ကြက်သွန်နီလှီးရင် ဘာကြောင့်မျက်ရည်ကျသလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 19, 2020 . 2 mins read
Share now

သင့်အနေနဲ့ မီးဖိုချောင်ဝင်ရင်း ကြက်သွန်လှီးချိန်မှာ မျက်ရည်ကျလာတာကို ကြုံဖူးမှာပါ။ ကြက်သွန်နီကို အခွံချွတ်ပြီး အတွင်းသားကို လှီးလိုက်တာနဲ့ မျက်စိမှာ ပူစပ်လာပြီး မျက်ရည်လည်းကျလာတတ်ပါတယ်။ ဘာကြောင့် ဒီကြက်သွန်နီဟာ သင့်မျက်စိကို အနှောင့်အယှက်ပေးရပါသလဲ။ ကြက်သွန်နီမှာ မကောင်းတဲ့ အငွေ့အသက်တွေ ရှိနေတာကြောင့်လား။ ဒါမှမဟုတ် သင့်မျက်စိကပဲ အားနည်းနေလို့လား။

သိပ္ပံပညာရှင်များရဲ့အဆိုအရ သတ္တဝါများနဲ့ အပင်များဟာ သူတို့ရဲ့ရှင်သန်ရပ်တည်နိုင်ရေး၊ မျိုးပွားနိုင်ရေးအတွက် သဘာဝတရားရဲ့လက်ဆောင်တွေ ရှိပါတယ်။ ကြက်သွန်နီမှာလည်း ဒီသဘောပဲလို့ ဆိုနိုင်ပါတယ်။ မိမိကို ရန်ပြုချေမွလာမယ့် ရန်သူကို တုံ့ပြန်ဖို့ ဓာတုငွေ့တချို့ ထုတ်လွှတ်ပေးပါတယ်။ ဒီအငွေ့များဟာ သင့်ရဲ့မျက်ဝန်းများကို ရွှဲစိုသွားစေနိုင်တဲ့ အငွေ့တွေပဲ ဖြစ်ပါတယ်။

ဘာကြောင့် မျက်ရည်ကျရသလဲ

ကြက်သွန်ကို အခွံနွှာလိုက်ချိန်မှာ ဓာတုပစ္စည်းတစ်မျိုး ထွက်ပေါ်လာပါတယ်။ အဆိုပါ ဓာတ်ပစ္စည်းကို propanethial S-oxide လို့ ခေါ်ဝေါ်ပြီး မျက်ရည်ထုတ်ဂလင်းများကို လှုံ့ဆော်ပြီး မျက်ရည်ထွက်လာစေတဲ့အရာ (lachrymatory factor) ဖြစ်ပါတယ်။ ကြက်သွန်နီလိုပဲ မျက်ရည်ကို လှုံ့ဆော်ပေးတဲ့ မော်လီကျူးသုံးမျိုးလောက်ရှိပြီး အားလုံးဟာ အပင်တွေမှာပဲ တွေ့ရှိရပါတယ်။

ကြက်သွန်နီမှာပါဝင်တဲ့ မျက်ရည်လှုံ့ဆော်တဲ့ ဓာတ်ပစ္စည်းကို ထွက်ပေါ်စေတဲ့ အင်ဇိုင်းရဲ့တည်ဆောက်ပုံကိုတော့ ကလိဗ်လန်းတက္ကသိုလ် ဆေးဝါးဗေဒပါမောက္ခတယောက်က ထပ်မံတွေ့ရှိထားပါတယ်။ ဒီအင်ဇိုင်းကို lachrymatory factor synthase (LF synthase) လို့ ခေါ်ဝေါ်ပါတယ်။ ကြက်သွန်နီဥကို လှီးလိုက်ချိန်မှာ ဆဲလ်တွေကွဲထွက်သွားပြီး alinase လို့ခေါ်တဲ့ အင်ဇိုင်းတစ်မျိုးထွက်လာပါတယ်။ အဆိုပါအင်ဇိုင်းကနေ ဓာတုပစ္စည်းများကို ထွက်လာစေပါတယ်။ ထွက်လာတဲ့ ဓာတုပစ္စည်းများဟာ ကြက်သွန်နီရဲ့ ထူးခြားတဲ့ အနံ့အရသာအပြင် မျက်စိမွှန်စေတဲ့ အာနိသင်ကိုပါ ထွက်ပေါ်လာစေပါတယ်။

ကြက်သွန်နီလှီးချိန်ထွက်ပေါ်လာတဲ့ ဓာတုပစ္စည်းတချို့ကို LF Synthase အင်ဇိုင်းကနေ မျက်ရည်ဂလင်းကို လှုံ့ဆော်ပေးတဲ့ ဓာတ်ငွေ့များအဖြစ် ပြောင်းလဲပေးလိုက်ပါတယ်။ အဆိုပါ ဓာတ်ငွေ့ဟာ မျက်လုံးပေါ်ရောက်တဲ့အခါ မျက်ကြည်လွှာမှာရှိတဲ့ အာရုံကြောများကတဆင့် ဦးနှောက်ဆီကို အချက်ပြမှုတွေ လွှင့်ပေးလိုက်ပါတယ်။ ဦးနှောက်ကနေ မျက်ရည်ဂလင်းတွေဆီ အချက်ပြန်ပြပြီး မျက်စိမျက်နှာပြင်ကို ထိခိုက်ခြင်းမဖြစ်ရအောင် မျက်ရည်ထွက်လာစေခြင်း ဖြစ်ပါတယ်။

