မှ အချက်အလက် စစ်ဆေးထားပါသည်။ Dr. Thurein Hlaing Win
အသည်းရောင် အသားဝါရောဂါဆိုတာက အသည်းကဆဲလ်တွေကိုရောင်ရမ်းစေပြီး အသည်းကို ထိခိုက်ပျက်စီးစေနိုင်တဲ့ရောဂါတစ်မျိုးပေါ့။ အသည်းရောင်အသားဝါရောဂါအမျိုးအစားတွေအမျိုးမျိုးရှိသလိုရောဂါဖြစ်စေတဲ့အကြောင်းရင်းခံတွေလည်း အမျိုးမျိုးရှိပေမယ့်ရောဂါလက္ခဏာတွေကတော့ ခပ်ဆင်ဆင် တူတတ်ကြပါတယ်။
အသည်းက ကိုယ်တွင်းအင်္ဂါတွေထဲမှာ အကြီးဆုံးအစိတ်အပိုင်းတစ်ခုဖြစ်ပြီး လုပ်ဆောင်ပေးရတဲ့ တာဝန်တွေကလည်းတော်တော်လေးတော့များပါတယ်။ အသည်းရဲ့ တာဝန်တွေက –
ကျန်းမာနေတဲ့ အသည်းက ဒီတာဝန်တွေကို အကုန်လုံးပြီးပြည့်စုံအောင်လုပ်ဆောင်နိုင်ပေမယ့် အသည်းရောင်အသားဝါရောဂါပိုး ကူးစက်ခံလိုက်ရတဲ့အခါရောဂါပိုးတွေက အသည်းရဲ့ လုပ်ငန်းစဉ်တွေကို အနှောင့်အယှက်ဖြစ်စေပြီး ခန္ဓာကိုယ်မှာ ကြီးမားတဲ့ ကျန်းမာရေးပြဿနာတွေကိုဖြစ်စေတော့တာပါပဲ။
အသည်းရောင်အသားဝါဖြစ်စေတဲ့ ဗိုင်းရပ်စ်တိုင်းက အသည်းကို ထိခိုက်ပျက်စီးစေနိုင်ပြီး အသက်သေဆုံးသည်အထိဖြစ်စေနိုင်ပါတယ်။ ဒီဗိုင်းရပ်စ်တွေထဲမှာမှ အသည်းရောင်အသားဝါ B နဲ့ C တို့က နာတာရှည် အသည်းရောင်ရောဂါကိုဖြစ်စေနိုင်ပါတယ်။
အသည်းရောင်အသားဝါ A ဗိုင်းရပ်စ်ကူးစက်ခံရမှုကြောင့်ဖြစ်တဲ့ ရောဂါတစ်မျိုးပါ။ ရောဂါပိုးပါဝင်နေတဲ့ အစားအသောက်တွေနဲ့ ရေတွေကို သောက်သုံးမှုကနေတဆင့် ကူးစက်နိုင်ပါတယ်။
အသည်းရောင်အသားဝါ B ဗိုင်းရပ်စ်ကူးစက်ခံထားရတဲ့ သူရဲ့ ခန္ဓာကိုယ်က ထွက်တဲ့အရည်တွေ၊ သွေး၊ မိန်းမကိုယ်အရည်နဲ့ သုက်ပိုးတွေကနေတဆင့် ကူးစက်နိုင်ပါတယ်။ ဆေးထိုးအပ်တွေ၊ မုတ်ဆိတ်ရိတ်ဓားတွေ မျှဝေသုံးစွဲတာ၊ ရောဂါကူးစက်ခံထားရသူနဲ့ လိင်ဆက်ဆံမှုကနေတဆင့် ရောဂါကူးစက်နိုင်ပါတယ်။
အသည်းရောင်အသားဝါ C ဗိုင်းရပ်စ်ကူးစက်ခံရမှုကြောင့်ဖြစ်တဲ့ရောဂါပါ။ ရောဂါပိုးရှိသူရဲ့ ခန္ဓာကိုယ်က ထွက်တဲ့အရည်တွေနဲ့ ထိတွေ့မိတာ၊ ဆေးထိုးအပ်မျှဝေသုံးစွဲတာ၊ လိင်ဆက်ဆံမှုတို့ကနေတဆင့် ရောဂါပိုးကူးစက်နိုင်ပါတယ်။ ရောဂါပိုးရှိတဲ့ သွေးကနေတဆင့်လည်း ရောဂါပိုးကူးစက်နိုင်ပါတယ်။
