သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ဝမ်းက အစိမ်းရောင်ဘာကြောင့်ဖြစ်နေရတာလဲ ။ ။

    ဝမ်းက အစိမ်းရောင်ဘာကြောင့်ဖြစ်နေရတာလဲ ။ ။

    အိမ်သာသွားပြီးနောက်ပိုင်း ဝမ်းအရောင်က ပုံမှန်အရောင်ဖြစ်မနေဘဲ အစိမ်းရောင်ဖြစ်နေရင် လူတိုင်းလန့်သွားကြမှာပါ။ ပုံမှန်ဆို ဝါညိုရောင်လေးရှိနေရမယ့် ဝမ်းက အစိမ်းရောင်ဖြစ်နေတာ ဘာ့ကြောင့်လဲ။ စိုးရိမ်ရလား ။

    ဝမ်းအစိမ်ရောင်ဖြစ်စေတဲ့အကြောင်းအရင်းများ ။ ။

    ( ၁ ) အစိမ်းရောင် အသီးအရွက်တွေ အစားများသွားတာကြောင့် ဖြစ်နိုင်ပါတယ်။

    အသီးအရွက်တွေမှာပါတဲ့အစိမ်းရောင်ခြယ် chlorophyll ဟာ ဝမ်းကိုစိမ်းစေတဲ့ အာနိသင်ရှိပါတယ်။ ဒါပေမယ့် နည်းနည်းလေးစားရင် ဘာမှမဖြစ်ပေမယ့် အများကြီး စားမိတဲ့ အခါမျိုးမှသာ ခုလို ဝမ်းအစိမ်းရောင်ပြောင်းသွားမှာ ဖြစ်ပါတယ်။

    ( ၂ ) အပြာရောင်နဲ့ ခရမ်းရောင်ရှိတဲ အစားအစာတွေ

    အစိမ်းရောင်ရှိတဲ့အစားအစာတွေကပဲ ဝမ်းအစိမ်းသွားစေနိုင်တာ မဟုတ်ပါဘူး။ အပြာရောင်တို့ ခရမ်းရောင်စတဲ့အရောင်တွေက ဗိုက်ထဲ ရောက်သွားတဲ့အခါကျရင် အစာခြေအက်ဆစ်နဲ့ သည်းခြေရည်တို့နဲ့ ရောသွားပြီး အစိမ်းရောင်ပြောင်းသွားတတ်ပါတယ်။

    ( ၃ ) ကော်ဖီ၊ ပူစပ်တဲ့အစားအစာ၊ အရက်။

    ပုံမှန်ဆိုရင် ဝမ်းစစဖြစ်ချင်းအရောင်က အစိမ်းရောင်ပါ။ နောက်ပိုင်းမှ သည်းခြေရည်တွေကနေ ဝမ်းကို အဝါညိုရောင်ပြောင်းပေးလိုက်တာဖြစ်ပါတယ်။ ပူစပ်တဲ့အစားစာတွေ၊ ကော်ဖီသောက်များပြီး ထွက်လာတဲ့ကဖင်းဓာတ် တွေနဲ့ အရက်သေစာတို့ဟာ အူလမ်းကြောင်းလှုပ်ရှားမှုကို မြန်စေတာကြောင့် ဝမ်းအဝါညိုရောင် ပြောင်းချိန်တောင် မရလိုက်တော့တာကြောင့် အစိမ်းရောင်ဝမ်းတွေ သွားနိုင်ပါတယ်။

    ( ၄ ) သောက်နေတဲ့ဆေးတွေ။

    ကိုယ်သောက်နေတဲ့ ဆေးတွေကလည်း ဝမ်းအစိမ်းရောင်ဖြစ်အောင် ပြောင်းနိုင်တဲ့အရာတွေထဲမှာပါပါတယ်။

    • အမျှင်ဓာတ် ဖြည့်စွက်အားဆေးတွေ၊
    • ဝမ်းနှုတ်ဆေးတွေ
    • အစိမ်းရောင်ရေညှိအားဆေးတွေ
    • Metformin ဆီးချိုဆေး နဲ့
    • Ciprofloxacin ပိုးသတ်ဆေးတွေဟာ ဝမ်းအစိမ်းရောင် ပြောင်းသွားစေနိုင်တဲ့ ဆေးတွေပါ။

