပိုကြီးလာနိုင်ပါတယ်။ ကလေးငယ်ဟာတခါတရံ နိုးကြားနေလိုက်၊ ငြိမ်သွားလိုက်ဖြစ်နေချိန်လေးတွေရှိလာတာ သတိထားမိပါလိမ့်မယ်။ စိတ်မပူပါနဲ့ ဒါဖြစ်ရိုးဖြစ်စဉ်ပါပဲ၊ သူတို့ကပတ်ဝန်းကျင်ကိုစူးစမ်းနေကြတာပါ။ ဒါကြောင့် ဒီအချိန်ဟာ သူတို့နဲ့ဆက်သွယ်ရမယ့်အချိန်လည်းဖြစ်တယ်။ သူတို့နဲ့စကားပြောမယ်၊ သီချင်းတွေဆိုပြမယ်၊ ဒါမှမဟုတ် သင်ဘာလုပ်နေတယ်ဆိုတာကို အသေးစိတ်ပြောပြောပြနေမယ်၊ သူတို့နားမလည်ပေမယ့် အသံနဲ့ သင့်မျက်နှာအမူအရာကိုကြည့်ပြီး သင်ယူသဘောပေါက်ကြပါလိမ့်မယ်။ ဒီအချိန်မှာဆိုရင် သင့်ရင်သွေးလေးဟာ • မှောက်နေရင်း ခေါင်းကို ၉၀ဒီဂရီလောက်ထိ မော့နိုင်လာပြီ • ခေါင်းမတ်မတ်ထောင်နိုင်လာပြီ • လက်နှစ်ဖက်ကိုတူတူလှုပ်ရှားတတ်လာပြီ • တခါတလေ တိတ်တိတ်ငြိမ်ငြိမ်နေတတ်လာပါပြီ၊ ဒါဟာ ပတ်ဝန်းကျင်ကိုလေ့လာနေတာလည်းဖြစ်ပါတယ်။ သူ့ကိုဘယ်လိုအထောက်အပံ့ပေးနိုင်မလဲ ခုအချိန်ဟာ သင့်ကလေးလေးအတွက် သင်ယူဖို့အရေးကြီးဆုံးအချိန်ပါ။ သူငြိမ်နေချိန်မှာဆိုရင် သင်ကသူနဲ့စကားပြောတာ၊ သီချင်းတွေဆိုပြတာ၊ တွေ့မြင်နေရတဲ့ ပုံလေးတွေကိုပြပြီး ရှင်းပြ၊ ပြောပြတာမျိုးလုပ်သင့်ပါတယ်။ သူတို့ကိုနို့တိုက်နေရင်း၊ သေးခံလဲနေပေးရင်းနဲ့လည်း ယုယုယယပွတ်သပ်ပေးရင်း စကားတွေပြောနေနိုင်ပါတယ်။ ဒါဟာ သင့်ကလေးအတွက် ဘာသာစကားကျွမ်းကျင်မှု၊ […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုဆိုရင်ကလေးငယ်လေးတွေရဲ့ ပင်ကိုစရိုက်ပုံစံလေးတွေ ပေါ်လာပါပြီ။ တွေ့သမျှလူတိုင်းကို အားရပါးရပြုံးပြတတ်တဲ့ လူမှုဆက်ဆံရေးကောင်းသူဖြစ်ရင်ဖြစ်မယ်။ ရှက်တတ်ပြီး သူတို့ကိုကောင်းသောဦးတည်ချက်နဲ့ တစ်ယောက်ယောက်က ချဉ်းကပ်လာတာဆိုရင်တောင် မျက်နှာလေးကိုဖွက်ပြီး ပုန်းနေတတ်သူလေးတွေဖြစ်ရင်ဖြစ်မယ်။ တခြားလူတွေကို လက်ခံမဆက်ဆံမီ အခြေအနေတွေကို သေချာသုံးသပ်တတ်သူလေးတွေဖြစ်ရင်ဖြစ်မယ်။ ဒါပေမယ့် သူတို့စိတ်အခြေအနေဟာ ချက်ခြင်းဆိုသလို