ရိုးရိုမွေးခြင်းအတွက် ဘာတွေကြိုပြင်ဆင်သင့်သလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 3 mins read
Share now

ကိုယ်ဝန်ဆောင်အမျိုးသမီးသုံးယောက်မှာ နှစ်ယောက်နှုန်းဟာ လစေ့လို့ ကလေးမီးဖွားရင် ရိုးရိုးပဲ မွေးတတ်ကြပါတယ်။ ရိုးရိုးမွေးမယ်လို့ အစီအစဉ်ရှိတဲ့ အမျိုးသမီးတွေ ကြိုတင်ပြင်ဆင်ထားသင့်တဲ့ အချက် (၁၂) ချက်ကို ပြောပြပေးပါမယ်နော်။

() မှန်ကန်တဲ့ဆရာဝန်ကိုရွေးချယ်ပါ။

ကိုယ်ဝန်ဆောင်အမျိုးသမီးတွေဟာ မီးဖွားနေချိန်နဲ့ မီးဖွားပြီးချိန်မှာ ဘာတွေဖြစ်နိုင်သလဲဆိုတာကို သိချင်ကြပါတယ်။ သူတို့အတွက် ဘယ်လိုအန္တရာယ်ဖြစ်နိုင်သလဲ ဆိုတာတွေကိုပါ နှံ့နှံ့စပ်စပ်သိချင်ကြပါတယ်။ သားဖွားမီးယပ်ဆရာဝန်ကို မေးမြန်းကြပါတယ်။ ဒီအခါမှာ သူတို့ကို စိတ်ရှည်လက်ရှည်နဲ့ သေသေချာချာရှင်းပြပေးမယ့် ဆရာဝန်ကို ရွေးချယ်သင့်ပါတယ်။ ဒါမှသာ ကိုယ်ဝန်ဆောင်တွေရဲ့ စိတ်ပိုင်း ဆိုင်ရာပြဿနာတွေ၊ အလွန်အမင်းကြောက်ရွံ့မှုတွေ ဖြစ်မလာမှာပါ။

()   ဘယ်ဆေးရုံမှာ မွေးမလဲဆိုတာကို ရွေးချယ်ထားပါ။

ရိုးရိုးမွေးမယ်လို့ ရည်ရွယ်ထားပေမဲ့ အခြေအနေတစ်ခုခုကြောင့် အရေးပေါ် ခွဲမွေးလိုက်ရတာမျိုးလည်း ဖြစ်နိုင်ပါတယ်။ ဒါကြောင့် အရေးပေါ်ခွဲမွေးနိုင်တဲ့ ခွဲခန်းတွေအဆင်သင့်ရှိတဲ့ ဆေးရုံဖြစ်ဖို့လိုပါတယ်။ နောက်တစ်ချက်က မိမိဗိုက်အပ်ထားတဲ့ ဆရာဝန်အတွက် အဆင်ပြေနိုင်မယ့် ဆေးရုံဖြစ်ဖို့လည်းလိုအပ်ပါတယ်။ ဒါမှသာ မွေးဖွားချိန်မှာ အဆင့်တိုင်းဟာ လွယ်ကူချောမွေ့နေမှာပါ။

()   အိမ်မှာပဲမွေးချင်ပါတယ်ဆိုရင်ရော ဘာတွေပြင်ဆင်ထားသင့်သလဲ။

ရှေးအယူအဆကို ခံယူထားတဲ့ မိခင်လောင်းတစ်ချို့ဟာ ရိုးရိုးမွေးမယ်ဆိုရင်တော့ အိမ်မှာပဲ လွယ်လွယ်မွေးလို့ရမယ်လို့ ထင်တတ်ကြပါတယ်။ ဒါဟာအလွန်အန္တရာယ်များတဲ့ ကိစ္စပါ။ သိပ်ခေတ်မမီသေးတဲ့ ဒေသတွေမှာအဖြစ်များပါတယ်။ ဆရာဝန်တွေကတော့ ဒီလိုကိစ္စကို အားမပေးပါဘူး။ အိမ်မှာပဲမွေးမယ်ဆိုတဲ့ ဆုံးဖြတ်ချက်ကို မပြင်တော့တာ သေချာနေရင် အရေးပေါ်အခြေအနေတစ်ခုခုဖြစ်လာခဲ့သည်ရှိသော် အန္တရာယ်ကင်းစေဖို့ ဆေးရုံတစ်ခုနဲ့ နီးတဲ့နေရာဆိုရင်တော့ ပိုကောင်းပါတယ်။

