အသည်းရောဂါများ

အသည်းရောဂါ ဆိုတာ အသည်းရဲ့လုပ်ဆောင်ချက်တွေမှာ ပျက်ယွင်းမှုတစ်ခုခုရှိနေတာကိုဆိုလိုပါတယ်။ အသည်း ဟာ ခန္ဓါကိုယ်အတွင်းက အရေးပါတဲ့လုပ်ဆောင်ချက်ပေါင်းများစွာအတွက် အကျိုးပြုနေတဲ့အစိတ်အပိုင်းဖြစ်တဲ့အတွက် သူ့မှာရောဂါဖြစ်တာ၊ ထိခိုက်တာတွေဖြစ်လာရင် ချွတ်ယွင်းမှုတွေက သိသာပါတယ်။ အသည်းရောဂါ ဖြစ်စေတဲ့ အကြောင်းရင်းများ အသည်းရောဂါ ဖြစ်စေနိုင်တဲ့အကြောင်းရင်းတွေက အများကြီးရှိနိုင်ပါတယ်။ ဘာတွေလဲဆိုတာ ဆက်ကြည့်ရအောင်။ အရက်ကြောင့် အရက်အလွန်အကျွံသောက်သုံးမှုကြောင့် အသည်းကိုထိခိုက်ပျက်စီးစေနိုင်ပါတယ်။ရောဂါပြင်းထန်မှုက အဆင့်ဆင့်ရှိပြီး လက္ခဏာတွေလည်းအမျိုးမျိုးရှိပါတယ်။ ဆေးကြောင့် ဆေးဝါးတွေကြောင့် အသည်းဆဲလ်တွေ ခဏတာ သို့မဟုတ် ရေရှည်ရောင်ရမ်းလာတာဖြစ်လာနိုင်ပါတယ်။ တချို့ကသောက်သုံးမှုလွန်ကဲတဲ့အခါ အသည်းကိုထိတတ်ပေမယ့် တချို့ဆေးတွေကျ ပုံမှန်ပမာဏနဲ့ပဲ ထိခိုက်စေနိုင်ပါတယ်။ ကူးစက်နိုင်တဲ့အသည်းရောင်ရောဂါပိုးကြောင့် အသည်းရောင်ရောဂါဆိုတာရောဂါပိုးကူးစက်ခံရလို့ အသည်းဆဲလ်တွေရာင်ရမ်းလာတာဖြစ်ပါတယ်။ ကပ်ပါးပိုးတွေနဲ့ ဗိုင်းရပ်စ်တွေကသွေး သို့မဟုတ် ခန္ဓါကိုယ်အရည်တွေကတဆင့်၊ ရောဂါပိုးပါတဲ့ အစားအစာနဲ့ရေတို့ကတဆင့်၊ ဒါမှမဟုတ်ရောဂါကူးစက်ခံရတဲ့ သူနဲ့နီးနီးကပ်ကပ်နေမိရာကတဆင့် ကူးစက်ပြန့်ပွားနိုင်ပြီး အသည်းကိုပျက်စီးစေပါတယ်။ အသည်းရောဂါဖြစ်စေတဲ့အထဲက အဖြစ်များဆုံးရောဂါပိုးတွေကတော့ - အသည်းရောင် A ဗိုင်းရပ်စ်- အသည်းရောင် A ပိုးဟာ မစင်ကတဆင့် လူကိုကူးစက်တတ်တဲ့ဗိုင်းရပ်စ်ဖြစ်တဲ့အတွက် အစားအစာကိုင်တွယ်ပြင်ဆင်ရာမှာ သန့်ရှင်းဖို့ […]

အရက်။ ။ ယောက်ျားလေးတွေ အကြိုက်ဆုံးလို့ ပြောရမယ့် အရာတစ်ခု။ ပွဲလမ်းသဘင်၊ မိတ်ဆုံစားပွဲ၊ Boys Night Out၊ ကလပ် နေရာမျိုးစုံ အတွက် သူမပါလို့ မဖြစ်၊ သူမပါရင် ပွဲမစည်။ လူတွေက ကြိုက်လို့ ပဲ ဖြစ်ဖြစ် မသောက်ရင် မကောင်းတတ်လို့ အားနာလို့ပဲဖြစ်ဖြစ် အရက်ကို သောက်မိနေတတ်ကြပါတယ်။ မကောင်းဘူးဆိုတာ သိရက်နဲ့ လည်း