home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ထန်းလျက်လေးက ဆေးဖြစ်ဝါးဖြစ်စားပေးလို့ရတယ်နော်

ထန်းလျက်လေးက ဆေးဖြစ်ဝါးဖြစ်စားပေးလို့ရတယ်နော်

ထန်းလျက်လေးတွေက မီးဖိုချောင်တိုင်းမှာ ပုလင်းလေး၊ ဒါမှမဟုတ်လေလုံတဲ့ဗူးလေးနဲ့ထည့်ထားတာတွေ့ဖူးမှာပေါ့။နေ့ခင်းနေ့လယ်ရေနွေးကြမ်းလေးနဲ့သောက်ကြသလို ရင်ချောင်အောင်ဆိုပြီး အချိုတည်းတာမျိုးလည်းရှိပါတယ်။နောက်ပြီး ထန်းလျက်ကို အုန်းသီးနဲ့တွဲစားတာကလည်းတော်တော်လေးအရသာရှိသေးတယ်။ ထန်းလျက်ပါတဲ့မုန့်တွေကလည်း စားလို့ကောင်းတာအမှန်ပါပဲ။ ဒီလိုစားကောင်းတဲ့ ထန်းလျက်လေးကဆေးဖက်ဝင်တဲ့အချက်လေးတွေလည်းရှိနေပါသေးတယ်နော်။

ထန်းလျက်ဆိုတာက

ထန်းလျက်ဆိုတာက အချိုဓါတ်ပါတဲ့ စားစရာတစ်ခုပေါ့။ ဒီအတိုင်းစားလို့ရသလို အရည်ကျိုပြီး မုန့်လက်ကောက်ကြော်၊နှမ်းကပ်ကြော်တို့နဲ့တို့စားတာ၊ သာကူကျိုတဲ့အခါ ထန်းလျက်နဲ့ကျိုတာ။ မုန့်လက်ဆောင်းကို ထန်းလျက်ရည်လေး အုန်းသီးလေးထည့်ပြီးသောက်လိုက်ရင် ေနွရာသီမှာ ရင်အေးစေတာအမှန်ပါ။ ဒီလိုစားကောင်းအရသာရှိတဲ့ အချိုတည်းစရာ ထန်းလျက်လေးက ထန်းရည်ကို ကျိုချက်လိုက်တာကနေရလာတဲ့ စားစရာတစ်ခုပေါ့။ ထန်းပင်ကကျတဲ့ သန့်စင်ထားတဲ့ ထန်းရည်ချိုကို ဒယ်အိုးထဲသို့ထည့်ပြီး မီးပြင်းပြင်းနဲ့ပျစ်လာတဲ့အထိ ဆူပွက်အောင်ကျိုပေးပြီး သမအောင်မွှေပေးရပါတယ်။ အရည်ပျစ်လာတဲ့အခါ ထန်းလျက်သားကျလာတဲ့အခါ မီးဖိုပေါ်ကနေချပြီး လိုသလိုပုံစံနဲ့ အခဲခံလိုက်တဲ့အခါ စားကောင်းတဲ့ထန်းလျက်ရလာပြီပေါ့။

ဘယ်လိုအာဟာရဓါတ်တွေပါဝင်နေလဲ

ထန်းလျက်မှာ ကယ်လ်လိုရီ နဲ့ ကာဗိုဟိုက်ဒရိတ်တွေပါဝင်နေပါတယ်။ ဒါတွေအပြင် ထန်းလျက်မှာ

ထန်းလျက်စားရင် ရရှိမယ့်ကျန်းမာရေးအကျိုးကျေးဇူးတွေကရော

ထန်းလျက်က သဘာဝအချိုဓါတ်တစ်မျိုးပါ။အော်ဂင်းနစ်စားစရာတစ်ခုပေါ့။ဈေးလည်းမကြီးဘဲမြန်မာရဲ့ အထက်အညာဒေသထွက် ထန်းလျက်လေးက စားလို့ကောင်းသလို ကျန်းမာရေးအကျိုးကျေးဇူးတွေလည်းများပါတယ်။

ကိုယ်တွင်းရေဓါတ်ကိုဖြည့်ပေးတယ်

အော့အန်နေတာ၊ ဝမ်းသွားနေတာတွေကြောင့် ကိုယ်တွင်းရေဓါတ်ဆုံးရှုံးမှုဖြစ်တဲ့အခါရေဓါတ်ြပန်ဖြည့်ဖို့ ထန်းလျက်ကိုရေနွေးလေးနဲ့သောက်သောက် ရေအေးလေးနဲ့သောက်သောက် သောက်လို့ရပါတယ်။

ခွန်အားပြည့်စေတယ်

အချိုဓါတ်က ခန္ဓါကိုယ်က အာဟာရပြည့်စေသလို ခွန်အားလည်းပြည့်စေနိုင်ပါတယ်။ မနက်ခင်းမှာ သောက်မယ့် ဖျော်ရည်ဒါမှမဟုတ် မနက်ခင်းသောက်စရာတစ်ခုထဲကို ထန်းလျက်ထည့်သောက်ပေးမယ်ဆိုရင် ခန္ဓါကိုယ်မှာ ခွန်အားပြည့်စေမှာ အသေအချာပါ။

