ပိန်လွန်းတဲ့ အမျိုးသမီးတွေက ရာသီမမှန်တာ၊ ထိမ်တာမျိုး ဖြစ်တတ်ပါတယ်။ ပျိုဖော်ဝင်ချိန်မှာလည်း ကိုယ်အလေးချိန် နည်းလွန်းနေရင် ရာသီလာတာနောက်ကျတတ်ပါတယ်။ ဒီလို ရာသီမမှန်တာက နောက်ပိုင်းမှာ ကလေးရဖို့ အခက်အခဲ ဖြစ်နိုင်ပါတယ်။
An International Journal of Obstetrics & Gynaecology ရဲ့ အဆိုအရ ကိုယ်အလေးချိန်မပြည့်တဲ့ အမျိုးသမီးတွေ ကိုယ်ဝန်ဆောင်တဲ့အခါ နေ့မစေ့ လမစေ့ဘဲ မွေးနိုင်ခြေများပါတယ်။
ကလေးအရွယ်၊ လူပျိုဖော် အပျိုဖော်ဝင်ချိန်မှာ အာဟာရပြည့်မှ အရပ်ရှည်မှာပါ။ တစ်နေ့တာအတွက် လုံလောက်တဲ့ ကယ်လိုရီအပြည့်အဝမရဘဲ ပိန်နေမယ်ဆိုရင် ကလေးက အရပ်မထွက်ဘဲ ပုညှက်ညှက်လေး ဖြစ်နေမှာပါ။
နောက်တစ်ခုက ပိန်လွန်းတာက တစ်ခုခု ထိခိုက်ဒဏ်ရာ၊ အနာတရ ဖြစ်ရင်လည်း သူများထက် ပိုခံရနိုင်ပါတယ်။ ကိုယ်ခံအားမကောင်း၊ အရိုးတွေ ပွနေနိုင်တဲ့အပြင် ပြန်ပြီး နာလန်ထူဖို့ အာဟာရချို့တဲ့နေတာကြောင့် ဖြစ်ပါတယ်။
ဒါကြောင့် ပိန်ခြင်း၊ ဝခြင်း အစွန်းနှစ်ဖက်လုံးက မကောင်းပါဘူး။ ပိန်နေရင်ပဲဖြစ်ဖြစ်၊ ဝနေရင်ပဲဖြစ်ဖြစ် ကိုယ်နဲ့ သင့်တောာ်တဲ့ ကိုယ်အလေးချိန်ရအောင် ပြန်ညှိသင့်ပါတယ်။ အစားအသောက်၊ လေ့ကျင့်ခန်းတွေ လုပ်ဖို့ လိုသလို နဂိုရောဂါအခံတွေရှိနေရင်လည်း ကုသဖို့ လိုအပ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။