အခြားလေ့ကျင့်ခန်းများ

မင်္ဂလာပါ။ အပြေးလေ့ကျင့်တော့မလို့လား။ ဒါပေမယ့် ဘယ်ကစရမှန်းလဲမသိဘူးလား။ ဒါဆိုစပြေးမယ့်သူတွေအတွက် နည်းလမ်းကောင်းလေးတွေကို ဖတ်ကြည့်လိုက်ပါဦး။ ပထမဆုံးအနေနဲ့ ပြေးတယ်ဆိုတာဘာလဲ နားလည်အောင် အရင်လုပ်ကြစို့။ လမ်းလျှောက်ခြင်းအပြင် ပြေးတယ်ဆိုတာကလဲ အခြေခံကျတဲ့ လေ့ကျင့်ခန်းပဲ။ အပြေးသမားဆိုတာ လူကြီးတွေရော လူငယ်တွေရော တောကလယ်သမားတွေပါ ပြေးနိုင်တာမျိုးပါ။ လူတိုင်း ပြေးနိုင်ကြပါတယ်။ တနင်္ဂနွေမနက်ကျရင် ပြေးမယ်လို့ သင်တွေးထားမယ်။ ဒါကြောင့် အိမ်ကနေ အပြေးထွက်ခဲ့မယ်ဆိုပါစို့။ တွေးလိုက်ရုံနှင့် စိတ်လှုပ်ရှားစရာကောင်းသလို ပထမတော့ ခက်ခဲနေပါလိမ့်မယ်။ ဒါပေမယ့် တန်ပြန်သက်ရောက်မှုတွေ ရှိလာနိုင်တယ်။ ဘာလို့ဆိုတော့ သင့်ခန္ဓါကိုယ်ကို ပြေးဖို့အတွက် သင်မပြင်ဆင်ထားဘူး။ ဒီတော့ အလွယ်တကူမောလာမယ်။ ကြွက်သားတွေလဲ နာလာပါလိမ့်မယ်။ အားကစားအဝတ်အစားတွေ ဖိနပ်တွေဝတ်လိုက်ရုံနဲ့ ပြေးဖို့အဆင်သင့်ဖြစ်မသွားပါဘူး။ ပလက်ဖောင်းနဲ့ခလုတ်တိုက်မိတာတို့ ခြေထောက်နာသွားတာတို့ဆိုတာလဲ တစ်ခါတစ်လေ ရှောင်မရပဲ ဖြစ်လာတတ်တာမျိုး။ ဒါကြောင့် စပြေးတော့မယ်ဆိုရင် သေချာပြင်ဆင်ပါ။ ဒီမှာ နည်းလမ်းကောင်းတစ်ချို့ကို ဖော်ပြပေးထားပါတယ်။ အားကစားအဝတ်အစားအတွက် ငွေသုံးပါ။ […]

ပြေးပြီးနောက် ဘာတွေကို မလုပ်ရပါသလဲ။ ပြေးပုံအဆင့်ဆင့်: အဆင့် ၁ - ပြေးခြင်း အဆင့် ၂ - …. ဒါ ရှိသမျှအဆင့် အကုန်ပါပဲ ပြေးဖို့ဘာလိုလဲလို့မေးရင် လူတွေက အထက်ပါအဆင့်များကို ပြောပြပါလိမ့်မယ်။ ပြေးရုံသာလိုတယ်လို့ ဖြေကြလိမ့်မယ်။ ဒါပေမယ့် ဒီအဖြေဟာ လုံးဝမှားပါတယ်။ ပြေးတယ်ဆိုတာ ပြေးရုံတင်မကပါဘူး။ သွေးပူအောင်လုပ်တာ၊ အကြောလျော့တာ၊ သွေးအေးအောင်လုပ်တာ၊ ကိုယ်ထားရမယ့် ရည်မှန်းချက်၊ လေ့ကျင့်ခန်းလုပ်ရမှာ စသဖြင့်စာရင်းပြုနိုင်သမျှ ပြုရတာပါပဲ။ ဒါကြောင့် ပြေးရုံတစ်ခုတည်းနဲ့ မပြီးပါဘူး။ ကျွန်တော်တို့အားလုံးနီးပါးကတော့ မပြေးခင် ဘာတွေမလုပ်သင့်ဘူးလဲဆိုတာ သိပြီးဖြစ်ပါလိမ့်မယ်။ ဒါဆို ပြေးပြီးတဲ့နောက်ရော