သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

အသည်းရောင် အသားဝါပိုးက အသည်းကို ဘယ်လိုထိခိုက်စေနိုင်လဲ

အသည်းရောင် အသားဝါပိုးက အသည်းကို ဘယ်လိုထိခိုက်စေနိုင်လဲ

အသည်းရောင် အသားဝါရောဂါ

အသည်းရောင် အသားဝါရောဂါဆိုတာက အသည်းကဆဲလ်တွေကိုရောင်ရမ်းစေပြီး အသည်းကို ထိခိုက်ပျက်စီးစေနိုင်တဲ့ရောဂါတစ်မျိုးပေါ့။ အသည်းရောင်အသားဝါရောဂါအမျိုးအစားတွေအမျိုးမျိုးရှိသလိုရောဂါဖြစ်စေတဲ့အကြောင်းရင်းခံတွေလည်း အမျိုးမျိုးရှိပေမယ့်ရောဂါလက္ခဏာတွေကတော့ ခပ်ဆင်ဆင် တူတတ်ကြပါတယ်။

ခန္ဓါကိုယ်အတွက် အသည်းကဒီလိုအရေးပါပါတယ်

အသည်းက ကိုယ်တွင်းအင်္ဂါတွေထဲမှာ အကြီးဆုံးအစိတ်အပိုင်းတစ်ခုဖြစ်ပြီး လုပ်ဆောင်ပေးရတဲ့ တာဝန်တွေကလည်းတော်တော်လေးတော့များပါတယ်။ အသည်းရဲ့ တာဝန်တွေက –

ကျန်းမာနေတဲ့ အသည်းက ဒီတာဝန်တွေကို အကုန်လုံးပြီးပြည့်စုံအောင်လုပ်ဆောင်နိုင်ပေမယ့် အသည်းရောင်အသားဝါရောဂါပိုး ကူးစက်ခံလိုက်ရတဲ့အခါရောဂါပိုးတွေက အသည်းရဲ့ လုပ်ငန်းစဉ်တွေကို အနှောင့်အယှက်ဖြစ်စေပြီး ခန္ဓါကိုယ်မှာ ကြီးမားတဲ့ ကျန်းမာရေးပြဿနာတွေကိုဖြစ်စေတော့တာပါပဲ။

အသည်းရောင်အသားဝါရောဂါအမျိုးအစားတွေက

အသည်းရောင်အသားဝါ ဗိုင်းရပ်စ်အမျိုးအစားကတော်တော်လေးတော့များပါတယ်။
ဒီဗိုင်းရပ်စ်တွေထဲမှာ အဖြစ်အများဆုံး ဗိုင်းရပ်စ်တွေက အသည်းရောင်အသားဝါ A၊ B၊ C တို့ပါ။ ဒီရောဂါတွေက ဗိုင်းရပ်စ်ကူးစက်ခံရမှုကြောင့်ဖြစ်တဲ့ အသည်းရောင်အသားဝါရောဂါတွေပါ။ အခြားသော အသည်းရောင်အသားဝါရောဂါတွေက အရက်သေစာသောက်သုံးမှုရဲ့နောက်ဆက်တွဲအနေနဲ့ဖြစ်ကြတာများ ပါတယ်။

အသည်းရောင် အသားဝါရောဂါက ခန္ဓါကိုယ်ကို ဒီလိုထိခိုက်စေနိုင်ပါတယ်

အသည်းကို ထိခိုက်ပျက်စီးစေနိုင်တဲ့ ဗိုင်းရပ်စေ်တွကို အသည်းရောင်အသားဝါဖြစ်စေတဲ့ ဗိုင်းရပ်စ်လို့ခေါ်ကြတာပါ။ အသည်းရောင်အသားဝါဖြစ်စေတဲ့ ဗိုင်းရပ်စ်တိုင်းက အသည်းကို ထိခိုက်ပျက်စီးစေနိုင်ပြီး အသက်သေဆုံးသည်အထိဖြစ်စေနိုင်ပါတယ်။ ဒီဗိုင်းရပ်စ်တွေထဲမှာမှ အသည်းရောင်အသားဝါ B နဲ့ C တို့က နာတာရှည် အသည်းရောင်ရောဂါကိုဖြစ်စေနိုင်ပါတယ်။

