ကိုယ်ဝန်ဆောင်ကျန်းမာရေး

ကိုယ်ဝန်ဆောင်ချိန်မှာအဖြူဆင်းတာက ပိုများ၊ ပိုသိသာတတ်ပါတယ်။ ဘာကြောင့်လဲဆိုတော့ ကိုယ်ဝန်ဆောင်ချိန်မှာ မိန်းမကိုယ်ကို သွေးရောက်တာ ပိုများတာကြောင့်ရယ်၊ အီစထရိုဂျင်ဟော်မုန်းရယ်ကြောင့်ပါ။

အဖြူဆင်းတာက မကောင်းတာတော့ မဟုတ်ပါဘူး။ အဖြူဆင်းတဲ့အတွက် မွေးလမ်းကြောင်းထဲက မကောင်းတာတွေ ပါသွားတယ်၊ ပိုးတွေ မဝင်အောင် ကာကွယ်ပေးနိုင်တယ်လေ။ ဒါကြောင့်သိပ်ပြီးတော့လည်း မစိုးရိမ်ပါနဲ့။ ဒါက သဘာဝကပေးထားတဲ့ အကာအကွယ်ပါ။

အဖြူဆင်းတာက အရည်ကြည်လေးတွေ ဆင်းတာရှိသလို အဖြူဖတ်လေးတွေ ဆင်းတာလည်း ရှိပါတယ်။

တကယ်လို့ အဖြူဆင်းတာများနေရင်၊ ကွက်တယ်ဆိုရင်

✅ချည်သားအတွင်းခံကို ဝတ်ပါ။ သူက ခြောက်လွယ်ပါတယ်။

✅Panty liner (Padပါးပါးလေး) တွေ ခံပေးပါ။

❌Tamponမသုံးပါနဲ့။

❌မိန်းမကိုယ်အတွင်းပိုင်းထိ မဆေးပါနဲ့။ ဆပ်ပြာတွေနဲ့ အတွင်းပိုင်းထိ ဆေးတာမျိုး မလုပ်ပါနဲ့။ ရိုးရိုးရေများများနဲ့ ဆေးရင် ရပါပြီ။

အဖြူဆင်းတာက သဘာဝဆိုပေမယ့် ဒီအချက်တွေ ရှိနေရင် သတိထားပါ။

⚠️ဆင်းတာ များလွန်းနေရင်

⚠️အနံ့ဆိုးပြီး အရောင်တွေ ပါလာရင်

⚠️မိန်းမကိုယ်ယားယံရင်

⚠️တစ်ခုခုစိုးရိမ်နေတာမျိုး ရှိရင

သားသားမီးမီးလေးက ဘယ်လိုကြီးလာတာပါလိမ့်

ဒီအပတ်မှာတော့ ငှက်ပျောသီးအရွယ် ၂၅ စင်တီမီတာ၊ ၃၁၅ ဂရမ်လောက်ရှိပါပြီ။ကလေးလေးက သားအိမ်ထဲမှာ နေရာပိုယူလာတော့ မေမေတွေရဲ့အဆုတ် အစာအိမ်၊ ဆီးအိတ် ကျောက်ကပ်တွေကိုပိုပြီးတော့ သွားဖိသလိုဖြစ်ပါတယ်။ အကာအကွယ်ပေးထားတဲ့ ဖယောင်းလွှာအောက်မှာ ကလေးလေးက အရေပြားစပေါ်လာပြီး ထူလာပါတယ်။ ဆံပင်၊ လက်သည်းတွေလည်း ဆက်ဖွံ့ဖြိုးနေတုန်းပါပဲ။

ခန္ဓာကိုယ်မှရော ဘာတွေဆက်ပြောင်းလဲဦးမှာပါလိမ့်

မေမေတွေ ၄.၅ကီလိုလောက်ကို အလေးချိန်တွေတက်လာမှာပါ။ ဒီအပတ်ကစပြီး အပတ်တိုင်ကို ပေါင်ချိန်နည်းနည်း ထပ်တက်ဦးမှာပါ။ တကယ်လို့ ကိုယ်ဝန်ဆောင်အလေးချိန်မပြည့်ရင် ထပ်တက်အောင် လုပ်ရမှာဖြစ်ပြီး များနေရင် သိပ်မတက်အောင်လုပ်ရမှာပါ။ သွေးနီဥတွေဖြစ်ဖို့ အောက်ဆီဂျင်သယ်ဖို့ လုပ်ပေးတဲ့ ဟေမိုဂလိုဘင်တွေ ဖြစ်အောင် သံဓါတ်သတ္တုဓါတ်တွေ အလုံအလောက်ရအောင်တော့ စားပေးရမှာပါ။ ကိုယ်ဝန်ဆောင်ချိန်မှာ သွေးပမာဏများလာအောင် ကလေးလေးနဲ့ အချင်းဖွံ့ဖြိုးမှုအတွက်ပါ သံဓါတ်တွေပိုလိုပါတယ်။

သိသင့်သိထိုက်တာလေးတွေ

ကလေးလေး ဘယ်လိုဖွံ့ဖြိုးလာမှာလဲ

ကလေးလေးက ခရမ်းချဉ်သီးအပျော့အရွယ် ၂၄၀ ဂရမ်၊ ၁၅ စင်တီမီတာလောက်ရှိပါပြီ။အခုဆိုကလေးလေးကို အဖြူရောင် ဖယောင်းလွှာအပျော့လို အရေပြားတစ်လွှာနဲ့အကာအကွယ်ပေးထာပါတယ်။ ဒီဖယောင်းလွှာက ကိုယ်ဝန်ကာလကုန်ဆုံးမှ ပျောက်မှာပါ။ ဒီတော့ လမစေ့ဘဲမွေးတဲ့ကလေးတွေက ဖယောင်းလွှာပါ ပါလာတတ်ပါတယ်။ ဒီအပတ်မှာ အညိုရောင်အဆီလွှာက ကလေးကိုယ်မှာပေါ်လာပြီး မွေးပြီးတဲ့အချိန်ကျရင် ကလေးလေးကိုနွေးထွေးစေပါတယ်။ နောက်ဆုံး ၃ လပတ်ဆို အဆီတွေကကလေးလေးကို အကာအကွယ်ပေးဖို့ ပိုပြီးဖွံ့ဖြိုးလာမှာပါ။

ခန္ဓာကိုယ်နဲ့ အနေအထိုင်အပြောင်းအလဲလေးများ

ကလေးလေးလှုပ်ရှားတာကို ဒီအချိန်လောက်ဆို စသိပါပြီ။ ပထမဆုံးလှုပ်ရင် ခဏလေးနဲ့ ဖြည်းဖြည်းလေးဆိုတော့ လေပွတာနဲ့ မှားနိုင်ပါတယ်။ နောက်ပိုင်း ကန်တာ၊ လက်သီးနဲ့ထိုးမိတာ၊ ကျို့ထိုးတာတွေကို ထပ်သိလာမှာပါ။ ကလေးတစ်ယောက်နဲ့တစ်ယောက် လှုပ်ရှားပုံမတူပါဘူး။ တကယ်လို့ ကလေးလေးလှုပ်ရှားတာတွေ အားနည်းနေတာမျိုးဆို ဆရာဝန်ဆီ သွားပြသင့်ပါတယ်။

သိသင့်သိထိုက်တာလေးတွေ

ကိုယ်ဝန်ဆေ