မှတ်ဉာဏ်ချို့တဲ့ရောဂါ ဘယ်လိုကာကွယ်ကြမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မှတ်ဉာဏ်ချို့တဲ့ရောဂါကို တိုက်ရိုက် ကာကွယ်ဖို့ခက်ပါတယ် ၊ ဘာကြောင့်လဲဆိုတော့ ဘယ်အချိန်မှာ ဘယ်လို စဖြစ်မလဲဆိုတာကို သိဖို့ ခက်ခဲနေလို့ပါ။ လေဖြတ်ခြင်းကနေ ဖြစ်ပေါ်လာတဲ့ မှတ်ဉာဏ်ချို့တဲ့ခြင်းကိုတော့ လေမဖြတ်အောင် နှလုံးရောဂါနဲ့ လေဖြတ်စေနိုင်တဲ့ အခြေခံအကြောင်းအရင်းတွေကို ရှောင်ရှားရင်းနဲ့ ကြိုတင်ကာကွယ်နိုင်ပါတယ်။

အကယ်၍သင့်မှာ ရောဂါဖြစ်စေနိုင်တဲ့ အကြောင်းအရင်းတွေဘာရှိနေသလဲဆိုတာ မသိရင်ပဲဖြစ်ဖြစ်၊ မှတ်ဉာဏ်ချို့တဲ့ရောဂါကို ကာကွယ်ချင်လို့ပဲဖြစ်ဖြစ် အောက်ပါနည်းလမ်းများကို အသုံးပြုပြီး ကာကွယ်နိုင်ပါတယ်။

၁ – ဆေးလိပ် သောက်ခြင်းမှ ရှောင်ကျဉ်ပါ။

ဆေးလိပ်သောက်ခြင်းရဲ့ ဆိုးကျိုးများစွာထဲက တစ်ချက်ကတော့ သွေးကြောနံရံတွေကို ကျဉ်းစေပါတယ် ၊ သွေးကြောနံရံတွေ ကျဉ်းလာတဲ့အခါ နှလုံးရောဂါနဲ့ လေဖြတ်စေနိုင်တဲ့ ရာခိုင်နူန်းကိုတက်စေနိုင်ပါတယ်။ ဒီအချက်တွေက မှတ်ဉာဏ်ချို့တဲ့ခြင်းကိုဖြစ်ပေါ်စေနိုင်ပါတယ်။

နောက်တစ်ချက်က ဆေးလိပ်မီးခိုးတွေထဲမှာ အိုမင်းရင့်ရော်ခြင်းကို အားပေးတဲ့ ဒြပ်ပေါင်းတွေ အများကြီးပါပါတယ်။ မျက်ဉာဏ်ချို့တဲ့ခြင်းကို ဒါတွေကလည်း အားပေးပါတယ်။

၂ – ကိုယ်အလေးချိန် ထိန်းပါ။

ကိုယ်အလေးချိန် လိုတာထက်ပိုများနေတာက မှတ်ဉာဏ်ချို့တဲ့ရောဂါဖြစ်စေတယ်ဆိုတာကိုလည်း မကြာသေးမီကပဲ လေ့လာမှုတွေပြုလုပ်ထားပြီး သိရှိထားပါတယ်။

ကိုယ်အလေးချိန်ညွှန်းကိန်း ( BMI ) ၅ ခု တက်သွားတိုင်း မှတ်ဉာဏ်ချို့တဲ့ရောဂါ ဖြစ်နိုင်ချေ ၁၆ ရာခိုင်နှုန်း ကနေ ၃၃ ရာခိုင်နှုန်း အထိ မြင့်တက်သွားစေနိုင်ကြောင်း တွေ့ရှိထားရပါတယ်။

ကိုယ်အလေးချိန်များတဲ့ အဝလွန်သူတွေမှာပဲ မှတ်ဉာဏ်ချို့တဲ့ဖို့ ရာခိုင်နုန်းများတာ မဟုတ်ပဲ လူလတ်ပိုင်းအရွယ်မှာ ကိုယ်အလေးချိန် အလွန်နည်းသူတွေမှာလည်း မှတ်ဉာဏ်ချို့တဲ့ရောဂါဖြစ်နိုင်ချေ မြင့်တက်လာတယ်လို့ စာတမ်းတစ်ချို့ကဖော်ပြထားပါတယ်။ ဒါကြောင့် သင့်ကိုယ်အလေးချိန်ကို ကျန်းမာတဲ့ အလေးချိန်တစ်ခု အတွင်းမှာ ထိန်းထားနိုင်ဖို့ လိုအပ်ပါတယ်။

