အခြားအာဟာရဆိုင်ရာနည်းလမ်းကောင်းများ

သွားရည်စာတွေကို မှားယွင်းစွာ ရွေးချယ် စားသောက်မိတဲ့အခါ မလိုလားအပ်တဲ့ကယ်လိုရီတွေကို ရရှိစေနိုင်ပြီး ထမင်းစားချိန်တစ်ဝိုက်တွေမှာ ကလေးတွေကို ပိုပြီးဆာလောင်စေပါတယ်။ အာဟာရဓါတ် နည်းနည်းပဲပါဝင်တဲ့ သွားရည်စာတွေကို စားသောက်ခြင်းက ဆယ်ကျော်သက်တွေကို ပိုပြီးဉာဏ်ကောင်းလာစေတာတို့ ပိုပြီးသန်မာလာစေတာတို့ ဘာမှဖြစ်လာစေမှာမဟုတ်ပါဘူး။ အရေးအကြီးဆုံးကတော့ ကျန်းမာရေးနဲ့ညီတဲ့ သွားရည်စာတွေကို ရွေးချယ်စားသောက်တာက ဗိုက်ပြည့်စေပြီး ကလေးတွေအတွက် ကယ်လိုရီမများဘဲ အာဟာရပြည့်စေမှာပါ။   သွားရည်စာတွေနဲ့ ဆယ်ကျော်သက်တို့ရဲ့ အလေးချိန် ဆယ်ကျော်သက်တွေစားတတ်တဲ့ သွားရည်စာတွေထဲမှာတော့ အာလူးကြော်၊ အချိုရည်၊ ကွတ်ကီးတွေ၊ ချိုချဉ်ချောင်းတွေ၊ ပီဇာ၊ ဘာဂါနဲ့ အာလူးချောင်းကြော်တွေ၊ ရေခဲမုန့်တွေ ပါဝင်တတ်ပါတယ်။ ဒီသွားရည်စာတွေအားလုံးမှာ ကယ်လိုရီမြင့်မားစွာပါဝင်ပြီး အလေးချိန်ကို ပိုတိုးလာစေပါတယ်။ ဆယ်ကျော်သက်တွေဟာ သူတို့အလေးချိန်တက်လာတာကို သတိပြုမိတဲ့အခါ ဘာလုပ်မယ်ထင်ပါသလဲ။ အများစုကတော့ သွားရည်စာစားတာကို ရပ်တန့်လိုက်ပြီး နာရီအတော်ကြာ ဘာမှမစားဘဲ နေလိုက်ကြတော့တာပါပဲ။ ပြဿနာက ဆယ်ကျော်သက်တွေဟာ သူတို့ဖာသာ မစားဘဲ ၅နာရီက ၆နာရီလောက်ထိနေပြီးတဲ့အခါ တကယ်တမ်းစားတဲ့အချိန်မှာ ပိုပြီး […]

အာဟာရဓါတ်ပြည့်ဝစွာပါဝင်ပြီး ပရိုတင်းဓါတ်ကြွယ်ဝတဲ့ ပဲပြားကို လွန်ခဲ့တဲ့နှစ်ပေါင်းများစွာကတည်းက တရုတ်ပြည်မှာ စတင်လူကြိုက်များခဲ့တာဖြစ်ပါတယ်။ အခုတော့ အင်ဒိုနီးရှား၊ မလေးရှား၊မြန်မာနိုင်ငံအပါအဝင် အာရှနိုင်ငံတွေမှာ စားသုံးသူများပြားနေပါပြီ။ အသားရှောင်တဲ့ သတ်သတ်လွတ်သမားတွေအတွက် အာဟာရပြည့်စေတဲ့ အစားအစာလည်းဖြစ်ပါတယ်။ လတ်ဆတ်တဲ့ပဲပြားတွေရှိသလိုပြုပြင်စီမံထားတဲ့ပဲပြားတွေလည်းရှိပါတယ်။ ပဲပြားမှာ ကယ်လိုရီပါဝင်မှုနည်းပါးပြီး ပရိုတင်းဓါတ်များတယ်၊ အဆီဓါတ်နည်းပါတယ်။ ထုတ်လုပ်ပုံထုတ်လုပ်နည်းတွေအပေါ်မူတည်ပြီး ကယ်လ်စီယမ်နဲ့ မဂ္ဂနီဆီယမ်ပါဝင်မှုလည်းများပါတယ်။ ပဲပြားမှာ ပရိုတင်း၊ ကယ်လ်စီယမ်၊ဗီတာမင်နဲ့ သတ္ထုဓါတ်တွေပါဝင်တာကြောင့် ကျန်းမာရေးအကျိုးကျေးဇူးများပါတယ်။ သူ့မှာပါတဲ့ ပဲပိစပ်က ကိုလက်စထရောကင်းပြီး ပရိုတင်း၊polyunsaturated fatty acids၊ ဓါတ်တိုးဆန့်ကျင်ပစ္စည်းတွေ၊ ဗီတာမင်ဘီအုပ်စုနဲ့သံဓါတ်တို့ပါဝင်ပါတယ်။ ပဲပြားစားလွန်းရင် ဖြစ်လာနိုင်တဲ့ဘေးထွက်ဆိုးကျိုးများ ဘယ်အရာမဆို များလွန်းရင်မကောင်းပါဘူးဆိုတဲ့အထဲမှာ ပဲပြားလည်းပါပါတယ်။ ကျန်းမာရေးအကျိုးကျေးဇူးများပေမယ့် ပဲပြား သို့မဟုတ် ပဲပိစပ်ထုတ်ကုန်တွေကို စားသုံးမှုများလွန်းရင်ဘေးထွက်ဆိုးကျိုးတွေရှိနိုင်ပါတယ်။ မကောင်းတဲ့ကိုလက်စထရော (LDL) ကိုလျော့နည်းစေပြီး ကင်ဆာရောဂါတချို့ကိုဖြစ်နိုင်ခြေနည်းပါးစေတယ်ဆိုတဲ့isoflavoneဒြပ်ပေါင်းတွေကလည်း အလွန်အကျွံစားသုံးမိရင်ဘေးဖြစ်စေနိုင်ပါတယ်။ isoflavone က အက်စထရိုဂျင်ဟော်မုန်းအတိုင်း အသွင်ဆောင်တဲ့ လုပ်ဆောင်ချက်ရှိတာကြောင့် သိုင်းရွိုက်မှာ အနှောင့်အယှက်ဖြစ်စေပြီးလုပ်ဆောင်ချက်ကမောက်ကမဖြစ်စေနိုင်ပါတယ်။ ပဲပိစပ်စားသုံးမှုလွန်ကဲရင် အမျိုးသားရော […]

ကယ်လ်စီယမ်သည် သတ္တုဓါတ်တစ်မျိုးဖြစ်ပြီး အရိုးများကို သန်မာစေပါသည်။ လုံလောက်သည့် ကယ်စီယမ်ပမာဏ မရရှိပါက သင့်ခန္ဓါကိုယ်သည် လိုအပ်သည်များကို အရိုးများမှ ထုတ်သုံးသောကြောင့် အရိုးများကို အားနည်းစေပြီး ကျွတ်ဆတ်ခြင်း သို့မဟုတ် ပျော့ခြင်း ဖြစ်စေနိုင်ပါသည်။ ကယ်လ်စီယမ်ကြွယ်ဝသော အစားအစာများကိုစားခြင်း ကယ်လ်စီယမ်စုပ်ယူမှုကိုတားသော အစာများကိုရှောင်ခြင်း၊ ဗီတာမင်ဒီလုံလောက်စွာရအောင် လုပ်ခြင်းများသည် ကယ်လ်စီယမ်လယ်ဗယ်ကို တည်ငြိမ်အောင် လုပ်ပေးနိုင်ပါသည်။   ၁။ ကယ်လ်စီယမ်စားသုံးမှုကို တိုးပေးပါ သင့်ခန္ဓါကိုယ်သည် အားဆေးများမှပါသော ကယ်လ်စီယမ်ထက် အစာများမှပါသော ကယ်လ်စီယမ်ကို အလွယ်တကူ စုပ်ယူနိုင်ပါသည်။ ကယ်လ်စီယမ် စုပ်ယူမှုကောင်းစေရန်အတွက် ကယ်လ်စီယမ်ကြွယ်ဝသည်များကို နေ့စဉ်စားပေးရမည်။ အဆီနည်းသော သို့ အဆီထုတ်ထားသော နွားနို့ကိုလည်း သောက်ပေးခြင်းဖြင့် အဆီများများစားရန်မလိုပါပဲနှင့် ကယ်လ်စီယမ်စုပ်ယူမှုကို အားကောင်းစေပါသည်။ တခြားသော ကယ်စီယမ်ကြွယ်ဝသည့် အစားအစာများမှာ ဒိန်ချဉ်၊ ဒိန်ခဲ၊ ဆာဒင်းနှင့် ဆာမွန်ငါးများဖြစ်သည်။ ၂။ ကယ်လ်စီယမ်၏ရန်သူများ တစ်ချို့သောအစားအစာများသည် ကယ်လ်စီယမ်စုပ်ယူမှုကို တားဆီးနိုင်၏။ ဥပမာ […]

အကယ်၍ သင်သည် ပင်ပန်းနွမ်းနယ်ခြင်းကို ပြန်လည် တိုက်ထုတ်နိုင်မဲ့ စွမ်းအားရင်းမြစ်ကို ရှာဖွေနေသူဆိုလျှင် အောက်တွင်သင်ရှာဖွေနေသော အရာများ ဖော်ပြထားပါတယ်။ အောက်ဖော်ပြပါ အစားအစာတွေကို သင့်နေ့စဉ်အစားအသောက်ထဲတွင် ထည့်သွင်းစားသုံးခြင်းဖြင့် လွယ်ကူထိရောက်စွာပင် ပင်ပန်းနွမ်းလျခြင်းကို ကာကွယ်နိုင်မှာ ဖြစ်ပါတယ်။ သို့ဖြစ်၍ ထိုနည်းလမ်းကောင်းများကို သင်ဘာကြောင့် မကြိုးစားကြည့်ပါသလဲ။   ပင်ပန်းနွမ်းနယ်ခြင်းဆိုသည်မှာ အဘယ်နည်း။ ပင်ပန်းနွမ်းနယ်ခြင်းဆိုသည်မှာ စိတ်ရောကိုယ်ပါ အားအင်ကုန်ခမ်း နုံးချိခြင်းကို ချုံငုံသုံးထားသော အသုံးအနှုန်းတစ်ခု ဖြစ်ပါတယ်။ ၎င်းသည် အိပ်စက်အနားယူဖို့ လိုအပ်သော ငိုက်မျဉ်းခြင်းနှင့် မတူပေ။ ပင်ပန်းနွမ်းနယ်ခြင်းသည် မောပန်းခြင်း၊ အားအင် ကုန်ခမ်းခြင်း နှင့် ထိုင်းမှိုင်းလေးကန်ခြင်းတို့ ပါဝင်ပါသည်။ ကျန်းမာရေးရှုထောင့်အရ ပင်ပန်းခြင်းသည် အိပ်ငိုက်ခြင်း၊ ငိုက်မျဉ်းခြင်းနဲ့ မတူပေ။ သင်ပင်ပန်းနေသော အခါတွင် သင့်မှာ နောက်ထပ် ခွန်အားနဲ့ လုပ်နိုင်စွမ်းအား မရှိတော့ခြင်း၊ ကုန်ခမ်းသွားခြင်း ဖြစ်သည်။ ပင်ပန်းနွမ်းနယ်ခြင်းကို တိုက်ထုတ်ဖို့ အကောင်းဆုံး […]