ကြွက်သားတွေကို ကျန်းမာစေနိုင်တယ်
ထန်းလျက်မှာ ပိုတက်ဆီယမ် နဲ့ ကယ်လ်ဆီယမ်တို့လိုမျိုး ခန္ဓါကိုယ်အတွက်လိုအပ်တဲ့ သတ္တုဓါတ်တွေပါဝင်နေပြီး အရိုးနဲ့ ကြွက်သားတွေကို သန်မာစေနိုင်ပါတယ်။ အရိုးနဲ့ကြွက်သားတစ်ရှုးတွေကို ကျန်းမာစေနိုင်ပါတယ်။
အကျိုးပြုအမျှင်ဓါတ်ပါဝင်တယ်
ထန်းလျက်မှာ အကျိုးပြု အမျှင်ဓါတ်ပါဝင်နေတာကြောင့် အူတွင်းက အကျိုးပြုဘက်တီးရီးယားတွေကို အထောက်အပံ့ပေးပြီးသွေးတွင်းသကြားဓါတ်ကိုထိန်းညှိပေးနိုင်ပါတယ်။

ကင်ဆြာဖစ်စေနိုင်တဲ့ အရာတွေကိုတိုက်ဖျက်ပေးတယ်

ကင်ဆာကအခုနောက်ပိုင်းမှာဖြစ်ပွားမှုနှုန်းတော်တော်လေးမြင့်တက်လာပါတယ်။ ထန်းလျက်မှာပါတဲ့ ဓါတ်တိုးဆန့်ကျင်ပစ္စည်းတွေက ကင်ဆာဖြစ်စေတဲ့ အရာတွေကိုတိုက်ဖျက်ပေးပါတယ်။ ဒါတင်မကသေးပါဘူး ထန်းလျက်မှာ ဗီတာမင် C နဲ့ ဗီတာမင် A တို့ကြွယ်ဝစွာပါဝင်တာကြောင့် ကင်ဆာကာကွယ်ပေးသူတွေစားသုံးပေးလို့ရပါတယ်။

အစာကြေစေတယ်

အစားတွေအများကြီးစားမိတဲ့အခါမှာဖြစ်ဖြစ် မတည့်တဲ့အစာတွေစားပြီးရင်ဖြစ်ဖြစ် ထန်းလျက်လေးစားပေးတာက အစာကြေ ရင်ချောင်စေနိုင်ပါတယ်။ ဒါကြောင့် အစာကြေချင်တယ်ဆိုရင် ထန်းလျက်လေးစားပေးပါနော်။

ဝမ်းချုပ်တာသက်သာစေနိုင်ပါတယ်

ဝမ်းချုပ်တတ်တယ်ဆိုရင် ထန်းလျက်ပုံမှန်စားပေးလို့ရပါတယ်။ အစာကြေစေပြီး အစာခြေစနစ်ကိုကောင်းကောင်းလုပ်ဆောင်နိုင်စေတာကြောင့် ဝမ်းချုပ်တာကို သက်သာစေနိုင်ပါတယ်။

ခန္ဓါကိုယ်အပူချိန်ကိုထိန်းညှိပေးတယ်

ခန္ဓါကိုယ်အပူချိန်ကိုထိန်းညှိပေးနိုင်ပြီး အရသာလည်းရှိပါတယ်။ အဆာပြေအနေနဲ့ဖြစ်ဖြစ် အပျင်းပြေဖြစ်ဖြစ်စားသုံးပေးလို့ရပါတယ်။

အဆိပ်တွေဖယ်ရှားပေးတယ်

သဘာဝဓါတ်တိုးဆန့်ကျင်အာနိသင်တွေပါဝင်နေတာကြောင့် ကိုယ်တွင်းအဆိပ်အတောက်တွေကို ဖယ်ရှားပေးနိုင်ပါတယ်။

ကဲ အလွယ်တကူဝယ်လို့ရပြီး ကုန်ကျစရိတ်မများဘဲ ကျန်းမာရေးအကျိုးကျေးဇူးများတဲ့ ထန်းလျက်လေးကို စားသုံးကြည့်မယ်မှတ်လား….. အားလုံးကျန်းမာပါစေ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Health Benefits of Palm Sugarhttps://www.medindia.net/patients/lifestyleandwellness/health-benefits-of-palm-sugar.htm Accessed Date 6 February 2019

Benefits of Palm Sugarhttps://www.healthguidance.org/entry/17580/1/benefits-of-palm-sugar.html Accessed Date 6 February 2019

Can people with diabetes eat coconut palm sugar?https://www.medicalnewstoday.com/articles/317613.php Accesssed Date 6 February 2019

13 Health Benefits of Palm Sugar #1 Top Cancer Killerhttps://drhealthbenefits.com/food-bevarages/flavourings/health-benefits-of-palm-sugar Accessed Date 6 February 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 2 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။