၃ – လေ့ကျင့်ခန်းပုံမှန်လုပ်ပါ။

လေ့ကျင့်ခန်းပုံမှန်လုပ်ခြင်းက သင့်အပေါ်မှာ ကြီးစွာသော အကျိုးသက်ရောက်မှုတစ်ခု ပေးပါလိမ့်မယ်။ မှတ်ဉာဏ်ချို့တဲ့မှုရောဂါကို ရှောင်လွှဲနိုင်ခြင်းကလည်း ဒီထဲက တစ်ချက်ပါ။

ဝေးလ်စ်နိုင်ငံမှာရှိတဲ့ လူ အယောက် ၂၀၀၀ အပေါ်ပြုလုပ်ခဲ့တဲ့ လေ့လာချက်အရ လေ့ကျင့်ခန်းပုံမှန်လုပ်ခဲ့တဲ့သူတွေက အသက်ကြီးလာတဲ့အခါ မှတ်ဉာဏ်ချို့တဲ့နိုင်ချေ ၆၀ ရာခိုင်နှုန်း တောင်ပိုပြီး လျော့နည်းတာကို တွေ့ရပါတယ်။

အသက်ငယ်တဲ့သူတွေ မှာတင် မကပဲ အသက်အရွယ် ကြီးရင့်သူတွေကိုလည်း သက်ဆိုင်တဲ့ လေ့ကျင့်ခန်းတွေ ပြုလုပ်ခိုင်းပြီး လေ့လာကြည့်ရာမှာလည်း မှတ်ဉာဏ်ချို့တဲ့နိုင်ချေ ၁၀ ရာခိုင်နှုန်းလောက်ကျသွားတာကို တွေ့ရှိရပါတယ်။

ဒီတော့ ဘယ်အသက်အရွယ် ရောက်ရောက် လေ့ကျင့်ခန်းလုပ်ခြင်းက ကောင်းကျိုးတွေ အများကြီးပေးလိမ့်မယ်ဆိုတာကို‌တော့ ပြောကြားထားပါရစေ။

၄ – မှတ်ဉာဏ်တိုးတက်စေဖို့ အထောက်အကူဖြစ်စေမဲ့ အစားအစာတွေကိုရွေးချယ်ပါ။

မှတ်ဉာဏ်ကောင်းအောင် အထောက်အကူပြုမဲ့ အစားအစာတွေဖြစ်တဲ့

အစိမ်းရောင် အရွက်များ
ဘယ်ရီသီး
– ပဲ အမျိုးမျိုး
အစေ့ ၊ အဆံမျိုးစုံ
– ငါး အမျိုးမျိုး
– အဆီလျော့ထားသော နို့ထွက်ပစ္စည်းများ
– ငါးကြီးဆီ တို့ကို စားသုံးခြင်းဖြင့်လည်း မှတ်ဉာဏ်ချို့တဲ့ခြင်းကို ကာကွယ်နိုင် ပါတယ်။

၅ – ရောဂါအခံများရှိပါက ကောင်းစွာကုသမှုခံယူထားပါ။

သွေးတိုးဆီးချို နဲ့ ကိုယ်တွင်းအဆီမြင့်တက်နေသော နှလုံးရောဂါလို အခြေနေမျိုးတွေမှာ ဉာဏ်ရည်ကျဆင်းလာခြင်းကို ခံစားရနိုင်ခြေ မြင့်တက်လာပါတယ်။

ဆီးချိုရောဂါက သွေးကြော နံရံတွေကိုပျက်စီးစေနိုင်တဲ့အတွက် ဦးနှောက်မှာရှိတဲ့ သွေးကြောတွေကိုထိခိုက်ခဲ့မယ်ဆိုရင် မှတ်ဉာဏ်ပိုမိုချို့ယွင်းလာစေနိုင်ပါတယ်။

၆ – ဦးနှောက်ကို လှုံ့ဆော်ပေးနိုင်တဲ့ ဝါသနာတွေ မွေးမြူပါ။

စာဖတ်ခြင်း၊ သင်္ချာပုစ္ဆာများ တွက်ခြင်း၊ စစ်တုရင်ထိုးခြင်း အစရှိတဲ့ ဦးနှောက်ရဲ့တွေးခေါ်နိုင်စွမ်းကို လှုံဆော်ပေးနိုင်တဲ့ ကစားနည်းတွေက မှတ်ဉာဏ်ချို့ယွင်းလာခြင်းကို ကာကွယ်ပေးစေ နိုင်ပါတယ်။

