ကလေးဖွံ့ဖြိုးကြီးထွားတာကို အထောက်အကူပြုနိုင်တဲ့ ပျော်ရွှင်စရာလှုပ်ရှားမှုများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

ကလေးဖွံ့ဖြိုးကြီးထွားတာကို အထောက်အကူပြုနိုင်တဲ့ ပျော်ရွှင်စရာလှုပ်ရှားမှုများ

နေ့စဉ်လုပ်ဆောင်နေတဲ့ ကိုယ်လက်လှုပ်ရှားမှုတွေက ကလေးတွေအတွက် အဘက်ဘက်ကနေ အကျိုးပြုနေပါတယ်။ မိဘတွေက ကလေးငယ်ရဲ့လှုပ်ရှားမှုတွေနဲ့ ဆော့ကစားတဲ့အခါမျိုးတွေမှာ အတူပါဝင်ဆောင်ရွက်ပေးခြင်းက ကလေးရဲ့ လှုပ်ရှားမှုကိုပိုမိုလွယ်ကူစေမှာဖြစ်ပါတယ်။ ကလေးလေးတွေက သူတို့နှစ်သက်တဲ့ လှုပ်ရှားမှုတွေကို အခြားအရာတွေထက်ပိုမိုလုပ်ဆောင်ချင်စိတ်ရှိတတ်ပါတယ်။ လှုပ်ရှားဆောင်ရွက်မှုတွေနဲ့ပျော်မွေ့လာတဲ့အခါ ကလေးရဲ့လုပ်ဆောင်နိုင်မှုစွမ်းရည်ကလည်း တဖြည်းဖြည်းနဲ့ကောင်းမွန်လာမှာဖြစ်ပါတယ်။ ကိုယ်လက်လှုပ်ရှားမှုတွေကို ကလေးရဲ့နေ့စဉ်ဆော့ကစားမှုတွေမှာ တစ်စိတ်တစ်ပိုင်းအနေနဲ့ ထည့်သွင်းနိုင်သလိုတော်တော်ငယ်ငယ်အရွယ်လောက်မှာကတည်းက သင်ကြားပေးလို့ရနေပြီဖြစ်ပါတယ်။

ကလေး ၂ နှစ်ခွဲ နဲ့ ၃ နှစ်အရွယ်လောက်မှာဘာတွေလုပ်နိုင်ပြီလဲ။

ကလေးတွေဟာ အသက် ၂ နှစ်ခွဲအရွယ်ရောက်တဲ့အခါ –

  • ကောင်းကောင်းပြေးနိုင်နေပြီ၊
  • ကစားစရာတွေပေါ် တက်တတ်၊ဆင်းတတ်ပြီ၊
  • ဇွန်းကိုင်ပြီး ကိုယ်တိုင်စားနိုင်ပြီ၊ ခွက်ကိုင်ပြီး ကိုယ်တိုင်သောက်နိုင်ပြီ။
  • ဦးတည်ချက်မှန်အောင်မချိန်ရွယ်နိုင်သေးပေမယ့်ဘောလုံးလိုမျိုး ခပ်ပျော့ပျော့အရာတွေကို ကန်တတ်ပြီ၊
  • လှေကားတက်တတ်ပြီ၊
  • ပစ်ချင်တဲ့နေရာကိုရောက်အောင်ဘောလုံးကိုပစ်တတ်ပြီ၊
  • ကိုယ်တိုင် အဝတ်လဲနိုင်ဖို့စသင်ယူနိုင်နေပြီ၊

ကလေးတွေ ၃ နှစ်သားအရွယ်ရောက်လာတဲ့အခါ

  • တစ်ယောက်တည်း လှေကားတွေလည်းတက်နိုင်ဆင်းနိုင်ပြီ၊
  • ကလေးစက်ဘီးလိုမျိုးခြေထောက်နဲ့နင်းပြီးစီးရတာတွေကို စစီးတတ်ပြီ၊
  • ဟန်ချက်ညီညီလမ်းလျှောက်တတ်ပြီဖြစ်သလိုခြေဖျားထောက်ပြီး လမ်းလျှောက်တတ်ပြီ၊
  • ဘောလုံးကိုအားနဲ့ကန်နိုင်ပြီ၊
  • ဘောလုံးကိုပစ်နိုင်ပြီဖြစ်သလို လက်နှစ်ဖက်နဲ့လည်းဖမ်းနိုင်နေပြီ၊
  • အိမ်သာမှာ အညစ်အကြေးစွန့်ဖို့စတင်သင်ယူနေပြီ၊
  • ခရင်းတွေ၊ဇွန်းတွေနဲ့ကိုယ်တိုင်စားသောက်တတ်ပြီ၊

