ဦးနှောက်နှင့် မှတ်ဉာဏ်ကို အကျိုးပြုမည့် အစားအစာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 1, 2020 . 2 mins read
Share now

ဦးနှောက်ဟာ ကိုယ်ခန္ဓာတစ်ခုလုံးကို ထိန်းချုပ်ရာ ပင်မနေရာပဲ ဖြစ်ပါတယ်။ သင့်နှလုံး ပုံမှန်ခုန်စေဖို့၊ သင့်အဆုတ်တွေ ပုံမှန်အသက်ရှူဖို့၊ သင်လှုပ်ရှား တွေးတော ခံစားတတ်ဖို့ ဦးနှောက်က အဓိက ကျပါတယ်။ ဦးနှောက်ရဲ့ ကျန်းမာရေး အကောင်းဆုံးအခြေအနေရှိမှ မှတ်ဉာဏ်အာရုံစူးစိုက်မှု စတဲ့အခြေအနေတွေလည်း ကောင်းမွန်စွာ လုပ်ဆောင်နိုင်မှာ ဖြစ်ပါတယ်။

ယခုဆက်လက်ဖော်ပြမှာကတော့ ဦးနှောက်နဲ့ မှတ်ဉာဏ်ပိုင်းဆိုင်ရာကို ကောင်းစွာ အကျိုးပြုမယ့် အစားအစာတွေအကြောင်းပဲ ဖြစ်ပါတယ်။

၁။ အဆီဓာတ်ကြွယ်ဝသောငါးများ

ဦးနှောက်ကို အကျိုးပြုတဲ့ အစားအစာတွေအကြောင်းပြောရင် အဆီကြွယ်ဝတဲ့ ငါးများကို ထိပ်ဆုံးက ဖော်ပြရမှာ ဖြစ်ပါတယ်။ ဆယ်လ်မွန်၊ ထရောက်ငါး၊ ငါးသေတ္တာ စတဲ့ငါးတွေ ဖြစ်ပါတယ်။ သူတို့မှာ Omega 3 ဖက်တီးအက်ဆစ် ကြွယ်ဝပါတယ်။ ဦးနှောက်ဟာ Omega 3 ကို ဦးနှောက်ဆဲလ်များ၊ အာရုံကြောဆဲလ်များ တည်ဆောက်ရာမှာ အသုံးပြုပါတယ်။ ဒါကြောင့် Omega 3 ဟာ သင်ယူခြင်း၊ မှတ်သားခြင်း စတာတွေအတွက် မရှိမဖြစ် အသုံးဝင်ပါတယ်။

အသက်အရွယ်ကြီးရင့်လို့ ဦးနှောက်အာရုံကြောပိုင်းဆိုင်ရာများ ကျဆင်းလာခြင်းကိုလည်း နှေးစေပါတယ်။ ဥပမာ အယ်လ်ဇိုင်းမားရောဂါ ဖြစ်ပါတယ်။

၂။ ကော်ဖီ

ကော်ဖီမှာ ကဖိန်းဓာတ်နဲ့ ဓာတ်တိုးဆန့်ကျင်ပစ္စည်းတွေ ပါဝင်ပါတယ်။ ကဖိန်းဟာ ဦးနှောက်ကို အကျိုးပြုပါတယ်။ သင့်ကို အိပ်ငိုက်စေဖို့ အချက်ပေးတဲ့ အဒီနိုဆင်းကို တားဆီးခြင်းအားဖြင့် သင့်ကို နိုးကြားစေပါတယ်။ ဆီရိုတိုနင်ဟော်မုန်းလို အာရုံကြောလျှပ်ကူးပစ္စည်းများကို အားမြှင့်ပေးပြီး နေရထိုင်ရကောင်းစေပါတယ်။ အာရုံစူးစိုက်မှကို ကောင်းစေပါတယ်။ ကော်ဖီကို စွဲစွဲမြဲမြဲသောက်သုံးသူများဟာ ပါကင်ဆန်ရောဂါ၊ အယ်လ်ဇိုင်းမားရောဂါ စတာတွေ ဖြစ်ပွားနိုင်ခြေ လျော့နည်းစေပါတယ်။