၇ – လူမှုရေးဆိုင်ရာ အဖွဲ့အစည်းများ တွင်ပါဝင်ပါ။

ဘုရားကျောင်း၊ ဘုန်းတော်ကြီးကျောင်း ပွဲများ၊ အသင်းအဖွဲ့ ပွဲများ၊ အလှုအတန်း ပွဲများ အစရှိတဲ့ အသင်းအဖွဲ့ပွဲများတွင် ပါဝင်လှုပ်ရှားခြင်းကလည်း ပိုမိုသွက်လက်စေပြီး မှတ်ဉာဏ်တက်စေနိုင်ပါတယ်။

ရေးသားသူ –  မောင်မျိုးအောင် (ဆေး-၁)

Hello Health Groupသည် ဆေးပညာ အကြံပြုချက်များ၊ ရောဂါရှာဖွေ အတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အစားအသောက်တွေကို အရက်ပြန်၊ ဆပ်ပြာရည်တွေ သုံးပြီး ပိုးသတ်မယ့်အစား

မေးချင်တာက ဆပ်ပြာရည်တွေ အားပါတရဖျော်ပြီး ဝယ်လာတဲ့ သစ်သီးတွေ ဟင်းသီးဟင်းရွက်တွေကို စိမ်ပစ်နေတာလား။ သစ်သီးတွေကို ဘယ်လိုဆေးကြောနေလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အဆုတ်ကင်ဆာ ကာကွယ်ပါ

မဖြစ်ခင်က ကြိုတင်ကာကွယ်ပါ။ ဒီလို ကြိုတင်ကာကွယ်ရမယ့်အထဲမှာ အဆုတ်ကင်ဆာကလည်း တစ်ခုအပါအဝင်ပါပဲ။ အဆုတ်ကင်ဆာ သတိပြု ကာကွယ်လို့ ကျန်းမာရေးဂရုပြုပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အဆုတ်ကင်ဆာ, ကျန်းမာရေးစင်တာ အောက်တိုဘာ 6, 2020 . 2 mins read

အန်ဖက်တမင်း အလွဲသုံးခြင်းဆိုသည်မှာ

လူတွေ အလွဲသုံးမိနေနိုင်တဲ့ အရာတွေက အတော်များများရှိပါတယ်။ ဒီထဲမှာ အန်ဖက်တမင်းကလည်း တစ်ခုအပါအဝင်ပေါ့။ အန်ဖတ်တမင်း အလွဲသုံးခြင်း။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကျဆင်းလာတဲ့ ကိုယ်ခံအားစနစ်ကို ဘယ်လိုပြန်မြှင့်တင်မလဲ

အသက်အရွယ် ကြီးလာတာနဲ့အမျှ ငယ်စဉ်ကလောက် ကိုယ်ခံအားစနစ်ဟာ အလုပ်မလုပ်နိုင်တော့ဘဲ အားလျော့သွားတဲ့အတွက် ရောဂါဖြစ်ဖို့ ပိုပြီးလွယ်ကူနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

အရွတ်အားပြုပြင်ခွဲစိတ်ခြင်း (Tendon Repair Surgery) အကြောင်း

အရွတ်အားပြုပြင်ခွဲစိတ်ခြင်း (Tendon Repair Surgery) အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
Stay Home မှာ ထွက်လာတဲ့ဗိုက်ကလေးကို ဒီနည်းလမ်းတွေနဲ့ ပြန်ချပါ

Stay Home မှာ ထွက်လာတဲ့ဗိုက်ကလေးကို ဒီနည်းလမ်းတွေနဲ့ ပြန်ချပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် အောက်တိုဘာ 19, 2020 . 2 mins read
ရင်သားထွားထွား ရောဂါများများ

ရင်သားထွားထွား ရောဂါများများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 14, 2020 . 2 mins read
အထီးကျန်ခြင်း နှင့် ဆီးချိုဝေဒနာ

အထီးကျန်ခြင်း နှင့် ဆီးချိုဝေဒနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 10, 2020 . 2 mins read