ကလေးငယ်ပြုစုစောင့်ရှောက်နည်း

အဝလွန်နေတဲ့ကလေးတွေကလွဲပြီး အလေးချိန်အနည်းငယ်ပိုတိုးလာလို့ ကျန်းမာနေတဲ့ကလေးတွေ အများကြီးပါ။ ဒါပေမဲ့ ဒါဟာ ကလေးတွေ ဝလာစေမယ့် အလေးချိန်တိုးလာစေမယ့် စားစရာတွေကို နေ့စဉ်စားနေကျ အစာတွေထဲမှာ ထည့်ပြီး စားသောက်စေဖို့တော့မဟုတ်ပါဘူး။ သူတို့ရဲ့ စားသောက်မှုအလေ့အထတွေကို ဖြည်းဖြည်းချင်းပြောင်းလဲပြီး စားစရာတွေထဲကယ်လိုရီ နည်းနည်းပေါင်းထည့်တာက ပိုပြီးအသုံးဝင်ပါလိမ့်မယ်။ ဒီမှာတော့ ကလေးတွေပိန်နေလို့ (အလေးချိန်မပြည့်လို့) စိတ်ဆင်းရဲ စိတ်ပူပန်နေရတဲ့ မိဘတွေအတွက် ကူညီပေးနိုင်မယ့် အချက်တချို့ကို ဖော်ပြလိုက်ပါတယ်။   ၁။ အကြောင်းရင်းကို သိအောင်လုပ်ပါ။ အချို့ကလေးတွေအတွက် အလေးချိန်တိုးလာနိုင်ဖို့ ခက်ခဲနေတယ်ဆိုတာ ပုံမှန်မဟုတ်ပါဘူး။ အလေးချိန်တိုးဖို့ ခဲယဉ်းနေခြင်းကို ဖြစ်စေတတ်တဲ့အကြောင်းရင်းအချို့ကတော့.. ဟော်မုန်း သို့မဟုတ် ဇီဝဖြစ်စဉ်ကြောင့် ဆေးဝါးတွေအသုံးပြုခြင်း အလွန်အမင်းတက်ကြွလှုပ်ရှားခြင်းဟာ ပုံမှန်ထက် ကယ်လိုရီတွေကို ပိုပြီး လောင်ကျွမ်းစေနိုင်ပါတယ်။ အစာဓာတ်မတည့်မှုများ သူငယ်ချင်းများထံမှ စိတ်ပိုင်းဆိုင်ရာဖိစီးမှုများ မိဘတွေဟာ ကလေးအထူးကုတွေဆီကလည်း အကြံဉာဏ်ယူသင့်တယ်လို့ အကြံပြုထားပါတယ်။ ကလေးတွေရဲ့ ကျန်းမာရေးအခြေအနေတွေကို သူတို့ရဲ့ ပညာ၊ […]

အိပ်စက်ခြင်းဟာ ကလေးတွေရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ အတွေးအခေါ်တွေ တိုးတက်လာစေဖို့ အကြီးမားဆုံး အထောက်အပံ့ပါပဲ။ အားလုံးကို ခြုံပြီးကြည့်မယ်ဆိုရင် ကလေးတစ်ယောက်ဟာ သူ့ရဲ့ကလေးဘ၀၄၀%လောက်ကို အိပ်စက်ခြင်းနဲ့ ကုန်ဆုံးစေပါတယ်။ မိဘတွေအနေနဲ့ သင့်ကလေးဟာ လုံလောက်ပြီး အရည်အသွေးမြင့်တဲ့ အိပ်ချိန်တွေရရှိတယ်ဆိုတာ သေချာနိုင်ဖို့ သင်ဘာတွေလုပ်သင့်တယ်လို့ ထင်ပါသလဲ။   အိပ်စက်ခြင်းရဲ့ အရေးပါပုံများ ကလေးတွေအတွက် အိပ်စက်ခြင်းဟာ အရေးပါတယ်ဆိုတာ ကျွန်တော်တို့အားလုံးသိပါတယ်။ ဒါပေမဲ့ သူတို့ရဲ့ကျန်းမာရေးကို ကောင်းမွန်ပြည့်စုံစေဖို့တွက် အိပ်စက်ခြင်းက ဘယ်အခန်းကဏ္ဍမှာ လှုပ်ရှားနေတာလဲ။ အိပ်စက်ခြင်းဟာ ကြီးထွားဖွံ့ဖြိုးမှုကို အားပေးပါတယ်။ အမျိုးသားကလေးဆေးရုံကြီး (Children’s National Medical Center) က အိပ်ဆေးဒါရိုက်တာ၊MDဖြစ်တဲ့ Judith Owens ကတော့ နှစ်နှစ်ခြိုက်ခြိုက် အချိန်ကြာကြာအိပ်စက်ခြင်းဟာ ကလေးတွေရဲ့ ခန္ဓါကိုယ်ကနေ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ဖွံ့ဖြိုးကောင်းမွန်စေတဲ့ ကြီးထွားတဲ့ဟော်မုန်းတွေကို ထုတ်ပေးနိုင်ပါတယ်လို့ဆိုပါတယ်။ လေ့လာသူတွေကလည်း IQမြင့်မားတဲ့ကလေးတွေဟာ ဘယ်အသက်အရွယ်မှာပဲဖြစ်ဖြစ ပိုပြီးကြာကြာအိပ်လေ့ရှိပါတယ်တဲ့။ […]

ကလေးများသည်အသက်၂နှစ်မှစ၍သွားကျန်းမာရေးကိုသင် ယူသင့်ပါတယ်။ ကောင်းမွန်သောသွားကျန်းမာရေးဆိုသည်မှာ သွားတစ်နေ့၂ကြိမ်တိုက်ခြင်း၊ နေ့စဉ်သွားကြားထဲရှိအစာ များကိုသန့်ရှင်းခြင်း နှင့် ခံတွင်းသန့်ဆေးရည်အသုံးပြုခြင်း ကိုဆိုလိုပါတယ်။ ငယ်စဉ်ကပင်ကောင်းမွန်သောသွားကျန်း မာရေးအလေ့အထရှိပါကနောင်သွားပြဿနာများကင်းဝေး နိုင်ပါတယ်။ ၁။ သွားတိုက်ပြီး သွားကြားထဲရှိအစာများကိုရှင်းပါ။ သင်ကိုယ်တိုင်ကလေးနှင့်သွားအတူတိုက်ခြင်းဖြင့် မှန်ကန်သောသွားတိုက်နည်းကိုသင်ပြပါ။ ထိုသို့လုပ်ခြင်းဖြင့်ကလေးများသည်ကောင်းမွန်သော သွားတိုက်နည်းအလေ့အထကိုရ ရှိနိုင်ပါတယ်။ ၂။ ကလေးများကိုသူတို့ကြိုက်နှစ်သက်ရာသွားပွတ်တံနှင့် သွားတိုက်ဆေးကိုရွေးချယ်ပါစေ။ ရောဂါပိုးမွှားများသွားတိုက်တံတွင်မရှိစေရန် သွားတိုက်တံ ကိုအနည်းဆုံး၃လတစ်ကြိမ် လဲလှယ်သင့်ပါတယ်။ ထိုအခါမျိုးတွင် ကလေးစိတ်ကြိုက်သွားပွတ်တံကိုလဲလှယ်ခိုင်းပါ။ ကလေးကြိုက်နှစ်သက်နိုင်သည့်ရောင်စုံ၊ ကာတွန်းပုံစံသွား ပွတ်တံများကိုလည်းရွေးချယ်နိုင်ပါတယ်။ သွားတိုက်ဆေး ရွေးချယ်ရာတွင်လည်းကလေးကြိုက်နှစ်သက်နိုင်မည့်မွှေး၍ ချိုသောသွားတိုက်ဆေးကိုရွေးချယ်ပါ။ ၃။ သွားတိုက်ရန်အချိန်ယူပါ။ သွားတိုက်ချိန် ၃မိနစ်သည်အသင့်တော်ဆုံးအချိန် ဖြစ်သည်ဟုသွားဆရာဝန်များကဆိုကြသည်။ သွားတိုက်ချိန် တွင်၃မိနစ်စာသီချင်းဆိုခြင်းဖြင့်ကလေးများပျော်ရွှင်နိုင်ပါ တယ်။ ၄။ သွားနှင့်ပတ်သက်သောပုံပြင်နှင့် ဗွီဒီယိုများ သွားနှင့်ပတ်သက်သောပုံပြင်များကိုအိပ်ရာမဝင်ခင်ပြောပြခြင်း ခံတွင်းကျန်းမာရေးနှင့်ပတ်သက်သောရုပ်ရှင်များပြသခြင်းဖြင့် ကလေးများသည်ကောင်းမွန်သောသွားတိုက်နည်းအလေ့အထရရှိပြီး သွားတိုက်ခြင်းအကျိုးကျေးဇူးကိုသိလာနိုင်ပါတယ်။ ၅။ ဆုပေးပါ။ ကောင်းမွန်သောသွားတိုက်နည်းအလေ့အထရရှိနိုင်ရန်ခံတွင်း သန့်ရှင်းရေးလုပ်ပြီးတိုင်းလှပသောstickerပေးခြင်းဖြင့်ဆုချီးမြှင့် လိုက်ပါ။   Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေး ပါ။

ဦးခေါင်းက သန်းတွေ ဟာ ကလေးအများစုမှာတွေ့ရတတ်ပြီး ခေါင်းယားတာမျိုး၊ မျက်ခုံးတွေနဲ့ မျက်တောင်တွေယားတာမျိုးဖြစ်စေတတ်ပါတယ်။ သူတို့ဟာ အန္တရာယ်မများပေမယ့် ဖြေရှင်းဖို့တော့ အတော်ခက်တဲ့ကိစ္စပါ။ တကယ်လို့သင့်ကလေးမှာ သန်းရှိတယ်ဆိုရင် သင်ဘာလုပ်မလဲ။ ဒီအကြံပြုချက် ၅ချက်ကို လိုက်နာကြည့်လိုက်ပါ။   ကလေးခေါင်းမှာ သန်းရှိမရှိ သေချာကြည့်ပါ။ ပထမဆုံး သင့်ကလေးမှာ သန်းတွေရှိနေတယ်ဆိုတာ အတည်ပြုပါ။ သင့်ကလေးရဲ့ လက္ခဏာတွေကို စစ်ဆေးနိုင်ပြီး သူ့ကိုလည်း စစ်ဆေးခံခိုင်းပါ။   လက္ခဏာတွေကတော့ သန်းတွေဟာ သေးငယ်ပေမယ့် သာမန်မျက်စိနဲ့ မြင်နိုင်ပါတယ်။ အဖြစ်များတဲ့ လက္ခဏာတွေကတော့ ကလေးဟာ ခေါင်းမှာ မနေနိုင်မထိုင်နိုင်ယားတာကို ခံစားမိနေမယ်။ ယားယံခြင်းကတော့ သန်းစကူးပြီ၊ သန်းစရှိပြီဆိုတာနဲ့ စတင်တာမဟုတ်ပါဘူး။ သင့်ကလေး စတင်ယားလာဖို့အချိန်နဲ့ သူတို့ခေါင်းကို စကုတ်ဖို့အချိန်က ရက်သတ္တပတ် အနည်းငယ်လောက် ကြာနိုင်ပါတယ်။   သင့်ကလေးက ခေါင်းမှာ အကောင်တွေ သွားနေသလို ခံစားချက်တွေရှိလာမယ်။ ကလေးရဲ့ လည်ပင်း၊ ခေါင်းနဲ့ ပုခုံးတွေမှာ အဖုတွေတွေ့လာနိုင်ပါတယ်။ အဖုတွေက သေးငယ်နီရဲပြီး […]