အလျင်အမြန်ပြောင်းရင်ပြောင်းသွားတတ်ပါတယ်။ သင်အပြင်ထွက်ဖို့ပြင်နေတာမြင်ရင် တာ့တာလှမ်းပြတာမျိုး သင့်အာရုံကိုရဖို့ ခြေဟန်လက်ဟန်တွေနဲ့လည်း ဖမ်းယူပါလိမ့်မယ်။ ဒီကိုးလပြည့်ပြီး နောက်ဆုံးရက်သတ္တပတ်မှာဆိုရင် သင့်ကလေးလေးဟာ- • ဘောလုံးကစားတတ်နေပါပြီ (သင်လှိမ့်ပေးလိုက်တဲ့ ဘောလုံးလေးကိုသင့်ဆီပြန်လှိမ့်ပေးတာမျိုး) • အကူအညီမလိုဘဲ ခွက်နဲ့သောက်တတ်နေပါပြီ • ပစ္စည်းသေးသေးလေးတွေကိုပါ လက်မနဲ့ လက်ညှိုးနဲ့ ညှပ်ပြီးသေသေချာချာကိုင်တတ်လာပါပြီ (ဒါကြောင့် အန္တရာယ်များတဲ့ အရာတွေကို ကလေးတွေလက်လှမ်းမမီနိုင်မယ့်နေရာမှာထားပါ) • အတန်ကြာကြာတစ်ယောက်ထဲ ကောင်းကောင်းမတ်တပ်ရပ်နိုင်လာပါပြီ။ • ‘မေမေ၊ ဖေဖေ’ စသည်ဖြင့် မပီမသခေါ်ချင်သလို လျှောက်ခေါ်တတ်လာပါပြီ။ • မေမေ ဖေဖေ အပြင် အခြားစာလုံးတွေ စပြောလာပြီ။ • လက်ဟန်ခြေဟန်နဲ့ စေခိုင်းတာတွေကို ပြန်တုံ့ပြန်တတ်လာပါပြီ […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုဆိုရင်ကလေးငယ်ဟာ စကားလုံး၊ စာကြောင်းတချို့ကို နားလည်လာပါပြီ။ ဒါကြောင့် သူတို့နဲ့စကားအဆက်မပြတ်ပြောပေးနေဖို့ ပိုအရေးကြီးလာပါပြီ။ သူတို့ကမပီကလာ ပီကလာနဲ့ပြောတဲ့စကားပြတ်ကို မှန်ကန်တဲ့စကားလုံးအပြည့်အဖြစ်ပြန်ပြောပြီး စကားပြောဆိုမှုပုံစံကောင်းမွန်လာပါစေ။ ဒီအရွယ်မှာ သူတို့ပြောတဲ့ကလေးစကားပြောနည်းပုံစံအတိုင်း လိုက်ပြောတာကို အတတ်နိုင်ဆုံးရှောင်ပါ။ ပျော်စရာကောင်းပေမယ့် ကလေးငယ်ဖွံ့ဖြိုးမှုအတွက် သူတို့စကားလုံးအမှန်ကိုကြားတာကို ပိုအကျိုးရှိပါတယ်။ တခါတလေကြောင်တောင်တောင်နိုင်နိုင်ပေမယ့် ကလေးငယ်နဲ့စကားပြောနေခြင်းက သူတို့အတွက် ဘာသာစကားစွမ်းရည်ကိုတိုးတက်လာစေပါတယ်။ သူတို့ကဗလုံးပထွေးနဲ့ အားရပါးရပြောနေတဲ့အခါ ‘ဟယ် ဟုတ်လား၊ ဘာဖြစ်သွားလဲ၊ ပြောပါဦး’ စသည်ဖြင့် ပြန်တုံ့ပြန်သင့်ပါတယ်။ သူတို့နှစ်ခြိုက်စွာရယ်ပြီး ဆက်ပြောနေမှပါ..