ကြက်သွန်နီဟာ မျက်စိကို ပူစပ်ခြင်းဖြစ်စေပေမယ့် အာဟာရတန်ဖိုး မြင့်မားပါတယ်။ သုတေသနတွေအရ ကင်ဆာဆဲလ်များကို ဟန့်တားနိုင်ခြင်း၊ အိပ်ပျော်စေပြီး စိတ်ကြည်လင်စေခြင်း စတဲ့အကျိုးကျေးဇူးတွေ ပေးစွမ်းနိုင်ပါတယ်။ ဗီတာမင် C လည်း ကြွယ်ဝပြီး ကော်လာဂျင်ဓာတ်ကိုလည်း ပေးနိုင်တာကြောင့် အသားအရေ လှပဖို့၊ ဆံပင်များ သန်စွမ်းဖို့ အကျိုးပြုပါတယ်။

ယခုအခါမှာ သိပ္ပံပညာရှင်အချို့ကလည်း ကြက်သွန်နီကြောင့် ပူစပ်ပူလောင်မဖြစ်ရအောင် မျက်ရည်မကျရအောင် မလိုအပ်တဲ့ ဓာတုပစ္စည်းတွေကိုထုတ်ပယ်ပြီး Tear free Onions များအဖြစ် ထွက်ပေါ်လာအောင် ကြိုးပမ်းနေပြီ ဖြစ်ပါတယ်။ မကြာခင်မှာ မီးဖိုချောင်ကို ရောက်လာမှာမို့ အိမ်ရှင်မတွေအတွက် သတင်းကောင်းလို့ ဆိုနိုင်ပါတယ်။

ကြက်သွန်လှီးချိန် မျက်စိမပူအောင် ဘာလုပ်မလဲ

ကြက်သွန်လှီးချိန်မှာ မျက်စိတွေစပ်ပြီး မခံနိုင်အောင်ဖြစ်နေရရင် အောက်ပါနည်းလမ်းတွေကို ပြုလုပ်ပါ။

– ဓားထက်ထက်နဲ့လှီးပါ။ ဓားသွားထက်ရင် ဆဲလ်နံရံတွေသိပ်မပျက်စီးလို့ အငွေ့တွေထွက်တာ နည်းပါတယ်။

– လှီးနေတဲ့ ကြက်သွန်အခြမ်းကို အဝေးမှာထားပါ။

– အအေးခံထားပါ။ ကြက်သွန်နီကို မလှီးခင်မှာ အအေးခံလိုက်ရင် propanethial S-oxide ထွက်တာနည်းသွားပါလိမ့်မယ်။ အေးခဲအောင်ထားခြင်းတော့ မပြုပါနဲ့။

– အကာအကွယ်မျက်မှန် (goggle) သုံးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဝက်ခြံဖြစ်လွယ်တဲ့ အသားအရေပိုင်ရှင်တွေအတွက် သဘာဝဆေးနည်းတစ်လက်

ဝက်ခြံဖြစ်လွယ်သူတွေအတွက် အသားအရေကို အထိရောက်ဆုံး ထိန်းပေးနိုင်မယ့် သဘာဝပစ္စည်းလေးတစ်ခုအကြောင်း ပြောပြပေးချင်ပါတယ်။ ဒါကတော့...........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဝက်ခြံရှိသူလေးတွေ လိုက်နာသင့်တဲ့ တစ်နေ့တာ နေထိုင်မှုပုံစံ

ဝက်ခြံက ပျောက်ပါတယ်။ တစ်ခုတော့ ရှိတာပေါ့။ စိတ်ရှည်ရပါမယ်။ ဝက်ခြံဆိုတာက တစ်ပတ်လောက်နဲ့ သက်သာသွားတာမျိုး မဟုတ်ပါဘူး။ နာတာရှည်ရောဂါ တစ်မျိုးလိုပါပဲ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လူသိသိပ်မများလှတဲ့ သခွားသီးရဲ့ ဘေးထွက်ဆိုးကျိုးများ

နေရာတကာ အသုံးတည့်လှတဲ့ သခွားသီးမှာလည်း ဘေးထွက်ဆိုးကျိုးလေးတွေ ရှိနေတာမို့ သိထားရင်ဖြင့် အကျိုးရှိစေနိုင်တာကြောင့် ဗဟုသုတအနေနဲ့ ပြောပြပေးလိုက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အရေပြားက ဘာလို့ Sensitive ဖြစ်………..

တစ်ခုခုလွဲတာနဲ့ ဝက်ခြံတွေထွက်လာတယ်၊ ရောင်လာတယ်ဆိုတိုင်းsensitive skin type မဟုတ်ပါဘူး။ ဝက်ခြံ မပြတ်တမ်းထွက်တာ ဒါမှမဟုတ် ခြောက်သွေ့တာမျိုး ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆံသားနဲ့ဦးရေပြားကို ထိန်းသိမ်းပါ

ဆံသားနဲ့ဦးရေပြားကို ထိန်းသိမ်းပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 8, 2021 . 2 mins read
ဝက်ခြံနဲ့ဝက်ခြံအမာရွတ်တွေသက်သာစေဖို့ ပူဒီနံရဲ့ အသုံးဝင်ပုံက

ဝက်ခြံနဲ့ဝက်ခြံအမာရွတ်တွေသက်သာစေဖို့ ပူဒီနံရဲ့ အသုံးဝင်ပုံက

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 7, 2021 . 2 mins read
အုန်းသီးစားရင်းရမယ့် အသားအရေ လှပမှု

အုန်းသီးစားရင်းရမယ့် အသားအရေ လှပမှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 6, 2021 . 2 mins read
သာမန်အချိန်မှာ ကျန်းမာစေပေမယ့် နာမကျန်းဖြစ်ချိန်မှာ မစားသင့်တဲ့ အစားအစာများ

သာမန်အချိန်မှာ ကျန်းမာစေပေမယ့် နာမကျန်းဖြစ်ချိန်မှာ မစားသင့်တဲ့ အစားအစာများ

ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read