သောက်နေကြတဲ့ အရက်ေကြာင့် အသည်းထိခိုက်တာကိုလည်း အားလုံးအသိ။ မသောက်ဘဲနဲ့လည်း မနေနိုင်၊ သောက်ရင်လည်း အသည်းထိခိုက်မှာ ကြောက်နေရတဲ့ သူတွေ အတွက် အရက်လည်းသောက် အသည်းကိုလည်းကာကွယ်လို့ ရနိုင်မယ့် နည်းတွေရှိပါတယ်။ အရက်ကြိုက်တဲ့ သူတွေ အတွက်ကတော့ မျှော်လင့်ချက်ရောင်ခြည်လို့ ပြောရမလားပဲ။ အရက်ကြောင့် အသည်း ဘယ်လို ထိခိုက်တတ်သလဲ။ ။ အရက် ဆိုတာ […]

“ဆရာ အဖေ နာနေတယ်ပြောလို့” “ဟုတ်ကျွန်တော်လူနာသက်သာအောင်ဆေးတစ်လုံးထိုးပေးပါမယ်” “အဖေ့အခြေအနေက ဘယ်လိုရှိလဲ ဆရာရယ်” “ဟုတ်ပြောရတာတော့စိတ်မကောင်းပါဘူး၊ သိပြီးသားထင်ပါတယ်။ လူနာက အသည်းကင်ဆာဆိုတော့သိပ်တော့အခြေအနေမကောင်းဘူး။ နောက်ဆုံးအဆင့်ဆိုတော့လေ။ တတ်နိုင်သရွေ့သက်တောင့်သက်သာဖြစ်အောင်တော့လုပ်ပေးနေပါတယ်။” “ဟုတ်ဆရာ အဓိကကတော့အရမ်းကြီး မခံစားစေချင်တာပါ။” အသည်းကင်ဆာဖြစ်ပွားနေသောလူနာ၏ လူနာရှင်နှင့်သမားတော်တို့ပြောနေသောစကားများဖြစ်သည်။ လူနာက အရက်နှင့်ကြောင့်အသည်းခြောက်ရာမှတဆင့်အသည်းကင်ဆာပြောင်းကာ နောက်ဆုံးအဆင့်ရောက်နေခြင်းဖြစ်သည်။ မိသားစုက လုပ်လို့ရသော ကုသမှုတော်တော်များများကိုလုပ်ပေးထားသော်လည်း လူနာအခြေအနေက မကောင်းခဲ့။ ကင်ဆာမှန်းသိချိန်မှာပင်ခွဲစိတ်ကုသ၍မရနိုင်တော့သဖြင့်သွေးကြောအတွင်းသို့ဆေးသွင်းကုသခြင်းကိုသာ လုပ်ဆောင်ပေးခဲ့ရသည်။ သို့သော်အသည်းကင်ဆာ၏ ရောဂါသဘောသဘာဝအတိုင်း ရောဂါအခြေအနေမှာ ပျောက်ကင်းသွားခြင်းမရှိဘဲ ခဏသက်သာသွားရုံသာရှိပြီး နောက်ပိုင်းတွင်ပြန်ဆိုးလာခဲ့သည်။ ယခုအနေအထားတွင်ရောဂါမှာအဆိုးဆုံးအနေအထားသို့ရောက်ရှိလာခြင်းဖြစ်သည်။ အသည်းခြောက်ခြင်းနှင့် အသည်းကင်ဆာအသည်းခြောက်ခြင်းသည်မြန်မာနိုင်ငံတွင်အဖြစ်များသော ရောဂါတစ်မျိုးဖြစ်သည်။ အသည်းခြောက်စေသော အကြောင်းများတွင်အရက်နှင့်အသည်းရောင်အသားဝါ B ပိုး C ပိုးများသည်အဖြစ်များသော အကြောင်းများအဖြစ်ပါဝင်ပါသည်။ အသည်းရောဂါဖြစ်လာပြီဆိုလျှင်အသည်းရောဂါမှာ စတင်ဖြစ်ပွားစတွင်တစ်ခါတစ်ရံသိသိသာသာ လက္ခဏာမပြဘဲလည်း ရှိတတ်သည်။ ပျို့အန်ခြင်း၊ အသားဝါခြင်း၊ ဝမ်းဗိုက်ရင်ခေါင်း ညာဘက်ပိုင်းတွင်နာခြင်းများဖြစ်တတ်သည်။ အသည်းခြောက်လာပြီဆိုလျှင်နောက်ဆက်တွဲ အနေဖြင့်ကိုယ်လက်များဖောယောင်ခြင်း၊ ရေဖျဉ်းစွဲခြင်း၊ အသားဝါခြင်း၊ သွေးအန်ခြင်း၊ သွေးဝမ်းနှင့်ဝမ်းအမည်းများသွားခြင်း များ ဖြစ်လာတတ်သည်။ နောက်ပိုင်းတွင်အသည်းဆိပ်များ ဦးနှောက်ရောက်ပြီး သတိမကောင်းတော့ခြင်း၊ ကျောက်ကပ်နှင့်အဆုတ်များပါထိခိုက်လာခြင်းများဆက်လက်ဖြစ်ပေါ်လာတတ်ပါသည်။ အသည်းခြောက်ခြင်းမှတစ်ခါတစ်ရံအသည်းကင်ဆာ […]

အသည်းကောင်းမှ ကျန်းမာရေးကောင်းမည် ..... ဒီလို ပြောရတာက အသည်းဆိုတာ လူ့ခန္ဓာကိုယ်အတွက် မရှိမဖြစ်လိုအပ်တဲ့ အရေးကြီးသော အစိတ်အပိုင်း တစ်ခုဖြစ်ပါတယ်။ အသည်းကနေ ကိုယ်ခန္ဓာအတွက် အလုပ်တွေအများကြီး လုပ်ပေးပါတယ်။ ဘာတွေလဲဆိုတော့ စားလိုက်လို့ ပိုလျှံနေတဲ့ ဂလူးကို့စ်( Glucose)တွေကို ဂလိုင်ကိုဂျင်( glycogen) အဖြစ်သိမ်းထားပေးပြီး လိုအပ်တဲ့ အခါမှ ဂလူးကို့စ်အဖြစ်ပြန်ထုတ်ပေးပါတယ်။ စားလိုက်တဲ့ အစားအစာတွေကနေရတဲ့ ဗီတာမင်တွေကို သိမ်းထားပေးပါတယ်။ စားလိုက်တဲ့ အစားအစာတွေကိုလည်း အသည်းကပဲ ဖြိုခွဲပြီး ကိုယ်ခန္ဓာက အသုံးပြုလို့ရတဲ့ စွမ်းအင်တွေ အဖြစ်ပြန်ထုတ်ပေးတယ်။ ထိခိုက်ဒဏ်ရာရလို့ သွေးထွက်ပြီဆိုရင်လည်း သွေးတိတ်အောင် albumin လို့ခေါ်တဲ့ ပရိုတင်း တစ်မျိုးကို အသည်းက ထုတ်ပေးရတယ်။ စားလိုက်တဲ့ အထဲမှာ အဆီများသွားရင် အဆီကိုချေဖို့ လိုအပ်တဲ့ သည်းခြေရည်တွေထွက်အောင်လည်း အသည်းက ကူညီပေးတယ်။ […]

အသည်းရောင် အသားဝါရောဂါ အသည်းရောင် အသားဝါရောဂါဆိုတာက အသည်းကဆဲလ်တွေကိုရောင်ရမ်းစေပြီး အသည်းကို ထိခိုက်ပျက်စီးစေနိုင်တဲ့ရောဂါတစ်မျိုးပေါ့။ အသည်းရောင်အသားဝါရောဂါအမျိုးအစားတွေအမျိုးမျိုးရှိသလိုရောဂါဖြစ်စေတဲ့အကြောင်းရင်းခံတွေလည်း အမျိုးမျိုးရှိပေမယ့်ရောဂါလက္ခဏာတွေကတော့ ခပ်ဆင်ဆင် တူတတ်ကြပါတယ်။ ခန္ဓာကိုယ်အတွက် အသည်းကဒီလိုအရေးပါပါတယ် အသည်းက ကိုယ်တွင်းအင်္ဂါတွေထဲမှာ အကြီးဆုံးအစိတ်အပိုင်းတစ်ခုဖြစ်ပြီး လုပ်ဆောင်ပေးရတဲ့ တာဝန်တွေကလည်းတော်တော်လေးတော့များပါတယ်။ အသည်းရဲ့ တာဝန်တွေက - သွေးထဲက အဆိပ်အတောက်တွေကို ဖယ်ရှားပေးတယ် ခန္ဓာကိုယ်အတွက်လိုအပ်တဲ့ ဗီတာမင်တွေကို သိမ်းဆည်းပေးတယ် ဟော်မုန်းတွေထုတ်ပေးတယ် အစာခြေဖို့ သည်းခြေရည်ထုတ်ပေးတယ် ကာဗိုဟိုက်ဒရိတ်၊ ပရိုတင်းနဲ့ အဆီတွေကိုဖြိုခွဲပေးတယ် သွေးတိတ်အောင်လုပ်ပေးတယ် ကျန်းမာနေတဲ့ အသည်းက ဒီတာဝန်တွေကို အကုန်လုံးပြီးပြည့်စုံအောင်လုပ်ဆောင်နိုင်ပေမယ့် အသည်းရောင်အသားဝါရောဂါပိုး ကူးစက်ခံလိုက်ရတဲ့အခါရောဂါပိုးတွေက အသည်းရဲ့ လုပ်ငန်းစဉ်တွေကို အနှောင့်အယှက်ဖြစ်စေပြီး ခန္ဓာကိုယ်မှာ ကြီးမားတဲ့ ကျန်းမာရေးပြဿနာတွေကိုဖြစ်စေတော့တာပါပဲ။ အသည်းရောင်အသားဝါရောဂါအမျိုးအစားတွေက အသည်းရောင်အသားဝါ ဗိုင်းရပ်စ်အမျိုးအစားကတော်တော်လေးတော့များပါတယ်။ အသည်းရောင် အသားဝါ A ဗိုင်းရပ်စ် အသည်းရောင် အသားဝါ B ဗိုင်းရပ်စ် အသည်းရောင် အသားဝါ C ဗိုင်းရပ်စ် […]

Fatty Liver (အသည်းအဆီဖုံးခြင်း) ကဘာလဲ။ Fatty Liver အသည်းအဆီဖုံးခြင်း သို့မဟုတ် steatosis ဆိုသည်မှာ အသည်းအတွင်း အဆီများစုပုံလာခြင်းကိုခေါ်ဆိုခြင်းဖြစ်သည်။ အသည်းတွင် အဆီများရှိသည်မှာ ပုံမှန်ဖြစ်သော်လည်း အသည်း၏အလေးချိန် ၅-၁၀ % မှာ အဆီကြောင့်ဆိုပါက အသည်းအဆီဖုံးပြီဟုသတ်မှတ်ပါသည်။ အသည်းအဆီဖုံးခြင်းမှာ အပြုအမူြေပါင်းခြင်းဖြင့် ပြန်ကောင်းနိုင်သောအခြေအနေဖြစ်သည်။ လက္ခဏာများ မပြတတ်သလို လုံးဝအသည်းပျက်စီးသွားခြင်းကိုလည်း မဖြစ်စေပါ။ အသည်းမှာ ခန္ဓါကိုယ်အတွင်း ဒုတိယအကြီးဆုံး အင်္ဂါဖြစ်သည်။ အသည်း၏လုပ်ငန်းမှာ ကျွန်ုပ်တို့ နေ့စဉ်စားသောက်သမျှကို ပြုပြင်ပေးပြီး အဆိပ်အတောက်များကို စစ်ပေးခြင်းဖြစ်သည်။ အဆီများလာပါက ထိုလုပ်ငန်းစဉ် အနှောက်အယှက်ခံရပါမည်။ အသည်းသည် ဆဲလ်ဟောင်းများ ပျက်စီးသွားသည့်အခါ ဆဲလ်အသစ်များ ထုတ်ပေးခြင်းဖြင့် ပြန်ကောင်းအောင်လုပ်၏။ အသည်းကို ထပ်ခါထပ်ခါ ထိခိုက်မှုရှိလာသည့်အခါ ပြင်မရသည့် အမာရွတ်များအစားထိုးလာပါသည်။ ထိုအခြေအနေကို အသည်းခြောက်သည်ဟု ခေါ်ခြင်းဖြစ်သည်။ Fatty Liver (အသည်းအဆီဖုံးခြင်း) က […]