သင်ဟာ သားသမီးကို ရိုက်နှက်ဆုံးမတတ်သူလား။ ရိုက်ဆုံးမတဲ့နည်းလမ်းက ကလေးကို တကယ်လိမ္မာသွားစေမှာလား။ မိဘတွေဟာ ကလေးတွေကိုရိုက်ဆုံးမတဲ့အခါ ဒေါသထွက်နေချိန်ဖြစ်တာကြောင့် တစ်ခါတရံ စိတ်မထိန်းနိုင်ဘဲ ကိုယ့်စိတ်ဖြေသလို လုပ်နေမိတတ်ပါတယ်။ မိဘအနေနဲ့ ကိုယ့်စိတ်ကို အရင်ထိန်းပြီးဆုံးမသင့်သလောက်သာဆုံးမမယ်ဆိုရင်အကောင်းဆုံးပါ။ ကလေးကို ရိုက်ပြီးဆုံးမမှာလား ဆိုးကျိုးတွေ ရှိနိုင်ပါတယ် မိဘတွေက ကလေးကို ရိုက်ရတော့မယ်လို့ တွေးလိုက်ရင် အလိုလိုကို စိတ်မာထားရမယ်လို့ ခံယူထားကြပါတယ်။ အသည်းမာရမယ်ပေါ့။ ဒါ့ကြောင့်ပဲ ကလေးကို ရိုက်ပြီးမှ သနားပြီး ပြန်ငိုတဲ့ တချို့မိဘတွေ ရှိပါတယ်။နောက်တစ်ချက်က အခုလို ရိုက်ခံရအောင် ကလေးက သူ့ဘာသာ ဖန်တီးခဲ့တာလို့ တွေးထားတာ ဖြစ်ပါတယ်။ အရိုက်ခံရအောင် လုပ်တာ သူတို့အမှားပဲ၊ ငါတို့မှားတာ မဟုတ်ဘူးလို့ တွေးကြတာပါ။ ရိုက်ဆုံးမလိုက်ရင် ကလေးရဲ့ အပြုအမူတွေကို ခဏတာအတွင်း ထိန်းချုပ်နိုင်မှာလား ကလေးတစ်ယောက်ဟာ အရိုက်ခံလိုက်ရတဲ့အချိန်မှာ သူ့ရဲ့လေ့လာနိုင်စွမ်း၊နားလည်မှတ်သားနိုင်စွမ်းနဲ့ ဆိုင်တဲ့ ဦးနှောက်အပိုင်းမှာ နှိုးဆွလိုက်သလိုဖြစ်စေပါတယ်။ ဒါ့ကြောင့် […]

ကလေးဖွံ့ဖြိုးကြီးထွားတာကို အထောက်အကူပြုနိုင်တဲ့ ပျော်ရွှင်စရာလှုပ်ရှားမှုများ နေ့စဉ်လုပ်ဆောင်နေတဲ့ ကိုယ်လက်လှုပ်ရှားမှုတွေက ကလေးတွေအတွက် အဘက်ဘက်ကနေအကျိုးပြုနေပါတယ်။ မိဘတွေက ကလေးရဲ့လှုပ်ရှားမှုတွေနဲ့ ဆော့ကစားတဲ့အခါမျိုးတွေမှာ အတူပါဝင်ဆောင်ရွက်ပေးခြင်းက ကလေးရဲ့ လှုပ်ရှားမှုကိုပိုမိုလွယ်ကူစေမှာဖြစ်ပါတယ်။ ကလေးတွေက သူတို့နှစ်သက်တဲ့ လှုပ်ရှားမှုတွေကို အခြားအရာတွေထက်ပိုမိုလုပ်ဆောင်ချင်စိတ်ရှိတတ်ပါတယ်။ လှုပ်ရှားဆောင်ရွက်မှုတွေနဲ့ပျော်မွေ့လာတဲ့အခါ ကလေးရဲ့လုပ်ဆောင်နိုင်မှုစွမ်းရည်ကလည်း တဖြည်းဖြည်းနဲ့ကောင်းမွန်လာမှာဖြစ်ပါတယ်။ ကိုယ်လက်လှုပ်ရှားမှုတွေကို ကလေးရဲ့နေ့စဉ်ဆော့ကစားမှုတွေမှာ တစ်စိတ်တစ်ပိုင်းအနေနဲ့ ထည့်သွင်းနိုင်သလိုတော်တော်ငယ်ငယ်အရွယ်လောက်မှာကတည်းက သင်ကြားပေးလို့ရနေပြီဖြစ်ပါတယ်။ ကလေး ၂ နှစ်ခွဲ နဲ့ ၃ နှစ်အရွယ်လောက်မှာဘာတွေလုပ်နိုင်ပြီလဲ။ ကလေးတွေဟာ အသက် ၂ နှစ်ခွဲအရွယ်ရောက်တဲ့အခါ - ကောင်းကောင်းပြေးနိုင်နေပြီ၊ ကစားစရာတွေပေါ် တက်တတ်၊ဆင်းတတ်ပြီ၊ ဇွန်းကိုင်ပြီး ကိုယ်တိုင်စားနိုင်ပြီ၊ ခွက်ကိုင်ပြီး ကိုယ်တိုင်သောက်နိုင်ပြီ၊ ဦးတည်ချက်မှန်အောင်မချိန်ရွယ်နိုင်သေးပေမယ့်ဘောလုံးလိုမျိုး ခပ်ပျော့ပျော့အရာတွေကို ကန်တတ်ပြီ၊ လှေကားတက်တတ်ပြီ၊ ပစ်ချင်တဲ့နေရာကိုရောက်အောင်ဘောလုံးကိုပစ်တတ်ပြီ၊ ကိုယ်တိုင် အဝတ်လဲနိုင်ဖို့စသင်ယူနိုင်နေပြီ၊ ကလေးတွေဟာ ၃ နှစ်သားအရွယ်ရောက်လာတဲ့အခါ တစ်ယောက်တည်း လှေကားတွေလည်းတက်နိုင်ဆင်းနိုင်ပြီ၊ ကလေးစက်ဘီးလိုမျိုးခြေထောက်နဲ့နင်းပြီးစီးရတာတွေကို စစီးတတ်ပြီ၊ ဟန်ချက်ညီညီလမ်းလျှောက်တတ်ပြီဖြစ်သလိုခြေဖျားထောက်ပြီး လမ်းလျှောက်တတ်ပြီ၊ […]

သင့်ကလေးကို ကိုယ်ပြင်ဆင်ပေးတဲ့အစားအစာတွေ စားလာဖို့နဲ့ ကျန်းမာရေးနဲ့ညီတဲ့ စားသောက်ပုံအလေ့အကျင့် တွေမွေးမြူပေးဖို့ကအရမ်းကြီးအားထုတ်ကြိုးပမ်းစရာမလိုလောက်ပါဘူး။ အောက်ပါအချက်တွေကို နည်းနည်းချင်း သတိထားလုပ်ဆောင်သွားရင်ပဲ ကလေးတွေရဲ့နောက်ပိုင်းဘဝမှာ မှန်ကန်တဲ့စားသောက်ပုံနဲ့ ကျန်းမာတဲ့အလေ့အကျင့်တွေမွေးမြူနိုင်စေပါလိမ့်မယ်။   မိသားစုထမင်းဝိုင်းဖြစ်အောင် တတ်နိုင်သလောက်ကြိုးစားပါ - ဆူပူ၊ငြင်းခုံနေတာထက် စကားစမြည်ပြောဆိုရင်းသာယာတဲ့ ထမင်းစားချိန်ဖြစ်အောင်ကြိုးစားပါ။ ထမင်းစားချိန်က ပျော်စရာမကောင်း ခဲ့ရင် ကလေးတွေက မြန်မြန်စားပြီးထမင်းဝိုင်းကထသွားချင်နေမှာဖြစ်ပြီး စိတ်ဖိစီးမှု/မကျေနပ်စိတ်နဲ့အစာစားရတဲ့အကျင့် ပါသွားနိုင်ပါတယ်။ အိမ်မှာထားမယ့်အစားအစာတွေကို မိဘကပဲသင့်တော်သလိုရွေးချယ်စီစဉ်ပါ - ဘယ်အစားအစာတွေကို ဝယ်ထားမလဲ၊ ကလေးတွေအတွက် ဘာတွေပြင်ဆင်ပေးထားမလဲဆိုတာ မိဘကပဲဆုံးဖြတ်ပါ။ ကလေးတွေကတော့ အာဟာရနည်းတဲ့အစားအစာတွေကိုပဲရွေးမှာဖြစ်ပေမယ့် ဘာတွေကို အိမ်မှာအမြဲထားရှိပေးမလဲဆိုတာကို လူကြီးတွေကဆုံးဖြတ်ရမှာပါ။ ကလေးဆိုတာ အငတ်မနေနိုင်တဲ့အတွက် အိမ်ကကြောင်အိမ်နဲ့ရေခဲသေတ္တာထဲမှာရှိတာကို ရှာစားကြမှာဖြစ်ပါတယ်။ ဒါပေမယ့် သူတို့တွေ အစားအတွက်စိတ်မပျက်ရအောင်လို့ သူတို့ကြိုက်တဲ့အစားအစာတွေကအာဟာရသိပ်မရှိလည်း တခါတလေတော့ ဝယ်ထည့်ထားနိုင်ပါတယ်။ စားစရာဝယ်ယူတဲ့အခါနဲ့ပြင်ဆင်ချက်ပြုတ်တဲ့အခါမှာ ကလေးတွေကို အတူပါဝင်စေပါ - ဒီလိုအတူပါဝင်စေခြင်းအားဖြင့် ကိုယ့်ကလေးဘာကိုကြိုက်တတ်လဲဆိုတာ ပိုသိလာမယ်၊အာဟာရတန်ဖိုးနဲ့ပတ်သက်ပြီး […]

ကလေးတွေဟာ သန္ဓေသားအရွယ် ၁၂ ပတ်သားဝန်းကျင်လောက်မှာကတည်းက အမိုင်နိုအက်ဆစ် အရည်ကို စတင်မြိုချတတ်နေပြီဖြစ်ပြီး သန္ဓေသား ၂၁ ပတ်အရွယ်အရောက်မှာ အရသာခံတဲ့အဖုလေးတွေက စတင်ဖွံ့ဖြိုးလာတာဖြစ်ပါတယ်။ ကလေးငယ်လေးတွေဟာ အမိုင်နိုအက်ဆစ်နဲ့ထိတွေ့မှုကနေတဆင့် အရသာ တွေနဲ့ပတ်သက်ပြီးလျင်လျင်မြန်မြန်သင်ယူနိုင်ကြပါတယ်၊ လို့လေ့လာမှုတွေမှာတွေ့ရှိရပါတယ်။ ကလေးငယ်လေးတွေဟာ အစားစားတတ်စအရွယ်ရောက်လာတဲ့အခါ သူတို့ဘယ်အစားအစာမျိုးကို ကြိုက်နှစ်သက်လဲဆိုတာကို စတင်ရွေးချယ်စားသုံးတတ်ပြီဆိုပေမယ့် သူတို့အထူးအထွေတစ်ခုခုများစားချင်နေ မလားဆိုတာမျိုးကိုတော့ မပြောပြတတ်သေးသလိုလူကြီးတွေအနေနဲ့ကလည်း မခန့်မှန်းနိုင်သေးပါဘူး။ သူတို့ ဒီနေ့ခံတွင်းတွေ့တဲ့အစားအသောက်ကို