ခြေသည်းလက်သည်းလေးတွေ ကျန်းမာစေဖို့ ဘာတွေစားရမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ခြေသည်းလက်သည်းလေးတွေက ခန္ဓါကိုယ်ရဲ့ ကျန်းမာရေးအခြေအနေတွေကို တစ်စေ့တစောင်းဖော်ပြပေးနေတဲ့အရာလေးတွေပါ။ခြေသည်းလက်သည်းလေးတွေ ကျန်းမာလှပတာကလည်း အလှတိုးစေတဲ့အချက်တစ်ခုပါပဲ။ မျက်နှာေလးလှဖို့ လိုသလိုခြေသည်းလက်သည်းလေးတွေ သန့်ရှင်းကျန်းမာနေဖို့ကလည်းမေ့ထားလို့မဖြစ်တဲ့ အရာတစ်ခုပေါ့။ တစ်နေ့တာလုပ်ဆောင်မှုတွေမှာ မဖြစ်မနေပါဝင်လုပ်ဆောင်နေရတဲ့ လက်လေးတွေမှာနေရာယူထားတဲ့ လက်သည်းလေးတွေလှပနေတာကလည်း ဆွဲဆောင်မှုတိုးစေနိုင်မယ့်အချက်ပါ။ ဒီတစ်ခေါက်တော့ ကျန်းမာလှပတဲ့ခြေသည်းလက်သည်းလေးတွေ ပိုင်ဆိုင်နိုင်စေဖို့အတွက် ဘာတွေစားသုံးပေးသင့်လဲဆိုတာကိုပြောပြပေးပါရစေ။

ခြေသည်းလက်သည်းလေးတွေကျန်းမာလှပစေဖို့

လက်သည်းတွေ ကျိုးလွယ် အက်လွယ်ဖြစ်နေတယ်၊ အရောင်ပြောင်းနေတယ်။ လက်သည်းမှာ အစင်းကြောင်းတွေပေါ်နေတယ်ဆိုတာက ခန္ဓါကိုယ်က လုံလောက်တဲ့ အာဟာရမပြည့်ဝဘူးဆိုတာကိုဖော်ပြနေသလိုရောဂါတစ်ခုခုခံစားနေရတယ်ဆိုတာကိုဖော်ပြနေတာပါ။ ဒါကြောင့်ခြေသည်းလက်သည်းလေးတွေကိုလည်း မပြတ်ဂရုစိုက်ပေးသင့်ပါတယ်။

ငါး – ငါးကခြေသည်းလက်သည်းလေးတွေနဲ့ ခန္ဓါကိုယ်တစ်ခုလုံးကျန်းမာစေဖို့အတွက်တော်တော်လေးအထောက်အပံ့ဖြစ်စေနိုင်ပါတယ်။ ငါးမှာပါဝင်တဲ့ ပရိုတင်းဓါတ်တစ်မျိုးကခြေသည်းလက်သည်းတွေကျန်းမာဖို့ အတော်လေးအထောက်အကူဖြစ်စေနိုင်တာပါ။ ဒါကြောင့် ဆယ်လ်မွန်ငါး၊တူနာငါး၊ ပုဇွန်၊ ဂဏန်းလိုမျိုး ပင်လယ်စာတွေကို တစ်ပတ် ၃ ကြိမ်လောက်စားပေးပါ။ အသားထက် ငါးများများစားပေးပါ။

ဥအမျိုးမျိုး – ဥအမျိုးမျိုးမှာ အရိုး နဲ့ ခြေသည်းလက်သည်းတွေကို ကျန်းမာစေနိုင်တဲ့ အာဟာရဓါတ်တွေနဲ့ ဗီတာမင်တို့ပါဝင်နေပါတယ်။ ဥအမျိုးမျိုးမှာပါဝင်နေတဲ့ ဗီတာမင် B12၊ ဗီတာမင် A နဲ့ ဗီတာမင် E၊ သံဓါတ် နဲ့ ဘိုင်အိုတင်လိုမျိုး ဗီတာမင်တွေကခြေသည်းလက်သည်းတွေကို ကျန်းမာသန်စွမ်းစေနိုင်ပါတယ်။ခြေသည်းလက်သည်းတွေကျိုးတာ၊ အက်တာမျိုးတွေ မဖြစ်အောင်လည်း ကာကွယ်ပေးနိုင်ပါတယ်။ ဥအမျိုးမျိုးမှာပါဝင်နေတဲ့ Sulfur ကခြေသည်းလက်သည်းတွေကျန်းမာဖို့ အကျိုးရှိတဲ့ အာဟာရဓါတ်တစ်မျိုးပါ။