၃။ ဘလူးဘယ်ရီ

ဘလူးဘယ်ရီမှာ ပါဝင်တဲ့ ဓာတ်တိုးဆန့်ကျင်ပစ္စည်းများဟာ ဦးနှောက်ရဲ့ အိုမင်းရင့်ရော်ခြင်း၊ အာရုံကြောဆဲလ်များ ချို့ယွင်းပျက်စီးလာခြင်းကို အထိုက်အလျောက် ကာကွယ်ပေးပါတယ်။ ဦးနှောက်ဆဲလ်များအတွင်း ဆက်သွယ်မှု များကို တိုးတက်စေပါတယ်။ မှတ်ဉာဏ်ကိုလည်း တိုးတက်စေတယ်လို့ ဆိုပါတယ်။

၄။ နနွင်း

ဟင်းချက်ရာမှာ အသုံးပြုတဲ့ နနွင်းဟာလည်း ဦးနှောက်အကျိုးပြု စားသောက်ဖွယ်ရာစာရင်းမှာ ပါဝင်ပါတယ်။ ဓာတ်တိုးဆန့်ကျင်တဲ့ အာနိသင်နဲ့ ရောင်ရမ်းမုှကို ကျစေတဲ့ အာနိသင်တွေ ရှိပါတယ်။ နနွင်းမှာပါဝင်တဲ့ curcumin ဆိုတဲ့ ဓာတ်ပစ္စည်းဟာ အယ်လ်ဇိုင်းမားဝေဒနာသည်တွေမှာ မှတ်ဉာဏ်ကို တိုးတက်စေတယ်လို့ သိရပါတယ်။ ဒါ့အပြင် ဆီရိုတိုနင်နဲ့ ဒိုပါမင်းဟော်မုန်းများကို အားမြှင့်ပေးတာကြောင့် စိတ်ကျခြင်းကို သက်သာစေပါတယ်။

၅။ ပန်းပွင့်စိမ်း

ပန်းပွင့်စိမ်းမှာ ဓာတ်တိုးဆန့်ကျင်ပစ္စည်းများနဲ့ ဗီတာမင် K ကြွယ်ဝပါတယ်။ ဗီတာမင် K ဟာ ဦးနှောက်ထဲက အဆီဓာတ်တစ်မျိုးဖြစ်ပေါ်ရေးအတွက် အရေးကြီးပါတယ်။ သုတေသနအချို့အရ ဗီတာမင် K ပိုမိုရရှိရင် မှတ်ဉာဏ်ပိုကောင်းစေတယ်လို့ ဆိုပါတယ်။ ဒါ့အပြင် ပန်းပွင့်စိမ်းမှာပါဝင်တဲ့ ရောင်ရမ်းမှုကျစေတဲ့ ပစ္စည်းများ၊ ဓာတ်တိုးဆန့်ကျင်ပစ္စည်းများဟာ ဦးနှောက်ပျက်စီးလာခြင်းကို သက်သာစေပါတယ်။

၆။ ရွှေဖရုံစေ့

ရွှေဖရုံစေ့မှာပါဝင်တဲ့ ဓာတ်တိုးဆန့်ကျင်ပစ္စည်းများဟာ ဖရီးရယ်ဒီကယ်များကြောင့် ဦးနှောက်ဆဲလ်များ ပျက်စီးရမယ့် အခြေအနေကို အကာအကွယ်ပေးပါတယ်။ ရွှေဖရုံစေ့မှာ မဂ္ဂနီဆီယမ်၊ သံဓာတ်၊ ဇင့်၊ ကြေးနီ စတဲ့ သတ္တုဓာတ်တွေ ပါဝင်ပါတယ်။ ဇင့်ဓာတ်ဟာ အာရုံကြောဆလ်များအကြား ဆက်သွယ်မှုအတွက် အရေးကြီးပါတယ်။ မဂ္ဂနီဆီယမ်ဟာ သင်ယူခြင်း၊ မှတ်သားခြင်းအတွက် မရှိမဖြစ် အရေးပါပါတယ်။ မဂ္ဂနီဆီယမ်ချို့တဲ့ရင် ဦးနှောက်နဲ့ အာရုံကြောပြဿနာတွေ ဖြစ်ပေါ်တတ်ပါတယ်။ ကြေးနီဓာတ်ဟာလည်း အာရုံကြောဆဲလ် အချက်ပြခြင်းတွေကို အထောက်အကူပြုပါတယ်။