သင်သည် မအီမသာခံစားနေရပါလျှင် အရင်ဦးဆုံး သင်စားသောက်ခဲ့သော အစားအသောက်များကြောင့်ဖြစ်သည်ဟု စဉ်းစားမိပါလိမ့်မည်။ သို့သော် သင့်ကျန်းမာရေးအတွက် အာဟာရဓါတ်လုံလောက်စွာ စားသုံးရန်လိုအပ်ပါသည်။ အချို့သော အစားအစာများသည် မအီမသာဖြစ်စေသော်လည်း အချို့သောအစားအစာများစားခြင်းဖြင့်လည်း ထိုမအီမသာဖြစ်မှုများကို ပျောက်ကင်းစေပါသည်။   ပန်းသီး ပန်းသီးသည် မအီမသာဖြစ်ခြင်းကို သက်သာစေသော်လည်း ပမာဏများစွာ တပြိုင်နက်စားလိုက်လျှင် သင့်ကိုပိုနေရဆိုးစေပါသည်။ တနေ့ပတ်လုံး ပန်းသီး၊ အသီးအရွက် စသည့် အမျှင်ဓါတ်များသော အစားအစာများကို ဖြေးဖြေးစားပေးပါ။ သင်သည် မာသော အစာများကို အစာခြေနိုင်စွမ်းမရှိပါက ပန်းသီးအနှစ်၊ ပန်းသီးဖျော်ရည်တို့သောက်နိုင်ပါသည်။   ဌက်ပျောသီး သင်သည် မအီမသာဖြစ်ပြီး ရေဓါတ်ခမ်းခြောက်မှုဖြစ်ပါက သို့မဟုတ် အန်ပါက အချို့သော အသီးများကသင့်အတွက် သက်သာစေပါလိမ့်မည်။ ဌက်ပျောသီးသည် အန်ပြီး ဝမ်းလျှောပြီးတွင် ခန္ဓါကိုယ်မှ ဆုံးရှုံးသွားသော ပိုတက်ဆီယံဓါတ်ကို ပြန်ဖြည့်ပေးနိုင်သည်။ သင် ဝေဒနာသက်သာလာပြီး အစာပြန်စားနိုင်စအချိန်တွင် ဆရာဝန်က ဌက်ပျောသီးကဲ့သို့သော အစာပျော့မျိုးကို စကျွေးပါလိမ့်မည်။   ဘီစကစ်မုန့် ပေါင်မုန့်၊ ပေါင်မုန့်ကြွပ်နှင့် ပေါင်မုန့်ကင်တို့ကဲ့သို့ ကစီဓါတ်ကြွယ်ဝသောအစားအစာများသည် […]

ကျန်းမာအောင်နေထိုင်နိုင်မယ့်အကောင်းဆုံးသောနည်းလမ်းက ဗီတာမင်ကြွယ်ဝတဲ့အစားအသောက်တွေကို စားသုံးခြင်းပဲ ဆိုတဲ့စကားကို အကြိမ်ပေါင်းမရေမတွက်နိုင်အောင်ကြားဖူးမှာပါ။ ဗီတာမင်၊သတ္တုဓါတ်နဲ့ဓါတ်တိုး ဆန့်ကျင်ပစ္စည်းတွေကြွယ်ဝစွာပါဝင်တဲ့အစားအသောက်တွေကိုစားသုံးပေးတာက နှလုံးရောဂါ၊ကင်ဆာဝေဒနာ၊ အယ်လ်ဇိုင်းမားရောဂါနဲ့အခြားရောဂါတွေကိုဖြစ်ပေါ်စေနိုင်တဲ့ ဆဲလ်တွေပျက်စီးဆုံးရှုံးမှုကိုလျှော့ချပေးပါတယ်။ ဗီတာမင်နဲ့သတ္တုဓါတ်တွေနဲ့ ခန္ဓါကိုယ်ရဲ့ ကိုယ်ခံအားစနစ်အတွက် အထောက်အကူပြုတဲ့ အရေးပါတဲ့ အာဟာရဓါတ်တွေ၊ ဗီတာမင်နဲ့သတ္တုဓါတ်တွေကို တိုးမြှင့်နိုင်ဖို့အတွက် နေ့စဉ်စားသုံးတဲ့အစားအသောက် တွေထဲမှာ ကျန်းမာရေးနဲ့ညီညွတ်မျှတပြီး အာဟာရတန်ဖိုးမြင့်မားစွာပါရှိတဲ့အစားအသောက်တွေကို ထည့်သွင်း