စိတ်ကျဝေဒနာခံစားနေရတဲ့သူတွေကို ကူညီပေးနိုင်တာက နည်းလမ်းအဆင့် ၅ ခုရှိပါတယ်။ ကိုယ့်မှာဖြစ်နေလည်း ကိုယ့်ကိုအခုလိုကူညီပေးနိုင်မယ့် ရင်းနှီးသူတစ်ယောက်ကို အကူအညီတောင်းပါ။ ကိုယ်ချစ်ခင်ရသူတွေမှာ အထက်ပါလက္ခဏာတွေတွေ့ရရင်လည်း ဒီ ၅ ချက်နဲ့ ကူညီပေးလိုက်ပါ။ လမ်းပျောက်နေသူကို အလင်းရောင်ပေးရတာ အမွန်မြတ်ဆုံးအလုပ်တွေထဲ ပါဝင်ပါတယ်နော်။
အထီးကျန်စိတ်၊ ဝမ်းနည်းစိတ်၊ နာကျင်မှုတွေ၊ ဖိစီးမှုတွေ ထမ်းပိုးထားရတဲ့သူတွေဆီက ရင်ဖွင့်သံကို စိတ်ရှည်ရှည်နဲ့နားထောင်ပေးပါ။ စိကျနေသူတွေဟာ လူမှုဆက်ဆံရေးမှာ အနုတ်လက္ခဏာပြတဲ့သူဖြစ်လာတာဆိုတော့ သူတို့ရဲ့ ရှက်ရွံ့မှု၊ စိုးရိမ်မှု၊ နာကျင်မှုတွေအကြောင်း ရင်းနှီးသူကိုပဲ ဖွင့်ပြမှာဖြစ်ပါတယ်။
စကားပြောဖော်အဖြစ်ရှိနေပေးရင်လည်း သိပ်ကျေးဇူးတင်ကြမှာပါ။ စကားပြောရင်းနဲ့မှ သူတို့ရဲ့ဝေဒနာအရင်းခံတဲ့ ဇစ်မြစ်တွေ၊ ခံစားချက်တွေပြောထွက်လာမှာပါ။ ဒါမှ ကိုယ်ဘယ်လိုအားပေးရမလဲ သိနိုင်မှာပေါ့။ မဟုတ်ရင် သူတို့ရဲ့ဝမ်းနည်းမှုတွေ၊ မျှော်လင့်ချက်ကင်းမဲ့တာတွေ၊ အပြစ်ရှိသလိုခံစားနေရတာတွေကို ဘာကြောင့်ဖြစ်နေလဲ ကိုယ်သိနိုင်မှာမဟုတ်ဘူးလေ။
အကြီးအကျယ်စိတ်ဓါတ်ကျနေသူကို စကားနဲ့အားပေးတာအပြင် အသေးအဖွဲလေးပဲဖြစ်ဖြစ် ကိုယ်တတ်နိုင်တာ လက်တွေ့ကူညီပေးလိုက်ပါ။ သူစိတ်ပေါ့ပါးစေဖို့ လက်ဆောင်လေးပေးတာ၊ အပြင်အတူသွားပေးတာ၊ မုန့်သွားစားတာ မျိုးတွေ လုပ်ပေးလိုက်ပါ။
သူ့ရဲ့စိတ်ပင်ပန်းမှုအရင်းခံပြဿနာကိုဖြေရှင်းမပေးနိုင်ရင်တောင်မှ နည်းလမ်းမှန်ဆီရောက်ရှိစေမယ့် လမ်းကြောင်းတစ်ခုကို အကြံပေးနိုင်ဖို့ အရေးကြီးပါတယ်။လေ့ကျင့်ခန်းပိုလုပ်ဖို့၊ အားဆေးသောက်ဖို့၊ စာအုပ်တွေဖတ်ဖို့လောက် အကြံပေးဖို့မဟုတ်ပါဘူး။ပြဿနာတိုင်းမှာ အဖြေရှိတဲ့အကြောင်းအသိပေးတာ၊ ထွက်ပေါက်မရှိတဲ့ ပိတ်မိခြင်းတွေအတွက် အဖြေရှိကြောင်း သွယ်ဝိုက်ပြီး နားချတာ၊ဆေးကုသမှုခံယူဖို့ လမ်းပြတာလိုမျိုး ထိရောက်တဲ့အကြံဉာဏ်တွေပေးပါ။
စိတ်ပင်ပန်းစရာဘာတွေရှိနေလဲ။ ကိုယ့်ဘက်က ဘာအကူအညီပေးနိုင်မလဲ။ သူ့ပြဿနာတွေကိုဖြေရှင်းပေးနိုင်မယ့် ကိုယ်တတ်နိုင်တာရှိသလား သွယ်ဝိုက်ပြီးဖြစ်ဖြစ်မေးပါ။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။