။ ခုဆယ်လပြည့်ချိန်မှာ သင့်ရင်သွေးလေးဟာ- • မတ်တပ်ရပ်တတ်လာပါပြီ • ထိုင်ရာကနေမတ်တပ်ထရပ်တတ်လာပြီ • သင်သူ့အရုပ်ကိုယူသွားရင်ပြန်လုတတ်ပြီ • ဖေဖေ၊ မေမေ ခေါ်တတ်ပြီ • တူတူပုန်းတမ်းလိုမျိုး ကစားတတ်ပြီ • သင်နဲ့ခြေဟန်လက်ဟန်တွေလုပ်ပြတတ်ပါပြီ   သူ့ကို ဘယ်လိုအထောက်အပံ့ပေးနိုင်မလဲ ကလေးငယ်ဖွံ့ဖြိုးမှုအတွက် သူတို့နဲ့ဆက်သွယ်ပြောဆိုနေဖို့က အရေးကြီးပါတယ်။ သူတို့ညွှန်ပြတဲ့အရာကို နာမည်ပြောပြတာ၊ ဒါမှမဟုတ် သင်ကနေ အရာဝတ္ထုတွေညွှန်ပြရင်း ဘယ်လိုခေါ်လဲသင်ပေးတာမျိုးဟာ သူတို့ကိုအမည်နာမတွေသိဖို့ ကူညီပေးပါတယ်။ သူတို့ကို […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုအရွယ်မှာဆိုရင် သင့်ရင်သွေးလေးဟာ ယုံကြည်ချက်ရှိရှိ တစ်ယောက်ထဲထိုင်နိုင်ပြီ၊ ပရိဘောဂတွေကိုကိုင်ကာ လမ်းလျှောက်နိုင်ပြီ၊ အကူအညီမလိုဘဲ မတ်တပ်ရပ်နိုင်နေပါပြီ။ မတ်တပ်ရပ်ရင်းကနေ အရုပ်တွေဘာတွေတောင် ကုန်းကောက်နိုင်နေလောက်ပါပြီ။ တကယ်လို့ သင့်ကလေးကလမ်းစမလျှောက်သေးဘူးဆိုလည်း စိတ်မပူပါနဲ့။ ကလေးများစုဟာ ၁၂လသားမှာ ပထမဆုံးခြေလှမ်းလှမ်းတတ်ကြတယ်ဆိုပေမယ့် တချို့ကလေးတွေက ၁၈လသားလောက်မှ လမ်းစလျှောက်တာမျိုးလည်းရှိပါတယ်။ ခုအချိန် ဆယ်လပြည့်ပြီးလို့ နှစ်ပတ်မြောက်အချိန်မှာဆိုရင်တော့ သင့်ရင်သွေးလေးဟာ- • ဝမ်းလျားမှောက်ရာမှ ထထိုင်တတ်ပြီ • လက်ခုပ်တီးတတ်၊ တာ့တာ ပြတတ်ပြီ • ပစ္စည်းသေးသေးလေးတွေကိုပါ လက်မနဲ့ လက်ညှိုးနဲ့ ညှပ်ပြီးသေသေချာချာကိုင်တတ်လာပါပြီ (ဒါကြောင့် အန္တရာယ်များတဲ့ အရာတွေကို ကလေးတွေလက်လှမ်းမမီနိုင်မယ့်နေရာမှာထားပါ) • ပရိဘောဂတွေကိုင်ပြီးလမ်းလျှောက်တတ်ပြီ • ‘မလုပ်ရဘူး’ စသကဲ့သို့ အငြင်းဝါကျကိုနားလည်လာပြီ (အမြဲလိုက်နာမှမဟုတ်ပေမယ့်ပေါ့) သူ့ကို ဘယ်လိုအထောက်အပံ့ပေးနိုင်မလဲ မုန်လာဥနီအစိမ်းလိုက်လိုမျိုး၊ စပျစ်သီးအလုံးလိုက်လိုမျိုး နင်နိုင်တဲ့စားစရာတွေကျွေးခြင်းမှရှောင်ပါ။ အသီးအရွက်ဆိုလျှင် သေချာချက်ပြုတ်ပြီး