အယ်လ်ဇိုင်းမားရောဂါ (စိတ်ချို့ယွင်းမှုရောဂါတစ်မျိုး) -လေ့လာမှုအရ စိတ်ဖိစီးမှုကြောင့် အယ်လ်ဇိုင်းမားရောဂါခံစားရနိုင်ခြေပိုများစေနိုင်ပါတယ်။ စိတ်ဖိစီးမှုကရောဂါရှိသူတွေမှာလည်း ပိုဆိုးစေနိုင်ပါတယ်။ စိတ်ဖိစီးမှုကိုလျှော့ချနိုင်လေလေရောဂါခံစားရနိုင်ခြေနည်းလေလေပါ။
အိပ်စက်မှုထိခိုက်နိုင်တယ် – စိတ်ဖိစီးရင် ဘယ်လောက်အိပ်အိပ် အိပ်မပျော်ပါဘူး။ ညဘက်ကောင်းကောင်းအိပ်မပျော်တာကြာလာတဲ့အခါ စိတ်ခံစားမှုတွေမကောင်းသလို မှတ်ဉာဏ်တွေပါ ထိခိုက်လာပါတော့တယ်။ ဒီလိုမျိုး အိပ်ရေးပျက်ညတွေ များလာတာက ခန္ဓာကိုယ်က စိတ်ဖိစီးမှုကို နှင်ထုတ်ရာမှာ အခက်တွေ့သထက်တွေ့စေတော့ပါတယ်။
အနာကျက်နှေးမယ် – စိတ်ဖိစီးမှုများတဲ့အခါ ခန္ဓာကိုယ်မှာကောတီစောပမာဏတွေများလာပြီး အနာကျက်မှုဖြစ်စဉ်ကို အဟန့်အတားဖြစ်စေပါတယ်။ ကိုယ်ခံအား အားနည်းလာပြီး အနာကျက်မှုဖြစ်စဉ်နှေးကွေးလာစေတော့ပါတယ်။
ခဏခဏဖျားနာမယ် – ခဏခဏဖျားနာတာကလည်း ကိုယ်တွင်းမှာ စိတ်ဖိစီးမှုများနေတာကြောင့် ကိုယ်ခံအားနည်းလာလို့ ဖြစ်ရတာပါ။
အိုမင်းရင့်ရော်စေနိုင်တယ် – စိတ်ဖိစီးမှုက လူရဲ့ရုပ်သွင်ပြင်ကိုထိခိုက်စေနိုင်ပါတယ်။နေ့စဉ်နဲ့အမျှ စိတ်ဖိစီးမှုကိုရှောင်လွှဲခွင့်မရဘဲ ရင်ဆိုင်နေရသူတွေမှာ ရှိရင်းစွဲအသက်ထက် ၉ နှစ် ကနေ ၁၇ နှစ်အထိ အိုမင်းရင့်ရော်နိုင်တယ်လို့လေ့လာမှုရလဒ်တွေအရသိရပါတယ်။
အရွယ်မတိုင်ခင်သေဆုံးမယ် – စိတ်ဖိစီးမှုက ကိုယ်ရော စိတ်ကိုပါထိခိုက်စေနိုင်ပါတယ်နော်။နေ့စဉ်နဲ့အမျှ စိတ်ဖိစီးမှုကို ရင်ဆိုင်ရသူတွေဟာ အခြားသူတွေက် အရွယ်မတိုင်ခင်သေဆုံးနိုင်ခြေ ၆၃ ရာခိုင်နှုန်းအထိမြင့်တက်နေပါတယ်နော်။
စိတ်ဖိစီးမှု ဆိုတာက ကိုယ်ကကြာကြာမွေးထားလို့ ရှိနေတာပါ။ ဒါကြောင့် စိတ်ဖိစီးမှုကြောင့် ကိုယ်ရော စိတ်ပါ မထိခိုက်စေဖို့ ဒီနည်းလေးတွေ သုံးပြီး စိတ်ဖိစီးမှုနဲ့ ခပ်ကင်းကင်းနေလိုက်ပါ။
- အပြုသဘောဆောင်တဲ့ သဘောထားရှိပါစေ
- ကိုယ်မလုပ်ဆောင်နိုင်တဲ့ အခြေအနေကို လက်သင့်ခံတတ်ပါစေ
- တရားထိုင်တာ၊ယောဂကစားတာ၊ ထိုက်ချိ ကစားတာလိုမျိုး စိတ်အပန်းပြေစေတဲ့ အားကစားလုပ်ဖြစ်အောင်ဂရုစိုက်ပါ
- ကိုယ်လက်လှုပ်ရှားမှု ပုံမှန်လုပ်ဖြစ်အောင်ဂရုစိုက်ပါ
- ကျန်းမာရေးနဲ့ညီညွတ်အောင် စားသုံးတတ်ပါစေ
- အချိန်တွေကို အကျိုးရှိရှိ အသုံးချတတ်ပါစေ
- စိတ်ဝင်စားတဲ့ အရာတွေအတွက် အချိန်ပေးတတ်ပါစေ
- လုံလောက်တဲ့ အိပ်စက်အနားယူမှုရှိပါစေ
- အရက်နဲ့ဆေးလိပ်လိုမျိုး အရာတွေကို စိတ်ဖြေစရာအဖြစ် အသုံးမပြုပါနဲ့
- ချစ်ခင်ရသူတွေနဲ့ အချိန်ပေးတွေ့ဆုံပေးပါ
ဒီနည်းလေးတွေသုံးလို့ စိတ်ဖိစီးမှုကို ဘိုင့်ဘိုင်လို့ နှုတ်ဆက်ပြီး ရောဂါကင်းကင်းနဲ့ ကျန်းမာပျော်ရွှင်တဲ့ နေ့စဉ်ဘဝလေးကို ပိုင်ဆိုင်လိုက်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။