ပျားရည်ကို အသုံးပြုပြီး မျက်နှာအသားအရေ ထိန်းသိမ်းကြမယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 5, 2020 . 2 mins read
Share now

ဆောင်းရာသီမှာ မိန်းကလေးတွေအတွက် သဘာဝကရတဲ့ ပျားရည်ကို အသုံးပြုပြီး မျက်နှာအသားအရေ ထိန်းသိမ်းလို့ ရမယ့်နည်းလမ်းတွေကို ဝေမျှပေးချင်ပါတယ်။ ယောက်ျားလေးတွေလည်း အဆင်ပြေရင် လုပ်ကြည့်လို့ ရတယ်နော်။ အချိန်လည်း သိပ်ပေးစရာမလိုပဲ ကိုယ့်အိမ်မှာ ရှိတဲ့ ပစ္စည်းလေးတွေနဲ့ အလွယ်တကူ လုပ်လို့ရတဲ့ နည်းလမ်းလေးတွေဖြစ်လို့ အားလပ်ချိန်တွေမှာ အသားအရေကို ထိန်းသိမ်းချင်သူတွေအတွက် သင့်လျော်မယ်လို့ ထင်ပါတယ်။

အစိုဓာတ်ထိန်းပေးမယ့် ပျားရည် Mask

၁။ ပထမနည်းလမ်းကတော့ ပျားရည်ကို ဇွန်းအပြည့် တစ်ဇွန်းခပ်ပြီး မျက်နှာအနှံ့ ပွတ်လိမ်းပေးပါ။ ၅မိနစ်ကနေ နာရီဝက်လောက် မျက်နှာပေါ်မှာ ဒီအတိုင်းထားပြီးမှ ရေနွေးနွေးလေးနဲ့ သေချာသန့်စင်ပေးပါ။

၂။ ဒုတိယနည်းလမ်းက နွားနို့တစ်ဇွန်း၊ ပျားရည်တစ်ဇွန်း၊ ကြက်ဥအနှစ် တစ်လုံးကို သေချာမွှေပေးပါ။ မျက်နှာသစ်ပြီးမှ မွှေထားတဲ့ ပျားရည်အနှစ်ကို မျက်နှာပေါ်မှာ သုတ်လိမ်းပေးပါ။ မိနစ် ၂၀လောက် ဒီအတိုင်းထားထားပြီးရင် ရေနွေးလေးနဲ့ သေချာသန့်စင်ပေးပါ။

ပျားရည်မှာ အရေပြားကို သဘာဝအတိုင်း အစိုဓာတ်ထိန်းပေးနိုင်တဲ့ အာနိသင်ပါတဲ့အပြင် ဒီနည်းလမ်းတွေ အသုံးပြုပြီးတဲ့အချိန်မှာ ကိုယ့်အသားအရေလေးက နူးညံ့ပြီး ချောမွတ်နေတာကို ခံစားမိမှာပါ။ မျက်နှာကို သွေးလည်ပတ်မှု ကောင်းစေဖို့ Mask ကို စက်ဝိုင်းပုံစံ သုတ်လိမ်းပေးတာ ပိုကောင်းပါတယ်။

မျက်နှာသန့်စင်ပေးဖို့အတွက် ပျားရည် Cleanser

ပျားရည်ကို သဘာဝအုန်းဆီတစ်ဇွန်းနဲ့ ရောမွှေပြီး မျက်နှာအနှံ့ ပွတ်လိမ်းပေးရုံပါ။ ၃မိနစ်လောက်နေရင် ရေနွေးနဲ့ သေချာပြန်ဆေးပေးပါ။

ပျားရည်ဟာ ချွေးပေါက်ထဲမှာ ပိတ်နေတဲ့ အညစ်အကြေးတွေ၊ အဆီတွေကို သန့်စင်ပေးနိုင်တဲ့အပြင် မိန်းကလေးတွေ မိတ်ကပ်ဖျက်တဲ့နေရာမှာလည်း အသုံးပြုလို့ ရပါတယ်။ အသုံးပြုတဲ့နေရာမှာ မျက်လုံးထဲ မဝင်သွားစေဖို့တော့ ဂရုစိုက်ပေးရမယ်နော်။