သေးသေးလေးတွေလှီးဖြတ်ပြီး၊ အသီးအနှံဆိုလျှင် အတုံးသေးသေးလေးတွေတုံးပြီး လှီးဖြတ်ပြီး ကျွေးရပါမယ်။   ကျန်းမာဖို့၊ လုံခြုံဖို့ ဆရာဝန်နှင့် ဘာတွေ ဆွေးနွေးသင့်ပါသလဲ။ ဒီအရွယ်မှာ […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုအချိန်မှာဆိုရင် ကလေးလေးဟာ သင့်လက်ကိုဆုပ်ကိုင်ရင်း လမ်းလျှောက်တတ်နေပါပြီ။ သင်ကသူတို့ကိုအင်္ကျ ီလဲပေးတဲ့အခါတွေမှာလည်း သူတို့လက်လေး ခြေထောက်လေးတွေကို ဆန့်တန်းထုတ်ပေးပြီး သင့်ကိုကူညီနေတတ်ပါပြီ။ ထမင်းစားချိန်မှာလည်း သူတို့ခွက်ထဲကသူတို့သောက်နိုင်၊ စားနိုင်နေလောက်ပါပြီ (တချို့ကလေးတွေကတော့ တစ်နှစ်၊ နှစ်နှစ်သားလောက်ထိ မစားနိုင်သေးတာလည်း ရှိပါလိမ့်မယ်) ဒီအရွယ်ဆိုရင် သင့်ရင်သွေးလေးဟာ- • တစ်ယောက်ထဲခေတ္တမတ်တပ်ရပ်နိုင်လာပြီ • မေမေ ဖေဖေ ခေါ်တတ်ပြီ • လိုချင်တာကို လက်ညှိုးထိုးပြတတ်နေပါပြီ   သူ့ကို ဘယ်လိုအထောက်အပံ့ပေးနိုင်မလဲ ကလေးငယ်ဟာ သင်ကောက်ပေးအောင်လို့ ပစ္စည်းတွေကိုတမင်လွှတ်လွှတ်ချနေတာမျိုး လုပ်ကောင်းလုပ်နေပါလိမ့်မယ်၊ တကယ်လို့ သင်က ကောက်ပေးရတာများလာလို့ ပင်ပန်းလာရင် သူတို့ကို တူတူပုန်းတမ်းလိုမျိုး တခြားဂိမ်းတစ်ခုနဲ့ အာရုံပြောင်းကစားပေးလိုက်ပါ။   ကျန်းမာဖို့၊ လုံခြုံဖို့ ဆရာဝန်နှင့် ဘာတွေ ဆွေးနွေးသင့်ပါသလဲ။ ဒီအရွယ်မှာ ပုံမှန်စစ်ဆေးဖို့ရက်ချိန်းမပေးတတ်ပါဘူး။ ဒါပေမယ့် တကယ်လို့တစ်ခုခု စိတ်ပူစရာမျိုးရှိရင်တော့ ဆရာဝန်ချက်ခြင်းသွားပြပါ။ ဘာတွေသိသင့်လဲ။ ဒီအချိန်မှာဆိုရင် အအေးမိတာ၊ ဖျားတာမျိုးတွေနဲ့ ကြုံလာရပြီဖြစ်တဲ့အတွက် ပဋိဆေးဝါးဆေးတွေနဲ့ပတ်သတ်လို့ သိထားသင့်ပါတယ်။ သင်သိထားသင့်တာတွေကတော့- ကလေးကိုပဋိဇီဝဆေးတွေပေးတဲ့အခါ သိတိထားပါ။ ထိုဆေးတွေဟာ ဘတ်တီးရီးယားတစ်မျိုးထဲကိုသာ နိုင်တာဖြစ်ပြီး […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုအရွယ်မှာဆိုရင် သင့်ရင်သွေးလေးဟာ- • ငိုတာအပြင် တခြားနည်းလမ်းတွေနဲ့ သူတို့လိုချင်တာကိုပြောတတ်လာပါပြီ • ဘောလုံးကစားတတ်ပြီ • အကူအညီမလိုဘဲ ခွက်ကနေသောက်တတ်ပြီ • ပစ္စည်းသေးသေးလေးတွေကိုပါ လက်မနဲ့ လက်ညှိုးနဲ့ ညှပ်ပြီး သေသေချာချာကိုင်တတ်လာပါပြီ (ဒါကြောင့် အန္တရာယ်များတဲ့အရာတွေကို ကလေးတွေလက်လှမ်းမမီနိုင်မယ့် နေရာမှာထားပါ) • အခြားဘာသာစကားတစ်ခုကိုပြောနေသလိုပဲ မပီကလာ ပီကလာနဲ့ စကားတွေဗလုံးပထွေး လျှောက်ပြောတတ်လာပြီ • မေမေ ဖေဖေ အပြင်ပြောတတ်လာပြီ • ခြေဟန် လက်ဟန်ပြပြီး ခိုင်းတဲ့အမိန့်ကို ပြန်တုံ့ပြန်တတ်လာပြီ ( ‘ဒီကိုပေး’ ဆိုပြီး လက်ဖြန့်တောင်းတာမျိုး) • လမ်းကောင်းကောင်းလျှောက်တတ်လာပါပြီ သူ့ကို ဘယ်လိုအထောက်အပံ့ပေးနိုင်မလဲ ကလေးငယ်လေးဟာ ခုဆိုရင် သူ့ကိုညွှန်ပြမှုတွေကိုနားလည်နေပါပြီ သင်က ‘မလုပ်နဲ့ မကိုင်နဲ့’ စသည့်ဖြင့် တားမြစ်တာတိုင်းကို လိုက်နာမှာတော့မဟုတ်ပေမယ့်ပေါ့…။ ဒါကြောင့် သင့်စကားနည်းနည်းအရာရောက်စေဖို့ တကယ်လိုအပ်ပြီး အရေးကြီးတဲ့အခါမျိုးမှသာသုံးတာပိုကောင်းပါလိမ့်မယ်။ သေချာပေါက် ကလေးက သင်ဒီနေ့ပြောတာကို မနက်ဖြန်မှတ်မိတော့မှာမဟုတ်ပေမယ့် စည်းကမ်းသတ်မှတ်ချက်လေးတစ်ချို့ သတ်မှတ်ဖို့မစောလွန်းတော့ပါဘူး။ ဒါကြောင့် […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုဆိုရင် စကားလုံးတွေရော စကားလုံးဆန်ဆန်အသံပေါင်းစုံရော သင့်ကလေးဆီကထွက်လာနေပါပြီ။ ပြီးတော့ သူတို့ဟာ စကားလုံးတွေကို အဓိပ္ပါယ်ရှိရှိ နေရာတကျလည်း သုံးတတ်နေပါပြီ။ ကလေးငယ်ရဲ့ ဦးနှောက်ဟာ ဆက်လက်ဖွံ့ဖြိုးလာတာနဲ့အမျှ သူတို့ရဲ့စဉ်းစားဆင်ခြင်နိုင်စွမ်းတွေ၊ စကားပြောနိုင်စွမ်းတွေကလည်း တိုးတက်လာပါပြီ။ ဒီအရွယ်မှာဆိုရင် သင့်ရင်သွေးလေးဟာ- • မှောက်နေရာမှ ထထိုင်နိုင်ပြီ • ပစ္စည်းသေးသေးလေးတွေကိုပါ လက်မနဲ့ လက်ညှိုးနဲ့ ညှပ်ပြီးသေသေချာချာကိုင်တတ်လာပါပြီ (ဒါကြောင့် အန္တရာယ်များတဲ့ အရာတွေကို