ဘာတွေမလုပ်ရဘူးလဲ။ ပြေးပြီးနောက် မလုပ်သင့်သည်များ သွေးအေးအောင်နားတာကို ကျော်လိုက်ခြင်း သွေးပူအောင်လုပ်တာဟာ ခန္ဓါကိုယ်ကို ပြေးဖို့အဆင့်သင့် လုပ်ပေးတဲ့နည်းလို့ သိထားကြသလိုပဲ သွေးအေးအောင်နားတယ် ဆိုတာက သူနဲ့ဆန့်ကျင်ဖက်ပါပဲ။ ခန္ဓါကိုယ်ကို နားနေတဲ့ပုံစံကနေ သွေးပူအောင်လုပ်ပြီး စပြေးတယ်ဆိုရင် အသက်ရှုစနစ် နဲ့ ကြွက်သားကျုံ့တာတွေကို […]

အဆစ်ရောင်ဖူးပါသလား။ အရမ်းနာပါတယ်။ ဟုတ်တယ်နော်။ အဆစ်နေရာကနေ တဆစ်ဆစ်နဲ့နာနေပြီး လှုပ်လိုက်တာနဲ့ အသည်းခိုက်သွားတာမျိုး။ ဒီတော့ သင်လမ်းတောင် လျှောက်ချင်စိတ် မရှိနိုင်တော့ဘူး။ ဒါပေမယ့် မလျှောက်ပဲနေတာကရော ကောင်းလို့လား။ အချက်အလက်တွေအရ အဆစ်ရောင်အဖွဲ့အစည်းကြီးကနေ အဆစ်ရောင်သူတွေဟာ သင့်တော်တဲ့လေ့ကျင့်ခန်း အစီအစဉ်ဆွဲသင့်ကြောင်း ပြောထားပါတယ်။ ပြေးတာက သင့်အဆစ်များရဲ့ကောင်းကျိုးအတွက် လုပ်သင့်တဲ့လေ့ကျင့်ခန်းတစ်မျိုးပါပဲ။ ဒါပေမယ့် ဘယ်လိုပြေးကြမှာလဲ။ ခြေထောက်သုံးလိုက်တိုင်း နာနေတဲ့ အဆစ်တွေကိုရော ဘယ်လိုလုပ်ကြမလဲ။ ရပါတယ်။ ဒါကိုကျော်လွှားနိုင်တဲ့ နည်းလမ်းတွေ ရှိပါတယ်။ ပျော့သည့်နေရာမှာပြေးပါ ဆိုလိုတာက ကွန်ကရစ်လမ်းမှာပြေးတာမျိုးကို ရှောင်ခိုင်းတာပါ။ သင့်ခြေထောက်က နူးညံ့တဲ့မျက်နှာပြင်မှာပဲပြေးသင့်တယ်။ ဥပမာ မြက်ခင်း၊ ရွံ့ပျော့ပျော့မြေမျိုးပေါ့။ ကွန်ကရစ်က နိုင်လွန်ကတ္တရာထက် ၁၀ ဆ ပိုမာပါတယ်။ ဒါကြောင့် သင့်ခြေထောက်အတွက် အဆင်မပြေနိုင်ပါဘူး။ သင့်ဒူးတွေ အဆစ်တွေကို လာထိမယ့်အားက နာကျင်မှုကို အလွယ်တကူဖြစ်လာစေနိုင်ပါတယ်။ ဒီလိုဆို ပြေးမယ့်ဟာ ပြေးမရပဲဖြစ်သွားပါလိမ့်မယ်။ ကိုယ်ကို […]

လက်ရှိအချိန်မှာတော့ ယောဂဟာ သင့်ရဲ့ စိတ်နဲ့ ခန္ဓါကို ညီညွတ်မျှတစေဖို့နဲ့ ဟာမိုနီတစ်ခုကိုဖန်တီးနိုင်တဲ့ လေ့ကျင့်ခန်းတစ်မျိုးလို့ လက်ခံထားကြပါတယ်။ ယောဂဟာ သင့်ကျန်းမာရေးအတွက် အလွန်ကောင်းမွန်တဲ့ ကောင်းကျိုးတွေကို ယူဆောင်လာပေးနိုင်ပါတယ်။ ပျော့ပျောင်းမှု၊ သက်လုံနဲ့ ခုခံအားတွေ၊ ခန္ဓါကိုယ်ဖွဲ့စည်းပုံ အလုပ်လုပ်ဆောင်မှုတွေကို တိုးတက်လာစေဖို့နဲ့ စိတ်ဝိဉာဉ်ကို လန်းဆန်းစေပြီး စိတ်ကို တည်ငြိမ်အေးချမ်းစေဖို့တွေ အပါအဝင်ပေါ့။ စိတ်ကို တည်ငြိမ်အေးချမ်းစေခြင်းဟာ အလုပ်ထဲမှာဖြစ်စေ၊ စာတွေလေ့လာရာမှာဖြစ်စေ။ အာရုံစူးစိုက်မှုအားကောင်းစေပါတယ်။ ဒါကြောင့် ယောဂဟာ ကိုယ့်ကိုယ်ကိုယ် တိုးတက်စေလိုတဲ့သူတွေအတွက်တော့ ပြီးပြည့်စုံတဲ့ ရွေးချယ်မှုတစ်ခုပါပဲ။ ဒါပေမဲ့ လူတိုင်းဟာ ယောဂသင်တန်းကိုသွားပြီး ယောဂလေ့ကျင့်နေဖို့ အချိန်ရနေမှာ၊ အခြေအနေပေးမှာမဟုတ်ပါဘူး။ ဒါပေမဲ့ ယောဂကိုအိမ်မှာ လေ့ကျင့်လို့တော့ရပါတယ်။ ဒီဆောင်းပါးမှာတော့ ကျွန်တော်တို့ မိတ်ဆက်ပေးလိုတဲ့ တကယ်ကို ထိရောက်မှုရှိတဲ့ ယောဂလေ့ကျင့်ခန်းပုံစံအချို့ကို ဖော်ပြပေးလိုက်ပါတယ်။ ပထမဆုံးကတော့ Mountain Pose ယောဂလေ့ကျင့်ခန်းပါ။ ယောဂလေ့ကျင့်ခန်းတွေအားလုံးထဲမှာတော့ […]

ယောဂသင်တန်းတွေကို သွားဖို့ အချိန်လုံးဝမရ၊ မအားဖြစ်နေတယ်ဆိုရင် ဒါမှမဟုတ် ယောဂသင်တန်းတွေကို တစ်သက်လုံးတော့ တက်မနေနိုင်ပါဘူးဆိုရင် ယောဂကို အိမ်မှာပဲ လေ့ကျင့်လို့ရပါတယ်။ ၁။ ယောဂကို ဘာကြာင့် အိမ်မှာလေ့ကျင့်သင့်တာလဲ။ ပထမဆုံးအနေနဲ့ ယောဂကို သင်ကိုယ်တိုင်လေ့ကျင့်ခြင်းက အာရုံစူးစိုက်မှုပို အားကောင်းစေပြီး တုံ့ပြန်မှုတွေကို ပိုပြီးကောင်းမွန်စေပါတယ်။ အရှိန်၊ ကြံ့ခိုင်မှုကစလို့ ပြင်းထန်မှုထိ သင်နှစ်သက်သလို လေ့ကျင့်လို့ရပါတယ်။ စတူဒီယိုနဲ့ သင်တန်းတွေမှာ လေ့ကျင့်မယ်ဆိုရင်တော့ တစ်ပတ်ကို ၂ကြိမ်ကနေ ၃ကြိမ်လောက်သာ လေ့ကျင့်နိုင်မယ်ဆိုပေမယ့် အိမ်မှာလေ့ကျင့်မယ်ဆိုရင်တော့ နေ့တိုင်းလေ့ကျင့်လို့ရပါတယ်။ ရလာတဲ့ရလဒ်က အရေးအကြီးဆုံးပါပဲ။ နေ့စဉ် နာရီဝက်လောက်လေ့ကျင့်တာက တစ်ပတ်မှာ ၄၅မိနစ် ၂ကြိမ်လောက်လေ့ကျင့်တာထက်စာရင် အများကြီးပိုကောင်းပါတယ်။ ငွေနည်းနည်းသာကုန်ပြီး ယောဂရဲ့ အကျိုးကျေးဇူးတွေ ပိုရနိုင်တာပေါ့။ ၂။ လေ့ကျင့်ခန်းအစီအစဉ်တွေ ဘယ်လိုဆွဲမလဲ။ အစီအစဉ်အစမှာတည်းက သက်တော့သက်သာရှိမယ့် အနေအထားကို အရင်ရွေးပါ။ ဥပမာ corpse pose လိုပေါ့။ […]

