သနပ်ခါးလိုပဲ တိကျတဲ့ လေ့လာချက်မရှိသည့်တိုင် ကရမက်က အအေးဓာတ် ရှိတဲ့ လိမ်းစရာ တစ်မျိုးပါ။ နွေပူနေချိန်မှာ ကရမက်ကို အရည်ကျဲကျဲလေး သွေးပြီး မိတ်တွေပေါ်မှာ လိမ်းပေးတာကလည်း နည်းလမ်းကောင်း တစ်ရပ်ပါ။
တစ်နေ့ကို ၂ ကြိမ်ကနေ ၄ ကြိမ်လောက်အထိလိမ်းပေးလို့ ပါတယ်။ ဘေဘီလေးတွေကိုလည်း လိမ်းပေးလို့ ရပါတယ်။
သနပ်ခါးနဲ့ ကရမက် လိမ်းတာနဲ့ကတော့ ရိုးရာနည်းလမ်းတွေပဲ ဖြစ်ပါတယ်။
ရှားစောင်းလက်ပပ် ဂျယ်လီသားကို ကြိတ်ခြေပြီး အရေပြားပေါ်မှာ လိမ်းပေးတာကလည်း မိတ်တွေကို သက်သာစေနိုင်ပါတယ်။ မိတ်တွေကို သက်သာစေဖို့ ရှားစောင်းလက်ပပ်ကို အအေးခံပြီးမှ လိမ်းပေးပါ။
ချွေးထွက်တာက မိတ်တွေကို ပိုဆိုးစေနိုင်ပါတယ်။ ဒါကြောင့် မိတ်တွေ သက်သာစေဖို့ဆိုရင် ချွေးစုပ်ပြီး လေဝင်လေထွက် ကောင်းစေမယ့် ချည်သား ပွပွလေးတွေကို ဝတ်ပေးတာကလည်း မိတ်သက်သာစေမယ့် နည်းလမ်းပါ။
မိတ်သက်သာစေမယ့် နောက်ထပ် နည်းလမ်းတစ်ခုက ယပ်ခတ်တာ လေတိုက်ခံတာပါ။ လေအေးအေးလေးနဲ့ ထိတွေ့တာကလည်း မိတ်တွေကို သက်သာစေပြီး ယားယံတာကို သက်သာစေနိုင်မှာပါ။
ကဲ.. နွေရာသီမှာ ထွက်လာမယ့် မိတ်တွေကို အခုပြောပြခဲ့တဲ့ နည်းလမ်းလေးတွေ သုံးပြီး အကောင်းဆုံး ဖြေရှင်း လိုက်ရအောင်လား။