စားသုံးပေးသင့်ပါတယ်။   (၁) ခရမ်းရောင်၊အနီရောင်နဲ့အပြာရောင်ရှိတဲ့ စပျစ်သီးတွေကို စားသုံးပေးပါ။ အရောင်ရင့်တဲ့စပျစ်သီးတွေထဲမှာ ကင်ဆာနဲ့နှလုံးရောဂါကို ကာကွယ်ပေးနိုင်စွမ်းရှိတဲ့ ဓါတ်တိုးဆန့်ကျင်ပစ္စည်း တစ်မျိုးဖြစ်တဲ့ phytochemicals တွေပါဝင်ပါတယ်။ phytochemical နှစ်မျိုးဖြစ်တဲ့ anthocyanin နဲ့ proanthocyanidin ဓါတ်တွေက ကိုယ်ခံအားစနစ်ကောင်းမွန်စေပါတယ်။ စပျစ်သီးမှာ ဗီတာမင် စီ နဲ့ selenium ဓါတ်တွေပါဝင်ပါတယ်။   (၂) ဘလူးဘယ်ရီ ဘလူးဘယ်ရီသီးက ဆဲလ်တွေပျက်စီးမှုကိုကာကွယ်ပေးသလို ရောင်ရမ်းမှုကိုလည်း သက်သာစေပါတယ်။ ဘလူးဘယ်ရီသီးတွေထဲမှာ ကိုယ်ခံအားစနစ်ကို ကောင်းမွန်စေတဲ့ ဗီတာမင်နဲ့သတ္တုဓါတ်များစွာပါဝင်သလို ကင်ဆာနဲ့နှလုံးရောဂါတွေကို […]

ကျန်းမာရေးနဲ့မညီတဲ့ စားသောက်ပုံအမူအကျင့်တွေ ကိုယ့်မှာရှိနေသလား အစားအသောက်နဲ့ပဲလုံးပမ်းနေသူတွေဟာ စားသောက်မှုပုံစံမမှန်ခြင်းလို့ခေါ်တဲ့အခြေအနေမျိုးကို ဖြစ်လာစေမယ့် အမူအကျင့်တွေအဖြစ်ပြောင်းလဲလာနိုင်ပါတယ်။ စားသောက်မှုပုံစံမမှန်ခြင်း (Disordered eating) ဟာ အစားအသောက်မမှန်လို့ ကိုယ်အလေးချိန်ကျဆင်းလာခြင်း၊ စိတ်လွတ်ကိုယ်လွတ်စားသောက်မိခြင်း(binge eating disorder) ၊ တခါတရံအများကြီးစားမိတတ်သော်လည်း အဝလွန်မှာကြောက်တတ်တဲ့စိတ်ရောဂါ (bulimia) ၊ ဒါမှမဟုတ် ဝမှာစိုးရိမ်ပြီး အစားမစားတာ(anorexia) စတဲ့ အမျိုးအစားများစွာရှိနိုင်ပါတယ်။ စားသောက်မှုပုံစံမမှန်ခြင်းအတွက် ဖြေရှင်းနိုင်မယ့်အကောင်းဆုံးနည်းလမ်းက ခန္ဓါကိုယ်ရဲ့တုံ့ပြန်သံကို နားစွင့်ဖို့ပါပဲ။ ဆိုလိုတာက ကိုယ်တကယ်ဆာလောင်နေတဲ့အချိန်မှသာ စားဖို့၊ ဗိုက်ပြည့်တဲ့အချိန်မှာ စားတာရပ်ဖို့ လေ့ကျင့်ယူရမှာဖြစ်ပါတယ်။ သည်လိုသတိထားနေထိုင်ကြည့်ရင် အစားအသောက်မှာလစ်ဟာသွားတယ်လို့ မခံစားဘဲ ကယ်လိုရီကိုတောင်ထိန်းချုပ်နိုင်သွားပါလိမ့်မယ်။   စိတ်လွတ်ကိုယ်လွတ်စားသောက်မိခြင်း Cornell University သုတေသီ ပါမောက္ခ Brian Wansink ရဲ့လေ့လာမှုအရ ကိုယ်အစားအသောက်ထည့်စားတဲ့ ပန်းကန်အရွယ်အစားကြီးလေ၊အတိုင်းအဆမသိဘဲစားမိလေ ဖြစ်တယ်လို့တွေ့ရှိခဲ့ပါတယ်။ ဥပမာ ရုပ်ရှင်သွားကြည့်တဲ့သူတွေဟာ ပြောင်းဖူးပေါက်ပေါက် ဘူးကြီးအရွယ်အစားကို စားတဲ့အခါ ဘူးအသေးနဲ့ပဲ ခွဲဝယ်ခဲ့တဲ့(ပေါက်ပေါက်ပမာဏချင်းတူတူ)သူတွေထက် ၄၅ […]

သစ်သီးတွေက ကိုယ်ခန္ဓါနဲ့ ဦးနှောက်ရဲ့ လုပ်ငန်းစဉ်တွေကို အထောက်အကူဖြစ်စေတဲ့ ဗီတာမင်နဲ့ သတ္တုဓါတ်တွေ ပါဝင်တယ်ဆိုတာ မငြင်းနိုင်ပါဘူး။ ဒါကြောင့် အသီးတွေကို များများစားပေးဖို့ လိုအပ်ပါတယ်။ ဒါပေမယ့်လည်း အကြောင်းအမျိုးမျိုးကြောင့် အသီးစားတာ နည်းနေတာမျိုး ဖြစ်နိုင်ပါတယ်။ အခုဖော်ပြသွားမှာကတော့ သစ်သီးတွေကို လွယ်လွယ်ကူကူစားဖြစ်စေမယ့် အချက် ၁၀ ချက်ပဲ ဖြစ်ပါတယ်။ (၁) မြင်နိုင်တဲ့နေရာမှာထားပါ အသီးစားတာကို အစားအသောက်တစ်ခုစားတယ်လို့ တချို့လူတွေက မမြင်တဲ့အတွက် အသီးအစားနည်းကြပါတယ်။ စားပွဲပေါ်မှာ ကောင်တာပေါ်မှာ ရေခဲသေတ္တာထဲမှာ စတဲ့မြင်လွယ်တဲ့နေရာတွေမှာ အသီးအနှံတွေထားရင် သင်အသီးပိုစားဖြစ်မယ်လို့ ထင်ပါတယ်။ (၂) အချိုအဖြစ် အသုံးပြုပါ ကိုယ်ချက်တဲ့ဟင်းတွေထဲမှာ အချိုမှုန့် ဒါမှမဟုတ် သကြားထည့်တာထက်စာရင် ချိုမြတဲ့အရသာရှိတဲ့ အသီးတွေနဲ့ အစားထိုးစမ်းသပ်အသုံးပြုကြည့်ပါ။ သဘာဝထွက်ဇီးသီးက အရမ်းချိုတဲ့အတွက် သင့်ဟင်းလျာထဲမှာ ထည့်တာက ကောင်းတဲ့ ရွေးချယ်မှုတစ်ခုဖြစ်နိုင်ပါတယ်။ (၃) သစ်သီးအမယ်အသစ် အပတ်တိုင်း စားကြည့်ပါ။ အပတ်စဉ် အသီးအသစ်တမျိုးမျီုးစားကြည့်တာက […]

ဆိုဒါက ကမ္ဘာနဲ့တစ်ဝှမ်း သောက်သုံးနေကြတဲ့ အရည်ဖြစ်ပါတယ်။ လူတိုင်းကြိုက်ကြပါတယ်။ ကြေးများတတ်သူတွေတောင် တခါတော့ ဆိုဒါတစ်ခွက်လောက် သောက်ဖူးမှာပါ။ ဆိုဒါအကြောင်း ဘယ်သူမှ များများစားစား မပြောကြပါဘူး။ ဝိုင်အကြောင်းကိုသာ ဂျာနယ်တွေ မဂ္ဂဇင်းစာစောင်တွေကတဆင့် ဆွေးနွေးချက်များ ရှိနေကြပြီး ဆိုဒါအကြောင်းတော့ မပြောကြပါဘူး။ ယခုသင်တို့ဖတ်ရမှာကတော့ ဆိုဒါအကြောင်းပဲ ဖြစ်ပါတယ်။ (၁) ဆိုဒါဆိုတာဘာလဲ။ သကြားရေထဲမှာ ကာဗွန်ဒိုင်အောက်ဆိုဒ် ဓါတ်ငွေ့တွေ ပျော်ဝင်ပေါင်းစပ်ထားတာ ဖြစ်တာကြောင့် ဆိုဒါက ပူဖောင်းလေးတွေ ထနေတာ ဖြစ်ပါတယ်။ ကာဗွန်ဒိုင်အောက်ဆိုဒ်မပါရင် ဆိုဒါက ပျင်းဖို့ကောင်းနေပါလိမ့်မယ်။ ကာဗွန်ဒိုင်အောက်ဆိုဒ် မော်လီကျုးတွေက ဆိုဒါရေကနေ ပြိုကွဲလာပြီး မျက်နှာပြင်မှာ ဘူဘောင်းလေးတွေဖြစ်ပေါ်လာကာ လေထဲကို လွတ်မြောက်သွားပါတယ်။   (၂) ဆိုဒါကို ရေခဲသေတ္တာထဲမှာ သိမ်းထားသင့်လား။ ရပါတယ်။ ဆိုဒါက အေးခဲနေတဲ့အချိန်မှာ ကာဗွန်ဒိုင်အောက်ဆိုဒ် မော်လီကျူးလေးတွေရဲ့ ပြိုကွဲနှုန်းနဲပါတယ်။ ဒါကြောင့် အေးတဲ့ဆိုဒါမှာ ကာဗွန်ဒိုင်အောက်ဆိုဒ်ဒြပ်စင်တွေ ပိုပါနေတာ […]

အစားအသောက်တွေက သင့်ခန္ဓါကိုယ် အားအင်ပြည့်ဖြိုးဖို့အတွက် မှော်ဆန်လောက်အောင် ပြုလုပ်မပေးနိုင်ပေမယ့် အစားစားလိုက်ရတဲ့အတွက် ချက်ခြင်းပျော်ရွှင်သွားတာမျိုးတော့ လုပ်နိုင်ပါတယ်။ သင်အနေနဲ့ လန်းဆန်းမှုမရှိဘူးဆိုရင် အောက်ဖော်ပြပါ အစားအသောက် (၃) မျိုး စားကြည့်ဖို့ အကြံပြုပါတယ်။ (၁) အမဲရောင်ချောကလက် အမဲရောင်ချောကလက်က အန်တီအောက်စီဒန့်တွေ အများကြီးပါဝင်တဲ့အတွက် သင့်သွေးကြောတွေကို သက်သောင့်သက်သာ ဖြစ်စေပြီး သွေးခုန်နှုန်း ကျန်းမာစေတဲ့အပြင် သွေးလည်ပတ်မှုလည်း ကောင်စေးပါတယ်။ သုတေသနတစ်ခုကတော့ စိတ်ဖိအားများတဲ့လူတွေအတွက် တနေ့ကို အမဲရောင်ချောကလက်တစ်အောင်စ (သို့) အောင်စဝက် စားရင် စိတ်ဖိအားများစေတဲ့ ဟိုမုန်းအဆင့်တွေကို လျှော့ချပေးနိုင်တယ်လို့ ဆိုထားပါတယ်။ ဒီထက်ပိုပြောရရင် အမဲရောင်ချောကလက်မှာ မဂ္ဂနီဆီယံနဲ့ သတ္တုဓါတ်တွေပါတဲ့အတွက် PMS သွေးဆုံးပြီးရင် ခံစားရတတ်တဲ့ လက္ခဏာတွေဖြစ်တဲ့ မောပန်းခြင်း၊ စိတ်ကျခြင်းနဲ့ ပူပန်စိုးရိမ်နေခြင်း မဖြစ်အောင် လျှော့ချပေးပါတယ်။ အမဲရောင်ချောကလက်ထဲမှာပါတဲ့ တန်ဖိုးရှိတဲ့ သဘာဝ ပစ္စည်းလေးတစ်ခုက သင့်ကို သုခဘုံတစ်ခုရောက်နေသလိုမျိုး […]