ကလေးတွေကြီးထွားဖွံ့ဖြိုးစေဖို့ မိဘတွေကဘာတွေလုပ်ဆောင်ပေးမလဲ။

ကလေးကို ကိုယ်တိုင်ဖြုတ်ရ၊တပ်ရတဲ့အရုပ်တွေနဲ့ပေးဆော့ပါ။ အရုပ်ဆက်ရတဲ့ ကစားနည်းမျိုးကိုဆိုလိုတာဖြစ်ပါတယ်။ ပါးစပ်နဲ့နှာခေါင်းထဲဝင်လောက်အောင်သေးတဲ့အရွယ်မျိုးမဖြစ်ဖို့တော့ ဂရုပြုပါ။

ကလေးကို အိမ်ပြင်ပမှာဆော့ကစားဖို့အချိန်များများပေးပါ။ ကလေးကိုပန်းခြံတွေကိုခေါ်သွားပြီး လွတ်လွတ်လပ်လပ်ပေးဆော့တာမမျိုး ကမ်းခြေကိုခေါ်သွားပြီးသောင်ယံမှာ သဲကျင်းပေးတူးတာလိုမျိုးခြံထဲမှာဘောလုံးပေးကန်တာလိုမျိုးရေနဲ့ပေးဆော့တာလိုမျိုးပေးဆော့ပေးပါ။

သူတို့လေးတွေကို ကိုယ်တိုင်စူးစမ်းလေ့လာခွင့်ပေးပါ။ သူတို့လေးတွေက ကိုယ်ကိုယ်ကိုယ်ဘေးကင်းအောင် မထိန်းသိမ်းနိုင်သေးဘူးဆိုတာ ကိုတော့သတိရပါ။

မိသားစုနဲ့အတူလမ်းလျှောက်ထွက်ပေးပါ။လမ်းလျှောက်တာ၊ပြေးတာ၊ ခပ်ရွရွလေးပြေးတာ နဲ့ ချီတက်လမ်းလျှောက်သလိုမျိုးတွေလျှောက်ပေးတာမျိုးလုပ်ဆောင်လို့ရပါတယ်။ လမ်းလျှောက်နေတုန်း လမ်းတလျှောက်မှာတွေ့ရတဲ့ ငှက်မွှေးတောင်လေးတွေ၊ သစ်ရွက်လေးတွေကို စုဆောင်းတာကို စတင်လုပ်ဆောင်ပါ။ အိမ်ထဲမှာလည်း အလံတွေကိုင်ဆောင်ပြီးပဲဖြစ်ဖြစ်တေးဂီတ ကိရိယာတွေတီးမှုတ်ပြီးတော့ပဲဖြစ်ဖြစ် ချီတက်သလိုမျိုး ကစားပေးပါ။

သဲပုံးထဲမှာ ကစားတာကိုအားပေးပါ။သေတ္တာပုံး အလွတ်တစ်ခုထဲကို သဲတွေ၊အရုပ်တွေထည့်ပေးထား ပြီးပေးဆော့ပါ။ ကလေးကို ပစ္စည်းတွေကို ကျွမ်းကျွမ်းကျင်ကျင်ကိုင်တွယ်တတ်လာစေမှာဖြစ်ပါတယ်။

ခြံထဲမှာရေနဲ့ပေးကစားပါ။ခြံထဲမှာ ကလေးကစားတဲ့ရေကန်၊မြက်ခင်းရေဖျန်းတဲ့ရေပန်း၊ ပန်းပင်ရေလောင်းတဲ့ရေပိုက်တွေထားရှိပေးပြီး ကလေးကိုပေးဆော့ပါ။ ထိုကဲ့သို့ပေးဆော့တာက ကလေးရဲ့ရေထဲကိုဖြတ်ပြေးတာမျိုး၊ရေထဲမှာပြေးလွှားတာမျိုးတွေလုပ်ဆောင်နိုင်စေမှာဖြစ်ပါတယ်။

ဧည့်ခန်းထဲမှာဖြစ်ဖြစ်၊နောက်ဖေးခြံဝင်းထဲမှာဖြစ်ဖြစ် ကူရှင်တွေ၊ ကတ်ထူစက္ကူပုံးတွေ၊အရုပ်တွေနဲ့ အခြားသောအရာတွေကို အသုံးပြုပြီး တွယ်တက်ကစားလို့ရမယ့်အနေအထားမျိုးဖန်တီးပေးပါ။

