ဝမ်းက ပြောပြနေတဲ့ သင့်ကျန်းမာရေးအကြောင်းကို သင်နားလည်ရဲ့လား ။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 22, 2021 . 2 mins read
Share now

ဝမ်းသွားတယ်ဆိုတာ ပုံမှန် ကိုယ်လုပ်နေကျအရာတွေထဲက တစ်ခုဖြစ်ပေမယ့် သူက ကိုယ့်ရဲ့ ကျန်းမာရေးကို တစ်ထောင့်တစ်နေရာကနေ ဖော်ပြနေတဲ့ အရာတစ်ခုပါ။ ငယ်စဉ်တည်းက လုပ်နေတဲ့ အလုပ်တစ်ခုဖြစ်တာကြောင့် လူတွေက သူနဲ့ ပက်သက်ပြီး ထွေထွေထူးထူး တွေးလေ့မရှိပါဘူး။

အစာအိမ်နဲ့ အူလမ်းကြောင်းဆိုတာ ကောင်းတဲ့ ဘက်တီးရီးယားရော၊ မကောင်းတဲ့ ဘက်တီးရီးယားရော ပေါင်းစုံရှိတဲ့နေရာတစ်ခုပါ။ ဝမ်းတစ်လုံးကောင်းမှ ကျန်းမာရေးကောင်းမှာ ဖြစ်တာကြောင့် ကိုယ့်ဝမ်းက ပြောပြနေတဲ့ သင့်ကျန်းမာရေးအကြောင်းကို နားလည်ဖို့တော့ လိုပါတယ်။ ။

ဝမ်းအရောင် ။ ။

ဝမ်းအရောင်ဆိုတာ သင့်စားလိုက်တဲ့ အစားအသောက်တွေပေါ် မူတည်ပြီး ပြောင်းလဲတတ်တဲ့ အရာတစ်ခုပါ။

  • ပုံမှန်ဝမ်းအရောင်က ဝါညိုရောင်လေးဖြစ်နေရပါမယ်။
  • ဝမ်းအမည်းရောင်– မည်းနေပြီး စေးကပ်တဲ့ အနံ့ပြင်းတဲ့ဝမ်းသွားနေပြီဆိုရင်တော့ သင့် အစာအိမ်မှာ သွေးတွေ ထွက်နေတယ်ဆိုတဲ့ သဘောပါ။ ထွက်လာတဲ့ သွေးနဲ့ အက်ဆစ်နဲ့ ဓာတ်ပြုပြီး ဝမ်းအရောင်မည်းရတာဖြစ်ပါတယ်။ ဘဲသွေး၊ ကြက်သွေးတွေစားမိတာ၊ အနက်ရောင် ဘယ်ရီသီးတွေ စားမိတာ သံဓာတ်အားဖြည့်ဆေးသောက်နေတာ တို့ကလည်း သင့်ဝမ်းအရောင်ကို မည်းစေတဲ့ အကြောင်းအရင်းတွေပါ။ ။
  • အနီရောင်ဝမ်း – ဝမ်းအရောင်က ချင်းချင်းနီနေတဲ့ အရောင်ဖြစ်မယ်ဆိုရင် ဒါဟာ အူအောက်ပိုင်း ပြဿနာတွေ ကြောင့် ဖြစ်နိုင်ပါတယ်။ အူမကြီးတို့၊ အစာဟောင်းအိမ်တို့ စအို တို့မှာ ဖြစ်နေတဲ့ ပြဿနာတွေကြောင့် ဝမ်းမှာ သွေးပါပြီး ဝမ်းအရောင် အနီရောင်ဖြစ်သွားတတ်ပါတယ်။
  • ဝမ်းအဖြူရောင် – အဖြူရောင်ဝမ်းတွေ သွားနေပြီဆို သင့်သည်းခြေမှာ ပြဿနာရှိနေပြီ ဆိုတာ ပြတာပါ။။ သည်းခြေရည်တွေ လုံလောက်စွာ မထွက်တာကြောင့် ဝမ်းအရောင် အဖြူရောင်ဘက်ကိုလိုက်သွားတာ ဖြစ်ပါတယ်။ တစ်ခြား ဖြစ်နိုင်တဲ့ အကြောင်းအရာတွေကတော့ ဝမ်းကိုက်ပိုးဝင်ပြီး ဝမ်းအရောင် ရွံ့စေးရောင် ပြောင်းသွားတာနဲ့ နဂါးမောက်သီး အဖြူရောင် တွေကြောင့်လည်း သင့်ဝမ်းအရောင် ဖြူဖျော့သွားတတ်ပါသေးတယ်။
  • ဝမ်းအစိမ်းရောင် – သင်စားတဲ့အစားတွေထဲမှာ အစိမ်းရင့်ရောင် အစားအစာတွေ မပါဘဲနဲ့ ဝမ်းအရောင် အစိမ်းရင့်ရောင်သွားပြီဆို ဒါ သင့်သည်းခြေ လမ်းကြောင်းမှာ ပြဿနာရှိနေပြီဆိုတာကို ပြောချင်တာပါ။

