ဘာကြောင့် ချောင်းဆိုးမပျောက်သေးတာလဲ

ခုလို အအေးဓာတ်ကဲတဲ့ ရာသီမျိုးတွေမှာ လူအတော်များများ ချောင်းဆိုးတဲ့ ဝေဒနာကို ခံစားကြရလေ့ရှိပါတယ်။ အအေးမိလို့ပဲဖြစ်စေ၊ အဆုတ်အားနည်းလို့ပဲဖြစ်စေ၊ တခြားကျန်းမာရေးအခြေအနေတွေကြောင့်ပဲဖြစ်စေ ချောင်းဆိုးတာ၊ ချွဲကြပ်တာမျိုးက ဖြစ်လေ့ဖြစ်ထရှိတဲ့ ကျန်းမာရေးအခြေအနေတစ်ရပ်ဖြစ်ပါတယ်။ တစ်ခါတစ်လေမှာ နေလည်းကောင်းနေပြီ၊ အအေးမိဖျားနာဝေဒနာလည်း ပျောက်ကင်းနေပြီ၊ မိမိမှာလည်း ရောဂါ တစ်စုံတစ်ရာ မရှိပါပဲနဲ့ ချောင်းဆက်ပြီး ဆိုးနေသေးတာမျိုးတွေနဲ့ ကြုံရလေ့ရှိပါတယ်။ လက်လှမ်းမှီရာ ချောင်းဆိုးပျောက်ဆေးတွေနဲ့ ကုသကြည့်ပေမယ့်လည်း တိတိပပ ပျောက်ကင်းသွားတာမျိုးမရှိပဲ ချောင်းဆက်ဆိုးနေတတ်တာမျိုးပါ။ ဘာကြောင့် ချောင်းဆိုးမပျောက်သေးတာလဲ ….အောက်ပါ အချက် ၈ ချက်ကြောင့်ဖြစ်နိုင်ပါတယ်။

ဘာကြောင့် ချောင်းဆိုးမပျောက်သေးတာလဲ

ဘာကြောင့် ချောင်းဆိုးမပျောက်သေးတာလဲ ဆိုတော့

• အသက်ရှူလမ်းကြောင်းထဲမှာ ပြဿနာရှိနေတာကြောင့်

– များသောအားဖြင့် တုပ်ကွေး၊ ဖျားနာအပါအဝင် တခြားသော ကူးစက်နိုင်တဲ့ရောဂါတွေ ဖြစ်ပြီးတဲ့အခါမျိုးမှာ ချောင်းဆိုးနေတာလေးတော့ ကျန်ခဲ့လေ့ရှိပါတယ်။ ဖျားတာနာတာတွေ ပျောက်ကင်းသွားပေမယ့် ခုလို ချောင်းဆိုးတဲ့ အခြေအနေကျန်ခဲ့ရတဲ့ အဓိက အကြောင်းအရင်းကတော့ အသက်ရှူလမ်းကြောင်းထဲမှာ ပိုးကပေးတဲ့ ဝေဒနာတွေကျန်နေသေးလို့ ဖြစ်ပါတယ်။

ရောဂါပိုးတွေ မရှိတော့ပေမယ့် ပိုးတွေကြောင့် အသက်ရှူလမ်းကြောင်းထဲမှာ ရောင်ရမ်းတာ၊ oversensitive ဖြစ်တာတွေ ဖြစ်ကျန်ခဲ့တာကြောင့်ဖြစ်ပါတယ်။ ဒါကြောင့် တခါတစ်ရံမှာ နေကောင်းကျန်းမာလာပေမယ့် ရက်သတ္တပတ်အနည်းငယ်လောက်အထိ ချောင်းဆက်ဆိုးနေတတ်ပါတယ်။

