အာရုံကြောရောဂါတွေ
မျိုချတယ်ဆိုတာ တကယ်တော့ ဦးနှောက်ရဲ့ အာရုံကြောတွေက ထိန်းချုပ်ထားတာပါ။ လေဖြတ်ထားတဲ့သူတို့၊ ပါကင်ဆန်ရောဂါရှိတဲ့သူတို့ဆို အာရုံကြော အားနည်းနေတဲ့အတွက် ကောင်းကောင်း မမျိုချနိုင်ပါဘူး။ ဒါကြောင့် လေဖြတ်တဲ့သူတွေကို နှာခေါင်းပိုက်ကနေ အစာထည့်ပေးရတာပါ။
တချို့သော ကင်ဆာကုသနည်းတွေ အထူးသဖြင့် လည်ပင်းနဲ့ ဦးခေါင်းမှာ ရှိတဲ့ ကင်ဆာကျိတ်တွေကို ရောင်ခြည်ပြတဲ့အခါ အစာရေမျိုပြွန်ပါ အနည်းနဲ့ အများ ထိခိုက်တဲ့အတွက် အစာမျိုရခက်လာပါတယ်။
ဒါတွေက တစ်ယောက်ယောက် အစာနင်နေပြီဆို ဖြစ်နိုင်တဲ့ ရောဂါတွေပေါ့။ တခြား မစိုးရိမ်ရတဲ့ အကြောင်းတွေလည်း ရှိပါတယ်။ ဒါတွေကတော့ ကျန်းမာရေးပြဿနာ အကြောင်းခံကြောင့် နင်ခဲ့ရင် ဖြစ်နိုင်တာတွေပေါ့။
နင်တာက တစ်ခါတစ်လေ မဟုတ်ဘဲ စွဲဖြစ်လာပြီဆို သတိထားပြီး ရောဂါရှာဖွေကုသသင့်ပါတယ်။ ဒီတိုင်းထားရင် တစ်ချိန်ချိန်မှာ အစာသီးရာက အသက်ရှူ ရပ်သွားတာ၊ အဆုတ်ထဲကို အစာတွေဝင်ပြီး အဆုတ်ရောင်တာ၊ မမျိုချနိုင်လို့ မစားတော့ဘဲ အာဟာရချို့တဲ့လာတာ စတဲ့ ပြဿနာတွေ ကြုံလာနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။