ကိုယ်ဝန်ဆောင်ချိန်ဆို ထူးဆန်းတဲ့ အိပ်မက်တွေ မက်ကြတယ်ဟုတ်။ တချို့ဆို ကိုယ်ဝန်ရှိမှန်းတောင် မစစ်ရသေးဘူး။ နိမိတ်ပြ အိပ်မက်တွေ မက်နေကြပြီ။ ၁-၂ပတ်နေလောက်ကျ မသင်္ကာလို့ စစ်လိုက်တော့ ကိုယ်ဝန်ရှိနေရော။

အာရှနိုင်ငံတွေမှာ အိပ်မက်နဲ့ ပတ်သက်ရင် တော်တော်အစွဲအလမ်းကြီးကြပါတယ်။ အိပ်မက်ဆိုးမက်တာ၊ မိန်းကလေးမွေးမဲ့ အိပ်မက်၊ သားလေး မွေးမဲ့ အိပ်မက် စသဖြင့် လက်ဆင့်ကမ်းလာတဲ့ ရိုးရာအယူအစွဲလေးတွေ ရှိပါတယ်။

ကိုယ်ဝန်ဆောင်ချိန်မှာ ထူးဆန်းတဲ့ အိပ်မက်တွေ ဘာကြောင့် မက်ရသလဲဆိုတာကို ဆရာမက ဒီဘက် ဆေးပညာဘက်ခြမ်းကနေ ရှင်းပြပေးပါ့မယ်။

တကယ်တော့ ဘာကြောင့် ဒီလိုတွေမက်လဲဆိုတာကို တိတိကျကျ ပြောဖို့ခက်ပါတယ်။ ဖြစ်နိုင်တဲ့ အချက်တွေကတော့

-ကိုယ်ဝန်ဆောင်ချိန်မှာ ပရိုဂျက်စတုန်း ဟော်မုန်းတွေ များလာတာ

-ကိုယ်ဝန်ဆောင်တွေ အိပ်ချိန်မမှန်တာ (တချို့ရက်တွေမှာ တအားအိပ်ချင်ပြီး တချို့ရက်တွေမှာ အိပ်မပျော်တာကို ကြုံဖူးမှာပါ)

-ဦးနှောက်ရဲ့ မှတ်ဉာဏ်တွေ သိမ်းဆည်းပုံပြောင်းလဲသွားတာ စတာတွေကြောင့် ဖြစ်နိုင်ပါတယ်။

ထူးဆန်းတဲ့ အိပ်မက်တွေက များသောအားဖြင့် အန္တရာယ်မရှိပါဘူး။

ဒါပေမဲ့ အိပ်မက်တွေကြောင့်

-အိပ်ဖို့တောင် ကြောက်လာရင်

-စိတ်ဓာတ်ကျလာသလိုလို ဝမ်းနည်းလာသလိုလို ခံစားရရင်တော့ ဆရာဝန်နဲ့ ပြဖို့ လိုပါတယ်။

ဗိုက်ထဲမှာ ဘေဘီလေး ရှိတဲ့ မေမေတိုင်းရဲ့ ပထမဆန္ဒက ကျန်းမာတဲ့ ကလေးလေး မွေးဖွားဖို့ ဖြစ်ပြီး နောက်တစ်ခုကတော့ လွယ်ကူစွာ ဖွားမြင်နိုင်ဖို့ ဖြစ်ပါမယ်။ ဘေဘီလေးကို မွေးဖွားရမယ့်ရက် နီးလာလေလေ ကလေးကို အဆင်ပြေပြေမှ မီးဖွားနိုင်ပါ့မလားဆိုပြီး စိုးရိမ်စိတ်က တော်တော်လေးများလာလေလေပါ။ ဒီလိုစိုးရိမ်စိတ်တွေလျော့ကျသွားအောင် ကလေးမွေးဖွားရလွယ်ကူစေဖို့ လိုက်နာသင့်တာ အချို့ က ဘာတွေဖြစ်မလဲဆိုတာကို ဒီဆောင်းပါးလေးမှာ အတူတူ ကြည့်လိုက်ရအောင်နော်။

မေမေတို့ ဖေဖေတို့ ကိုယ်ဝန်ရဖို့ ကြိုးစားကြရာမှာ တားဆေးလည်း ဖြတ်ပြီးပြီ၊ အမျိုးသားရော အမျိုးသမီးရော ကျန်းမာတယ်ဆိုရင် ကိုယ်ဝန်ရဖို့ မခဲယဉ်းပါဘူး။ ဒါပေမယ့် ပုံမှန်လိင်ဆက်ဆံနေဖို့တော့ လိုပါတယ်။ ‘ပုံမှန်’ ဆိုတဲ့နေရာမှာကိုယ်ဝန်ရဖို့ တစ်ပတ်ကို ဘယ်နှခါလောက် အတူနေသင့်သလဲ ဆိုတာက မေးသင့်တဲ့ မေးခွန်းပါ။ ဒီမေးခွန်းရဲ့ အဖြေကို ဒီဆောင်းပါးလေးမှာ အဖြေရှာလိုက်ပါနော်။