အသည်းရောင်အသားဝါ A

အသည်းရောင်အသားဝါ A ဗိုင်းရပ်စ်ကူးစက်ခံရမှုကြောင့်ဖြစ်တဲ့ရောဂါတစ်မျိုးပါ။ရောဂါပိုးပါဝင်နေတဲ့ အစားအသောက်တွေနဲ့ရေတွေကိုသောက်သုံးမှုကနေတဆင့် ကူးစက်နိုင်ပါတယ်။

အသည်းရောင်အသားဝါ B

အသည်းရောင်အသားဝါ B ဗိုင်းရပ်စ်ကူးစက်ခံထားရတဲ့ သူရဲ့ ခန္ဓါကိုယ်က ထွက်တဲ့အရည်တွေ၊သွေးမိန်းမကိုယ်အရည်နဲ့သုက်ပိုးတွေကနေတဆင့် ကူးစက်နိုင်ပါတယ်။ဆေးထိုးအပ်တွေ၊ မုတ်ဆိတ်ရိတ်ဓါးတွေ မျှဝေသုံးစွဲတာရောဂါကူးစက်ခံထားရသူနဲ့ လိင်ဆက်ဆံမှုကနေတဆင့်ရောဂါကူးစက်နိုင်ပါတယ်။

အသည်းရောင်အသားဝါ C

အသည်းရောင်အသားဝါ C ဗိုင်းရပ်စ်ကူးစက်ခံရမှုကြောင့်ဖြစ်တဲ့ရောဂါပါ။ရောဂါပိုးရှိသူရဲ့ ခန္ဓါကိုယ်က ထွက်တဲ့အရည်တွေနဲ့ ထိတွေ့မိတာ၊ဆေးထိုးအပ်မျှဝေသုံးစွဲတာ၊ လိင်ဆက်ဆံမှုတို့ကနေတဆင့်ရောဂါပိုးကူးစက်နိုင်ပါတယ်။ရောဂါပိုးရှိတဲ့သွေးကနေတဆင့်လည်းရောဂါပိုးကူးစက်နိုင်ပါတယ်။

အသည်းရောင်အသားဝါ D

အသည်းရောင်အသားဝါ D ဗိုင်းရပ်စ်ကြောင့်ဖြစ်တဲ့ပြင်းထန်တဲ့ အသည်းရောဂါတစ်မျိုးပါ။ရောဂါပိုးရှိနေတဲ့သွေးနဲ့ တိုက်ရိုက်ထိတွေ့မှုကနေတဆင့်ရောဂါကူးစက်နိုင်သလို အသည်းရောင် အသားဝါ B ဗိုင်းရပ်စ်ရှိသူတွေမှာလည်းနောက်ဆက်တွဲအနေနဲ့ အသည်းရောင်အသားဝါ Dရောဂါခံစားရနိုင်ပါတယ်။

အသည်းရောင်အသားဝါ E

မသန့်ရှင်းတဲ့ရေကနေတဆင့် ကူးစက်နိုင်ပါတယ်။ အသည်းရောင်အသားဝါ E ဗိုင်းရပ်စ်ကြောင့်ဖြစ်တဲ့ရောဂါတစ်မျိုးပါ။ရေဆိုးနုတ်စနစ် အားနည်းတဲ့နေရာတွေမှာ အဖြစ်များပါတယ်။ အရှေ့အလယ်ပိုင်းဒေသ၊ အာရှ၊ ဗဟိုအမေရိက နဲ့ အာဖရိကတို့မှာ အဖြစ်များပါတယ်။

ရောဂါ လက္ခဏာတွေက

အသည်းရောင်အသားဝါရောဂါဖြစ်တဲ့အခါရောဂါလက္ခဏာတွေက တုပ်ကွေးဖြစ်တာနဲ့ ခပ်ဆင်ဆင်တူတတ်ပေမယ့် အခုလိုလက္ခဏာတွေကိုပါခံစားရနိုင်ပါတယ်။