အသားအရေကို နူးညံ့ချောမွေ့သွားစေတဲ့ ပျားရည် Lotion

ပျားရည် တစ်ဇွန်း၊ သံလွင်ဆီ တစ်ဇွန်းနဲ့ သံပုရာရည် (သံပုရာသီး တစ်ခြမ်းစာလောက် ညှစ်ပေးရင် လုံလောက်ပါတယ်) ကို ရောမွှေပြီး အသားအရေခြောက်နေတဲ့ နေရာတွေကို ပွတ်လိမ်းပေးပါ။ မိနစ် ၂၀လောက်နေရင် အဝတ်သန့်သန့်လေးနဲ့ ပြန်သုတ်လိုက်ရုံပါပဲ။ ဆေးစရာတော့ မလိုပါဘူး။

ဆောင်းရာသီမှာ အရေပြားမကြာခဏ ခြောက်သွေ့တဲ့သူတွေနဲ့ အသားမပပ်အောင် ကာကွယ်ဖို့အတွက် မကြာခဏ သုံးပေးသင့်တဲ့ နည်းလမ်းဖြစ်ပါတယ်။

အရေပြားပေါ်က ဆဲလ်အသေတွေကို ကွာကျစေတဲ့ ပျားရည် Exfoliant

ပျားရည် ၂ဇွန်း၊ မုန့်ဖုတ်ဆိုဒါ တစ်ဇွန်းကို သေချာမွှေပြီး မျက်နှာကို ၃မိနစ်ခန့် သေချာပွတ်ပေးပါ။ ပြီးရင် ရေနွေးလေးနဲ့ ပြန်ဆေးချပေးရုံပါပဲ။

မျက်နှာအတွက်သာမက ခန္ဓာကိုယ်နေရာအနှံ့အတွက်ပါ အသုံးပြုလို့ ရပါတယ်။ တစ်ပတ် တစ်ကြိမ် အသုံးပြုပေးရုံနဲ့ အရေပြားပေါ်က ပျက်စီးနေတဲ့ ဆဲလ်အသေတွေကို အလွှာလိုက် ကွာကျစေပြီး အသားအရေကိုလည်း ဝင်းပလာစေနိုင်ပါတယ်။

အပေါ်မှာ ပြထားခဲ့တဲ့ နည်းလမ်း ၄ခုကို ပုံမှန်လေး လုပ်ပေးသွားမယ်ဆိုရင် အချိန်တိုအတွင်း သိသာထင်ရှားတဲ့ ရလဒ်ကို တွေ့ရှိရမှာ အသေအချာပါပဲ။ အထူးသဖြင့် အခုလို ဆောင်းရာသီ အေးစက်နေတဲ့ ရာသီဥတုမျိုးမှာ ဖြစ်တတ်တဲ့ အရေပြားပြဿနာတွေ၊ အသားအရေခြောက်သွေ့တာတွေကိုလည်း ကာကွယ်ပေးနိုင်ပြီး အရေပြားကို သဘာဝအတိုင်း နူးညံ့စိုပြည်စေမှာပါ။

အသားအရေထိန်းသိမ်းလိုသူတွေအတွက် ပျားရည်ရဲ့ ကောင်းကျိုး။

၁။ ပျားရည်ဟာ အရေပြားကို သဘာဝအတိုင်း အစိုဓာတ်ထိန်းပေးနိုင်တယ်။

၂။ ခြောက်သွေ့တဲ့ အရေပြားပိုင်ရှင်အတွက် အသားအရေကို စိုပြေချောမွတ်စေပြီး အဆီပြန်တတ်တဲ့သူတွေအလည်း သုံးလို့ အဆင်ပြေစေပါတယ်။

