backup og meta

ယောဂ လုပ်ပါလို့ပြောရတဲ့အကြောင်းအရင်း


Aye Thi Mon မှ ရေးသားသည်။ · 06/07/2022 တွင် အသစ်ဖြည့်စွက်ခဲ့သည်။

    ယောဂ လုပ်ပါလို့ပြောရတဲ့အကြောင်းအရင်း

    ယောဂကရှေးကျတဲ့ လေ့ကျင့်ခန်းပုံစံတစ်ခုပေါ့။ အိန္ဒိယကနေ အစပြုလာတဲ့ ကိုယ်လက်လေ့ကျင့်ခန်းတစ်မျိုးပေါ့။ ယောဂက ကျန်းမာရေးအတွက် အထောက်အကူပြုပေးနိုင်သလို ခန္ဓာကိုယ်အတွက်ရော ကြွက်သားတွေ အတွက်ပါ အထောက်အကူပြုပေးနိုင်ပါတယ်။

    ယောဂကနေ ဒီလိုအကျိုးကေးဇူးတွေရရှိနိုင်ပါတယ်

    ခန္ဓာကိုယ်ကို ပျော့ပျောင်းစေနိုင်တယ် – ယောဂကစားတာက ကြွက်သားတွေကို ဆန့်ထုတ်ရတာဖြစ်တာကြောင့် ခန္ဓာကိုယ်ကို ပျော့ပျောင်းစေနိုင်ပြီး အကြောတွေပြေစေနိုင်ပါတယ်။

    ကြွက်သားတွေ သန်စွမ်းစေနိုင်ပါတယ် – ယောဂက တစ်ကိုယ်လုံးကိုလှုပ်ရှားရတာကြောင့် ကြွက်သားတွေ၊ အရွတ်တွေ နဲ့ အကြောတွေကို သန်စွမ်းစေနိုင်ပါတယ်။

    ကိုယ်နေဟန်ထား ကောင်းလာစေတယ် – ကြွက်သားတွေ အရိုးအကြောတွေကို သန်မာစေနိုင်တာကြောင့် ခန္ဓာကိုယ်က ပုံစံကျပြီး ကိုယ်နေဟန်ထားကောင်းလာစေမှာပါ။ လက်ပျဉ်ကိုင်းတာ၊ ခါးကိုင်းတာမျိုး ကင်းဝေးသွားမှာပါ။

    အရိုးနုတွေ အဆစ်တွေကို ကာကွယ်ပေးတယ် – ယောဂက အဆစ်တွေကိုလှုပ်ရှားရတဲ့ လေ့ကျင့်ခန်းတစ်ခုဖြစ်တာ ကြောင့် အရိုးနုတွေနဲ့ အဆစ်တွေကို ထိခိုက်တာမျိုးမဖြစ်အောင်ကာကွယ်ပေးပါတယ်။

    ကျောရိုးတွေကို သန်မာစေနိုင်တယ် – အထိုင်များတဲ့ သူတွေအတွက် ယောဂကလေ့ကျင့်ခန်းက တော်တော်လေးအဆင်ပြေပါတယ်။ လှုပ်ရှားမှုနည်းတဲ့သူတွေအတွက် ကျောရိုးကို လှုပ်ရှားဖြစ်စေတာကြောင့် ကျောရိုးသန်မာစေနိုင်ပါတယ်။

    အရိုးကျန်းမာစေနိုင်တယ် – ယောဂက အရိုးသိပ်သည်းဆကို တိုးစေနိုင်တာကြောင့် အရိုးသန်မာစေလိုသူတွေ ကစားပေးသင့်ပါတယ်။

    သွေးလည်ပတ်မှုကောင်းမွန်စေနိုင်တယ် – ယောဂက ကိုယ်တွင်းမှာ သွေးလည်ပတ်မှုကောင်းအောင် လုပ်ဆောင်ပေးနိုင်ပါတယ်။

    ကိုယ်ခံအားကောင်းစေနိုင်တယ် – ယောဂ ပုံမှန်လေ့ကျင့်ပေးမယ်ဆိုရင် ကိုယ်တွင်းက အဆိပ်အတောက်တွေကို ဖယ်ရှားနိုင်သလို ကိုယ်ခံအားကောင်းလာမှာပါ။

    သွေးပေါင်ကျစေတယ်သွေးတိုးရောဂါရှိသူတွေအတွက် သင့်တော်တဲ့ လေ့ကျင့်ခန်းတစ်မျိုးပါ။

    စိတ်ဖိစီးမှုကင်းစေတယ် – ယောဂပုံမှန်ကစားပေးမယ်ဆိုရင် စိတ်ဖိစီးမှု ကင်းစင်ပြီး နေ့ရက်တိုင်း ပျော်ရွှင်နေမှာပါ။

    သွေးတွင်း သကြားဓာတ်ကျစေနိုင်တယ် – ယောဂက သွေးတွင်း သကြားဓာတ်ကို ကျဆင်းစေပြီး အကျိုးပြုကိုလက်စထရောပမာဏကို တိုးစေနိုင်ပါတယ်။

    အာရုံစူးစိုက်မှုကောင်းစေတယ် – ယောဂက သွေးတွင်း အောက်ဆီဂျင်ပမာဏကို တိုးစေပြီး အာရုံစူးစိုက်မှုကောင်းစေပါတယ်။

    အိပ်ပျော်စေတယ် – အိပ်မပျော်သူတွေ ယောဂ ကစားပေးပါ။ ကောင်းကောင်းအိပ်ပျော်စေမှာပါ။

    ဒါတွေအပြင်ယောဂ ကစားတာက အစာခြေစနစ်ကိုကောင်းမွန်စေသလို ဟန်ချက်ညီစေပြီး ခြေလက်အကြောတွေပြေလျော့စေတဲ့အပြင် အဆုတ်အားကောင်းစေပါတယ်။

    Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Aye Thi Mon မှ ရေးသားသည်။ · 06/07/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement