မှ အချက်အလက် စစ်ဆေးထားပါသည်။ Dr. Kaung Thar
ပိုးသတ်ဆေးကြောင့် အူရောင်ခြင်း သည် အူမကြီးထဲတွင် Clostridium difficile ဟုခေါ်သော ပိုးကောင်များကြီးထွားလာမှုကြောင့် အူမကြီးတွင် ရောင်ရမ်းခြင်းဖြစ်ပြီး ဝမ်းလျှောရောဂါအတွက် ထိုပိုးသတ်ဆေးများသုံးစွဲမှု သည် ဝမ်းလျှောစေသော အဓိကအကြောင်းရင်းဖြစ်သည်။
ပိုးသတ်ဆေးကြောင့် အူရောင်ခြင်း သည် အလွန်အဖြစ်များပြီး အသက်အရွယ်မရွေးဖြစ်နိုင်ပါသည်။ သို့သော်ထိုဖြစ်စဉ်ကို ဖြစ်စေနိုင်သော အချက်များကို လျှော့ချခြင်းများပြုလုပ်နိုင်သော်လည်း တိကျသော သတင်းအချက်အလက်များရရှိရန် ဆရာဝန်နှင့် တိုင်ပင်သင့်ပါသည်။
တွေ့ရများသော ရောဂါလက္ခဏာများမှာ
ထိုရောဂါ လက္ခဏာများသည် ပိုးသတ်ဆေးသောက်ပြီး ၁ ရက် ၂ ရက်ခန့်တွင် စဖြစ်တတ်ပြီး ပိုးသတ်ဆေးပတ်လည်ပြီး ရက်သတ္တပတ်အတန်ကြာခန့်အထိ ကြာမြင့်တတ်သည်။
(အထက်တွင် မဖော်ပြထားသော လက္ခဏာများလည်း ကျန်ရှိနိုင်ပါသည်။ တိကျသော သတင်းအချက်အလက်များရရှိရန် ဆရာဝန်နှင့် တိုင်ပင်သင့်ပါသည်။)
သင်သည် လက်ရှိ သို့မဟုတ် မကြာသေးမီ အချိန်က ပိုးသတ်ဆေးများသောက်ပြီး ဝမ်းလျှောလျှင် ရောဂါမပြင်းထန်သေးသော်လည်း ဆရာဝန်နှင့်တိုင်ပင်သင့်သည်။ ထို့ပြင် ဝမ်းသွားမရပ်ခြင်း၊ ဗိုက်ရစ်ခြင်း၊ ဗိုက်နာခြင်း၊ ဗိုက်တင်းခြင်း၊ဖျားခြင်း၊
ဝမ်းထဲတွင် ပြည်များ၊ သွေးများပါခြင်းများဖြစ်လျှင် ဆရာဝန်ထံချက်ချင်းသွားပြသင့်သည်။
ပုံမှန်အားဖြင့် ကျန်းမာသော လူတယောက်၏ အူမကြီးထဲတွင် အကျိုးပြု ဘက်တီးရီးယားများစွာရှိပါသည်။ သို့သော် ပိုးသတ်ဆေးနှင့် အခြားသောဆေးများက ထိုအကျိုးပြု ဘက်တီးရီးယားများကိုသေစေပြီး C. dfficile ဟုခေါ်သော အူရောင်စေသော ဘက်တီးရီးယားများကို လျှင်မြန်စွာပွားများစေပါသည်။
C. dfficile ထုတ်သော အဆိပ်အတောက်များ များပြားလာသောအခါ အူမကြီးကိုရောင်ရမ်းစေပါသည်။
ပိုးသတ်ဆေးများအနက်မှ အူမကြီးရောင်ရမ်းမှုကို ဖြစ်စေသော ပိုးသတ်ဆေးများမှာ အောက်ပါတို့ဖြစ်သည်။
ဥပမာ -ciprofloxacin (Cipro) ,levofloxacin (Levaquin)
ဥပမာ -amoxicillin and ampicillin
ဥပမာ- cefixime (Suprax)
ပိုးသတ်ဆေးမဟုတ်သော အခြားဆေးများကလည်း အူမကြီးရောင်ရမ်းမှုကို ဖြစ်စေပါသည်။
ဥပမာ ကင်ဆာဆေးများသည် အူထဲရှိ အကျိုးပြုပိုးကောင်များကို သေစေပြီး အူရောင်စေပါသည်။
အူတွင်အနာဖြစ်သော ရောဂါ ၊ ခရုန်းအူရောင်ရောဂါများသည်လည်း အူမကြီးရောင်ရမ်းမှုကို ဖြစ်စေပါသည်။
C.dfficile ပိုးကောင်သည် ပိုးသေဆေးများနှင့် အလွန်ယဉ်ပါးနေပြီးဖြစ်သော ကြောင့် ကျန်းမာရေးဝန်ထမ်းများထံမှ လူနာများသို့ကူးစက်နိုင်ချေများပါသည်။