ပဲအမျိုးမျိုး – ပဲတွေမှာလည်းခြေသည်းလက်သည်းတွေကျန်းမာဖို့ မရှိမဖြစ်လိုအပ်တဲ့ ဓါတ်တစ်မျိုးဖြစ်တဲ့ ဘိုင်အိုတင် ကြွယ်ဝစွာပါဝင်နေပါတယ်။ ဒါတင်မကသေးပါဘူး ပဲကိုစားသုံးပေးမယ်ဆိုရင် ပရိုတင်း၊ ကယ်လ်ဆီယမ်၊ မဂ္ဂနီဆီယမ်၊ ဇင့်၊ ဗီတာမင် B၊ မဂ္ဂနိစ်၊ ပိုတက်ဆီယမ်၊copper၊phosphorous နဲ့ ဗီတာမင် K တို့ပါဝင်ပါတယ်။ ဒါကြောင့် လက်သည်းတွေ ကျိုးပဲ့လွယ်မှုကင်းဝေးစေဖို့ဆိုရင်နေ့စဉ်စားသုံးမှုထဲမှာ ပဲတစ်မျိုးမျိုးကို ထည့်သွင်းစားသုံးပေးပါ။

ကွေကာအုတ် ကွေကာအုတ်မှာ အရိုးနဲ့ ခြေသည်းလက်သည်းတွေကျန်းမာစေဖို့အတွက် မရှိမဖြစ်လိုအပ်တဲ့ Copper နဲ့ ဇင့် ဓါတ်တွေကြွယ်ဝစွာပါဝင်နေပါတယ်။ ဒါတွေတင်မကသေးပါဘူး အုတ်ဂျုံမှာ ဗီတာမင် B၊ မဂ္ဂနိစ်၊ ဆီလီကွန်တို့ပါဝင်နေတာကြောင့် ကျန်းမာသန်စွမ်းတဲ့ခြေသည်းလက်သည်းလေးတွေပိုင်ဆိုင်စေဖို့အတွက် စားသုံးပေးသင့်ပါတယ်။

နေကြာစေ့ -နေကြာစေ့မှာ မဂ္ဂနီဆီယမ်ပါဝင်နေသလို သတ္တုဓါတ်တွေပါဝင်နေတာကြောင့် အရိုးနု၊တွယ်ဆက်တစ်ရှုးနဲ့ခြေသည်းလက်သည်းတွေအတွက်တော်တော်လေးအထောက်အကူပြုပေးပါတယ်။ ဗီတာမင် E ပါဝင်နေတာကြောင့်ခြေသည်းလက်သည်းလေးတွေကို အာဟာရပြည့်ဝပြေီး ကျန်းမာလျပနေစေမှာပါ။

ဖရုံစေ့ – စားလို့လည်းကောင်းသလို ကျန်းမာရေးအတွက်တော်တော်လေးအထောက်အကူပြုပေးနိုင်ပါတယ်။ အသားအရေ၊ခြေသည်းလက်သည်း၊ ဆံသားတွေကို ကျန်းမာသန်စွမ်းစေပြီး ကိုယ်ခံအားကိုကောင်းမွန်စေနိုင်ပါတယ်။ ဝါးစားလိုက်ရင် မွမွလေးနဲ့အရသာရှိတဲ့ ဖရုံစေ့မှာ ဇင့် ပါဝင်နေတာကြောင့် အသားအရေနဲ့ နှုတ်ခမ်းသားခြောက်သွေ့တာ၊ လက်သည်းမှာ အဖြူစက်လေးတွေဖြစ်တာကို ကာကွယ်ပေးနိုင်ပါတယ်။

နာနတ်သီးအရသာရှိတဲ့ နာနတ်သီးမှာ ဗီတာမင် C နဲ့ အာဟာရဓါတ်တော်တော်များများပါဝင်နေတာကြောင့် အစာခြေစနစ်ကို ကျန်းမာစေပြီး ခန္ဓါကိုယ်အတွက် လိုအပ်တဲ့ ပရိုတင်းဓါတ်တွေကို စုပ်ယူရာမှာ ပိုမိုကောင်းမွန်အောင်လုပ်ဆောင်ပေးပါတယ်။ ခန္ဓါကိုယ်က ပရိုတင်းများများရလေလေ လက်သည်းခြေသည်းလေးတွေက ကျန်းမာသန်စွမ်းလေလေပါ။

