သင့်မှာ ဒီလက္ခဏာတွေဖြစ်နေပြီလား။ ဒါဆိုရင်တော့သွေးတွင်းကိုလက်စထရောများနေပြီဖြစ်တာကြောင့် သတိထားဖို့လိုပါမယ်။ ဒီတစ်ခေါက်တော့သွေးတွင်းကိုလက်စထရောများရင် ခန္ဓါကိုယ်မှာဖြစ်တတ်တဲ့ လက္ခဏာလေးတွေအကြောင်းပြောပြပေးချင်ပါတယ်။
ထွက်မှာ သေချာပြီလား။
သင့်မှာ ဒီလက္ခဏာတွေဖြစ်နေပြီလား။ ဒါဆိုရင်တော့သွေးတွင်းကိုလက်စထရောများနေပြီဖြစ်တာကြောင့် သတိထားဖို့လိုပါမယ်။ ဒီတစ်ခေါက်တော့သွေးတွင်းကိုလက်စထရောများရင် ခန္ဓါကိုယ်မှာဖြစ်တတ်တဲ့ လက္ခဏာလေးတွေအကြောင်းပြောပြပေးချင်ပါတယ်။
သွေးတွင်းကိုလက်စထရောများတဲ့အခါ ခန္ဓါကိုယ်မှာ အခုလိုပြောင်းလဲမှုတွေဖြစ်လာနိုင်ပါတယ်။
မျက်ခွံမှာ အဝါရောင်အဖုလေးတွေထွက်လာမယ်
အပေါ်မျက်ခွံမှာဖြစ်ဖြစ်၊အောက်မျက်ခွံမှာဖြစ်ဖြစ် နာကျင်မှုမရှိဘဲခပ်ပျော့ပျော့ဖုလေးတွေ စမ်းမိနေပြီလား။ ဒါကအမြင်အာရုံကို ထိခိုက်မှုမဖြစ်စေပေမယ့်သွေးတွင်းကိုလက်စထရောတွေများနေတယ်ဆိုတာကိုဖော်ပြနေတာပါ။ ဒါကြောင့် မနက်ခင်းမျက်နှာသစ်တိုင်း မျက်ခွံပေါ်မှာ အဝါရောင်ဖုလေးတွေရှိနေလားစစ်ပါ။
မျက်ကြည်လွှာတဝိုက်မှာမီးခိုးရောင်အရစ်လေးတွေဖြစ်နေမယ်
မှန်ကြည့်တဲ့အခါမှာ မျက်ကြည်လွှာလေးတဝိုက်ကိုသေချာစိုက်ကြည့်ပါ။ မျက်ကြည်လွှာတဝိုက်မှာ မီးခိုးရောင်အရစ်လေးဖြစ်နေမယ်ဆိုရင် ဒါကသွေးတွင်းကိုလက်စထရောများနေတာပါ။ အသက် ၄၅ နှစ်အထက် လူကြီးတွေမှာပိုအဖြစ်များပါတယ်။
ခြေတွေလက်တွေထုံကျဉ်မယ်
သွေးတွင်းကိုလက်စထရောများတာကသွေးကြောလေးတွေထဲမှာ အဆီတွေစုပုံမှုဖြစ်ပြီးသွေးကြောလေးတွေပိတ်ဆို့သွားပြီးခြေလက်တွေထုံကျဉ်တာမျိုးခံစားရနိုင်ပါတယ်။ ဒါကြောင့်ခြေလက်တွေထုံကျဉ်မှုကသွေးတွင်းကိုလက်စထရောများနေတာဖြစ်နိုင်ပါတယ်။
ဦးခေါင်းနောက်ဖက်နဲ့ဇက်ကြောတွေထဲကနာကျင်နေမယ်
သွေးတွင်းကိုလက်စထရောများတာကသွေးကြောတွေကို ပိတ်ဆို့စေနိုင်ပါတယ်။ ဒီလိုဖြစ်တဲ့အခါ ဦးခေါင်းပိုင်းဆီကိုသွေးစီးဆင်းရောက်ရှိမှုနည်းသွားစေနိုင်ပါတယ်။ ဒီလိုနည်းသွားတာက အချိန်တိုင်းလိုလို ဇက်ကြောတက်တာ၊ခေါင်းကိုက်နေတာမျိုးတွေခံစားရစေနိုင်ပါတယ်။ ဒါကြောင့်ခေါင်းခဏခဏကိုက်မယ်၊ ဇက်ကြောတက်မယ်ဆိုရင်သွေးတွင်းကိုလက်စထရောများနေတာဖြစ်နိုင်ပါတယ်။
အချိန်တိုင်းလိုလိုမှာ နှလုံးခုန်နှုန်းက ရှိသင့်တာထက်မြန်နေမယ်။ နှလုံးခုန်နှုန်းကလေ့ကျင့်ခန်းလုပ်ပြီးချိန်မှာဖြစ်တဲ့ နှလုံးခုန်နှုန်းလိုမျိုးဖြစ်နေမယ်ဆိုရင် နှလုံးသွေးကြောစနစ်မှာပြဿနာရှိနေနိုင်သလိုသွေးတွင်းကိုလက်စထရောများနေတာလည်းဖြစ်နိုင်ပါတယ်။ ဒါ့ကြောင့် နှလုံးခုန်နှုန်းက ရှိသင့်တာထက်မြန်နေမယ်ဆိုရင်သွေးတွင်းကိုလက်စထရောကို စစ်ကြည့်စေချင်ပါတယ်။
ကျန်းမာရေးနဲ့မညီညွတ်တာတွေပဲ စားချင်နေမယ်
တစ်နေ့တာမှာ အမျှင်ဓါတ်ကြွယ်ဝပြီး ကျန်းမာရေးနဲ့ညီညွတ်တဲ့ အသီးအနှံတွေအစား အဆီများတဲ့ အစားအစာတွေပဲစားချင်နေမယ်ဆိုရင် ဒါကသွေးတွင်းကိုလက်စထရောများနေတယ်ဆိုတဲ့ လက္ခဏာပါ။ ခန္ဓါကိုယ်အလေးချိန်က ရှိသင့်တာထက်များနေတယ်ဆိုတာကလည်းသွေးတွင်းကိုလက်စထရောများနေခြင်းရဲ့ လက္ခဏာတစ်ရပ်ပါ။
ခန္ဓါကိုယ်မှာ အခုလိုလက္ခဏာတွေခံစားနေရပြီဆိုရင်တော့သွေးတွင်းကိုလက်စထရောများနေတာဖြစ်နိုင်တာကြောင့်သေချာလေးဂရုစိုက်စေချင်ပါတယ်။နေ့စဉ် အသီးအရွက်တွေများများစားတာ၊ ကိုယ်လက်လေ့ကျင့်ခန်းလုပ်တာ၊ အဆီလျှော့စားတာမျိုးတွေကို လုပ်ပေးသင့်ပါတယ်။ ကိုလက်စထရောများတာကြောင့်ရောဂါပိုတွေမဖြစ်စေဖို့ အခုကစပြီး ဂရုစိုက်လိုက်ပါနော် Hello ဆရာဝန်ပရိသတ်ကြီးရေ………………..
ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။
အမျိုးသား
အမျိုးသမီး
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
6 Signs That You May Have High Cholesterolhttps://www.healthybuilderz.com/6-signs-may-high-cholesterol/ Accessed Date 6 September 2019
Symptoms of High Cholesterolhttps://www.healthline.com/health/high-cholesterol-symptomsAccessed Date 6 September 2019
What causes high cholesterol?https://www.medicalnewstoday.com/articles/9152.php Accessed Date 6 September 2019