နောက်နေ့မှာမကြိုက်တော့ဘဲမှောက်ပစ်တာ၊ထွေးထုတ်တာမျိုးတွေ လုပ်လေ့ရှိပါတယ်။ အစားအသောက်ရွေးတာက အစားစားတတ်စကလေးငယ်တွေမှာဖြစ်လေ့ဖြစ်ထရှိတဲ့ အလေ့အထပဲဖြစ်ပါတယ်။ သူတို့လေးတွေက မနက်စာ ဒါမှမဟုတ် နေ့လယ်စာကိုအများကြီးစားပြီး တစ်နေကုန်ဘာမှမစားဘဲနေတာမျိုးတွေ၊ အစားအစာ ၁ မျိုး၊ ၂ မျိုးကိုပဲတစိုက်မတ်မတ်စားသုံးတာမျိုး အလေ့အထလေးတွေရှိပါတယ်။ ကလေးက ဒီလိုမျိုး အကျင့်လုပ်တဲ့အခါမျိုးမှာ စိတ်တိုတာမျိုးမလုပ်ပါနဲ့။ ကလေးကိုငယ်စဉ်ကတည်းက ကျန်းမာတဲ့အစားအစာတွေ ရွေးချယ်စားသုံးတတ်အောင်သွန်သင်ပေးပါ။ အရွယ်လေးရလာတာနဲ့အမျှ ကလေးငယ်တွေရဲ့ အစားစားချင်စိတ်နဲ့စားသောက်မှုအလေ့အထတွေက ဟန်ချက်ညီလာပြီး သူကြိုက်နှစ်သက်တဲ့အစားအသောက်တွေကို မိဘတွေရဲ့လှုံ့ဆော်ပေးမှုမပါဘဲ ရွေးချယ် […]

မိုးရာသီမှာ ဖြစ်တတ်တဲ့ ကျန်းမာရေးပြဿနာတွေကနေ ကလေးတွေကို ဘယ်လိုကာကွယ်မလဲ လေတဖြူးဖြူးနဲ့အေးစိမ့်တဲ့မိုးရာသီဟာ ကလေးတွေအတွက်ရောဂါဝေဒနာတွေကိုပါ အတူသယ်ဆောင်လာတတ်တာကြောင့် ကလေးငယ်တွေကို ဂရုတစိုက် ကာကွယ်စောင့်ရှောက်နိုင်ဖို့ အရေးကြီးပါတယ်။ မိုးရာသီရဲ့စိုစွတ်မှုက ကူးစက်နိုင်တဲ့ ရောဂါတွေရဲ့ အဓိကကျတဲ့ အချက်ဖြစ်သလို မုတ်သုံရာသီရဲ့အပူချိန်ဟာလည်း ဘက်တီးရီးယားနဲ့ဗိုင်းရပ်စ်ပိုးတွေပြန့်ပွားဖို့အတွက် အံကိုက်ဖြစ်လို့နေပါတယ်။ ရာသီဥတုပြောင်းလဲတာနဲ့ ကလေးတွေမှာ ရောဂါပိုဖြစ်လွယ်ပါတယ်။ ရာသီအကူးအပြောင်းမှာ များစွာသောနောက်ဆက်တွဲပြဿနာတွေပိုအဖြစ်များစေတာကြောင့် မိုးရာသီရောက်ပြီဆိုတာနဲ့ ကလေးတွေကိုသေချာဂရုစိုက်ဖို့လိုပါတယ်။ မိဘတွေအနေနဲ့ ကိုယ့်ကလေးကို ဘယ်လိုစောင့်ရှောက်မလဲဆိုတာ သိသင့်တဲ့အချက်တွေကိုဖော်ပြလိုက်ပါတယ်။   ကလေးကို သန့်သန့်ရှင်းရှင်း၊ ခြောက်ခြောက်သွေ့သွေ့ထားပါ မိုးတွင်းမှာဆိုရင်မွေးကင်းစတွေနဲ့ကလေးငယ်တွေရဲ့တကိုယ်ရည်သန့်ရှင်းရေးကိုသေချာဂရုစိုက်ရပါမယ်။ ကလေးတွေကို (ရေချိုးပေးတာဖြစ်ဖြစ်၊ရေပတ်တိုက်တာဖြစ်ဖြစ်)တစ်နေ့နှစ်ကြိမ် သန့်ရှင်းရေးလုပ်ပေးရပါမယ်။ ချိုင်းအောက်၊ လည်ပင်း၊ပေါင်ကြားတဝိုက်ဧရိယာတွေနဲ့ ကလေးကိုယ်ပေါ်မှာရှိတဲ့အတွန့်အခေါက်လေးတွေမှာပိုပြီးဂရုစိုက်သန့်စင်ပေးပါ။ ကလေးကို ထိန်းပေးတဲ့သူ ကိုယ်တိုင်ကလည်း သန့်ရှင်းတဲ့အဝတ်အစားကိုဝတ်ဆင်ရမှာဖြစ်ပြီးရောဂါကင်းစင်ရပါမယ်။   သက်တောင့်သက်သာရှိစေမယ့် အဝတ်အစားတွေ ဝတ်ဆင်ပေးပါ ပူနွေးစိုထိုင်းလိုက် အေးစိမ့်တဲ့ရာသီဥတုဖြစ်လိုက်နဲ့ မုတ်သုံရာသီအတွင်းမှာ ရာသီဥတုအခြေအနေက သိသိသာသာအပြောင်းအလဲမြန်တတ်ပါတယ်။ စိုထိုင်းတဲ့အခြေအနေမှာ ကလေးတွေကို သက်တောင့်သက်သာရှိစေမယ့် ချည်သားအဝတ်အထည်တွေဆင်ပေးပါ။ ဒါပေမယ့် ရုတ်တရက်အေးလာတာမျိုးအတွက် အနွေးထည်၊ လက်ရှည်လေးတစ်ထည်တော့ […]

ကလေးတွေအပေါ် အလွှမ်းမိုးနိုင်ဆုံးက မိဘတွေပဲ ဖြစ်ပါတယ်။ ကျန်းမာရေးနဲ့ပြည့်စုံတဲ့ စားသောက်မှုစနစ်တစ်ခု ရရှိဖို့အတွက် သင်ကြားပြသပေးဖို့ အကောင်းဆုံးကလည်း မိဘတွေပါပဲ။ အစာအုပ်စုစုံလင်အောင် ကျွေးပါ။ ဒါမှ သင့်ကလေးက အဟာရ ပြည့်ဝနေမှာဖြစ်ပါတယ်။ ကလေးတွေအတွက် ကျန်းမာတဲ့ စားသောက်မှုဓလေ့တစ်ခု ပျိုးထောင်ပေးရတာ လွယ်ကူတဲ့အလုပ်တစ်ခုတော့ မဟုတ်ပါဘူး။ သူတို့အတွက် ကျန်းမာတဲ့ စံပြပုဂ္ဂိုလ်တစ်ယောက် လိုအပ်ပါတယ်။ (၁) စံပြဖြစ်အောင် နေပါ ကလေးတွေက အတုခိုးတဲ့နေရာမှာ တော်ပါတယ်။ သင်က အသီးတွေများများစားရင် သူတို့လည်း အသီးစားရတာ ကြိုက်လာပါလိမ့်မယ်။ (၂) ကလေးတွေနဲ့ ဈေးဝယ်ထွက်ပါ။ ဈေးဝယ်ထွက်ရင်းနဲ့ အာဟာရတန်ဖိုးတွေအကြောင်း သင်ပေးနိုင်ပါတယ်။ သူတို့ ဘာအသီးစားချင်လဲ ဆိုတာ သူတို့ကို ကိုယ်တိုင်ရွေးချယ်ခိုင်းပါ။ (၃) ပျော်စရာလေးတွေ ဖန်တီးပါ။ ကျန်းမာတဲ့အစားအစာတွေက ပျင်းဖို ကောင်းနေရင်လည်း မဖြစ်ပါဘူး။ ကွတ်ကီးလုပ်တဲ့ ပုံစံခွက်လေးတွေနဲ့ အသီးလေးတွေကို ဖြတ်ပြီး သူတို့ စိတ်ဝင်စားမယ့် […]