ဟင်းနုနွယ် – သံဓါတ်ပါဝင်မှုများတဲ့ အစားအစာတစ်မျိုးပေါ့၊ အပင်ကနေရရှိတဲ့ ပရိုတင်းဓါတ်လည်းကြွယ်ဝစွာပါဝင်နေပါတယ်။ သံဓါတ်ကခြေသည်းလက်သည်းတွေကို ကျန်းမာသန်စွမ်းစေတဲ့အပြင် ခန္ဓါကိုယ်ရဲ့ ဇီဝတွင်းဖြစ်စဉ်တွေ အထောက်အပံ့ပေးပါတယ်။နောက်ထပ်အားသာချက်တစ်ခုက ဟင်းနုနွယ်မှာ ဗီတာမင် E၊ မဂ္ဂနီဆီယမ် နဲ့ ကယ်လ်ဆီယမ်တို့ပါဝင်နေတာကြောင့် ကျန်းမာတဲ့ခြေသည်းလက်သည်းလေးတွေပိုင်ဆိုင်လိုသူတွေအနေနဲ့ မဖြစ်မနေစားသုံးပေးသင့်တဲ့ စားစရာတစ်ခုပါ။

အခုပြောခဲ့တဲ့အစားအစာတွေကို ပုံမှန်စားသုံးပေးမယ်ဆိုရင်ခြေသည်လက်သည်းတွေ ကွဲအက်တာ၊ ကျိုးတာ၊ခြေသည်းမှိုစွဲတာလိုမျိုးပြဿနာတွေကင်းဝေးပြီး ကျန်းမာသန်စွမ်းလှပတဲ့ခြေသည်းလက်သည်းလေးတွေကို ပိုင်ဆိုင်နိုင်မှာ အသေအချာပါ။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ဘာတွေကများ ဆေးယဉ်ပါးမှုကို ဖြစ်စေတာလဲ………

ကြောက်စရာကောင်းတဲ့ ကျန်းမာရေးပြဿနာထဲမှာ ဆေးယဉ်ပါးတာကလည်း တစ်ခု အပါအဝင်ပေါ့။ ယဉ်ပါးမှုက ကေင်းပေမယ့် ဆေးယဉ်ပါးတာက အသက်အန္တရာယ်ရှိစေနိုင်တဲ့ ကိစ္စတစ်ရပ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မနက်ခင်းမှာ လှပနေစေဖို့ ညမအိပ်ခင် ဒီလိုထိန်းသိမ်းမှုလေးတွေ လုပ်ပါ။

မနက်နိုးလာလို့ မှန်ထဲကြည့်တဲ့အခါ မျက်နှာလေးက ကြည်လင် ဝင်းပနေရင် စိတ်ထဲက ကျေနပ်ပြီး မနက်ခင်းတွေက လှပနေရောဟုတ် လေဒီ။ မနက်တိုင်း လှပစေဖို့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စွန့်ချင်ပါလျက်နဲ့ အောင့်ထားမိတဲ့အခါ

တစ်ချို့အခြေအနေတွေမှာတော့ ဝမ်းသွားချင်စိတ်ကို တမင်ထိမ်းချုပ်ထားမိတတ်ပါတယ်။ ဝမ်းသွားချင်စိတ်ကို ထိမ်းချုပ်တာက မှန်ကန်တဲ့ ကိစ္စတစ်ခုတော့ မဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သွေးသန့်စေဖို့ ဒါတွေစားပါ။

ခန္ဓာကိုယ်က အလုပ်တွေ အကောင်းဆုံး လုပ်ဆောင်နိုင်စေဖို့ သွေးတွေကို လိုအပ်ပါတယ်။ သွေးဆိုတဲ့နေရာမှာ အဆိပ်အတောက်ကင်းပြီး သန့်စင်တဲ့ သွေး ဖြစ်ဖို့က အရေးကြီးပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

တန်ဆေးလွန်ဘေး ဗီတာမင်ဘေး (ရေမှာ ပျော်ဝင်တဲ့ ဗီတာမင်တွေအကြောင်း)

တန်ဆေးလွန်ဘေး ဗီတာမင်ဘေး (ရေမှာ ပျော်ဝင်တဲ့ ဗီတာမင်တွေအကြောင်း)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 27, 2020 . 3 mins read
သရက်သီးကပေးတဲ့ ကျန်းမာရေးအကျိုးကျေးဇူးတွေ

သရက်သီးကပေးတဲ့ ကျန်းမာရေးအကျိုးကျေးဇူးတွေ

ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
ခါးနာခြင်း

ခါးနာခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 25, 2020 . 3 mins read