ကိုယ်ဝန်ဆောင်ချိန်နဲ့ ကလေးမွေးဖွားပြီးနောက်ပိုင်း ကိုယ်အလေးချိန်ဘယ်လိုထိန်းသိမ်းမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကိုယ်ဝန်ဆောင်ချိန်နဲ့ ကလေးမွေးဖွားပြီးနောက်ပိုင်း ကိုယ်အလေးချိန်ဘယ်လိုပြောင်းလဲနိုင်သလဲ ဘယ်လိုထိန်းသိမ်းမလဲ

ကလေးမွေးဖွားပြီးမိခင်အတော်များများဟာ ကိုယ်ဝန်မဆောင်ခင်ကကိုယ်အလေးချိန်ကိုပြန်ရနိုင်ဖို့ ခဏတော့ အချိန်ယူရပါတယ်။ တချို့အမျိုးသမီးတွေမှာတော့ ကလေးကိုကျွေးမွေးရတာ၊ ဂရုစိုက်နေရတာနဲ့ပဲ ကိုယ်ဝန်ဆောင်ချိန်မှာ မြင့်တက်လာခဲ့တဲ့ကိုယ်အလေးချိန်ကို ပြန်ကျစေပြီး ကိုယ်ရေစစ်သွားကြပါတယ်။

ဒါပေမယ့် အများစုကတော့ ကလေးမွေးဖွားပြီး ခြောက်လလောက်အထိ ကိုယ်အလေးချိန်ပြန်မကျနိုင်ကြပါဘူး။ ကိုယ်အလေးချိန်မကျသွားတဲ့အမျိုးသမီးတွေ ဒါမှမဟုတ် မကျဘဲ ကိုယ်အလေးချိန်ထပ်တိုးလာတဲ့ အမျိုးသမီးတွေ မှာ ကျန်းမာရေးပြဿနာတွေဖြစ်လာနိုင်ခြေများပါတယ်။ ဒီပြဿနာတွေက ကိုယ်ဝန်ဆောင်ပြီးနောက်ပိုင်းမှာ ပိုဆိုးရွားလာနိုင်ပါတယ်။

ကိုယ်အလေးချိန်ကျစေနိုင်မယ့်အကောင်းဆုံးနည်းလမ်းကတော့ ကိုယ်လက်လှုပ်ရှားမှုပိုလုပ်ပြီး ညီညွတ်မျှတတဲ့ အာဟာရပုံစံနဲ့ထိန်းသိမ်းတာပဲဖြစ်ပါတယ်။ ကိုယ်အလေးချိန်ကျဆင်းမှုမှာ သိပ်များတာ၊ သိပ်မြန်တာတွေကလည်း ဆိုးကျိုးရှိနိုင်ပါတယ်။

ကိုယ်အလေးချိန် ပုံမှန်အနေအထား

ကိုယ်ဝန်ဆောင်ကာလအတွင်းမှာ ကိုယ်စားသောက်တဲ့အာဟာရတွေနဲ့ လှုပ်ရှားမှုတွေအပါအဝင် ကိုယ့်ရဲ့နေ့စဉ်လုပ်ဆောင်နေကျအလုပ်တွေနဲ့ အမူအကျင့်တွေအတော်များများမှာ ပြောင်းလဲစေပါတယ်။ ဒါပေမယ့် အများစုမှာတော့ အမျိုးသမီးတွေဟာ ကိုယ်ဝန်ဆောင်ချိန်မှာခန္ဓါကိုယ်ပြောင်းလဲလာတာကြောင့် သန္ဓေသားမှာ လိုအပ်တဲ့အာဟာရဓါတ်တွေအလုံအလောက်ရရှိစေတာဖြစ်ပါတယ်။ ကိုယ်ဝန်လနုစဉ်မှာ ကတည်းက ဒီလိုအပြောင်းအလဲတွေစတင်လာပြီး မွေးဖွားကာနီးအချိန်မှာတော့ ကိုယ်အလေးချိန်ပိုများနေတတ် ပါတယ်။ ဒါဟာ ကြီးထွားလာတဲ့ ဗိုက်ထဲကကလေးရဲ့အလေးချိန်ကြောင့်ချည်းပဲမဟုတ်ပါဘူး။ ခန္ဓါကိုယ်ထဲက အရည်ပိုတွေကြောင့်လည်း ပါပါတယ်။ ဒီအရည်တွေကြောင့် ကလေးလှည့်ပတ်လှုပ်ရှားနိုင်ဖို့၊ အချင်းနဲ့ ရေမြွှာ တို့အတွက် ဒီအရည်တွေကိုလိုအပ်ပါတယ်။