()   အစီအစဉ်ချထားပါ။

ကိုယ်ဝန်ဆောင်မိခင်ကိုယ်တိုင်ကရော မိမိကလေးပါကျန်းကျန်းမာမာရှိစေဖို့အတွက် တစ်ချို့အရာ တွေကိုကြိုတင်ပြင်ဆင်ထားဖို့ လိုအပ်ပါတယ်။ ဥပမာ- အိမ်မှာ အိမ်မွေးတိရစ္ဆာန်လေးတွေ မွေးထားတယ်ဆိုရင် ဘယ်လိုမျိုး ဆက်မွေးနိုင်မလဲကို စဉ်းစားထားတာမျိုးပါ။ မွေးကင်းစကလေးတွေအတွက် ခွေးလေးတွေ၊ ကြောင်လေးတွေနဲ့ အနီးကပ်ရှိနေခြင်းဟာ ကျန်းမာရေးပြဿနာတွေဖြစ်လာစေနိုင်လို့ပါ။

()   ဆေးရုံယူသွားမယ့်အထုပ်ကို ကြိုတင်ပြင်ထားပါ။

ကလေးအနှီး၊ အင်္ကျီ၊ ဒိုက်ပါ (Diapers)၊ Wet Tissue နဲ့ နို့ဗူး အစရှိတာတွေကို သေသေချာချာ ထုပ်ပိုးထားပြီး အိတ်တစ်အိတ်နဲ့ထည့်ကာ ပြင်ဆင်ထားသင့်ပါတယ်။ ဒါမှသာ ဗိုက်နာလာချိန်မှာ အဆင်သင့်ယူသွားလို့ရမှာပါ။

()   မိမိရဲ့ ခန္ဓာကိုယ်ကိုလည်း ပြင်ဆင်ထားပါ။

ရိုးရိုးမွေးဖွားခြင်းဟာ မိခင်အတွက် ခက်ခဲနိုင်တဲ့အရာပါ။ ဒါကြောင့် အားရှိထားဖို့လိုပါတယ်။ ခန္ဓာကိုယ်ဟာ ကလေးမွေးဖွားဖို့ ကျန်းကျန်းမာမာနဲ့ အဆင်သင့်ရှိနေဖို့ အရေးကြီးပါတယ်။ မှန်ကန်တဲ့ အစားအစာတွေကိုသာ ရွေးချယ်စားသောက်ပေးပါ။ အိပ်ရေးဝဝအိပ်ထားဖို့လည်း အရေးကြီးပါသေးတယ်။

()   မိန်းမကိုယ်ကိုလည်း ပြင်ဆင်ထားပါ။

ကလေးမွေးတဲ့ အခါ အဓိကမွေးလမ်းကြောင်းဟာ မိန်းမကိုယ်ပါ။ မမွေးဖွားခင်မှာ မိန်းမကိုယ်ကိုလည်း ပြင်ဆင်ထားဖို့ လိုအပ်ပါတယ်။ မိန်းမကိုယ်လေ့ကျင့်ခန်းတွေပြုလုပ်ပေးပါ။ ခက်ခက်ခဲခဲတော့ မဟုတ်ပါဘူး။ ဆီးသွားနေရင်းနဲ့ ဆီးဆက်တိုက်မသွားစေဘဲ ပြတ်တောင်းပြတ်တောင်းနဲ့ ရပ်လိုက်စေတာပါ။ ခဏခဏ အကြိမ်ရေများများ ပြုလုပ်ပေးသင့်ပါတယ်။ ဆီးသွားတဲ့အချိန် ညှစ်ရတဲ့ မိန်းမကိုယ် ကြွက်သားဟာ မီးဖွားစဉ်မှာ ကလေးထွက်ရလွယ်အောင် ညှစ်တဲ့ ကြွက်သားနဲ့ အတူတူပါပဲ။ လေ့ကျင့်ခန်းကို အဆင်ပြေသလို လုပ်ပေးသွားရင်ရပါတယ်။

