အလုပ်ခွင် ထဲမှာ၊ လူမှု ပတ်ဝန်းကျင်မှာ အမြဲလိုလို တက်ကြွ လန်းဆန်းနေသူတွေ ရှိတတ်ပါတယ်။ ဒီလို လူတွေကို မြင်တိုင်း အားကျနေမိလား။ ကိုယ်တိုင်ရော သူတို့လို တက်ကြွ လန်းဆန်းချင်စိတ် မရှိဘူးလား။ ဒီအဖြေကို ‘အင်း’ လို့ ဖြေမယ်ဆိုရင်တော့ ဒီ ဆောင်းပါးလေးက ဖြစ်ချင်တဲ့ ဆန္ဒကို ပြည့်ဝစေဖို့ ဆောင်ကြဉ်းပေးနိုင်မှာပါ။ အမြဲ တက်ကြွလန်းဆန်းနေစေဖို့ လိုက်နာရမှာလေးတွေကိ ပြောပြပေးမယ်နော်။
ဆောင်းပါးများ
ကိရိယာများ
ကျန်းမာရေးကိရိယာများ
သင် အသည်းကင်ဆာ ဖြစ်နိုင်သလား ဆိုတာကို အွန်လိုင်းကနေ စစ်ဆေးလို့ ရပါတယ်
ရေတိမ်ဖြစ်နိုင်ခြေ ဘယ်လောက်ရှိသလဲဆိုတာကို အွန်လိုင်းကနေ စစ်ဆေးနည်း
ကိုဗစ်ရောဂါဖြစ်နိုင်ခြေ ရှိမရှိဆိုတာကို အွန်လိုင်းကနေ စစ်ဆေးကြမယ်
ပန်းသေးပန်းညှိုး ဖြစ်နိုင်ခြေ ကို အွန်လိုင်းကနေ အလွယ်တကူ စစ်ဆေးလို့ရပါပြီ
သင့်ရဲ့ ဆီးချိုအကြိုအဆင့် ဖြစ်နိုင်ခြေ ကို အွန်လိုင်းကနေ စစ်ဆေးမယ်
နှလုံးခုန်နှုန်း ဘယ်လောက်ရှိသင့်လဲ ဆိုတာကို အွန်လိုင်းကနေ တွက်ချက်ခြင်း
ကိရိယာများကို ကြည့်မည်။
အဖွဲ့များ
အမြဲ တက်ကြွလန်းဆန်းနေစေဖို့
မှ အချက်အလက် စစ်ဆေးထားပါသည်။ Dr. Thurein Hlaing Win
အမြဲ တက်ကြွလန်းဆန်းနေစေဖို့
ဆေးဝါး အကူအညီ မယူဘဲ သဘာဝအတိုင်း အမြဲ တက်ကြွလန်းဆန်းနေစေဖို့ ဆိုရင်
လှုပ်လှုပ်ရှားရှား နေပါ
လှုပ်ရှားမှုက ခန္ဓာကိုယ်က သွေးစီးဆင်းမှုကို ကောင်းစေပြီး အင်အား ပြည့်ဝစေသလို လန်းဆန်း တက်ကြွစေဖို့ အားဖြည့်ပေး ပါတယ်။ သကြားလုံးတွေ၊ အချိုစာတွေ စားတာကလန်းဆန်းစေပေမယ့် မိနစ်ပိုင်းလောက်ပဲ ခံတာပါ။ ၁၀ မိနစ်လောက် လမ်းလျှောက်တာက ၂ နာရီလောက် အင်အားပြည့်ဝနေစေပြီး လန်းဆန်း တက်ကြွနေစေမှာပါ။
အင်အားပြည့်ဝအောင် စားသောက်ပါ
အစားစားတဲ့အခါ အချိုများတာတွေက မြန်မြန် အားပြည့်စေပေမယ့် ခပ်မြန်မြန်ပဲ ခြေကုန်လက်ပမ်းကျ စေပါတယ်။ ဒါကြောင့် အစားအစာ ရွေးချယ်တဲ့အခါ ခန္ဓာကိုယ်မှာ အင်အား ပြည့်ဝစေမယ့်
- ဂျုံကြမ်းပေါင်မုန့်
- မြေပဲထောပတ်
- Cracker
- အချို မပါတဲ့ ဒိန်ချဉ်
- သစ်သီးတွေ
- အခွံမာသီးတွေ
- မုန်လာဥနီ စတာတွေ စားပေးပါ။
လေ့ကျင့်ခန်း လုပ်ပါ
နေရောင်ခြည်နဲ့ ထိတွေ့ပါ
နေရောင်နဲ့ ထိတွေ့တာက ကောင်းကောင်း အိပ်ပျော်စေသလို စိတ်ပျော်ရွှင်စေဖို့လည်း ထောက်ပံ့ပေးပြီး စိတ်ဓာတ်ကျမှု ကင်းစေပါတယ်။ ဒါကြောင့် တစ်နေ့တာမှာ မနက်ခင်း နေရောင်ခြည်ကို မိနစ် ၃၀ လောက် ခံပေးပါ။
အသက် ဝဝရှူပါ
အသက် ဝဝရှူတာက သွေးတွင်း အောက်ဆီဂျင် ပမာဏကို မြင့်တက်စေနိုင်ပါတယ်။ အသက်ကို ခပ်ဝဝရှူလိုက်တိုင်း နှလုံးခုန်နှုန်း နှေးသွားတယ်။ သွေးတိုး ကျတယ်။ သွေးလည်ပတ်မှု ကောင်းပြီး ခန္ဓာကိုယ် အင်အား ပြည့်စေသလို စိတ်ခံစားမှု ကောင်းစေပါတယ်။
ဒါကြောင့် ပုံမှန် အသက်ရှူ လေ့ကျင့်ခန်း လုပ်ပေးပါ။ တစ်နေ့ကို ၁၀ ကြိမ်လောက် လုပ်ပေးရုံနဲ့ စိတ်ရော ကိုယ်ပါ လန်းဆန်း တက်ကြွစေမှာပါ။
အိပ်ရေး ဝဝအိပ်ပါ
တစ်ညတာကို ၈ နာရီ ပုံမှန် အိပ်ချိန် ရှိပါစေ။ ကောင်းမွန် ပြည့်ဝတဲ့ အိပ်စက်ချိန်က သင့်ကို တက်ကြွ လန်းဆန်းနေစေဖို့ အကောင်းဆုံး အားဖြည့်ပေးနိုင်မှာပါ။
တက်ကြွ လန်းဆန်းနေချင်ရင် အခုပြောတဲ့ အလေ့အထလေးတွေကို မွေးမြူ ပျိုးထောင် ကြည့်နော်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
advertisementဤဆောင်းပါးက အကူအညီဖြစ်ပါသလား။
advertisementadvertisement