  • ဝမ်းသွားမယ်
  • ခြေကုန်လက်ပမ်းကျမယ်
  • အစားစားချင်စိတ်မရှိဖြစ်မယ်
  • ဖျားမယ်
  • ကြွက်သားတွေ အဆစ်တွေနာကျင်ကိုက်ခဲမယ်
  • မအီမသာဖြစ်မယ်၊ ပျို့အန်မယ်
  • ဗိုက်ထဲကအောင့်မယ်
  • အန်မယ်
  • ကိုယ်အလေးချိန်ကျလာမယ်
  • အသားဝါမယ်၊ မျက်လုံးအဖြူသား နဲ့ လျှာတွေ ဝါမယ်
  • ခြေလက်တွေရောင်ရမ်းမယ်
  • အန်ရင်သွေးပါမယ်
  • ဝမ်းသွားတဲ့အခါသွေးပါမယ်
  • ဆီးမည်းမည်းတွေသွားမယ်
  • အင်ပျဉ်တွေထွက်မယ်
  • အရေပြားယားယံမယ်
  • ဝမ်းအရောင်ဖျော့မယ်။

အသည်းရောင်အသားဝါရောဂါကူးစက်ခံရတဲ့အခါ အချို့တွေမှာရောဂါလက္ခဏာပြတတ်ကြပေမယ့် အချို့မှာတော့ အသည်းပျက်စီးသွားတဲ့အခါမှရောဂါလက္ခဏာတွေပြတတ်တာလည်းရှိပါတယ်။

ဘယ်လိုကာကွယ်မလဲ

အသည်းရောင်အသားဝါရောဂါကို ကာကွယ်ဖို့ဆိုရင် မဖြစ်မနေလုပ်ဆောင်သင့်တဲ့အချက်တစ်ခုက တစ်ကိုယ်ရေသန့်ရှင်းရေးကို ဂရုစိုက်ဖို့ပါ။ တစ်ကိုယရေသန့်ရှင်းရေးကို ဂရုစိုက်လိုက်တဲ့အခါ အသည်းရောင်အသားဝါ A နဲ့ E ကိုကာကွယ်ပြီးဖြစ်သွားမှာပါ။ တကယ်လို့ သင့်အနေနဲ့ သန့်ရှင်းမှုအားနည်းတဲ့ဒေသတွေကို သွားရောက်တဲ့အခါ –

အသည်းရောင်အသားဝါ B၊ C၊ D တို့ကို ကာကွယ်ဖို့ဆိုရင်-
  • ဆေးထိုးအပ်တွေကို မျှဝေသုံးတာမျိုးမလုပ်ပါနဲ့
  • မုတ်ဆိတ်ရိတ်ဓါးကို မျှဝေသုံးတာမျိုးမလုပ်ပါနဲ့
  • သွားတိုက်တံအတူတူသုံးတာမျိုးမလုပ်ပါနဲ့
  • သွေးတွေကို အကာအကွယ်မပါဘဲ ထိတွေ့တာမျိုးမလုပ်ပါနဲ့။

အသည်းရောင်အသားဝါ B နဲ့ C ကလိင်ဆက်ဆံမှုကနေတဆင့်လည်း ကူးစက်နိုင်တာကြောင့် လိင်ဆက်ဆံတဲ့အခါ ကွန်ဒုံးအသုံးပြုပြီးဆက်ဆံပေးဖို့ပြောပါရစေ။

ကာကွယ်ဆေးထိုးပါ

ကာကွယ်တာက ကုသတာထက်ပိုထိရောက်တယ်ဆိုတဲ့ စကားအတိုင်း အသည်းရောင်အသားဝါပိုးတွေကို ကာကွယ်ဖို့ဆိုရင် ကာကွယ်ဆေးထိုးထားဖို့ပြောပါရစေ။ ဒါကြောင့် အသည်းရောင်အသားဝါကာကွယ်ဆေးတွေထိုးနှံပြီး အသည်းကို ကာကွယ်မှုပေးပြီး သက်တမ်းစေ့စေ့ရောဂါကင်းကင်းနေထိုင်ကြဖို့ တိုက်တွန်းပါရစေ။

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Hepatitishttps://www.healthline.com/health/hepatitis Accessed Date 25 September 2018

Hepatitis https://www.healthline.com/health/hepatitis#preventionAccessed Date 25 September 2018

What’s to know about viral hepatitis?https://www.medicalnewstoday.com/articles/145869.php Accessed Date 25 September 2018

Hepatitis (Viral Hepatitis, A, B, C, D, E, G)https://www.medicinenet.com/viral_hepatitis/article.htm Accessed Date 25 September 2018

 

စာရေးသူ ဓာတ်ပုံbadge
Dr. Htet Htet Zaw Win မှ ရေးသားသည်။ 11/02/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။