ကိုဗစ်ရဲ့ လက္ခဏာတစ်ခုဖြစ်တဲ့ မျက်စိနာခြင်း

ကိုဗစ်ရဲ့ လက္ခဏာများ

ကိုဗစ်ရဲ့ အတွေ့ရများတဲ့ လက္ခဏာတွေကတော့ 

• အဖျားတက်တာ
• ချောင်းခြောက်ဆိုးတာ
• ပင်ပန်းနွမ်းနယ်တာပါ။

ဒါပေမယ့် ကိုဗစ်ဖြစ်လာပြီဆိုရင် ဒီလက္ခဏာတွေအပြင်

• ကြွက်သားတွေ ကိုက်ခဲတာ၊ နာကျင်တာ
• လည်ချောင်းနာတာ
• ဝမ်းလျှောတာ
• မျက်စိနာတာ
• ခေါင်းကိုက်တာ
• အနံ့၊ အရသာ ပျောက်တာ
• အရေပြားမှာ အနီကွက်တွေ ထွက်တာ
• ခြေချောင်း၊ လက်ချောင်းလေးတွေ အရောင်ပြောင်းလာတာမျိုးတွေပါ ခံစားရနိုင်ပါတယ်။

အပြင်းထန်ဆုံး လက္ခဏာ အနေနဲ့ကတော့

• အသက်ရှူရခက်လာတာ
• အသက်ရှူတာ ပြတ်တောင်း ပြတ်တောင်းဖြစ်တာ
• ရင်ဘတ်အောင့်တာ
• စကားမပြောနိုင်တော့တာ
• မလှုပ်ရှားနိုင်တော့တာမျိုးတွေ ခံစားရနိုင်ပါတယ်။

မျက်စိနာတာ ကိုဗစ်လား………..

• မျက်လုံးနီတာ
• ရောင်တာ
• ယားယံတာတွေ ခံစားရနိုင်ပါတယ်။

မျက်စိနာပြီဆိုတာနဲ့ ကိုဗစ်ဖြစ်နေပြီလို့တော့ မဆိုသာပါဘူး။ မျက်စိနာရတဲ့ အကြောင်းအရင်းက ကိုဗစ်ဗိုင်းရပ်စ်ကြောင့်အပြင် အခြားသော ဗိုင်းရပ်စ်တွေ၊ ဘက်တီးရီးယား၊ ဓာတုပစ္စည်းတွေ နဲ့ ဓာတ်မတည့်မှုတွေကြောင့်လည်း မျက်စိနာနိုင်ပါတယ်။