– ရင်ပူတာ၊ ဓာတ်မတည့်တာနဲ့ ပန်းနာရောဂါအခံရှိနေတာတွေကြောင့်လည်း ချောင်းဆိုးပျောက်ခဲတာမျိုးဖြစ်နိုင် ပါတယ်။ အအေးမိတဲ့အခါတိုင်း ပန်းနာရောဂါထတာက ဖြစ်နိုင်ချေများတဲ့ ကိစ္စဖြစ်ပါတယ်။ အေးတဲ့ရာသီဥတုတွေနဲ့ အခြေအနေမျိုးတွေမှာ ပန်းနာရောဂါအခံရှိသူတွေဟာ ချောင်းဆိုးတာ ရင်ကြပ်တာတွေ မကြာခဏဖြစ်ပွားတတ်ပါတယ်။

အိပ်ပျော်နေစဉ် မကြာခန အသက်ရှူရပ်တတ်တဲ့ရောဂါအခံရှိသူတွေမှာလည်း ချောင်းဆိုးဖြစ်ရင် တော်တော်နဲ့ မပျောက်ကင်းတတ်ပါဘူး။ ဒါပေမယ့် ဒီရောဂါလက္ခဏာတွေအားလုံးဟာ အလွယ်တကူကုသလို့ရနိုင်ပါတယ်။

• Nasal Decongestant Spray ကို အလွန်အကျွံအသုံးပြုတာကြောင့်

– အအေးမိဖျားနာတဲ့အခါမျိုးတွေမှာ Nasal Spray နှာပွင့်ဆေးဗူးလေးတွေ ဆောင်ထားကြလေ့ရှိပါတယ်။ ရင်ကြပ်တာ၊ နှာစေးတာ၊ အသက်ရှူမဝဖြစ်ချိန်တွေမှာ အဆိုပါ စပရေးဗူးတွေကို အသုံးပြုကြပါတယ်။ ဒါပေမယ့်လည်း အဆိုပါ စပရေးတွေကို အလွန်အကျွံအသုံးပြုတာကလည်း အသက်ရှူလမ်းကြောင်းထဲက အမှေးတွေကို ရောင်ရမ်းစေနိုင်တာမို့ ချောင်းဆိုးတဲ့အခါ တော်ရုံနဲ့ မသက်သာစေတဲ့ ဝေဒနာမျိုးကို ရင်ဆိုင်ရစေပါတယ်။

– တစ်ခါတစ်ရံမှာ အအေးမိဖျားနာလိုရောဂါမျိုးတွေ ဖြစ်ပြီးတဲ့အခါမျိုးတွေမှာ မလိုလားအပ်တဲ့ ဘေးထွက်ဆိုးကျိုးတချို့ ကျန်ရစ်ခဲ့ပါတယ်။ ဒီလိုအချိန်မျိုးတွေမှာ အသက်ရှူလမ်းကြောင်းဟာ မူလအခြေအနေအနေကို ပြန်မရောက်သေးတာမို့ ရောဂါပိုးမွှားတွေ အလွယ်တကူ ကပ်ငြိဝင်ရောက်နိုင်နေတာကြောင့်ဖြစ်ပါတယ်။

ဒါကြောင့် ချောင်းဆိုးတာနဲ့ လည်ချောင်းနာတာတွေ ဆက်ပြီး ကျန်ရစ်နေနိုင်ပါတယ်။ ဒီလိုအခြေအနေမျိုးမှာတော့ သက်ဆိုင်ရာ ကျန်းမာရေးပညာရှင်တွေနဲ့ တွေ့ဆုံပြီး Antibiotic အသုံးပြုဖို့ လိုမလိုတိုင်ပင်သင့်ပါတယ်။

အကောင်းဆုံး အကြံပြုချင်တာကတော့ တစ်ပတ်ထက်ပိုပြီး ချောင်းဆိုးဆက်မပြတ်ဖြစ်နေမယ်ဆိုရင် နီးစပ်ရာ ဆရာဝန်နဲ့ ပြသတိုင်ပင်သင့်ပါတယ်။ တစ်ခါတစ်ရံမှာ ချောင်းဆိုးမပျောက်တာဟာ TB နဲ့ တခြားသော အဆုတ်နဲ့ သက်ဆိုင်တဲ့ ရောဂါကြီးကြီးမားမားတွေကြောင့်လည်းဖြစ်နိုင်တာမို့ပါ။