ပထမဆုံး ယောဂသင်တန်းအတွက် ပြင်ဆင်ရတာဟာ စိတ်လှုပ်ရှားစရာပါ။ ဒါပေမဲ့ ဘာတွေကို မျှော်လင့်ပြင်ဆင်ရမလဲမသိရင်တော့ ကြောက်စရာပါပဲ။ သင့်မှာ ယောဂလေ့ကျင့်တဲ့ သူငယ်ချင်းတစ်ယောက်မှမရှိဘူးဆိုရင်တော့ ဒီဆောင်းပါးကို ဖတ်ကြည့်လိုက်ပါ။ ယောဂသင်တန်းမတက်ခင်မှာ ပြင်ဆင်ထားသင့်တဲ့ အရေးအကြီးဆုံး အချက်တွေကို ဖော်ပြထားပါတယ်။ ၁။ အဝတ်အစားများ သင်တက်မယ့် သင်တန်းရဲကပုံစံကိုလိုက်ပြီး ပြင်ဆင်ရမယ့် အဝတ်အစားတွေလည်း မတူညီနိုင်ပါဘူး။ Hot yoga သင်တန်းဆိုရင်တော့ ချွေးတွေကို ခံနိုင်ရည်ရှိတဲ့ အဝတ်အစားလိုပါလိမ့်မယ်။ ဥပမာ သင့်ရဲ့ အပြေးဝတ်စုံလိုပေါ့။ တကယ်လို့ သင်က ယောက်ျားလေးဖြစ်နေမယ်ဆိုရင်တော့ ပုံမှန် တီရှပ်သာ ဝတ်သွားလိုက်ပါ။ အခြားသူဆိုရင်တော့ ကင်းမြီးကောက်ထောင်နေစဉ်မှာ အင်္ကျီအပေါ်လှန်တက်မလာဖို့ ကြပ်တဲ့ အင်္ကျီမျိုးတွေ ရွေးသင့်ပါတယ်။ ဗိုက်မပေါ်ဖို့ လိုက်ဖုံးနေရရင်တော့ သင် ဒဏ်ရာရသွားနိုင်ချေ များပါပြီ။ ၂။ ပစ္စည်းကိရိယာများ ဖျာတစ်ချပ်သာ မရှိရင်တော့ ယောဂသင်တန်းမှာ သင့်အတွက် တစ်ခုငှားပေးနိုင်မလားမေးလိုက်ပါ။ ယောဂသင်တန်းအများစုကတော့ […]

သင်က ယောဂလေ့ကျင့်သူတစ်ယောက် သို့မဟုတ ်ယောဂီတစ်ယောက်ဖြစ်နေမယ်ဆိုရင်တော့ သင့်ခန္ဓါကိုယ်နဲ့ စိတ်အတွက် ကျန်းမာရေးနဲ့ညီတဲ့ စားစရာတွေစားဖို့ ဘယ်လောက်အရေးကြီးတယ်ဆိုတာ သိနှင့်ပြီးသားဖြစ်ပါလိမ့်မယ်။ သသင့်ကျန်းမာရေးဟာ သင့်ရဲ့အစာခြေစနစ်ရဲ့ လွှမ်းမိုးမှုကိုလည်း ခံနေရပါတယ်။ အစာချေစနစ်ကို သန်စွမ်းနေစေဖို့အတွက် ယောဂမှာ ရိုးရှင်းတဲ့ စားသောက်ပုံတွေ ရှိနေပါတယ်။ သဘာဝစားစရာတွေ အနည်းငယ်မျှသာစားပေးရုံပါပဲ။ ၁။ နံနက်စောစော ရေနွေးသောက်ပါ။ သင်အိပ်ပျော်နေစဉ်မှာ ခန္ဓါကိုယ်က စွမ်းအင်တွေကိုဖြည့်ဆည်းပြီး အလိုအလျောက် သန့်စင်ပေးနေပါတယ်။ ဇီဝကမ္မဖြစ်စဉ်တွေဟာ အနိမ့်ဆုံးအခြေအနေကိုရောက်နေပါတယ်။ သင်နိုးလာတဲ့အခါ သင့်ရဲ့ ဇီဝယန္တရားကို စတင်လည်ပတ်ဖို့ အချိန်လိုပါတယ်။ တကယ်လို့ နံနက်ခင်းမှာ အစားအသောက်တွေ အများကြီးကို