ဝမ်းပုံစံ ။ ။

  • ပုံမှန် ဝမ်းတစ်ခုဟာ အရမ်းကြီးလည်း ပျော့မနေသင့်သလို ကျောက်စရစ်ခဲလိုလည်း မာမနေသင့်ပါဘူး။
  • အူမကြီးကင်ဆာတွေ၊ စအိုကင်ဆာ တို့မှာ ဝမ်းအတုံးက ရှည်မျောမျော ပိန်သွယ်သွယ်ဖြစ်နေတတ်ပါတယ်။
  • ဝမ်းမှာ အဆီတွေ များနေတာ – ဝမ်းသွားတဲ့အခါမှာ ပုံမှန်ဆို အဆီတွေ ဝေ့မနေသင့်ပါဘူး။ ဒီလိုဝမ်းမှာ အဆီတွေဝေ့နေတယ်ဆိုတာ စားလိုက်တဲ့ အဆီတွေကို ကိုယ်ခန္ဓာကနေ ကောင်းကောင်းမစုပ်တော့တဲ့ အခါမျိုးမှာ ဖြစ်နိုင်ပါတယ်။ မုန့်ချိုအိတ်ရောင်နေတဲ့ ပြဿနာနဲ့ အဆီကျဆေးသောက်ထားတာတွေက ဝမ်းမှာ အဆီဝေ့ခြင်းကို ဖြစ်စေတဲ့ အကြောင်းတရားတွေပါ။
  • ဝမ်းက ရေပေါ်ပေါ်နေတတ်တာမျိုးတွေ ကြုံဖူးမှာပါ။ ဒါဟာ ဝမ်းထဲမှာ gas တွေ များနေလို့ဖြစ်ရတာပါ။ ဝမ်းရေပေါ်မှာပဲ ပေါ်ပေါ်၊ ရေထဲမှာပဲ မြုပ်မြုပ် ပြဿနာတော့ မရှိပါဘူး။

ဝမ်းအနံ့ ။ ။

  • ဝမ်းအနံ့က မွှေးတယ်လို့ ပြောတာ တစ်ခါမှ မကြားဖူးပါဘူး။ ဒါဟာ ဝမ်းထဲမှာပါတဲ့ ဘက်တီးရီးယားတွေ ကြောင့် ဖြစ်ရတာပါ။
  • အစာမကြေဘဲ သွားတဲ့ဝမ်းဟာ စိမ်းရွှင်ရွှင် အနံ့ကြီးဖြစ်နေတတ်သလို
  • ဝမ်းထဲ သွေးပါပြီး သွားတဲ့ ဝမ်းမည်းမည်းတွေရဲ့ အနံ့ကလည်း တစ်ခါရဖူးရင် တစ်သက် မမေ့လောက်စရာပါပဲ။
  • ဝမ်းအနံ့က ပုပ်အဲ့အဲ့ဖြစ်နေပြီဆိုရင်တော့ ဒါ အူလမ်းကြောင်းထဲမှာ ပိုးဝင်နေတယ်ဆိုတာကို ပြောချင်တာပါ။

ဝမ်းအကြောင်းပြောရင် ဝမ်းချုပ်တာနဲ့ ဝမ်းလျှောတာကို ချန်ခဲ့လို့မရပါဘူး။

ဝမ်းချုပ်ခြင်း ။ ။

ဝမ်းချုပ်တယ်ဆိုတာကလည်း တကယ်ကို ခေါင်းခဲရတဲ့ ကိစ္စတစ်ခုပါ။ ဝမ်းချုပ်တယ်လို့ ပြောဖို့ဆို တစ်ပတ်ကို ၃ ကြိမ်အောက်ပဲ ဝမ်းသွားရမယ့်အပြင် မာကျစ်ပြီး ညှစ်တိုင်းလည်း မထွက်တဲ့ဝမ်းကြောင့် ဝမ်းသွားဖို့ကို ကြောက်နေတတ်ကြပါတယ်။ အမျှင်ဓာတ်လုံလောက်စွာ မစားလို့၊ ရေများများ မသောက်လို့၊ ကိုယ်လက်လှုပ်ရှားမှု မလုပ်လို့ဖြစ်လာရတဲ့ ဝမ်းချုပ်ခြင်းဟာ သင့်ကို စိတ်အနှောင့်အယှက်ဖြစ်စေမယ့်အပြင် သူ့ကြောင့်လိပ်ခေါင်းရောဂါကင်ဆာရောဂါစတဲ့ ဆိုးဆိုးဝါးဝါး ပြဿနာတွေ ကြုံတွေ့ရတတ်ပါတယ်။