ကိုယ်ဝန်ဆောင်ချိန် ကိုယ်အလေးချိန်မြင့်တက်မှုနဲ့ BMI (ခန္ဓါကိုယ်ထုထည်ညွှန်းကိန်း)ဆိုင်ရာ U.S. Institute of Medicine (IOM) ကထုတ်ပြန်တဲ့လမ်းညွှန်ချက်တွေအရ အောက်ပါမြင့်တက်မှုနှုန်းဆိုရင် ပုံမှန်အနေအထားရှိပါ တယ် –

  • ကိုယ်ဝန်မဆောင်မီက ကိုယ်အလေးချိန်နည်းခဲ့တဲ့အမျိုးသမီးတွေ (BMI 18.5 အောက်) ဟာ ကိုယ်ဝန်ဆောင်စဉ်အတွင်း ၁၂.၅ နဲ့ ၁၈ ကီလိုဂရမ်လောက် ကိုယ်အလေးချိန်မြင့်တက်နိုင်
  • ကိုယ်ဝန်မဆောင်မီက ပုံမှန်ကိုယ်အလေးချိန်ရှိတဲ့အမျိုးသမီးတွေ( BMI 18.5 နဲ့ 24.9 ကြား)ဟာ ကိုယ်ဝန်ဆောင်စဉ်အတွင်း ၁၁.၅ နဲ့ ၁၆ ကီလိုဂရမ်ကြား ကိုယ်အလေးချိန်မြင့်တက်နိုင်
  • ကိုယ်ဝန်မဆောင်မီက ကိုယ်အလေးချိန်များနေတဲ့အမျိုးသမီးတွေ( BMI 25 နဲ့ 29.9 ကြား)ဟာ ကိုယ်ဝန်ဆောင်စဉ်အတွင်း ၇ နဲ့ ၁၁.၅ ကီလိုဂရမ်ကြား ကိုယ်အလေးချိန်မြင့်တက်နိုင်
  • ကိုယ်ဝန်မဆောင်မီက အဝလွန်နေတဲ့အမျိုးသမီးတွေ( BMI 30 ကျော်) ဟာ ကိုယ်ဝန်ဆောင်စဉ်အတွင်း ၅ နဲ့ ၉ ကီလိုဂရမ်ကြား ကိုယ်အလေးချိန်မြင့်တက်နိုင်ပါတယ်။

ဘေးအန္တရာယ်ကင်းကင်းနဲ့ကိုယ်အလေးချိန်ဘယ်လိုပြန်လျှော့ချနိုင်မလဲ

သစ်သီးနဲ့ဟင်းသီးဟင်းရွက်တွေများများစားတာ အပါအဝင် ကျန်းမာရေးနဲ့ညီအောင် စားသုံးပါ။ ကျန်းမာလှပစွာ ကိုယ်အလေးချိန်ထိန်းသိမ်းနိုင်ဖို့ အောက်ပါအချက်တွေက အထောက်အကူပေးပါလိမ့်မယ် –

  • မနက်စာကို အချိန်မှန်စားပါ
  • တစ်နေ့ကို အသီးနဲ့ဟင်းသီးဟင်းရွက်ငါးကြိမ်ခန့်စားပါ
  • အုတ်ဂျုံ၊ ပဲအမျိုးမျိုး၊ ပဲနီလေး၊ အစေ့အဆန်တွေလိုမျိုး အမျှင်ဓါတ်ကြွယ်ဝတဲ့အစားအစာတွေကို နေ့စဉ်အာဟာရမှာထည့်သွင်းစားသုံးပါ
  • ပေါင်မုန့်၊ ထမင်းနဲ့ပါစတာ တို့လို ကစီဓါတ်များတဲ့အစားအစာတွေကို နေ့စဉ်အာဟာရမှာ ထည့်သွင်းစားသုံးပါ
  • အချိုများ၊အဆီများတဲ့အစားအစာတွေ၊ အသင့်အမြန်စား အစားအစာတွေ၊သကြားလုံး၊ ဘီစကစ်၊ ဂျုံနဲ့လုပ်တဲ့မုန့်တွေနဲ့ ဂက်စ်ပါတဲ့အချိုရည်တွေကို စားသုံး၊သောက်သုံးမှုလျှော့ပါ
  • ထမင်းစားတဲ့အခါ ပါဝင်တဲ့အစာအာဟာရတွေရဲ့အချိုးအဆနဲ့ ကြားချိန်မှာ စားခဲ့တဲ့သရေစာအမျိုးအစားနဲ့ အကြိမ်ရေ ကို တွက်ကြည့်ပါ

