သင့် အစာအိမ်အူလမ်းကြောင်း ကျန်းမာရေးကောင်းစေဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 27, 2020 . 2 mins read
Share now

အစာအိမ်အောင့်ခြင်း၊ လေထခြင်း၊ အစာမကြေရင်ပူခြင်း၊ ပျို့အန်ခြင်း၊ ဝမ်းချုပ်ခြင်း စတဲ့ အစာအိမ်အူလမ်းကြောင်းပြဿနာများကို လူတိုင်းလိုလို ကြုံဖူးကြပါလိမ့်မယ်။ များသောအားဖြင့် ခဏတာမျှသာ ခံစားကြုံကြိုက်ရတာများပါတယ်။ ဒါပေမယ့် ဒီဝေဒနာတွေကို ရက်ရှည်လများ ကြုံတွေ့လာရမယ်ဆိုရင်တော့ နေ့စဉ်ဘဝကိုပါ ထိခိုက်လာပါလိမ့်မယ်။

ယခုဖော်ပြမယ့်နည်းလမ်းတွေကတော့ အစာကြေစေပြီး အစာအိမ်အူလမ်းကြောင်းကို သက်သာရာရစေမယ့် နည်းလမ်းတွေပဲ ဖြစ်ပါတယ်။

၁။ လတ်ဆတ်ပြီး ပြုပြင်မှုနည်းသော အစားအစာများကိုစားပါ

စားကောင်းအောင် ပြုပြင်ထားတဲ့ ကာဘိုဟိုက်ဒရိတ်တွေ၊ ပြည့်ဝဆီတွေ၊ ဆိုးဆေးတွေဟာ အစာအိမ်လမ်းကြောင်းကို ဒုက္ခပေးတတ်ပါတယ်။ အဆင့်ဆင့်ပြုပြင်ထားတဲ့ စားသောက်ဖွယ်ရာတွေမှာ တွေ့ရများတဲ့ ပုံပြောင်းဆီဟာလည်း အူလမ်းကြောင်းကို ရောင်ရမ်းစေတတ်တဲ့ အာနိသင် ရှိပါတယ်။ ဒါ့အပြင် စားကောင်းအောင်ပြုပြင်ထားတဲ့ ဖျော်ရည်တွေ၊ ရေခဲမုန့်တွေမှာပါတဲ့ ဆေးသကြားတွေဟာ အူလမ်းကြောင်းက အကျိုးပြုဘက်တီးရီးယားတွေကို ဒုက္ခပေးပြီး အစာအိမ်အူလမ်းကြောင်းပြဿနာတွေကို ဖြစ်ပေါ်စေနိုင်ပါတယ်။

ဒါကြောင့် အဆင့်ဆင့်ပြုပြင်ထားတဲ့ အစားအစာတွေကို တတ်နိုင်သမျှ ရှောင်ကြဉ်ပြီး လတ်ဆတ်စွာနဲ့ သဘာဝအတိုင်း အနီးစပ်ဆုံး စားသုံးသင့်ပါတယ်။

၂။ အမျှင်ဓာတ်များများစားပါ

ရေမှာပျော်ဝင်နိုင်တဲ့ အမျှင်ဓာတ်အမျိုးအစားဟာ ရေကိုစုပ်ယူပြီး အစာဟောင်းများကို ပွလာစေပါတယ်။ မပျော်ဝင်နိုင်တဲ့ အမျှင်ဓာတ်များကတော့ အူလမ်းကြောင်းတလျှောက် ပွတ်တိုက်ဆင်းသွားပြီး အူများကို သန့်ရှင်းရေးလုပ်ပေးပါလိမ့်မယ်။ ဒါကြောင့် အမျှင်ဓာတ်များတဲ့ အစားအစာများဟာ အစာအိမ်အူလမ်းကြောင်းကို အကျိုးပြုပါတယ်။

၃။ ကျန်းမာရေးနဲ့ညီညွတ်သော အဆီများကိုစားပါ

အစာကောင်းကောင်းကြေဖို့ဆိုရင် အဆီဓာတ်ကို လုံလောက်စွာ စားဖို့ လိုအပ်ပါတယ်။ အစာအိမ်အူလမ်းကြောင်းကနေ အာဟာရဓာတ်တွေကို စုပ်ယူနိုင်ဖို့ အဆီဓာတ်ကို အကူအညီပေးပါတယ်။ Omega 3 ဖက်တီးအက်ဆစ်ဟာ ကျန်းမာရေးနဲ့ညီညွတ်တဲ့ အဆီတစ်မျိုးဖြစ်ပြီး အူလမ်းကြောင်းရောင်ရမ်းခြင်းကို သက်သာစေနိုင်ပါတယ်။ နှမ်းကြတ်စေ့၊ ချီယာစေ့၊ သစ်ကြားသီး၊ ဆယ်လ်မွန်ငါး၊ မက်ကရယ်ငါး၊ ငါးသေတ္တာ စတာတွေဟာ omega 3 ကြွယ်ဝတဲ့ အစားအစာတွေ ဖြစ်ပါတယ်။