ဝမ်းလျှောခြင်း ။ ။

ဝမ်းဆိုတာ မာလွန်းရင်လည်း မကောင်းသလို ဝမ်းပျော့ပျော့တွေ သွားပြန်ရင်လည်း ပုံမှန် မဟုတ်တဲ့အရာပါ။ ဝမ်းချုပ်လွန်းရင်လည်း စိတ်ညစ်ရသလို ဝမ်းလျှောပြန်ရင်လည်း စိတ်အနှောင့်အယှက်ဖြစ်ရပါတယ်။ မသန့်တာတွေ စားမိတာ၊ အူလမ်းကြောင်းပိုးဝင်တာတွေက ဝမ်းလျှောကို အများဆုံးဖြစ်စေတဲ့ အကြောင်းတွေပါ။ ပေ့ါ့ပေါ့ဆဆ နေမိရင် ရေဓာတ်ခမ်းခြောက်ပြီး အသက်သေဆုံးတဲ့အထိ ပြင်းထန်တဲ့ ဝမ်းပျက်ဝမ်းလျှော ရောဂါဟာ သေချာ ဂရုစိုက်သင့်တဲ့အရာတစ်ခုပါ။

ဒါကြောင့် ဆီးတို့၊ ဝမ်းတို့ဆိုတာ ကိုယ်ခန္ဓာရဲ့ စွန့်ပစ်ပစ္စည်းတွေ ဖြစ်ပေမယ့်လည်း သင့်ကျန်းမာရေးအခြေအနေ ဘယ်လိုရှိလဲဆိုတာကို ပြောပြနေတာကြောင့် သူတို့ ပြနေတဲ့ အချက်တွေ ကို ကိုယ့်ဘက်က နားလည်ထားဖို့ လိုပါလိမ့်မယ် ။ ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကူးစက်နိုင်သည့် အရေပြားရောဂါများ

အရေပြားရဲ့တာဝန်က ခန္ဓာကိုယ်ထဲကို ရောဂါပိုးတွေ ကူးစက်တာကနေ တားပေးဖို့ဆိုပေမယ့် အရေပြားကိုယ်တိုင်ကလည်း ရောဂါပိုးတွေ ကူးစက်ခံလိုက်ရတဲ့ အခိုက်အတန့်တွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အမျိုးသားတို့ သိထားသင့်တဲ့ ကျန်းမာရေးအခြေအနေများ

အမျိုးသားတွေက ဆေးရုံဆေးခန်းသွားရမှာ၊ ဆေးသောက်ရမှာ၊ ကုသမှု ခံယူရတာကို သဘောမတွေ့ကြပါဘူး ဒါပေမယ့် လူတိုင်းကတော့ ကျန်းမာရေးစောင့်ရှောက်မှု လိုအပ်တာပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အူသိမ်ထဲမှာ ဘက်တီးရီးယားတွေ အဆမတန်များပြားလာခြင်း ( SIBO)

အူသိမ်ထဲမှာ ဘက်တီးရီးယားတွေ အဆမတန်များလာခြင်းက ရေရှည်မှာ လူနာကို ဘာဖြစ်စေနိုင်သလဲ။ ဘယ်လိုလက္ခဏာတွေ ခံစားရမှာလဲဆိုတာ လေ့လာကြည့်ရအောင်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အိမ်သာမဝင်ခင် လက်ဆေးသင့်လား…………………

ဟုတ်ပါတယ်။  အိမ်သာမဝင်ခင်မှာ လက်ဆေးသင့်ပါတယ်။ အကြောင်းကတော့ လက်ချောင်းတွေမှာ သာမန် မျက်စိနဲ့ မမြင်နိုင်တဲ့ ရောဂါပိုးမွှားတွေ အများကြီး ကပ်ငြိနေနိုင်လို့ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား

အသက်ကြီးလာတာနဲ့အမျှ ကိုယ်ခံအားက ကျဆင်းလာသလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 2 mins read

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 2, 2021 . 2 mins read
ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read