အဆီချချင်တဲ့အခါ ကျန်းမာရေးနဲ့ညီညွတ်အောင်စားသုံးခြင်းနဲ့ ကိုယ်လက်လေ့ကျင့်ခန်းကိုတွဲဖက်တဲ့နည်းက အထိရောက်ဆုံးပါပဲ။

ကလေးမွေးဖွားပြီး နေပြန်ကောင်းပြီလို့ခံစားရချိန်မှာ လမ်းလျှောက်ခြင်း၊ တင်ပါးဆုံကြွက်သား လေ့ကျင့်ခန်းတွေနဲ့ ခါးဆန့်လေ့ကျင့်ခန်းတွေလိုမျိုး အားမစိုက်ရတဲ့လေ့ကျင့်ခန်းတွေစလုပ်နိုင်ပါတယ်။ ဒါပေမယ့် အားစိုက်ရတဲ့ လေ့ကျင့်ခန်းတွေကိုလုပ်ဖို့ကတော့ ကလေးမွေးဖွားပြီး ခြောက်ပတ်လောက်တော့ စောင့်သင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုယ်ဝန်ဆောင်ချိန် ထုံတာ၊ ကျဉ်တာ ခံစားရတဲ့အခါ

    ထုံကျဉ် ခြေလက်ထုံကျဉ် ကိုယ်ဝန်ဆောင် မိခင်ကျန်းမာရေး ခြေချောင်း လက်ချောင်း ကိုယ်ဝန်ကျန်းမာရေး အာရုံကြော နာကျင်မှု လေ့ကျင့်ခန်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    ကိုယ်ဝန်ဆောင်ကာလအတွင်း မိန်းမကိုယ် က နာတာ စိုးရိမ်ရလား

    မိန်းမကိုယ် ကိုယ်ဝန်ဆောင် ကိုယ်ဝန် မိန်းကလေး သားအိမ် သန္ဓေသား ကိုယ်ဝန်ကျန်းမာရေး မိခင်ကျန်းမာရေး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    ကိုယ်ဝန်ပျက်ကျ ထားတဲ့ အမျိုးသမီးတွေ ဘာတွေဂရုစိုက်ရမလဲ

    ကိုယ်ဝန်ပျက်ကျ မိခင်ကျန်းမာရေး ရင်သွေးဆုံးရှုံးခြင်း ကိုယ်ဝန် ကိုယ်ဝန်ဆောင်ခြင်း ဘေးထွက်ဆိုးကျိုး မိခင်လောင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    အိပ်ရေးပျက်ခံ၊ အလုပ်လုပ်တတ်တဲ့ ကိုယ်ဝန်ဆောင် တွေ ပျက်ကျနိုင်ခြေပိုများ

    ကိုယ်ဝန်ဆောင် မိခင်လောင်း မိခင်ကျန်းမာရေး ကိုယ်ဝန်ဆောင်ချိန် ကလေးဖွံ့ဖြိုးမှု ကိုယ်ဝန် ကိုယ်ဝန်ပျက်ကျခြင်း ကလေးကျန်းမာရေး အလုပ်လုပ်ခြင်း အိပ်ရေးပျက်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon

    သင့်အတွက် ရွေးချယ်ထားသည်

     ဆီးထဲအချိုဓာတ်များတာ ကြောက်စရာလား

     ဆီးထဲအချိုဓာတ်များတာ ကြောက်စရာလား

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် ဇူလိုင် 23, 2020 . 2 mins read
    ကိုယ်ဝန်ဆောင်လိုသည့် အမျိုးသမီးများအတွက် လိုအပ်သော အာဟာရဓာတ်များ

    ကိုယ်ဝန်ဆောင်လိုသည့် အမျိုးသမီးများအတွက် လိုအပ်သော အာဟာရဓာတ်များ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin
    ရေးသား ထုတ်ဝေခဲ့သည် ဇွန် 30, 2020 . 2 mins read

    မဖြစ်မနေကျော်လွှားရမယ့် မေမေတို့ရဲ့ စိတ်ဓာတ်ကျ ချိန်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Yun Sandi Nan Mon
    ရေးသား ထုတ်ဝေခဲ့သည် ဖေ‌ဖော်ဝါရီ 21, 2020 . 2 mins read

    ဗိုက်ခွဲမွေးထားတဲ့ မေမေတွေနဲ့ နောက်ဆက်တွဲ ခါးနာခြင်းဝေဒနာ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Ye Myo Myat
    ရေးသား ထုတ်ဝေခဲ့သည် ဖေ‌ဖော်ဝါရီ 17, 2020 . 2 mins read