ချောင်းဆိုးပျောက်စေတဲ့ အလေ့ကျပေါက်ပင် တစ်မျိုး ခွေးသေးပန်းပင်

ခွေးသေးပန်းပင် ဆိုတာ

ခွေးသေးပန်းပင်မှာ ဘာတွေပါလဲ။

• lupeol acetate
• beta-amyrin acetate
• stigmasterol
• alpha-spinasterol
• sterols-beta-sitosterol တို့ ပါဝင်နေပါတယ်။

အသုံးပြုပုံ

ခွေးသေးပန်းပင် ဘယ်လို ဆေးဖက်ဝင်သလဲ။

• ဆီးရွှင်စေတယ်။

ဆီးလမ်းကြောင်း ပိုးဝင်တာ၊ ဆီးသွားတိုင်း နာကျင်တာ၊ ဆီးမသွားနိုင်တာမျိုးတွေကို သက်သာစေဖို့ ခွေးသေးပန်းပင် ကို အသုံးပြုပေးလို့ ရပါတယ်။

• အရေပြားပြဿနာ ကင်းစေနိုင်တယ်။

အရေပြားမှာ အနာစိမ်းဖြစ်တာ၊ အရည်ကြည်ဖု ဖြစ်တာ၊ အရေပြား ပိုးဝင်တာတွေကို သက်သာစေဖို့ အသုံးပြုပေးလို့ ရပါတယ်။ သွေးသန့်စေနိုင်တာကြောင့် သွေးကြောင့်ဖြစ်တဲ့ အရေပြားယားတာမျိုးကို သက်သာစေနိုင်ပါတယ်။ အနာကျက်စေနိုင်ပါတယ်။

ရေယုန်၊ ဆိုရီရေးစစ်၊ နှင်းခူ၊ ပွေးတို့ကိုလည်း သက်သာစေနိုင်ပါတယ်။ အပူလောင်နာနဲ့ ဝက်ခြံတွေကိုလည်း သက်သာစေနိုင်ပါတယ်။

ခွေးသေးပန်းပင်က ဝမ်းပျက်ဝမ်းလျှောတာကို သက်သာစေနိုင်ပါတယ်။ အစာအိမ်နာတာကို သက်သာစေနိုင်သလို အစာမကြေတာ၊ လေထိုးလေအောင့်တာကိုလည်း သက်သာစေနိုင်ပါတယ်။

အစာခြေစနစ်ကို ကျန်းမာစေနိုင်တဲ့ အာနိသင် ရှိပါတယ်။

ခွေးသေးပန်းပင်က အဖြူဆင်းတာကို သက်သာစေနိုင်သလို ရာသီသွေး မှန်စေနိုင်ပါတယ်။ ရာသီသွေး အများကြီးဆင်းတာကို သက်သာစေဖို့လည်း အသုံးပြု ပေးလို့ ရပါတယ်။

• အဖျားကျစေနိုင်တယ်။

အအေးမိ ဖျားနာတာ၊ ငှက်ဖျား၊ တုပ်ကွေးတို့လိုမျိုး ဖျားနာမှုတွေဖြစ်တဲ့အခါ အဖျားကျစေဖို့အတွက် ခွေးသေးပန်းပင်ကို အသုံးပြုပေးလို့ ရပါတယ်။ အဖျားကျစေနိုင်ပြီး သာမန်အဖျားတွေကို သက်သာစေနိုင်ပါတယ်။

အအေးမိ၊ တုပ်ကွေးကြောင့်ဖြစ်တဲ့ ချောင်းဆိုးတာကိုလည်း သက်သာစေနိုင်ပါတယ်။

•  မျိုးအောင်စေနိုင်တယ်။

ကလေးလိုချင်တဲ့ စုံတွဲတွေ အားကိုးလို့ရတဲ့ သဘာဝ ဆေးဖက်ဝင် အပင်တစ်မျိုးပါ။ အမျိုးသားတွေမှာရော အမျိုးသမီးတွေကိုပါ ဘေဘီလေး ရရှိနိုင်ခြေ မြှင့်တင်ပေးပါတယ်။ မျိုးပွားအင်္ဂါကို ကျန်းမာစေနိုင်ပါတယ်။

ခွေးသေးပန်းပင်ရဲ့ နောက်ထပ်အာနိသင်တစ်ခုက ကပ်ပါးပိုးတွေကို တိုက်ဖျက်ပေးနိုင်တာပါ။ အစာခြေစနစ်ကို ကျန်းမာစေပြီး အစာခြေလမ်းကြောင်းထဲက သန်တွေကို ကျစေနိုင်ပါတယ်။ ဝမ်းမှန်စေနိုင်ပါတယ်။ အစာခြေစနစ်ကို ကျန်းမာစေနိုင်ပါတယ်။

• အိပ်ပျော်စေနိုင်တယ်။

ခွေးသေးပန်းပင်ရဲ့ နောက်ထပ် ကျန်းမာရေးအကျိုးကျေးဇူးကတော့ စိတ်ဖိစီးမှု ကင်းစေနိုင်ပြီး ညဘက်တွေမှာ ကောင်းကောင်း အိပ်ပျော်စေတာပါ။ အိပ်မပျော် ဖြစ်နေသူတွေအတွက် အထူးသင့်တော်ပါတယ်။

သတိထားရမယ့် တစ်ချက်က အထက်ပါ လက္ခဏာတွေ ခံစားနေရရင် ခွေးသေးပန်းရွက်ကို သုံးပြီး သက်သာအောင် လုပ်နေတာထက် တတ်ကျွမ်းနားလည်သူနဲ့ ပြသပြီး အချိန်မီကုသမှု ခံယူလိုက်တာက ပိုပြီးသင့်တော်ပါတယ်။ ဒီအချက်တွေက ဗဟုသုတမျှဝေရုံသာ ဖြစ်ပါတယ်။

ဘေးထွက်ဆိုးကျိုး

ခွေးသေးပန်းက ကျန်းမာရေးအတွက် ဆေးဖက်ဝင်တာ မှန်ပေမယ့် ရောဂါအခံရှိသူတွေနဲ့ မသင့်တော်တာမျိုး ရှိနိုင်ပါတယ်။ အလွန်အကျွံ စားသုံးမိတာတွေကလည်း ကျန်းမာရေး ထိခိုက်တာမျိုးတွေ ဖြစ်စေနိုင်ပါတယ်။

သတိပြုရန် အချက်များ

ခွေးသေးပန်းရွက်ကို လတ်လတ်ဆတ်ဆတ် အရွက်ကိုပဲ အသုံးပြုသင့်ပါတယ်။ ပြုပြင်ထားတဲ့ ဆေးဝါးတွေကို သောက်သုံးမယ်ဆိုရင် တတ်သိ နားလည်သူနဲ့ အရင်တိုင်ပင်ပါ။ ရောဂါအခံရှိမယ်။ ကျန်းမာရေးပြဿနာ တစ်ရပ်ရပ်ကြောင့် ဆေးသောက်နေရတယ်ဆိုရင် မသောက်သုံးပါနဲ့။