ဂရိတ်ဖရုဟာ ကိုယ်အလေးချိန်လျှော့ချရာမှာ အထောက်အကူပြုတယ်လို့ သိရပါတယ်။ တချို့ကတော့ ဒီအချက်ဟာ အထောက်အထား မခိုင်မာဘူးလို့ ဆိုပါတယ်။ ဒါပေမယ့် ရေရှည်စားသုံးမယ်ဆိုရင်တော့ ကိုယ်အလေးချိန် ထိန်းသိမ်းရာမှာ၊ အဝလွန်ခြင်းကို ကာကွယ်ရာမှာ အထောက်အကူပြုပါတယ်။
အမေရိကန်နှလုံးကျန်းမာရေးအသင်းကြီးရဲ့ အဆိုအရ flavonoid ဓာတ်ကို များများစားပေးခြင်းဟာ အမျိုးသမီးတွေမှာ သွေးကြောပိတ်ဆို့ လေဖြတ်ခြင်းကို ကာကွယ်ပေးတယ်လို့ သိရပါတယ်။ flavonoid ဟာ လိမ္မော်သီးအပါအဝင် တခြား သံပုရာမျိုးနွယ်ဝင်အပင်တွေမှာလည်း ပါဝင်ပါတယ်။ သံပုရာမျိုးနွယ်ဝင်အသီးတွေကို စားသု့းခြင်းဟာ လေဖြတ်နိုင်ခြေကို ၁၉%ခန့် လျော့နည်းစေတယ်လို့ သိရပါတယ်။
ဂရိတ်ဖရုမှာ အမျှင်ဓာတ်၊ ပိုတက်ဆီယမ်၊ ဗီတာမင်စီ၊ ကိုလင်း စတာတွေ ပါဝင်ပြီး နှလုံးအတွက် ကောင်းမွန်စေပါတယ်။ နှလုံးကျန်းမာရေးအသင်းကြီးအနေနဲ့ ပိုတက်ဆီယမ်ပါတာတွေ များများစားပြီး ဆားကို လျှော့စားဖို့ အကြံပြုပါတယ်။ အဲဒီအခါ သွေးတိုးခြင်းနဲ့ နောက်ဆက်တွဲပြဿနာတွေကို ကာကွယ်နိုင်ပါတယ်။
အလျား ၃.၅ လက်မခန့်ရှိပြီး ၂၀၀ ဂရမ်လေးတဲ့ ဂရိတ်ဖရုသီးမှာ ပိုတက်ဆီယမ် ၂၇၈ မီလီဂရမ် ပါဝင်ကြောင်း သိရပါတယ်၊ အရွယ်ရောက်ပြီးသူများအနေနဲ့ တနေ့ကို ပိုတက်ဆီယမ် ၄၇၀၀ မီလီဂရမ်ခန့် စားသုံးသင့်ကြောင်း ဆိုပါတယ်။ ဂရိတ်ဖရုအသီးခပ်သေးသေးတလုံးဟာ လူတယောက်ရဲ့ တနေ့တာ ပိုတက်ဆီယမ်လိုအပ်ချက်ရဲ့ ၆% ကို ဖြည့်တင်းပေးနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။