အသည်းရောင်အသားဝါ D ဗိုင်းရပ်စ်ကြောင့်ဖြစ်တဲ့ အသည်းရောဂါတစ်မျိုးပါ။ ရောဂါပိုးရှိနေတဲ့သွေးနဲ့ တိုက်ရိုက်ထိတွေ့မှုကနေတဆင့် ရောဂါကူးစက်နိုင်သလို အသည်းရောင် အသားဝါ B ဗိုင်းရပ်စ်ရှိသူတွေမှာလည်း နောက်ဆက်တွဲအနေနဲ့ အသည်းရောင်အသားဝါ Dရောဂါခံစားရနိုင်ပါတယ်။
မသန့်ရှင်းတဲ့ရေကနေတဆင့် ကူးစက်နိုင်ပါတယ်။ အသည်းရောင်အသားဝါ E ဗိုင်းရပ်စ်ကြောင့်ဖြစ်တဲ့ ရောဂါတစ်မျိုးပါ။ ရေဆိုးနုတ်စနစ် အားနည်းတဲ့နေရာတွေမှာ အဖြစ်များပါတယ်။ အရှေ့အလယ်ပိုင်းဒေသ၊ အာရှ၊ ဗဟိုအမေရိက နဲ့ အာဖရိကတို့မှာ အဖြစ်များပါတယ်။
အသည်းရောင်အသားဝါရောဂါဖြစ်တဲ့အခါ ရောဂါလက္ခဏာတွေက တုပ်ကွေးဖြစ်တာနဲ့ ခပ်ဆင်ဆင်တူတတ်ပြီး အခုလိုလက္ခဏာတွေကိုပါ ခံစားရနိုင်ပါတယ်။
အသည်းရောင်အသားဝါရောဂါကူးစက်ခံရတဲ့အခါ အချို့တွေမှာ ရောဂါလက္ခဏာပြတတ်ကြပေမယ့် အချို့မှာတော့ အသည်းပျက်စီးသွားတဲ့အခါမှရောဂါလက္ခဏာတွေပြတတ်တာလည်းရှိပါတယ်။
အသည်းရောင်အသားဝါရောဂါကို ကာကွယ်ဖို့ဆိုရင် မဖြစ်မနေလုပ်ဆောင်သင့်တဲ့အချက်တစ်ခုက တစ်ကိုယ်ရေသန့်ရှင်းရေးကို ဂရုစိုက်ဖို့ပါ။ တစ်ကိုယ်ရေသန့်ရှင်းရေးကို ဂရုစိုက်လိုက်တဲ့အခါ အသည်းရောင်အသားဝါ A နဲ့ E ကိုကာကွယ်ပြီး ဖြစ်သွားမှာပါ။ တကယ်လို့ သင့်အနေနဲ့ သန့်ရှင်းမှုအားနည်းတဲ့ဒေသတွေကို သွားရောက်တဲ့အခါ –
အသည်းရောင်အသားဝါ B နဲ့ C ကလိင်ဆက်ဆံမှုကနေတဆင့်လည်း ကူးစက်နိုင်တာကြောင့် လိင်ဆက်ဆံတဲ့အခါ ကွန်ဒုံးအသုံးပြုပြီး ဆက်ဆံပေးဖို့ပြောပါရစေ။
ကာကွယ်ဆေးထိုးပါ
ကာကွယ်တာက ကုသတာထက်ပိုထိရောက်တယ်ဆိုတဲ့ စကားအတိုင်း အသည်းရောင်အသားဝါပိုးတွေကို ကာကွယ်ဖို့ဆိုရင် ကာကွယ်ဆေးထိုးထားဖို့ပြောပါရစေ။ အထူးသဖြင့် အသည်းရောင် အသားဝါ အေနဲ့ ဘီအတွက် ကာကွယ်ဆေး ရှိတာကြောင့် ဆေးထိုးထားပြီး ကာကွယ်ထားဖို့ လိုပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။