ပုံစံတူလိုက်လုပ်ရတဲ့ ဂိမ်းတွေကစားပေးပါ။ ကလေးလေးတွေက တိရစ္ဆာန်တွေကို တအားသဘောကျတတ်ကြတာကြောင့် သင့်အနေနဲ့ ကြက် တစ်ကောင်လိုမျိုး လမ်းလျှောက်ပြတာ၊မြင်းလိုမျိုး ကဆုန်ပေါက်တာ၊ခွေးပေါက်လေးလိုမျိုးလုပ်ပြတဲ့ ကစားနည်းမျိုးတွေ ကစားပေးပါ။ခြံထဲမှာ ကလေးကိုလေယာဉ်ပျံ ပျံတယ်ဆိုပြီး လက်နှစ်ဖက်ကိုဆန့်တဲ့အနေအထားနဲ့ ပျံဝဲတဲ့ ပုံစံမျိုး ပတ်ပြေးစေတာမျိုး နဲ့ အိမ်ထဲမှာလှေလှော်တယ်ဆိုပြီး ကစားတဲ့ကစားနည်းတွေပေးကစားပါ။

ကလေးကို ထိတွေ့ကစားရတဲ့ကစားနည်းအသစ်တွေနဲ့ မိတ်ဆက်ပေးပါ။ ဥပမာကျောက်ရုပ်ကျောက်ဖျက်က စားတာမျိုးပေါ့။

ဘောလုံးနဲ့ပေးကစားပါ။ကန်တာ၊ပစ်တာနဲ့ဖမ်းတာမျိုးတွေကစားနည်းတွေပေးကစားပါ။ ကလေးကို စည်းကမ်းတွေ တအားတင်းကျပ်တာမျိုးမလုပ်ပါနဲ့။

သီချင်းနဲ့အတူကတ်အောင်လုပ်ဆောင်ပေးပါ။ကလေးကိုဂီတအမျိုးအစား အမျိုးမျိုးနဲ့ပေးထိတွေ့ပါ။ ဂီတတူရိယာတွေနဲ့ပေးကစားစေတာကလည်း ရုပ်ပိုင်းဆိုင်ရာ ဖွံ့ဖြိုတိုးတက်မှုကို တိုးတက်စေပါတယ်။ ကလေးကို ဂီတစည်းချက်နဲ့အတူ လှုပ်ရှားတတ်အောင်လေ့ကျင့်ပေးတာကလည်း ကလေးရဲ့လှုပ်ရှား မှုစွမ်းရည်ကိုတိုးတက်ကောင်းမွန်စေပါတယ်။

ဟန်ချက်ညီစေမယ့် ကစားနည်းတွေကစားပေးပါ။ မြေပြင်ပေါ်မှာကြိုးတစ်ချောင်းချထားပြီး မိမိက ကြိုးနဲ့တုပ်ခံထားရသလိုမျိုး (သို့) ပင်လယ်ဓါးပြလှေရဲ့ပျဉ်ချပ်ပေါ်မှာ ရှိနေသလိုမျိုး သဏ္ဍန်တူအောင်လုပ်ဆောင်ပြီး ဟန်ချက်ညီအောင်လုပ်ဆောင်ပါ။

ကလေးနဲ့အတူတူ ကားတွေ၊ဆိုင်ကယ်တွေရေဆေးတာ။ခွေးရေချိုးပေးတာမျိုး လုပ်ဆောင်ပါ။ ထိုသို့လုပ်ဆောင်တဲ့အခါမျိုးမှာ အသုံးပြုရတဲ့ ဆပ်ပြာမြှုပ်တွေနဲ့ရေတွေက ကလေးငယ်ကိုပျော်ရွှင်စေမှာဖြစ်ပါတယ်။ ဆပ်ပြာပူဖောင်းတွေကိုမှုတ်ထုတ်ပြီး ကလေးကိုလိုက်ဖမ်းခိုင်းပါ။

မိမိငယ်စဉ်က ကစားခဲ့တဲ့ကစားနည်းတွေ ကလေးကိုပေးကစားပါ။ မိမိကလေးဘဝက ကစားခဲ့တဲ့ စိန်ပြေးလိုက်တမ်း၊ တူတူပုန်းတမ်းနဲ့ ထုပ်စီးထိုးတမ်းကစားတာမျိုးတွေ၊ရွှေစွန်ညိုကစားတာ၊ ကုန်းလားရေလား ကစားတဲ့ကစားနည်းမျိုးတွေပေးကစားပါ။