    ( ၅ ) ကိုယ်ဝန်သည်တွေ

    ကိုယ်ဝန်အစောပိုင်း လက္ခဏာတွေထဲမှာ ဝမ်းအစိမ်းသွားတာက တစ်ခုအပါအဝင်ဖြစ်ပါတယ်။ ဒါဟာပြောင်းလဲသွားတဲ့ ဟော်မုန်းတွေကြောင့် ဖြစ်နိုင်သလို သောက်နေတဲ့ကိုယ်ဝန်ဆောင့် ဖြည့်စွက်အားဆေးတွေကြောင့်လည်းဖြစ်နိုင်ပါတယ်။ ကိုယ်ဝန်ရင့်လာတဲ့အချိန်မှာ အစားတွေ အူကို မြန်မြန်ဖြတ်သွားတာကြောင့် မွေးခါနီးကာလတွေမှာလည်း ဝမ်းအစိမ်းသွားတာမျိုး ကြုံတွေ့ရတတ်ပါတယ်။

    ( ၆ ) မွေးကင်းစကလေးတွေမှာလည်း ဝမ်းအစိမ်းရောင်သွားနိုင်ပါတယ်။

    မွေးကင်းစကလေးတွေမှာ Meconium လို့ခေါ်တဲ့ ဝမ်းအစိမ်းရောင်တွေ သွားလေ့ရှိတတ်ပြီး ၃ ရက်ဆို ဝမ်းအရောင် ပုံမှန်ပြန်ဖြစ်သွားမှာပါ။

    ( ၇ ) ဝမ်းအစိမ်းရောင်ဖြစ်စေနိုင်တဲ့အခြား အကြောင်းအရာတွေကတော့

    • အစာအဆိပ်သင့်တာ
    • Salmonella, E.coli,နဲ့ Giardia ဘက်တီးရီးယားပိုးတွေနဲ့ အခြား ဗိုင်းရပ်စ်ပိုးတွေ အူထဲဝင်ရောက်လာတဲ့အခါ
    • ပဋီဇီဝ ပိုးသတ်ဆေးတွေ အသောက်များပြီး အကျိုးပြု ဘက်တီးရီးယားတွေပါ သေကုန်လို့ ဝမ်းလျှောတဲ့အခါ အစိမ်းရောင်တွေဖြစ်နိုင်သလို
    • Celiac disease, ulcerative colitis, Crohn’s disease နဲ့ Irritable bowel syndrome တို့လို အူလမ်းကြောင်းဆိုင်ရာ ပြဿနာတွေရှိတဲ့အခါ နဲ့
    • နို့သကြားဓာတ် မစုပ်ယူနိုင်တဲ့ ပြဿနာဖြစ်နေတဲ့ကလေးတွေ
    • ဝမ်းနှုတ်ဆေး အသောက်များတဲ့သူတွေဟာ ဝမ်းအစိမ်းသွားခြင်းကိုဖြစ်စေတဲ့ အကြောင်းတွေဖြစ်ပါတယ်။

    ဘယ်အချိန် ဆရာဝန်သွားပြဖို့လိုမလဲ။

    ဝမ်းအစိမ်းသွားတာ တစ်ပတ်ထက်ကျော်နေပြီ ကောင်းလိုက် ပြန်စိမ်းလိုက်လည်း ဖြစ်နေတယ်၊ ဗိုက်အောင့် ဖျားနာတာတွေလည်း ရှိတယ် ၊ ဝမ်းလည်းလျှောနေမယ်၊ အကျိအချွဲတွေလည်း ပါနေတယ်ဆိုရင်တော့ ဆရာဝန်ဆီသွားပြီး ဖြစ်နေတဲ့ပြဿနာကို အဖြေရှာ ဆေးကုသမှု ခံယူဖို့လိုပါလိမ့်မယ် ။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 13/07/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: