သလဲသီးဖျော်ရည်မှ ရရှိနိုင်သော ကျန်းမာရေးအကျိုး ၁၁ မျိုး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 27, 2020 . 2 mins read
Share now

သလဲပင်ကို လွန်ခဲ့တဲ့နှစ်ပေါင်းများစွာကတည်းက မြေထဲပင်လယ်ဒေသမှာ စတင်စိုက်ပျိုးခဲ့ကြပါတယ်။ သလဲသီးကိုလည်း ဆေးဖက်ဝင်ပစ္စည်းအနေနဲ့ သုံးစွဲခဲ့ကြပါတယ်။ သလဲသီးကို အင်္ဂလိပ်လို Pomegranate လို့ခေါ်ပါတယ်။ ယခုဆက်လက်ဖော်ပြမှာကတော့ သလဲသီးဖျော်ရည်ကနေ ရရှိနိုင်တဲ့ ကျန်းမာရေးအကျိုးကျေးဇူးတွေ ဖြစ်ပါတယ်။

၁။ အဆစ်ရောင်ခြင်းကို သက်သာစေခြင်း

သလဲသီးဖျော်ရည်မှာပါဝင်တဲ့ flavonol ဟာ ရောင်ရမ်းခြင်းတွေကို တားဆီးပေးနိုင်တာကြောင့် အရိုးအဆစ်ရောင်ခြင်းနဲ့ အရိုးနုများထိခိုက်ပျက်စီးခြင်းကို လျော့နည်းစေပါတယ်။ ယခုဆက်လက်ပြုလုပ်နေဆဲ သုတေသနတွေအရ အရိုးပွခြင်း၊ လေးဖက်နာအဆစ်ရောင်ခြင်း၊ အခြား အဆစ်အမြစ်ရောင်ခြင်း အမျိုးအစားများကို သက်သာစေနိုင်မယ့် အာနိသင်တွေရှိနိုင်ကြောင်း ဖော်ပြထားပါတယ်။

၂။ နှလုံးရောဂါဖြစ်နိုင်ခြေလျော့နည်းစေခြင်း

သလဲသီးဖျော်ရည်ဟာ နှလုံးအတွက် အကျိုးအပြုဆုံး အသီးဖျော်ရည်ဖြစ်ပါတယ်။ သွေးကြောတွေထဲမှာ သွေးလည်ပတ်စီးဆင်းမှုကို ချောမွေ့စေပြီး သွေးကြောများ မာကြောခြင်း၊ ထူထဲခြင်း မဖြစ်ရအောင် ကာကွယ်ပေးနိုင်ပါတယ်။ သွေးကြောထဲမှာ ကိုလက်စထရောတွေ မစုဝေးအောင် တားဆီးပေးနိုင်ပါတယ်။

၃။ သွေးပေါင်ချိန် ထိန်းနိုင်ခြင်း

သလဲသီးဖျော်ရည်ကို နေ့စဉ်သောက်သုံးပေးခြင်းအားဖြင့် သွေးတိုးခြင်းကို ကာကွယ်ပေးနိုင်တယ်လို့ ဆိုပါတယ်။

၄။ ဗိုင်းရပ်စ် ကာကွယ်ခြင်း

ဗီတာမင် C ကြွယ်ဝတဲ့ သလဲသီးဖျော်ရည်ဟာ ကိုယ်ခံစွမ်းအားကို မြှင့်တင်ပေးနိုင်တာမို့ ရောဂါဘယတွေ ကင်းဝေးအောင်၊ ရောဂါပိုးကူးစက်မခံရအောင် ကာကွယ်ပေးနိုင်ပါတယ်။ အထူးသဖြင့် အအေးမိတုပ်ကွေးပြဿနာတွေကို ကာကွယ်ပေးနိုင်ပါတယ်။

၅။ ဓာတ်တိုးဆန့်ကျင်ပစ္စည်းများ ပါဝင်ခြင်း

သလဲသီးအစေ့ အရောင်နီရဲနေခြင်းဟာ ပေါ်လီဖီနောဆိုတဲ့ ဓာတ်ပစ္စည်းကြောင့် ဖြစ်ပါတယ်။ အဆိုပါဓာတ်ပစ္စည်းဟာ အာနိသင်ကောင်းတဲ့ ဓာတ်တိုးဆန့်ကျင်ပစ္စည်းပဲ ဖြစ်ပါတယ်။ သလဲသီးဖျော်ရည်ဟာ အခြားအသီးဖျော်ရည်များထက် ဓာတ်တိုးဆန့်ကျင်ပစ္စည်းပါဝင်မှု အတော်များပါတယ်။ ဝိုင်နီနဲ့ green tea ထက် ဓာတ်တိုးဆန့်ကျင်ပစ္စည်း သုံးဆပိုမိုပါဝင်ပါတယ်။ သလဲသီးမှာ ပါဝင်တဲ့ ဓာတ်တိုးဆန့်ကျင်ပစ္စည်းများဟာ ဖရီးရယ်ဒီကယ်များကြောင့် ကိုယ်ခန္ဓာရဲ့ဆဲလ်တွေ ထိခိုက်ပျက်စီးခြင်းမဖြစ်အောင် ကာကွယ်ပေးပါတယ်။

၆။ ဗီတာမင် C ကြွယ်ဝခြင်း

သလဲသီးတစ်လုံးကို ဖျော်လိုက်တဲ့ ဖျော်ရည်မှာ ပါဝင်တဲ့ ဗီတာမင် C ဟာ တစ်နေ့တာလိုအပ်ချက်ရဲ့ ၄၀ ရာခိုင်နှုန်းထိ ပါဝင်ပါတယ်။ ဗီတာမင် C ဟာ ဖျော်ရည်ကို ပိုးသန့်စင်လိုက်ရင် ပျက်စီးသွားတတ်ပါတယ်။ ဒါကြောင့် ဖျော်ရည်ဗူးတွေထက်စာရင် အိမ်ဖျော်သလဲသီးဖျော်ရည်တစ်ခွက်မှာ အာဟာရဓာတ် ပိုမိုပါဝင်ပါတယ်။

၇။ ကင်ဆာ ကာကွယ်ခြင်း

မကြာသေးမီက ပြုလုပ်ခဲ့တဲ့ သုတေသနတစ်ခုမှာ သလဲသီးဖျော်ရည်ဟာ ဆီးကျိတ်ကင်ဆာရောဂါသည်တွေမှာ ကင်ဆာဆဲလ်များပြန့်ပွားနှုန်းကို လျော့ကျစေတယ်လို့ ဆိုထားပါတယ်။

၈။ မှတ်ဉာဏ်ပိုင်းဆိုင်ရာ အကျိုးပြုခြင်း

သလဲသီးဖျော်ရည်မှာပါဝင်တဲ့ ဓာတ်တိုးဆန့်ကျင်ပစ္စည်းများဟာ အယ်လ်ဇိုင်းမားရောဂါ ဖြစ်ပွားခြင်းကို သက်သာစေပြီး မှတ်ဉာဏ်ချို့ယွင်းခြင်းမဖြစ်အောင်လည်း ကာကွယ်ပေးတယ်လို့ သိရပါတယ်။ မကြာသေးမီက သုတေသနတွေ့ရှိချက်တခုအရ သလဲသီးဖျော်ရည် ၈ အောင်စကို နေ့စဉ်သောက်ပေးရင် သင်ယူမှုစွမ်းရည်နဲ့ မှတ်ဉာဏ်ပိုင်းဆိုင်ရာမှာ တိုးတက်လာစေတယ်လို့ သိရပါတယ်။

၉။ အစာအိမ်အူလမ်းကြောင်း ကောင်းမွန်စေခြင်း

သလဲသီးဖျော်ရည်ဟာ အူလမ်းကြောင်းအတွင်းက ရောင်ရမ်းမှုတွေကို ကျဆင်းစေပြီး အစာခြေစနစ်ကို တိုးတက်ကောင်းမွန်စေပါတယ်။ ခရွမ်းရောဂါ၊ အူအနာဖြစ်ရောင်ရမ်းခြင်းနဲ့ တခြားအူလမ်းကြောင်းရောဂါတွေကို သက်သာစေပါတယ်။