()   လေ့ကျင့်ခန်းနဲ့ ရိုးရိုးမွေးခြင်း

မိန်းမကိုယ်လေ့ကျင့်ခန်းတင်မဟုတ်ပါဘူး။ ကိုယ်လက်လှုပ်ရှားရတဲ့ ရုပ်ပိုင်းဆိုင်ရာလေ့ကျင့်ခန်း တွေကိုလည်း ပြုလုပ်ပေးသင့်ပါတယ်။ ပြင်းပြင်းထန်ထန် လေ့ကျင့်ခန်းမျိုးကို မဆိုလိုပါဘူး။ လမ်းပုံမှန် လျှောက်တာမျိုးကလည်း မီးဖွားရလွယ်ကူစေတဲ့ လေ့ကျင့်ခန်းတစ်မျိုးပါပဲ။

()   မိခင်နို့တိုက်မလား၊ နို့ဘူးတိုက်မလားဆုံးဖြတ်ပါ။

ကလေးမမွေးခင်မှာ မိမိရဲ့ရင်သွေးလေးကို မိခင်နို့တိုက်ခြင်း၊ မတိုက်ခြင်းကို ဆုံးဖြတ်ပါ။ မွေးစကနေ ခြောက်လအထိ မိခင်နို့ရည်တစ်မျိုးတည်းကိုသာ တိုက်သင့်ပါတယ်။ မိခင်နို့တိုက်မယ်လို့ ဆုံးဖြတ်ပြီးရင်တော့ မွေးမွေးပြီးချင်း တတ်နိုင်သမျှ အစောဆုံးစတိုက်သင့်ပါတယ်။ မိခင်ကိုယ်တိုင် ကူးစက်ရောဂါမျိုးရှိနေတဲ့ အခြေအနေမျိုးတွေလည်း ရှိနိုင်ပါတယ်။ ဒါဆိုရင်တော့ မိခင်နို့အစား နို့ဘူးအစားထိုး တိုက်သင့်၊မတိုက်သင့် ဆရာဝန်နဲ့ ကြိုတိုင်ပင်သင့်ပါတယ်။

(၁၀) သားကြောဖြတ်မလား စဉ်းစားဆုံးဖြတ်ထားပါ။

သားသားလေးတွေ၊မီးမီးလေးတွေမွေးဖွားပြီး ကလေးထပ်မယူတော့ဘူးလို့ ဆုံးဖြတ်လိုက်တဲ့ အခါမှာ ဒီကိုယ်ဝန်မွေးပြီးတာနဲ့ သားကြောဖြတ်တာမျိုး လုပ်တတ်ကြပါတယ်။ ဒီလိုဆိုရင်တော့ မိမိရဲ့ ဆရာဝန်နဲ့ ကြိုတင်တိုင်ပင်ဆုံးဖြတ်ထားပါ။ ဒါမှသာ အရေးပေါ် အခြေအနေကြောင့် ဗိုက်ခွဲလိုက်ရတာမျိုး ဆိုရင်တော့ ဆရာဝန်က တစ်ခါတည်း သားကြောဖြတ်ပေးလိုက်နိုင်မှာပါ။ ဆေးရုံတွေမှာဆိုရင်တော့ သားကြောဖြတ်ခြင်း၊ မဖြတ်ခြင်းကို လက်မှတ်ထိုးပြီး ဆုံးဖြတ်စေတတ်ပါတယ်။

(၁၁) အခြားကလေးတွေကိုလည်း စဉ်းစားထားပါ။

အကယ်လို့ ကလေးမွေးချင်လို့ ညသန်းခေါင်ကြီး ဗိုက်ထနာလာတဲ့အချိန်မှာ အပြင်မှာရှိနေတဲ့ ကလေးလေးတွေကို ဘယ်မှာထားခဲ့မှာလဲ။ ဘယ်သူက ညကြီးသန်းခေါင်ထိန်းပေးထားမှာလဲ စသဖြင့် စဉ်းစားပါ။ ဒါဟာလည်း အရေးကြီးတဲ့ စီစဉ်စရာတစ်ခုပါပဲ။ မိဘတော်တော်များများက ဒီအချက်ကို မေ့နေတတ်ကြပါတယ်။

() အမျိုးသားကိုရော ဆေးရုံစောင့်ခိုင်းမှာလား။

ယခုနောက်ပိုင်းမှာတော့ ကလေးအဖေတွေ၊ အမျိုးသားတွေကို ဆေးရုံမှာစောင့်အိပ်ခွင့်ပေးတာမျိုးကို ဆေးရုံတော်တော်များများက ခွင့်ပြုလာကြပါပြီ။ တစ်ကယ်လို့သာ အမျိုးသားကို လူနာစောင့်ခွင့်မပေးခဲ့ပါက လူနာစောင့်အနေနဲ့ ဘယ်သူ့ကို ခေါ်ခိုင်းမလဲဆိုတာ စဉ်းစားစရာဖြစ်လာပါပြီ။

