Covid-19 ကပ်ရောဂါက ပေးတဲ့ အဆိုးထဲက အကောင်းတွေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

Covid-19 ကပ်ရောဂါကြီးဟာ လူတိုင်းရဲ့ လွတ်လပ်မှုတွေ၊ ပျော်ရွှင်ကျန်းမာမှုတွေကို ပိတ်ပင်နေတာ ၃ လနီးပါးကြာခဲ့ပြီဖြစ်ပါတယ်။ ကိုယ်လည်း ဘာမှကူညီလို့မရနိုင်တဲ့ အဆက်မပြတ် ကူးစက်မှုတွေ၊ သေဆုံးမှုတွေအကြောင်း ကြားနေရ မြင်နေရတဲ့အတွက် စိတ်ထဲမှာ မွန်းကျပ်ပိတ်လှောင်မှုဒဏ်တွေကိုလည်း လူတိုင်းခံစားနေရမှာပါ။

အကောင်းမြင်စိတ်မွေးဖို့ခက်ခဲတဲ့ ဒီလိုအခြေအနေမျိုးမှာ Covid-19 ရဲ့ အဆိုးထဲက အကောင်းလေးတွေက ဘာတွေဖြစ်မလဲ။ ကြည့်လိုက်ကြရအောင်။

၁။ လေထုညစ်ညမ်းမှုကို လျော့ချနိုင်ခဲ့ပြီ။

တရုတ်နိုင်ငံ၊ အီတလီနိုင်ငံတို့လို လူဦးရေထူထပ်ပြီး ခရီးသွားများတဲ့နေရာနှစ်ခုကို ပိတ်လိုက်ပြီးတဲ့နောက်မှာ လေထုရဲ့ အရည်အသွေးဟာ သိသိသာသာတိုးတက်လာပါတယ်တဲ့။ ကိုယ်ရှူတဲ့လေတွေဟာ သန့်စင်လာပြီဆိုတာ သိရတာ ဘယ်လောက်ကောင်းလိုက်သလဲနော်။
အီတလီ ဗင်းနစ်မြို့ရဲ့ ရေမြောင်းလေးတွေဟာလည်း ညှီနံ့ထွက် ညစ်ပတ်နေခဲ့ရာကနေပြီး ပြန်လည်သန့်စင်လာပါပြီ။

၂။ လူသားချင်းစာနာတတ်လာမယ်။

ရောဂါကို ရှေ့တန်းကနေ တိုက်ပွဲဝင်နေတဲ့ ဆရာဝန်တွေ၊ သူနာပြုတွေ၊ ပြည်ဝင်ပေါက်တွေဖြစ်တဲ့ လေယာဉ်ကွင်း၊ ကားဂိတ်စတဲ့နေရာတွေမှာ အလုပ်လုပ်နေရတဲ့သူတွေ၊ သူများအိမ်မှာ နားနေရချိန်မနားရတဲ့ မုန့်ပို့သမားလေးတွေ၊ ပြည်သူတွေဆီ သတင်းအမှန်ရစေဖို့ နေ့မအား ညမအား အလုပ်လုပ်ပေးနေရတဲ့ သတင်းမီဒီယာတွေ (ကောလဟာလဖြန့်ချီသူတွေမပါ) စတဲ့ ရောဂါကိုတိုက်ထုတ်တဲ့နေရာမှာ အဖက်ဖက်က ဝိုင်းဝန်ကူညီနေတဲ့သူတွေကို ကိုယ်ချင်းစာတတ်တဲ့စိတ်ဖြစ်လာမှာ အမှန်ပါပဲ။

၃။ ဘဝဟာ နေတတ်ရင် ကျေနပ်စရာပါ။

အရင်တုန်းက မရှိရင် မဖြစ်ဘူးလို့ ထင်ခဲ့တဲ့အရာတွေလည်း အခုချိန်မှာ မလိုအပ်တော့ဘူးဆိုတာ သိလာတဲ့အခါ ကိုယ့်ဘဝကိုယ် ကျေနပ်အားရတဲ့စိတ်တွေဖြစ်လာပါလိမ့်မယ်။

၄။ မိသားစုကို အချိန်ပေးဖြစ်မယ်။

အရင်တုန်းက တစ်အိမ်ထဲနေပြီး တစ်နေ့နေလို့ အမေနဲ့ စကားတစ်ခွန်းမှ မပြောဖြစ်ဘူးဆိုတဲ့သူတွေအတွက် ကိုယ့်မိသားစု၊ ချစ်သူခင်သူတွေနဲ့ ပျော်ရွှင်စရာ ကောင်းတဲ့အချိန်လေးတွေကို ပြန်လည်ဖန်တီးယူပါ။

၅။ ချွေတာတတ်လာမယ်။

လမ်းထိပ်ထွက်တာနဲ့ ပိုက်ဆံတစ်သောင်းကုန်သွားတယ်ဆိုတာမျိုး ဖြစ်ဖူးကြတယ်မလား။ အိမ်မှာနေရင် အပြင်သွားရင်ကုန်တဲ့ တက်စီခတို့၊ ဓာတ်ဆီဖိုးတွေကို လျှော့ချနိုင်မယ်။ အွန်လိုင်းကနေ ပစ္စည်းတွေအရမ်းမှာတာ၊ မုန့်တွေအရမ်းမှာစားတာတွေ မလုပ်မိဖို့တော့ သတိထားပေါ့လေ။

၆။ လက်ဆေးတဲ့အလေ့အကျင့် ရလာမယ်။

အရင်တုန်းက အပြင်ကပြန်လာရင် လက်ဆေးကျင့်မရှိတဲ့သူတွေလည်း လက်ဆေးတတ်တဲ့အကျင့် ဖြစ်သွားပါလိမ့်မယ်။ လက်ဆေးခြင်းဖြင့် ကာကွယ်နိုင်တဲ့ရောဂါတွေဟာ Covid-19 တစ်ခုထဲ မဟုတ်ပါဘူးနော်။

၇။ ကိုယ့်အားကိုယ်ကိုးတတ်လာမယ်။

ခု social distancing တွေကြောင့် အလုပ်တွေ၊ ကျောင်းတွေကနေ အွန်လိုင်းအတန်းတွေ၊ အိမ်ကနေ အလုပ်လုပ်တာတွေကို ကျင့်သုံးလာကြတယ်။ တစ်ခုခုမသိတာရှိရင် အလွယ်တကူ ဘေးကလူက မေးလို့မရတဲ့အတွက် ကိုယ့်အားကိုယ်ကိုးတတ်လာမယ်။

၈။ ကိုယ်ပိုင်အချိန်တွေ တစ်ပုံတစ်ပင်ရလာမယ်။

ကိုယ့်အချိန်ကို မပိုင်ဘူးဆိုတဲ့သူတွေအတွက် Covid-19 ဟာ ကိုယ်ပိုင်အချိန်တွေ အများကြီးပေးလိုက်ပါတယ်။
ကိုယ့်ဘဝရဲ့ အနှစ်သာရကို ပြန်လည်ရှာဖွေမလား။ ကိုယ်ဖြစ်ချင်တာတွေ လုပ်ကြည့်ဖို့ အချိန်ပေးမလား။ ကိုယ့် စိတ်ကျန်းမာရေးအတွက် ကိုယ့်ကိုယ်ကို အနားပေးမလား။ ပေါများနေတဲ့ ကိုယ်ပိုင်အချိန်တွေကို အကျိုးရှိရှိ အသုံးချပါ။

၉။ လူတွေအကြောင်း ပိုနားလည်လာမယ်။

စူပါမားကတ်တွေမှာ သူများတွေဝယ်စရာမကျန်လောက်အောင် ပစ္စည်းတွေကို အလုအယက်ဝယ်ကြတဲ့သူတွေ၊ ၁၄ ရက် quarantine လုပ်ရမယ်ဆိုတာကို မလိုက်နာတဲ့သူတွေ၊ လူတွေအထိတ်တလန့်ဖြစ်စေတဲ့ သတင်းအမှားတွေကို ထုတ်လွှင့်တဲ့သူတွေ စတဲ့ ကိုယ့်အကျိုးကိုပဲ ကြည့်တဲ့ တစ်ကိုယ်ကောင်းဆန်တဲ့သူတွေကို တွေ့ရမြင်ရတဲ့အခါ ကိုယ်သာဆိုရင် မလုပ်မိအောင် ကြိုးစားမယ်ဆိုတဲ့ စိတ်လည်း ဖြစ်လာနိုင်တယ်။