အရင်စစားလိုက်မယ်ဆိုရင် သင့်ခန္ဓါကိုယ်က မှန်မှန်ကန်ကန် အလုပ်လုပ်နိုင်စွမ်းမရှိသေးတဲ့အတွက် အစာချေစနစ်မှာ ပြဿနာဖြစ်စေနိုင်ပါတယ်။ ဒါကိုကာကွယ်ဖို့အတွက် သင့်ရဲ့ အစာချေစနစ်ကို အရင်နှိုးဆွဖို့ နေ့တစ်နေ့ရဲ့ နံနက်ခင်းကို ရေတစ်ဖန်ခွက်နဲ့သာ စတင်လိုက်ပါ။ ၂။ နေ့လည်စာ အတွက် […]

ဆီးချိုရောဂါဆိုတာ ခန္ဓါကိုယ်က အင်ဆူလင်တွေကို မှန်မှန်ကန်ကန်အသုံးမပြုနိုင်တော့တဲ့အခါ ဒါမှမဟုတ် မှန်မှန်မထုတ်ပေးနိုင်တဲ့အခါဖြစ်လာတတ်တဲ့ အခြေအနေပါ။ ဒါဟာ သွေးကြောထဲမှာ ဂလူးကို့စ်လယ်ဗယ်မြင့်တက်လာခြင်းကို ဖြစ်စေပါတယ်။ ဆီးချိုဝေဒနာရှင်တွေကတော့ ဒီဝေဒနာတွေကို ဆေးဝါးတွေ၊ ကျန်းမာရေးနဲ့ ညီညွတ်တဲ့ စားစရာတွေနဲ့ နေ့စဉ်ယောဂလေ့ကျင့်ခြင်းတွေလုပ်ပြီး ထိန်းချုပ်နိုင်ပါတယ်။ ၁။ ယောဂက ဆီးချိုကို ဘယ်လိုတိုက်ဖျက်နိုင်တာလဲ။ ယောဂကိုနေ့စဉ်လေ့ကျင့်ခြင်းဟာ သွေးကြောထဲက ဂလူးကို့စ်လယ်ဗယ်ကို နိမ့်ကျစေပြီး သွေးဖိအားကိုလည်း လျော့နည်းစေပါတယ်။ ပြီးတော့သင့်ရဲ့ ကိုယ်အလေးချိန်ကိုလည်း ထိန်းသိမ်းနိုင်စေပါတယ်။ ဒါ့အပြင် ယောဂဟာ ရောဂါလက္ခဏာတွေကိုလည်း လျှော့ချပေးနိုင်တဲ့အပြင် ဆီးချိုကြောင့် ဖြစ်လာမယ့် ဖြစ်စဉ်တွေကိုလည်း နှေးကွေးစေပြီး နောက်ဆက်တွဲပြဿနာတွေကို လျှော့ချပေးနိုင်ပါတယ်။ (က) ယောဂနှင့် စိတ်ဖိစီးမှု အခြားသော ကျန်းမာရေးပြဿနာတွေလိုပါပဲ။ ဆီးချိုဝေဒနာဟာ စိတ်ဖိစီးမှုတွေကြောင့် ပိုပြီး ဆိုးရွားလာနိုင်ပါတယ်။ သောကတွေဟာ glucagon ဟောမုန်းတွေထုတ်လွှတ်ခြင်းကို တိုးမြှင့်စေပါတယ်။ ဒီဟော်မုန်းတွေကတော့ သွေးထဲက ဂလူးကို့စ်လယ်ဗယ်အတွက် အဓိက […]

ယောဂကပေးစွမ်းနိုင်တဲ့ ကျန်းမာရေးအတွက် အကျိုးကျေးဇူးတွေကို လူအများစုက သိပြီးသားပါ။ ဒါပေမဲ့ ယောဂရဲ့ကောင်းကျိုးတွေက ကျွန်တော်တို့ရဲ့ ပုံပန်းသွင်ပြင်ကို ပြောင်းလဲပေးနိုင်တယ်ဆိုတာကတော့ တော်တော်များများ မသိကြပါဘူး။ ၁။ ယုံကြည်မှုရှိလာစေဖို့ ယောဂက ကူညီပေးနိုင်ပါတယ်။ ယောဂဟာ သင့်ရဲ့ နောက်ကျော၊ ပုခုံးနဲ့ ကျောရိုးတွေကို သန်မာစေခြင်းအားဖြင့် သင့်ကိုယ်နေဟန်ထားကို