မိသားစုဆွေမျိုးများ မရှိတော့တာဖြစ်စေ စသဖြင့် အကြောင်းရင်းတွေရှိလာရင်တော့ လူနာစောင့်ရမယ့်လူကို ကြိုတင်ပြီးစီစဉ်ထားသင့်ပါပြီ။ ကျွမ်းကျင်တဲ့ သူနာပြုအကူတွေကိုတော့ ယနေ့ခေတ်မှာ ငှားရမ်းလာကြပါ တယ်။ ဒါဟာ ကလေးအတွက်ရော လူကြီးအတွက်ပါ စိတ်ချရပါတယ်။

ဒီတော့ မေမေဗိုက်တို့အနေနဲ့ ရိုးရိုးမွေးမယ်လို့ဆုံးဖြတ်ထားရင် အထက်ပါအချက်လေးတွေကို ကြိုတင်ပြင်ဆင်ထားပါနော်။

ရေးသားသူ-ဒေါက်တာမှူးခင်

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ဆီးချိုရှိလည်း အသက်ရှည်ရှည်နေလို့ရမယ့် လျှို့ဝှက်ချက်

ဆီးချို အသက်ရှည် ကျန်းမာရေး နာတာရှည် နေထိုင်စားသောက်မှုပုံစံ သွေးတွင်းသကြားဓာတ် အချို အစာအာဟာရ လေ့ကျင့်ခန်း အားကစား စိတ်ဖိစီးမှု ဆေးလိပ် ဂျုံကြမ်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

မနက်နိုးဖို့ ပေးထားတဲ့ နှိုးစက်နာရီတွေ ပိတ်လိုက်ပါတော့

မနက် နိုးထခြင်း နှိုးစက်နာရီ စာမေးပွဲ အိပ်မက် ခေါင်းကိုက် နားဆူ တေးဂီတ စိတ်ကြည်လင် ကြွက်သား အိပ်ချိန် စောအိပ် လေ့ကျင့်ခန်း ဦးနှောက်အာရုံကြော

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

ညအိပ်မပျော်သူတိုင်း ပြင်ဆင်သင့်တဲ့ ဆောင်ရန်၊ ရှောင်ရန် (၁၀) ချက်

ညအိပ်ချိန် လူငယ် ဖုန်း အင်တာနက် ကျန်းမာရေး အလုပ် တရားထိုင် တေးဂီတ ကဖင်းဓာတ် လေ့ကျင့်ခန်း အစာအာဟာရ ဦးနှောက် ကြွက်သား အိပ်ခန်း အရက် အစာအိမ် စိတ်ဖိစီးမှု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

ဘယ်လိုပြေးမှာလဲ၊ ဘာလို့ ပြေးမှာလဲ

လေ့ကျင့်ခန်း၊ Work-out၊ Gym၊ ကိုယ်အလေးချိန်၊ အပြေးလေ့ကျင့်ခန်း၊ အိပ်ပျော်၊ စိတ်ခံစားချက်၊ နှလုံး၊ အသက်ရှည်၊ လမ်းလျှောက်၊ ကယ်လိုရီ၊ သီချင်းနားထောင်၊ ရေဓာတ်၊

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

သင့်အတွက် ရွေးချယ်ထားသည်

ကြည်လင်လန်းဆန်းတဲ့ မနက်ခင်းလေး ဖြစ်ပါစေ

ကြည်လင်လန်းဆန်းတဲ့ မနက်ခင်းလေး ဖြစ်ပါစေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 4, 2020 . 2 mins read
ပင်ပန်းတဲ့ မနက်ခင်းကို ဖြစ်စေတဲ့ အကြောင်းအရင်းများ

ပင်ပန်းတဲ့ မနက်ခင်းကို ဖြစ်စေတဲ့ အကြောင်းအရင်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 4, 2020 . 2 mins read

ရေများများချိုးတိုင်း ကျန်းမာရေးအတွက် ကောင်းသလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဩဂုတ် 3, 2020 . 2 mins read

ပိုးသတ်ဆေးတွေ သောက်နေရလို့ နုံးခွေပြီးအားမရှိတော့ရင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 31, 2020 . 2 mins read