ထို့ပြင် ရောဂါဖြစ်နိုင်ချေမရှိသောသူများ၊ ပိုးသတ်ဆေးမသုံးသူများတွင်လည်း ဖြစ်တတ်သောကြောင့် လူထုပတ်ဝန်းကျင်မှတဆင့်ကူးစက်စေသော C. dfficileပိုးကောင်များကြောင့်လည်း အူရောင်ခြင်းကို ဖြစ်စေနိုင်ကြောင်းတွေ့ရသည်။
ပိုးသတ်ဆေးကြောင့် အူရောင်ခြင်း ကို ဖြစ်နိုင်ချေများစေသော အကြောင်းများမှာ
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ပိုးသတ်ဆေးကြောင့် အူရောင်ခြင်း ကို ဘယ်လိုသိနိုင်မလဲ။
ပိုးသတ်ဆေးကြောင့် အူရောင်ခြင်း ကိုသိနိုင်သော စစ်ဆေးမှုများနှင့် နောက်ဆက်တွဲဆိုးကျိုးများကိုရှာဖွေနိုင်သော စစ်ဆေးမှုများမှာ
အူမကြီးထဲရှိ C. difficile ပိုးကောင်ကို ဝမ်းနမူနာယူပြီး စစ်ဆေးနိုင်သော နည်းလမ်းများစွာရှိပါသည်။
သွေးထဲတွင် သွေးဖြူဥများနေခြင်းဖြင့် အူရောင်ရောဂါဖြစ်နေကြောင်း သိနိုင်သည်။
ထိပ်တွင် ကင်မရာငယ်တပ်ဆင်ထားသော မှန်ပြောင်းကို အူမကြီးအတွင်းသို့ကြည့်ခြင်းဖြင့် ရောင်ရမ်းမှုများနှင့် အဝါရောင်အဖတ်များ ကြွတက်နေခြင်းကို တွေ့လျှင် အူရောင်ရောဂါဖြစ်နေကြောင်း သိနိုင်သည်။
ရောဂါလက္ခဏာပြင်းထန်သော သူများတွင် ဗိုက်ကို ဓါတ်မှန်၊ ကွန်ပျူတာဓါတ်မှန်ရိုက်ခြင်းတို့ဖြင့် အူမကြီးတွင်း အဆိပ်အတောက်များကြောင့် ဖောင်းပွနေခြင်း၊ ပေါက်နေခြင်းတို့ရှိမရှိ သိနိုင်သည်။
အောက်ပါတို့သည် ကုသနိုင်သော နည်းလမ်းများဖြစ်ပါသည်။
သင်သည် ကုသမှုများကို စတင်ခံယူသည့်အချိန်မှ စပြီး ရက်အနည်းငယ်အတွင်းတွင် ရောဂါလက္ခဏာများ သက်သာလာသည်ကို တွေ့ရမည်။ သုတေသနပညာရှင်များက အဆိုပါရောဂါကို ကုသရန် အခြားသော ပိုးသတ်ဆေးများနှင့် ကာကွယ်ဆေးများကို တီထွင်လျက်ရှိပါသည်။
အသစ်ပွားလာသော C.diffile ဇိဝမျိုးကွဲများသည် ဆေးယဉ်ပါးမှုကို ပိုဖြစ်လာစေပြီး ရောဂါကို ပြန်ဖြစ်နိုင်ချေများလာကာ ရောဂါကိုလည်းကုရာတွင် ပိုထိန်းချုပ်ရခက်စေသောကြောင့်ဖြစ်သည်။ ထို့ကြောင့် သင့်တွင် အူရောင်ရောဂါပြန်ဖြစ်လာပါက အောက်ပါနည်းလမ်းများဖြင့် ကုသရမည်ဖြစ်သည်။
နေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများကိုပြုလုပ်ခြင်းဖြင့် ပိုးသတ်ဆေးကြောင့် အူရောင်ခြင်း ဖြစ်သူများအတွက် ဘယ်လိုသက်ရောက်မှုရှိနိုင်သလဲ။
အောက်ပါနေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများသည် သင့်အတွက်အကူအညီဖြစ်နိုင်ပါသည်။
သင်သိလိုသည်များရှိသော် ဆရာဝန်နှင့်တိုင်ပင်ကာ ပိုမိုကောင်းမွန်သော အကြံဉာဏ်များရယူနိုင်ပါသည်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။