ကောင်းမွန်စေပါတယ်။ ကျောမတ်မတ်ထားပြီး ခေါင်းမော့လို့ လမ်းလျှောက်တာလောက် ယုံကြည်မှုရှိတဲ့ပုံပေါက်တာမရှိတော့ပါဘူး။ ကိုယ့်ကိုယ်ကိုယ် ယုံကြည်မှုရှိလာတဲ့အခါ သင်ဟာ အခြားသူတွေအားလုံးရဲ့ မျက်လုံးထဲမှာ ပိုလှလာပါလိမ့်မယ်။ ၂။ ယောဂက သင့်ခန္ဓါကိုယ်က အဆိပ်တွေကို ဖယ်ရှားပေးနိုင်ပါလိမ့်မယ်။ အဆိပ်တွေဟာ နေရာတိုင်းမှာရှိနိုင်ပါတယ်။ သင်နေထိုင်နေသ၍တော့ တစ်နည်းနည်းနဲ့ သင့်ကိုယ်ထဲ ဝင်နေမှာပါပဲ။ ယောဂအနေအထားတွေက သွေးလည်ပတ်မှုကို လှုံ့ဆော်ပေးနိုင်ပြီး အလိုအလျောက်အဆိပ်ဖယ်ရှားခြင်းဖြစ်စဉ်ကို ပိုပြီးမြန်ဆန်စေပါတယ်။ သင့်ခန္ဓါကိုယ်မှာ အဆိပ်တွေကင်းစင်သွားတဲ့အခါ ပိုပြီးကျန်းမာလာတာကို ခံစားရမှာပါ။ အသားအရေကလည်း ပိုပြီးတောက်ပလာမှာဖြစ်ပြီး လွတ်လပ်ပေါ့ပါးနေစေပါတယ်။ ၃။ ယောဂက စိတ်ဖိစီးမှုတွေကို […]

ကိုယ်လက်လှုပ်ရှားမှုတွေဟာ သွေးတွေကို အစာချေနစ်ကနေပြီး ကြွက်သားတွေကို ထိန်းချုပ်ဖို့ ပို့ပေးကြတယ်လို့ လူတွေက ယုံကြည်ကြပါတယ်။ ဒါကြောင့် ယောဂအပါအဝင် ဘယ်လိုလေ့ကျင့်ခန်းမျိုးမဆို မလုပ်ခင် ဘာအစာမှမစားတာပိုကောင်းပါလိမ့်မယ်။ ဒါပေမဲ့ တကယ်လု့ိများ ဗိုက်အရမ်းဆာနေခဲ့ရင် ရိုးရှင်းတဲ့ စားစရာတွေကို စားသုံးနိုင်ပါတယ်။ အောက်ဖော်ပြပါ အစားအစာတွေမပါဝင်ခဲ့ရင်ပေါ့။ ၁။ အခွံမာသီးနဲ့ အစေ့အဆံများ အခွံမာသီးနဲ့ အစေ့အဆံတွေဟာ အာဟာရဓါတ်တွေ၊ အဆီတွေနဲ့ ပရိုတိန်းတွေများပါတယ်။ ဒါတွေက သင့်ရဲ့ ကျန်းမာရေးအတွက် ယေဘုယျအားဖြင့်တော့ ကောင်းမွန်ပေမယ့် သင့်ခန္ဓါကိုယ်မှာ သွေးစီးဆင်းဖို့ လိုအပ်နေတဲ့ အချိန်မှာတော့ ကောင်းမွန်တော့မှာမဟုတ်ပါဘူး။ သင့်ရဲ့ခန္ဓါကိုယ်ကို လှည့်နေ၊ လိမ်နေတဲ့အချိန်မှာ အစာတွေက အစာအိမ်ထဲရှိနေတာမျိုး မဖြစ်စေဖို့ ရက်စ်ဘယ်ရီလိုအသီးတွေလောက်သာ စားသုံးတာက ပိုကောင်းပါလိမ့်မယ်။ အစာမကြေခြင်းဟာ ယောဂီတစ်ယောက်အတွက် ဘယ်သောအခါမှ ကောင်းမွန်တယ်လို့ မရှိပါဘူး။။ ၂။ အကြော်များ သင့်ခန္ဓါကိုယ်က အကြော်စာတွေကို ချေဖျက်နိုင်ဖို့ အချိန်အကြာကြီးယူရပါတယ်။ […]