၁၀။ အကောင်းမြင်စိတ်မွေးတတ်လာမယ်။

နိုင်ငံတွေပိတ်၊ ရုံးတွေပိတ်၊ ကျောင်းတွေပိတ်၊ အစစအရာရာ ခက်ခဲနေတဲ့ ကာလတစ်ခုမှာ အကောင်းမြင်စိတ်မရှိရင် ပိုပင်ပန်းတယ်။ ဒါကြောင့် အကောင်းမြင်စိတ်လေးလည်း ရှိလာမယ်။

သင်ခန်းစာဆိုတာယူတတ်ရင်ရပါတယ်တဲ့။ ကပ်ရောဂါကို စိတ်ဒဏ်ရာလို့သဘောမထားဘဲ အခက်အခဲကြားမှာ စိတ်ပျက်အားမလျှော့ဖို့ သင်ပေးတဲ့ ဆရာတစ်ဆူလို့သဘောထားလိုက်ပါ။
ကပ်ရောဂါဆိုတာ အမြဲဖြစ်နေမှာလည်း မဟုတ်ပါဘူး။ အချိန်တစ်ခုရောက်ရင် ပြီးသွားရမှာပါပဲ။ အားမလိုအားမရဖြစ်တာတွေကို နောက်ထားပြီး အကောင်းမြင်စိတ်လေးမွေးရင် အခက်ခဲဆုံး အချိန်တွေကို အောင်မြင်စွာ ကျော်ဖြတ်နိုင်မှာပါ။

COVID-19 Outbreak updates
Country: Myanmar
Data

79,246

Confirmed

58,758

Recovered

1,739

Death
Distribution Map

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုရိုနာဗိုင်းရပ်စ်များအကြောင်း

ကိုရိုနာဗိုင်းရပ်စ်တွေမှာ မျိုးကွဲအများကြီးရှိပြီး MERS-CoV၊ SARS-CoVနဲ့ SARS-CoV-2က အပြင်းထန်ဆုံး ဖြစ်ပါတယ်။ မားစ်၊ ဆားစ်နဲ့ COVID-19ကို ဖြစ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

COVID-19ကြောင့် သိုင်းရွိုက်ပြဿနာတွေ ဖြစ်လာနိုင်သလား။

COVID-19 ကို ဖြစ်စေတဲ့ SAR-CoV-2ဗိုင်းရပ်စ်ဟာ သိုင်းရွိုက်ဂလင်းထဲဝင်ရောက်ပြီး ရောင်ရမ်းစေတာကြောင့် သိုင်းရွိုက်ဟော်မုန်း မညီမျှမှုကို ဖြစ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ပြည်ပက ပြန်လာမယ့်သူတွေ၊ နယ်ပြန်မယ့်သူတွေအတွက် MOHSရဲ့ ထုတ်ပြန်ချက်အသစ်မှာ ဘာတွေ ပြောင်းလဲသွားလဲ။

ပြည်ပက ပြန်လာမယ့်သူတွေ၊ stay at homeမြို့ကနေ ပြန်လာမယ်ဆိုရင် COVID-19နဲ့ ပတ်သက်ပြီး ဆေးစစ်ဖို့ ကွာရန်တင်းဝင်ဖို့ ညွှန်ကြားချက်အသစ် ထုတ်ထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

COVID-19 ကာလ လူစုသောအခါ

COVID-19 ပိုး ကူးစက်ခံခဲ့ရသူပေါင်းက ကမ္ဘာတစ်ဝှမ်း ၅၂ သန်းကျော်ရှိခဲ့ပါပြီ။ ရောဂါရဲ့ အရှိန်ကိုမြှင့်တင်ပေးခဲ့တာက လူစုလူဝေးတွေနဲ့စည်းကမ်းမလိုက်နာမှုတွေပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

COVID-19အကြောင်း တစေ့တစောင်း

COVID-19အကြောင်း တစေ့တစောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 23, 2020 . 3 mins read
ဆောင်းအအေး နဲ့ ကိုဗစ်

ဆောင်းအအေး နဲ့ ကိုဗစ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 20, 2020 . 2 mins read
ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read
Covid-19နဲ့ ပတ်သက်ပြီး ကိုယ်ဝန်ဆောင်မိခင် တွေ ဘာတွေ သိထားသင့်လဲ

Covid-19နဲ့ ပတ်သက်ပြီး ကိုယ်ဝန်ဆောင်မိခင် တွေ ဘာတွေသိထားသင့်လဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read