အရက်ေကြာင့်ဖြစ်တဲ့ အသည်းရောဂါ (Alcoholic liver disease) က အရက်ကို အလွန်အကျွံသောက်သုံးတာကြောင့် အသည်းထိခိုက်တဲ့ရောဂါတစ်မျိုးပါ။ နောက်ဆက်တွဲတွေအနေနဲ့ အသည်းအဆီဖုံးတာ၊ အသည်းရောင်တာ နဲ့ အသည်းမှာ အနြာဖစ်တာမျိုးတွေခံစားရနိုင်ပါတယ်။ ဒီဝေဒနာက အသက်ဆုံးရှုံးတဲ့အထိဖြစ်စေနိုင်ပါတယ်။ အသည်းက ကိုယ်တွင်းအဆိပ်အတောက်တွေကို ဖယ်ရှားပေးပြီး ခန္ဓါကိုယ်အတွက်လိုအပ်တဲ့အာဟာရဓါတ်တွေကို သိုလှောင်သိမ်းဆည်းပေးထားတဲ့အတွက် ကျန်းမာတဲ့ဘဝနေထိုင်မှုကို ပိုင်ဆိုင်ဖို့ရင် အသည်းကျန်းမာနေစေဖို့ မဖြစ်မနေဂရုစိုက်ရမှာပါ။ ကဲ အသက်ရှည်ရှည်ကျန်းကျန်းမာမာနေဖို့ အရေးပါတဲ့ အသည်းကို ကျန်းမာအောင် ဘယ်လိုဂရုစိုက်မလဲ။ တစ်ခါတလေမှာ ဒီလက္ခဏာတွေက အစာအိမ်မှာ ပိုးဝင်တာနဲ့ အခြားသောအစာခြေစနစ်ပြဿနာေတွကြောင့်ဖြစ်တယ်လို့ ထင်စရာအကြောင်းရှိပါတယ်။ ဒီလိုအနေအထားမျိုးမှာ ရောဂါကို ကုသတာမျိုးမလုပ်ဘဲ ခပ်ပေါ့ပေါ့နေရင်း အရက်တွေကို ဆက်လက်သောက်သုံးနေမယ်ဆိုရင် အချိန်ကြာလာတာနဲ့အမျှ ရောဂါဖြစ်ပွားမှုနှုန်းက မြန်လာပြီး ရောဂါကျွမ်းသွားတဲ့အထိဖြစ်လာနိုင်ပါတယ်။ အရက်ကြောင့်ဖြစ်တဲ့ အသည်းရောဂါ ဘာတွေကြောင့်ဖြစ်နိုင်သလဲ။ နှစ်ကာလရှည်ကြာစွာ အရက်ကို အတိုင်းအဆမရှိ အကြိုက်သောက်သုံးလာခဲ့တဲ့အခါ အချိန်ကြာလာတာနဲ့အမျှ အသည်းမှာထိခိုက်လာပြီး အသည်းရောဂါတွေကို ခံစားရနိုင်ပါတယ်။ […]

အသည်းကောင်းရဲ့လား။ အသည်းနာလှချည်ရဲ့ဆိုတာက ခံစားချက်အတွက်ပဲပြောလို့ကောင်းတာပါ။ တကယ့်ကျန်းမာရေးမှာ အသည်းကို အနာခံလို့မဖြစ်ပါဘူးနော်။ အသည်းဆိုတာ အစာခြေဖျက်ရာမှာအရေးပါတဲ့လုပ်ဆောင်ချက်ရှိသလို ခန္ဓါကိုယ်အတွက်လိုအပ်တဲ့ဗီတာမင်နဲ့သတ္တုဓါတ်တွေကို သိုလှောင်သိမ်းဆည်းရာမှာ အဓိကကျတဲ့ကိုယ်တွင်းအင်္ဂါတစ်ခုဖြစ်ပါတယ်။ အဆိပ်အတောက်ြဖစ်စေနိုင်တဲ့၊ အန္တရာယ်ရှိနိုင်တဲ့ဓါတ်ပစ္စည်းတွေကို ခန္ဓါကိုယ်ထဲကနေ ဖယ်ရှားသန့်စင်နိုင်ဖို့ အသည်းကပဲလုပ်ဆောင်ပေးရတာပါ။ သူကပဲ ဘက်တီးရီးယား၊ မှိုပိုး၊ ဗိုင်းရပ်စ်တွေနဲ့ ကပ်ပါးပိုးတွေကို သွေးထဲကနေ ဖယ်ရှားပေးတဲ့အတွက် ရောဂါပိုးတွေမဝင်ရောက်နိုင်အောင်ကာကွယ်နိုင်ပါတယ်။ ဒီလောက်အရေးပါတဲ့ အသည်းကို စောင့်ရှောက်ကာကွယ်ဖို့ ကြိုးစားဂရုစိုက်သင့်တယ်မဟုတ်ဘူးလား။ ဒါ့ကြောင့် အသည်းကို အဆိပ်အတောက်တွေသန့်စင်ပေးနိုင်မယ့် ဗီတာမင်နဲ့လိုအပ်တဲ့ဓါတ်တွေကဘာတွေလဲဆိုတာ သိထားသင့်တယ်နော်။ ဗီတာမင် C ခန္ဓါကိုယ်တွင်းအဆိပ်အတောက်တွေဖယ်ရှားသန့်စင်ဖို့ ၊ အထူးသဖြင့် အသည်းအတွက်ဆိုရင် ဗီတာမင် C ကို မရှိမဖြစ်လိုအပ်ပါတယ်။ ဓါတ်တိုးဆန့်ကျင်ပစ္စည်းတွေက ဆဲလ်ပျက်စီးမှုတွေဖြစ်စေနိုင်တဲ့ free radicals တွေကို ဓါတ်ပြယ်စေဖို့ အကူအညီပေးတာကြောင့်ပါပဲ။ ဗီတာမင် B ဗီတာမင် B အုပ်စုဝင် ဘယ်အမျိုးအစားပဲဖြစ်ဖြစ် အသည်းကိုကာကွယ်တဲ့နေရာမှာ အရေးပါတဲ့ ဓါတ်တိုးဆန့်ကျင်ပစ္စည်းတွေဖြစ်ပါတယ်။ ဗီတာမင် B […]

အသည်း။ ။ ပြောရမယ်ဆို ကိုယ်တွင်း အင်္ဂါထဲမှာ အလုပ်အများဆုံးနဲ့ အကြီးဆုံးလို့ ဆိုရမယ့် ကိုယ်တွင်းအင်္ဂါတစ်ခု။ အလုပ်အများဆုံးလို့ပြောရတာလည်း ကိုယ်ခန္ဓါ အတွက် မလုပ်မဖြစ်လုပ်ရတဲ့ အလုပ်ပေါင်း ၅၀၀ ကျော်ကို သူတစ်ယောက်တည်းလုပ်နေရတဲ့ ကိုယ်တွင်းက အကြီးဆုံးဂလင်းလေးတစ်ခု။ ဆဲလ်တွေကို အသစ်ပြန်ပြန်ပွားနိုင်တဲ့ တစ်ခုတည်းသော ကိုယ်တွင်းအင်္ဂါဆိုလို့ အသည်းပဲရှိတယ်။ ဒီလိုအရေးပါ အရာရောက်တဲ့ ရာထူးတစ်ခုကို ရထားတော့ ထုံးစံအတိုင်း တာဝန်ယူ ရတဲ့ အလုပ်ကလည်းများပြီပေါ့။ ဒီထဲကမှ အသည်းအရေးအကြီးဆုံး လုပ်နေရတဲ့ တာဝန်တွေက ဘာတွေလဲဆိုတာ ပြောပြပေးချင်ပါတယ်။ အသည်းရဲ့လုပ်ဆောင်ချက်များ။ ။ အသည်းရဲ့ ကိုယ်ခန္ဓါ အတွက်လုပ်ဆောင်ပေးချက်တွေကို ပြောရမယ်ဆို ၅၀၀ ကျော်လောက်တောင်ရှိတာမို့ ရေးလို့လည်း ဖတ်လို့လည်းနိုင်မှာမဟုတ်။ ဒီတော့ အရေးကြီးတယ်ဆိုတာတွေကိုပဲ ပြောပြချင်ပါတယ်။ အသည်းရဲ့လုပ်ဆောင်ချက်တွေကို အဓိက အပိုင်းကြီးလေးပိုင်းခွဲထားလို့ရတယ်။ ၁။ တည်ဆောက်သိမ်းဆည်းပေးတဲ့အပိုင်း ၂။ ဖြိုခွဲပေးတဲ့အပိုင်း ၃။ ထုတ်လုပ်ပေးတဲ့အပိုင်း ၄။ […]