ရုပ်သေးရုပ်လေးတွေနဲ့ ပြဇာတ်လိုမျိုးလုပ်ပြပါ။ မိမိက စားပွဲခုံနောက်ဘက်မှာ ထိုင်ချပြီး လက်ထိုးရုပ်လေးတွေ အရုပ်လေးကိုအသုံးပြုပြီး သရုပ်ဖော်တင်ဆက်ပြတဲ့ပုံစံမျိုးလုပ်ပေးပါ။

ပန်းချီစားပွဲမဟုတ်တဲ့နေရာမှာ ကလေးကို ရုပ်ပုံတွေရေးဆွဲစေခြင်းဖြင့် လှုပ်ရှားမှုစွမ်းရည်တိုးတက်အောင် လုပ်ဆောင်ပါ။ ကလေးကို စားပွဲမှာထိုင်ပြီး ပုံတွေကိုမြေဖြူနဲ့ရေးဆွဲစေမယ့်အစား အပြင်ဘက်ကမြေပြင်တွေ သဲတွေထဲမှာ တုတ်ချောင်းကိုသုံးပြီး စာလုံးတွေရေးခြစ်တာနဲ့ အိမ်ထဲမှာပဲ ဂျုံမှုန့်တွေပြောင်းမှုန့်တွေပေါ်မှာ လက်ချောင်းလေးတွေသုံးပြီးပဲဖြစ်ဖြစ် တုတ်ချောင်းကိုသုံးပြီးပဲဖြစ်ဖြစ်ပုံဖော်ရေးဆွဲတာစေတာမျိုး လုပ်ဆောင်ပေးပါ။

ကလေးကို စက်ဘီးစီးတတ်အောင်သင်ပေးပါ။ ကလေးတွေက စက်ဘီး၊ စကူတာနဲ့သုံးဘီး စက်ဘီးတွေစီးတတ်အောင်သင်ရတာကို သဘောကျတတ်ကြတာကြောင့် ကလေးကို စက်ဘီး၊စကူတာနဲ့ သုံးဘီးစက်ဘီးတွေစီးတတ်အောင်ကိုယ်တိုင်သင်ကြားပေးပါ။ ကစားစရာ အရုပ်ကားလေးတွေ ၊အရုပ်လက်တွန်းလှည်းလေးတွေ၊ ကစားစရာမြက်ရိတ်စက်လေးတွေလိုမျိုး တွန်းပြီးဆော့ရတဲ့ ကစားစရာတွေနဲ့ပေးကစားပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အသက်ကြီးပေမယ့်လည်း ကိုယ်ခံအား ကောင်းစေဖို့

အသက်ကြီးပေမယ့်လည်း ကိုယ်ခံအား ကောင်းစေဖို့ ဘယ်လိုနေထိုင် စားသောက်ရမလဲ။ ဘာတွေကို ဂရုစိုက်ရမလဲ သိပြီးပြီလား။ မသိသေးဘူးဆိုရင်တော့.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးကျန်းမာရေး အကြောင်း

ကလေးကျန်းမာရေး ဆိုတာက ကလေးတစ်ယောက် သန္ဓေတည်တဲ့ အချိန်ကနေစပြီး ဆယ်ကျော်သက်အရွယ်ရောက်လာသည်အထိ မိဘတွေဘက်က ဂရုစိုက် စောင့်ကြည့်ပေးရမယ့် အရာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကလေးကျန်းမာရေး ဖေ‌ဖော်ဝါရီ 3, 2021 . 3 mins read

ထင်သလောက်မစွမ်း တော့ဘူးလား ကိုယ့်လူ

အမျိုးသားတွေဟာ သူတို့ရဲ့ လိင်မှုစွမ်းဆောင်ရည် အားနည်းနေပြီ၊ ကျဆင်းလာနေပြီဆိုတာကို ထုတ်ပြောဖို့ သပ်ပြီး တွန့်ဆုတ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အားကစားလုပ်ရင်း ဖြစ်နိုင်တဲ့ ထိခိုက်မှုတွေ

အားကစားလုပ်တာက ကျန်းမာရေးအတွက် ကောင်းတယ်ဆိုပေမယ့် အားကစားလုပ်ရင်း မတော်တဆ ထိခိုက်တာတွေ မဖြစ်စေဖို့ သေချာလေး ဂရုစိုက်သင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

home-remedies-for-eye-allergies မျက်လုံး ဓာတ်မတည့်မှု

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားတွေ စားပေးရမယ့် အထူးအစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
သန်စွမ်းကြံ့ခိုင်စေမည့် လေ့ကျင့်ခန်းများ

သန်စွမ်းကြံ့ခိုင်စေမည့် လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 5, 2021 . 3 mins read