၇။ အနက်ရောင် ချောကလက် (Dark Chocolate)

အနက်ရောင် ချောကလက်မှာ ဦးနှောက်ကို အကျိုးပြုတဲ့ ဖလာဗိုနွိုက်၊ ကဖိန်း စတဲ့ ဓာတ်ပစ္စည်းတွေနဲ့ တခြား ဓာတ်တိုးဆန့်ကျင်ပစ္စည်းတွေ ပါဝင်ပါတယ်။ ဖလေဗာနွိုက်ဟာ သင်ယူမှတ်သားခြင်းကို ပိုမိုကောင်းမွန်စေပါတယ်။ မှတ်ဉာဏ်တိုးတက်စေတဲ့အပြင် အသက်ကြီးလို့ဖြစ်လာတတ်တဲ့ စိတ်ပိုင်းဆိုင်ရာ ပြဿနာတွေကို လျော့ပါးစေပါတယ်။
…………………………………………………………………….
အထက်ဖော်ပြပါ အစားအစာများအပြင် ဥအမျိုးမျိုး၊ Green tea၊ အခွံမာသီးများ၊ လိမ္မော်သီး စတာတွေဟာ ဦးနှောက်နဲ့ မှတ်ဉာဏ်ပိုင်းဆိုင်ရာတွေကို အကျိုးပြုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သွားတွေ ဘာကြောင့် ဝါသလဲ၊ သွားမဝါအောင် ဘယ်လိုလုပ်ကြမလဲ

မျက်နှာရဲ့ အလှအပကို ပေါ်လွင်စေမယ့် သွားတွေ ဝါကျင်ကျင်ဖြစ်နေတာကို မြင်ဖူးကြတယ်မဟုတ်လား။ သွားဝါတာမျိုးမဖြစ်အောင် ဘယ်လိုလုပ်ရမလဲဆိုတာကို ပြောပြသွားမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အမျိုးသမီးတွေရဲ့ လိင်စိတ်ဆန္ဒကို စေ့ဆော်ပေးနိုင်တဲ့ အစားအစာများ

အမျိုးသားတွေသာမက အမျိုးသမီးတွေမှာလည်း လိင်စိတ်ခံစားချက်၊ စိတ်ဆန္ဒကို မြှင့်တင်ပေးနိုင်တဲ့ အစားအစာတွေဟာလည်း သဘာဝလောကထဲမှာ ရှိနေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဘာကြောင့် အိပ်ရေးဝဖို့ အလွန်အရေးကြီးတယ်လို့ ဆိုနေရတာလဲ

ကောင်းကောင်းအိပ်စက်တာက လေ့ကျင့်ခန်းလုပ်တာနဲ့ အာဟာရပြည့်ဝအောင်စားသောက်တာလိုပဲ ခန္ဓာကိုယ်အတွက် အရေးပါလှပါတယ်။ ပြည့်ဝအောင် အိပ်စက်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အန်ဖက်တမင်း အလွဲသုံးခြင်းဆိုသည်မှာ

လူတွေ အလွဲသုံးမိနေနိုင်တဲ့ အရာတွေက အတော်များများရှိပါတယ်။ ဒီထဲမှာ အန်ဖက်တမင်းကလည်း တစ်ခုအပါအဝင်ပေါ့။ အန်ဖတ်တမင်း အလွဲသုံးခြင်း။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကိုဗစ်ကုသရေးမှာအရေးပါလာတဲ့ သွေးတွင်းအောက်ဆီဂျင်ပမာဏတိုင်းတာခြင်း

ကိုဗစ်ကုသရေးမှာအရေးပါလာတဲ့ သွေးတွင်းအောက်ဆီဂျင်ပမာဏတိုင်းတာခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
ဝမ်းပျက်ဝမ်းလျှောဖြစ်ရင် လုံးဝမလုပ်သင့်တဲ့ အချက်များ

ဝမ်းပျက်ဝမ်းလျှောဖြစ်ရင် လုံးဝမလုပ်သင့်တဲ့ အချက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
သွေးသန့်စေဖို့ ဒါတွေစားပါ။

သွေးသန့်စေဖို့ ဒါတွေစားပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 20, 2020 . 2 mins read
သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 3, 2020 . 2 mins read