၁၀။ လိင်မှုဆိုင်ရာ အထောက်အကူပြုခြင်း

သလဲသီးဖျော်ရည်မှာပါဝင်တဲ့ ဓာတ်တိုးဆန့်ကျင်ပစ္စည်းများဟာ ဓာတ်တိုးဖိစီးခြင်းကြောင့်ဖြစ်တဲ့ အမျိုးသားများ သုက်ပိုးမကောင်းခြင်းနဲ့ အမျိုးသမီးများ ကလေးမရနိုင်ခြင်းတို့ကို လျော့နည်းစေပါတယ်။ ဒါ့အပြင် သလဲသီးဖျော်ရည်ဟာ တက်စတိုစထရုန်းဟော်မုန်းကို မြှင့်တင်ပေးပြီး လိင်စိတ်ဆန္ဒကို လှုံ့ဆော်ပေးနိုင်ပါတယ်။

၁၁။ အားကစားပိုင်းဆိုင်ရာ အကျိုးပြုခြင်း

သလဲသီးဖျော်ရည်ဟာ အားကစားသမားတွေရဲ့ လှုပ်ရှားမှုကို ပိုမိုတိုးတက်ကောင်းမွန်စေပါတယ်။ ကုန်ဆုံးသွားတဲ့ အင်အားတွေကို ပြန်လည်ဖြည့်တင်းဖို့ အထောက်အကူပြုပါတယ်။ လေ့ကျင့်ခန်း ပြင်းထန်ချိန်မှာ ဖြစ်တတ်တဲ့ ဓာတ်တိုးဖိစီးခြင်းကိုလည်း လျှော့ချပေးပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်ခံအားကောင်းတယ်ဆိုပြီး ဗီတာမင် C တွေ လွန်လွန်ကဲကဲ မှီဝဲမိတဲ့အခါ

ဗီတာမင် C ဟာ ကိုယ်ခံအားစနစ်ကို အကျိုးပြုတဲ့ ဓာတ်တစ်မျိုးဖြစ်ပါတယ်။ ကျန်းမာရေးကို အကျိုးပြုပေမယ့် အလွန်အကျွံမှီဝဲမိရင် ဘေးထွက်ဆိုးကျိုးတွေရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

COVID-19 ရန် ကာကွယ်ဖို့ အချိန်ဘယ်လောက်ပေးပြီး လေ့ကျင့်ခန်းလုပ်ရမလဲ

WHO ကတော့ COVID-19 ကပ်ဘေးကာလမှာ လူတိုင်း အသက်အရွယ်တိုင်း ကိုယ်လက် လေ့ကျင့်ခန်း တွေ ပြုလုပ်ဖို့ လိုအပ်တယ်လို့ တိုက်တွန်းထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 25, 2020 . 2 mins read

ကိုဗစ်ကာလမှာ အိမ်မှာနေရင်းဇက်ကြောတက်တာကို ဘယ်လိုကာကွယ်မလဲ

အရိုးအဆစ် လေ့ကျင့်ခန်း ကြွက်သား ကွန်ပျူတာ ဖုန်း အကိုက်အခဲ ဆီးသွား ဇက်ကြောတက် ကိုဗစ် ထိုင်ခုံ ညောင်းကိုက် ခါးကြော ရုံးတက် ညောင်းညာ ခါးညောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 25, 2020 . 2 mins read

ကိုယ့်ရဲ့ နေအိမ်ဝန်းကျင် သန့်ရှင်းသပ်ရပ်နေတဲ့အခါ…

နေအိမ် အိမ်သန့်ရှင်းရေး အမှိုက် ဖုန်တက် လေ့ကျင့်ခန်း အိပ်ရာ မီးဖိုချောင် အိမ်သာ ရေချိုးခန်း ရောဂါပိုးမွှား ကိုဗစ် ကပ်ဘေး ဖျားနာ စိတ်ဖိစီး ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

Gym ကစားခြင်းနှင့် လူသိမှားနေသေးသော ဂျင်းတချို့…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 3 mins read
ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

ကိုဗစ်ကာလ အိမ်တိုင်းဆောင်ထားသင့်တဲ့ ကျန်းမာရေးကိရိယာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read
အသက် ၅၀ ကျော်လာချိန်မှာ ဘယ်လို ကိုယ်အလေးချိန်လျှော့ချကြမလဲ

အသက် ၅၀ ကျော်လာချိန်မှာ ဘယ်လို ကိုယ်အလေးချိန်လျှော့ချကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read