၂။ လေ့ကျင့်ခန်း ပုံမှန်ပြုလုပ်ပါ
ကိုယ်လက်လှုပ်ရှားခြင်းဟာ ဟော်မုန်းများညီညွတ်မျှတစေဖို့ များစွာ အထောက်အကူပြုပါတယ်။ ဥပမာ အင်ဆူလင်ဟော်မုန်းကို ကျဆင်းစေပြီး အင်ဆူလင်အာရုံခံနိုင်စွမ်းကို မြင့်တက်စေပါတယ်။
ဒါ့အပြင် ကိုယ်လက်လေ့ကျင့်ခန်းများဟာ အသက်အရွယ်ကြီးလာတာနဲ့ ကျဆင်းလာတတ်တဲ့ တက်စတိုစထရုန်း၊ IGF 1၊ DHEA နဲ့ ကြီးထွားမှုဟော်မုန်းတွေကို လျော့နည်းမသွားအောင် ထိန်းသိမ်းပေးထားပါတယ်။
၃။ စိတ်ဖိစီးမှုကို လျှော့ချပါ
စိတ်ဖိစီးခြင်းဟာ ဟော်မုန်းများရဲ့ ဟန်ချက်ညီမှုကို ပျက်ယွင်းစေပါတယ်။ စိတ်ဖိစီးမှုနဲ့ အဓိကဆက်နွယ်နေတဲ့ ဟော်မုန်းတွေကတော့ ကော်တီဆောနဲ့ အဒရီနယ်လင်ဖြစ်ပါတယ်။ ကော်တီဆောဟာ စိတ်ဖိစီးချိန်မှာ ကိုယ်ခန္ဓာအနေနဲ့ ရင်ဆိုင်နိုင်အောင် ထွက်လာပေးတဲ့ ဟော်မုန်းဖြစ်ပြီး အဒရီနယ်လင်ကတော့ ခြိမ်းခြောက်မှု အန္တရာယ်ကို တနည်းနည်းနဲ့ တုံ့ပြန်နိုင်အောင် လှုံ့ဆော်ပေးတဲ့ ဟော်မုန်းဖြစ်ပါတယ်။ စိတ်ဖိစီးမှုကို ရေရှည်ရင်ဆိုင်နေရရင်တော့ အဆိုပါဟော်မုန်းတွေရဲ့ ဘေးထွက်ဆိုးကျိုးတွေ ကြုံလာနိုင်ပါတယ်။
တရားထိုင်ခြင်း၊ ယောဂကျင့်ခြင်း၊ ဂီတနားထောင်ခြင်း စတဲ့နည်းလမ်းတွေနဲ့ စိတ်ဖိစီးမှုကို ဖြေလျှော့ပြီး ကော်တီဆောပမာဏကို လျှော့ချနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။