ဗေဒါပင် လို့ဆိုလိုက်ရင် ထွေထွေထူးထူး ပြောစရာမလိုဘဲ အရွက် စိမ်းစိမ်း ထူထူ ရိုးတံ ပွပွလေး၊ ခရမ်းရောင် ဖျော့ဖျော့ကနေ ရင့်ရင့်အထိရှိတဲ့ ပန်းလေးတွေ ပွင့်တတ်တဲ့ ရေမြောင်းတွေ၊ ကန်တွေထဲမှာ ပေါက်ရောက်မျောပါနေတတ်တဲ့ အပင်လေးတွေကို မျက်လုံးထဲ ပြေးမြင်မိမယ် ထင်ပါတယ်။ ဘဲစာအဖြစ် သတ်မှတ်ခဲ့ကြပေမယ့် အခုနောက်ပိုင်းမှာ ဗေဒါရိုးနဲ့ လူသုံးကုန်ပစ္စည်းတွေ လုပ်လာကြပါတယ်။
ဒါဆို ဗေဒါက ဘဲစာနဲ့ လူသုံးကုန်တွေ လုပ်ဖို့ သက်သက်ပဲ အသုံးဝင်တာလား။ အခြားရော ဘယ်လို အသုံးဝင်သေးလဲ။ ကျန်းမာရေး အကျိုးကျေးဇူးတွေရော ရှိမလားဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။
ဗေဒါပင် ဆိုတာ
ဗေဒါပင် ဆိုတာ ရေနေအပင် တစ်မျိုးပါ။ ရေထဲမှာ ပေါက်ရောက်ပြီး ရေကို သန့်စင်ပေးပါတယ်။ ရေပေါ်မှာ ပေါ်နိုင်တဲ့ အရိုးတံနဲ့ အရွက်လေးတွေကို ပိုင်ဆိုင်ထားပါတယ်။ အရိုးတံက လေအိတ်လေးတွေလို ခပ်ပုပုဝိုင်းဝိုင်းလေးတွေလည်း ရှိသလို ရိုးတံ ရှည်ရှည်တွေလည်း ရှိပါတယ်။
အရွက်က အစိမ်းရောင် ထူထူ ဝိုင်းဝိုင်းလေးပါ။ အာရှနိုင်ငံ အများစုမှာ ပေါက်ရောက်ကြပါတယ်။ အလေ့ကျ ပေါက်ရောက်တဲ့ အပင် တစ်မျိုးပါ။
ဗေဒါပင် ဆေးဖက်ဝင်လား။
ဗေဒါက ဆေးဖက်ဝင်သလို အပင် နုနုလေးတွေကို စားလို့လည်း ရပါတယ်။ ဗေဒါက ကျန်းမာရေးအတွက် အခုလို ထောက်ကူပေးနိုင်ပါတယ်။
အရောင်ကျစေနိုင်တယ်။
ဗေဒါပင် သတ္တုရည်ကို သံပုရာရည်နဲ့ ဆတူရောပြီး လိမ်းပေးတာက အရောင်ကျစေနိုင်ပါတယ်။ အရေပြားပေါ်မှာ တိုက်ရိုက် လိမ်းပေးလို့ ရပါတယ်။ အရေပြား ရောင်ရမ်းတာကို သက်သာစေသလို အဆစ်တွေ ကြွက်သားတွေ ရောင်ရမ်းတာကိုလည်း သက်သာစေနိုင်ပါတယ်။
အစာခြေစနစ် ကျန်းမာစေတယ်။
သွေးတွင်းကိုလက်စထရော ကျဆင်းစေတယ်။
ဗေဒါပင်ရဲ့ နောက်ထပ် ကျန်းမာရေးအာနိသင်တစ်ရပ်က သွေးတွင်းကိုလက်စထရော ပမာဏကို ထိန်းညှိပေးနိုင်တာပါ။ သွေးတွင်းမှာ အဆီများတာမျိုး မဖြစ်အောင် ကာကွယ်ပေးပြီး သွေးတွင်းအဆီများတာကို သက်သာစေဖို့လည်း အသုံးပြုပေးလို့ ရပါတယ်။
ဝမ်းကိုက်တာကို သက်သာစေနိုင်တယ်။
နှင်းခူ သက်သာစေနိုင်တယ်။
အရေပြား ကျန်းမာစေနိုင်တယ်။
လည်ချောင်းနာတာကို သက်သာစေနိုင်တယ်။
အကောင်ကိုက်တာကို သက်သာစေနိုင်တယ်။
နို့ထွက်များစေတယ်။
နို့တိုက်မေမေတွေ နို့ထွက်များစေဖို့အတွက်လည်း ဗေဒါပင်ကို အသုံးပြုပေးလို့ ရပါတယ်။ ရေစင်အောင်ဆေးထားတဲ့ ဗေဒါပင် နုနုကို ပြုတ်ပြီး ပြုတ်ရည်ကို အသုံးပြုပေးလို့ ရပါတယ်။
ရာသီသွေး မှန်စေတယ်။
လေဒီလေးတွေ ရာသီထိမ်နေတာကို သက်သာစေဖို့ဆိုရင် ဗေဒါပန်းကို ပြုတ်ပြီး တို့စားတာ၊ သုပ်စားတာမျိုး စားပေးလို့ ရပါတယ်။ ရာသီသွေး မှန်စေဖို့ ထောက်ကူပေးနိုင်ပါတယ်။
ရေထဲမှာ သဘာဝအတိုင်း အလေ့ကျ ပေါက်ရောက်တဲ့ ဗေဒါပင်က အခုလို ဆေးဖက်ဝင်ပါတယ်။
ဘေးထွက်ဆိုးကျိုး
ဘေးထွက်ဆိုးကျိုးရယ်လို့ ကြီးကြီးမားမား မရှိပါဘူး။ တစ်ခု သတိထားရမှာကတော့ အလွန်အကျွံ မသုံးဖို့ပါ။ အရင်က သုံးဖူးပြီး ဓာတ်မတည့်ပြဿနာဖြစ်ဖူးရင်လည်း ထပ်မသုံးသင့်ပါ။
သတိပြုရန် အချက်များ
ဗေဒါပင်ကို အရေပြားပေါ်မှာ တိုက်ရိုက်အသုံးပြုတာက ပြဿနာ မရှိပေမယ့် သောက်မယ်ဆိုရင်တော့ ရောဂါအခံရှိသူတွေ ကျန်းမာရေး ပြဿနာ တစ်ရပ်ရပ်ကြောင့် ဆေးသောက်နေရမယ်။ ကိုယ်ဝန်ဆောင်ဖြစ်မယ်။ နို့တိုက်မိခင် ဖြစ်မယ်ဆိုရင် ဆရာဝန်နဲ့ အရင်တိုင်ပင်စေချင်ပါတယ်။
ဗေဒါပင်နဲ့ ပတ်သက်ပြီး ကောင်းကျိုး၊ ဆိုးကျိုးတွေကို ဆက်လက်လေ့လာဖို့ လိုပါသေးတယ်။ သဘာဝဆေးဖက်ဝင်ဆိုပေမယ့် ဓာတုဗေဒနည်းအရ သန့်စင်ထားခြင်း မရှိရင် ခန္ဓာကိုယ်အတွက် အဆိပ်အတောက် ဖြစ်နိုင်တာကို သိထားရန် လိုအပ်ပါသည်။
[embed-health-tool-bmi]