ကလေးတွေလက်လှမ်းမမီနိုင်မယ့်နေရာမှာထားပါ) • အမြဲလိုက်နာမှမဟုတ်ပေမယ့် ‘မလုပ်ရဘူး ၊ မကိုင်ရဘူး’ စသည့်အငြင်းစကားတွေကို နားလည်နေပါပြီ။ သူ့ကို ဘယ်လိုအထောက်အပံ့ပေးနိုင်မလဲ ဒီအရွယ်မှာဆိုရင် ကလေးဟာစကားလုံးတွေ၊ အသံထွက်တွေကိုလိုက်အတုခိုးတတ်နေပါပြီ။ နောက်ပြီး ‘ဘောလုံးလေးယူခဲ့’၊ ‘ဇွန်းလေးကောက်လိုက်ပါဦး’ စသည်ဖြင့် တစ်ဆင့်ထဲအမိန့်တွေကိုလည်း လိုက်နာတတ်နေပါပြီ။ သူတို့သင်ယူမှုကို အားပေးတဲ့အနေနဲ့ လိုက်နာရလွယ်ကူတဲ့အဆင့်လေးတွေနဲ့အမိန့်မျိုးကို ခြေဟန်လက်ဟန်တွေနဲ့ ပြောကြည့်ပါ။   ကျန်းမာဖို့၊ လုံခြုံဖို့ ဆရာဝန်နှင့် ဘာတွေ ဆွေးနွေးသင့်ပါသလဲ။ ဒီအရွယ်မှာ ပုံမှန်စစ်ဆေးဖို့ရက်ချိန်းမရှိတတ်ပါဘူး။ ဒီအရွယ်ကလေးငယ်တွေဟာ ဆရာဝန်ဆီသွားရတာကို မကြိုက်တဲ့အပြင် […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုဆိုရင်ကလေးဟာ စာရွက်တွေလျှောက်လှန်ရတာ၊ စာအုပ်တွေကြည့်ရတာကို နှစ်သက်လာပါပြီ။ စာရွက်တစ်ရွက်ချင်းစီလှန်ဖို့ကတော့ မဖြစ်နိုင်သေးပေမယ့်ပေါ့။ အရုပ်အကြီးကြီးတွေပါတဲ့ စာအုပ်တွေကိုသူတို့သဘောခွေ့ကြမှာပါ။ ကလေးတွေစာဖတ်ချိန်မှာ အမျိုးစုံဖို့အတွက်၊ သူတို့ဘယ်လိုစာအုပ်မျိုးပိုနှစ်ခြိုက်လဲသိရအောင် ကိုယ်ပိုင်စာကြည့်တိုက်ငယ်လေးတည်ဆောက်ပေးတာ၊ ဒါမှမဟုတ် မိသားစုစာအုပ်စင်မှာ ကလေးအတွက်တစ်ကန့်ထားပေးတာမျိုး၊ သူငယ်ချင်းမိတ်ဆွေတွေနဲ့ စာအုပ်ဖလှယ်တာမျိုး လုပ်ပေးပါ။ ဒီအရွယ်မှာဆိုရင် သင့်ရင်သွေးလေးဟာ- • လက်ခုပ်တီးတတ်၊ တာ့တာ ပြတတ်ပြီ • ပရိဘောဂတွေကိုင်ပြီးလမ်းလျှောက်တတ်ပြီ • လိုချင်တာကို ညွှန်ပြတတ်ပြီ • စာအုပ်တွေကြည့်ရ၊ စာရွက်တွေလျှောက်လှန်ရတာကို နှစ်သက်တတ်လာပါပြီ သူ့ကို ဘယ်လိုအထောက်အပံ့ပေးနိုင်မလဲ သင့်ကလေးဟာ ပြီးခဲ့တဲ့လတွေမှာ သင်နဲ့ခွဲနေရမှာကိုပူပန်တဲ့စိတ်တွေနဲ့ သတ်ပုတ်နေခဲ့ရမှာပါ။ ဒါဟာသဘာဝကျပါတယ်၊ ဘာလို့လည်းဆိုတော့ သူတို့ကသင့်ကိုချစ်ပြီး မှီခိုတာကိုး..။ ဒါကိုသက်သာစေဖို့ ခွဲနေရချိန်ကိုတတ်နိုင်သမျှတိုပါစေ။ ကလေးကို နေ့ကလေးထိန်းကျောင်း၊ ဒါမှမဟုတ် အိမ်မှာကလေးထိန်းနဲ့ထားခဲ့ရတဲ့အခါ ကလေးကိုသေချာပြောခဲ့ပါ၊ ဒါပေမယ့် အကြာကြီးနှုတ်ဆက်လိုက်၊ ငိုလိုက်နဲ့ ပိုစိတ်ညစ်စရာကောင်းအောင်တော့မလုပ်ပါနဲ့။ သူတို့က ခဏနေရင် ပြန်ရွှင်မြူးမှာပါ။ အချိန်ပြည့်ဘေးကနေ့ အရိပ်တကြည့်ကြည့်လုပ်တာလျှော့ခြင်းဖြင့် သူတို့ကိုအမှီအခိုကင်းအောင် ကူညီနိုင်ပါတယ်။ ဒါပေမယ့် […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ တကယ်လို့သင့်ရင်သွေးလေးက ခုထိလမ်းမလျှောက်သးဘူးဆိုရင် မကြာခင်စလျှောက်တော့မှာပါ။ တကယ်လို့မလျှောက်သေးရင်လည်းမပူပါနဲ့၊ လုံးဝပုံမှန်ကလေးတချို့ဟာ ၁၆လ၊ ၁၇လသားလောက်မှ လမ်းစလျှောက်တတ်ပါတယ်။ ဒီအရွယ်မှာဆိုရင် သင့်ရင်သွေးလေးဟာ- • တစ်ယောက်ထဲကောင်းကောင်းမတ်တပ်ရပ်တတ်ပြီ • လမ်းကောင်းကောင်းလျှောက်တတ်ပြီ • ငိုတာအပြင် တခြားနည်းလမ်းနဲ့ သူလိုချင်တာကိုပြောတတ်ပြီ • ဘောလုံးကစားတတ်ပြီ • ခွက်ကနေအကူမလိုဘဲသောက်တတ်ပြီ • မသိရင် တခြားဘာသာစကားတစ်ခုပြောနေသလို မပီကလာပီကလာ လျှောက်ပြောတတ်လာပြီ • ခြေဟန်လက်ဟန်မပြတော့လည်း တချို့အမိန့်စကားတွေကို လိုက်လုပ်တတ်လာပြီ • မေမေ ဖေဖေ အပြင် စကားလုံးတွေအများကြီးပိုပြောလာပါပြီ။ သူ့ကို ဘယ်လိုအထောက်အပံ့ပေးနိုင်မလဲ အမြဲတမ်းလိုပဲ သင့်ရင်သွေးလေးက စွမ်းရည်အသစ်တွေလေ့ကျင့်နေချိန်မှာ လုံခြုံတဲ့ပတ်ဝန်းကျင်တစ်ခုဖန်တီးထားပေးပါ။ ကလေးစောင့်ရှောက်မှုနည်းတွေလေ့လာပြီး ကလေးကိုဘယ်တော့မှပစ်မထားနဲ့။ ပြီးတော့…… ကင်မရာအသင့်သာပြင်ထားပါတော့။ သင့်ကလေးငယ်ပထမဆုံးခြေလှမ်းကိုကြည့်ရတာလောက် ပျော်စရာကောင်းတာလောကကြီးမှာမရှိတော့ပါဘူး။ သူတို့ရှေ့မတ်တပ်ရပ်လို့ဖြစ်စေ၊ ဒူးထောက်ရင်းဖြစ်စေ သင့်လက်တွေကိုဆန့်ထုတ်ထားပြီး သူတို့လမ်းလျှောက်တာကိုအားပေးပါ။ ဒါမှမဟုတ် သူတို့လက်ကိုကိုင်ထားပေးရင်း သင့်ဆီသူတို့လျှောက်လာပါစေ။ ကလေးအများစုလိုပဲ သင့်ကလေးဟာ ပထမဆုံးခြေလှမ်းတွေမှာ ဟန်ချက်ညီစေဖို့အတွက် တံထောင်ကွေးထားလျက်လက်ကို ဘေးကိုဆန့်ထုတ်ရင်း ၊ ခြေထောက်တွေကဘေးကားပြီး ဝမ်းဗိုက်ကရှေ့ထွက်၊ အောက်ပိုင်းကနောက်ကျန်ခဲ့ရင်းလျှောက်ကြပါလိမ့်မယ်။   ကျန်းမာဖို့၊ လုံခြုံဖို့ ဆရာဝန်နှင့် […]

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ပထမဆုံးတစ်လပြည့်ပြီး အပတ်မှာပဲ သင့်ရင်သွေးလေးဟာ သူတို့မှောက်လျက်အနေအထားမှာဖြစ်ဖြစ် ခဏလောက်လေး ခေါင်းမော့နိုင်နေပါပြီ။ ဒါ့အပြင် တခြားလူတွေရဲ့မျက်နှာတွေကိုလည်း အာရုံစိုက်ကြည့်တတ်လာပြီ၊ အထူးသဖြင့် သူ့အနားမှာ အမြဲစောင့်ရှောက်နေတဲ့ သင့်ကိုပေါ့။ ခုအချိန်မှာဆိုရင် ကလေးလေးတွေဟာ တအီအီတအဲအဲ နဲ့ သူ့တို့ခံစားချက်လေးတွေကို အသံမျိုးစုံနဲ့ ဖော်ပြတတ်လာပြီ တခါတရံမှာ အသံစူးနေအောင်ထအော်တာမျိုး၊ ခိုးခိုးခစ်ခစ်ရယ်တာမျိုးလေးတွေပါ ရှိလာတတ်ပါတယ်။ သူ့ကိုဘယ်လိုအထောက်အပံ့ပေးနိုင်မလဲ သူတို့ကိုမြှူပါ၊ စနောက်ပါ၊ အမြဲသူတို့ကိုပြန်ဖြေပါ၊ စကားလေးတွေပြောပေးနေပါ။ ဒီအချိန်မှာဆိုရင် သူတို့ကအာရုံစိုက်မှုရတာကို နှစ်ခြိုက်တတ်လာပါပြီ။ ဒါကြောင့် သူတို့နဲ့တိုက်ရိုက်စကားတွေပြောပေးပါ။ ကလေးလေးတွေနဲ့အဆင်ပြေမယ့်ပုံစံမျိုးနဲ့ ပြောတာမျိုး၊ စကားလေးတွေသင်ပေးတာမျိုးလည်း ပြုလုပ်ပေးပါ။ ရင်သွေးလေးနဲ့ အမြဲဆက်သွယ်ပြောဆိုနေတာဟာ သူနဲ့မိခင်ကြားမှရင်းနှီးမှုတွေတိုးလာစေပါတယ်။   ကျန်းမာဖို့၊ လုံခြုံဖို့ ဆရာဝန်နဲ့ ဘာတွေဆွေးနွေးသင့်လဲ သင့်ကလေးရဲ့ကျန်းမာရေးအခြေအနေပေါ်မူတည်ပြီး ဆရာဝန်ကရက်ချိန်းပေးစစ်ဆေးစမ်းသပ်မှုများ ပြုလုပ်ပါတယ်။ ဒါပေမယ့် ခုအချိန်မှာ ဆေးခန်းသွားပြခဲ့ရင်တော့ ဒီအရာတွေ ဆရာဝန်နဲ့တိုင်ပင်သင့်ပါတယ်။ ကလေးရဲ့စားသောက်အိပ်စက်ခြင်းတွေအပါအဝင် ဖြစ်ရပ်အမျိုးမျိုးနှင့် ကလေးလေးရော၊ သင်တို့မိသားစုရော အိမ်မှာနေထိုင်မှုပုံစံအကြောင်း ကလေးရဲ့ကလေးချိန်၊ အရပ်၊ […]