၃။ ဝက်ခြံကြောင့် ကျန်ခဲ့တဲ့ အမာရွတ်တွေကို သက်သာပျောက်ကင်းစေတယ်။

၄။ အမည်းစက်တွေ၊ ဝက်ခြံတွေကို ပျောက်စေပြီး အသားအရောင်ကိုလည်း ညီညာစေတယ်။

၅။ ချွေးပေါက်အတွင်းထဲထိ ပိတ်နေတဲ့ ဖုန်မှုန့်တွေ၊ အညစ်အကြေးတွေကို သန့်စင်ပေးနိုင်တယ်။

၆။ မျက်နှာပေါ်က အရေးအကြောင်းတွေကို သက်သာစေပြီး အရွယ်မတိုင်ခင် အိုမင်းရင့်ရော်ခြင်းကို ကာကွယ်ပေးနိုင်ပါတယ်။

၇။ အလွယ်တကူ ဝယ်ယူလို့ ရတဲ့အပြင် အချိန်လည်း သိပ်မပေးရတာကြောင့် ကျား၊ မ မရွေး၊ အသက်အရွယ်မရွေး အသားအရေကို ထိန်းသိမ်းလိုသူတွေ၊ အလှကြိုက်သူတွေအတွက် အဆင်ပြေစေပါတယ်။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆောင်းအအေးဒဏ်ကြောင့် နှုတ်ခမ်းတွေ ခြောက်ပြီးကွဲလာပြီဆိုရင်

ဆောင်းတွင်းအခါသမယဆိုတာ အသားအရေကို ဂရုစိုက်သူတွေအတွက်တော့ တော်တော်လေးကို စိတ်ညစ်စရာကောင်းတဲ့ ...

ရေးသားသူ Ye Myo Myat

အရိုးပွနေရင် ဒါတွေရှောင်ပါ။

အသက်အရွယ် ရလာတာနဲ့အမျှ အရိုးတွေရဲ့ သိပ်သည်းဆက နည်းလာပြီးအရိုးပွလာပါတယ်။အရိုးပွလာတာကသေချာ ဂရုစိုက်ဖို့လိုမယ့်ကျန်းမာရေးပြဿနာပါ။ အရိုးပွရင်ဘာတွေမစားသင့်ဘူးလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ချောင်းဆိုးနေတဲ့ ကိုဗစ် ဝေဒနာရှင်တွေအတွက် အထောက်အကူဖြစ်စေမယ့် နည်းလမ်းများ

ကိုဗစ်ရဲ့ ရောဂါလက္ခဏာတွေထဲမှာ ချောင်းဆိုးတာက အဓိကလက္ခဏာတစ်ခုပါ။ ဆေးစစ်ဖို့ အိမ်မှာ စောင့်ဆိုင်းနေချိန် အိမ်တွင်းနည်းလမ်းများနဲ့ သက်သာအောင်လုပ်ထားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သာမန် ဖျားနာမှုကြောင့် အနံ့၊ အရသာ ပျောက်ခဲ့ရင်

အအေးမိတယ်။ တုပ်ကွေးဖြစ်တယ်။ သက်တော့ သက်သာလာပါရဲ့ စားလိုက်ရင် ခံတွင်းမတွေ့ဘူး။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

လမ်းလျှောက်ရလို့ ဖိနပ်ပေါက် တဲ့အခါ

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read
ဝက်ခြံနဲ့ဝက်ခြံအမာရွတ်တွေသက်သာစေဖို့ ပူဒီနံရဲ့ အသုံးဝင်ပုံက

ဝက်ခြံနဲ့ဝက်ခြံအမာရွတ်တွေ သက်သာစေဖို့ ပူဒီနံရဲ့ အသုံးဝင်ပုံက

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 7, 2021 . 2 mins read
မန်ကျည်းခေါက်လေးရဲ့ ဆေးဖက်ဝင်ပုံ

မန်ကျည်းခေါက်လေးရဲ့ ဆေးဖက်ဝင်ပုံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 21, 2020 . 1 min read
ဆောင်းရာသီမှာ ဆဲလ်သေတွေ ဖယ်ရှားသင့်ရဲ့လား..........

ဆောင်းရာသီမှာ ဆဲလ်သေတွေ ဖယ်ရှားသင့်ရဲ့လား……….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 7, 2020 . 2 mins read