၄။ ရေများများသောက်ပါ

ရေသောက်နည်းရင် ဝမ်းချုပ်တတ်ပါတယ်။ ဝမ်းမချုပ်အောင် တစ်နေ့တာမှာ ရေကို ၁.၅ လီတာကနေ ၂ လီတာထိ သောက်သုံးပေးသင့်ပါတယ်။ ပူအိုက်တဲ့အချိန်တွေ၊ လေ့ကျင့်ခန်း ပြင်းပြင်းထန်ထန်လုပ်တဲ့ အချိန်တွေမှာ ရေကို ပိုမိုလိုအပ်ပါတယ်။ ဒါ့အပြင် သခွားသီး၊ ခရမ်းချဉ်သီး၊ ဖရဲသီး၊ ဂရိတ်ဖရု စတဲ့ အရည်ရွှမ်းတဲ့ အသီးအနှံတွေကို စားသုံးခြင်းကလည်း အထောက်အကူ ပြုပါတယ်။

၅။ စိတ်ဖိစီးမှုလျှော့ချပါ

စိတ်ဖိစီးမှုများခြင်းဟာ အစာအိမ်အူလမ်းကြောင်းကို ထိခိုက်စေပါတယ်။ အစာအိမ်အနာဖြစ်ခြင်း၊ ဝမ်းပျက်ခြင်း၊ ဝမ်းချုပ်ခြင်း၊ အူရောင်ရမ်းခြင်း စတာတွေနဲ့ ဆက်စပ်နေပါတယ်။ စိတ်ဖိစီးမှုများချိန်မှာ ထွက်တဲ့ဟော်မုန်းများဟာ သွေးနဲ့တခြားစွမ်းအင်တွေကို အူလမ်းကြောင်းကနေ တခြားနေရာတွေကို ပိုပြီး ဦးစားပေးရောက်ရှိသွားတာကြောင့် အစာချေရာမှာ အားနည်းပါတယ်။ အူလမ်းကြောင်းအနာဖြစ်ပြီး ရောင်ရမ်းသူတွေမှာ တရားထိုင်ခြင်း၊ အကြောလျှော့ခြင်း စတဲ့ စိတ်ဖိစီးမှုလျော့ပါးစေတဲ့ နည်းလမ်းတွေကျင့်သုံးရင် ပိုပြီး သက်သာကောင်းမွန်မှုရှိတာ တွေ့ရပါတယ်။

၆။ သတိနဲ့စားပါ

အစာများများကို မြန်မြန်နဲ့စားခြင်းဟာ လေပွခြင်း၊ လေထခြင်း၊ အစာမကြေခြင်း စတာတွေကို ဖြစ်ပေါ်စေပါတယ်။ ဒါကြောင့် အစာစားတိုင်းမှာ ကြေညက်အောင် သေချာစားသုံးသင့်ပါတယ်။

ဒါကြောင့် ဖြည်းဖြည်းစားပါ။ စားသောက်ချိန်မှာ ဖုန်း၊ တီဗီမကြည့်ပါနဲ့။ စားတဲ့အလုတ်တိုင်းမှာ သတိကပ်ပါ။ ကြေညက်အောင် ဝါးစားပါ။ အစာကို ကြေညက်စွာဝါးစားခြင်းဟာ အာဟာရဓာတ်တွေကို ပိုမိုပြည့်ဝစွာ ရရှိဖို့ အထောက်အကူပြုပါတယ်။

၇။ လှုပ်လှုပ်ရှားရှားနေပါ

လေ့ကျင့်ခန်းပုံမှန်လုပ်ခြင်းဟာ အစာခြေစနစ်ကို အထောက်အကူပြုပါတယ်။ လှုပ်လှုပ်ရှားရှားနေတဲ့အခါ အစာများကို အူလမ်းကြောင်းတလျှောက် ကောင်းစွာ ရွေ့လျားစေပါတယ်။ ထမင်းစားပြီးချိန် အနည်းဆုံး လမ်းလျှောက်ပေးသင့်ပါတယ်။ လှုပ်ရှားတက်ကြွစွာ နေထိုင်ခြင်းဟာ ဝမ်းချုပ်ခြင်းကိုလည်း ကာကွယ်ပေးပါတယ်။

၈။ မိမိခန္ဓာကိုယ်ရဲ့စကားကို နားထောင်ပါ

မိမိခန္ဓာကိုယ်ကနေ ဗိုက်ပြည့်နေသလား၊ ဗိုက်ဆာနေသလား အလေးထားပါ။ အလွန်အကျွံစားမိခြင်းဟာ လေပွခြင်း၊ အစာမကြေခြင်း စတာတွေ ဖြစ်စေပါတယ်။ ဆာလွန်းမှ အစာစားခြင်းဟာ မကောင်းသလို ဗိုက်တင်းအောင်စားခြင်းဟာလည်း မကောင်းပါဘူး။ ဗိုက်ဆာခြင်းစတင်တဲ့အချိန်မှာ စားသောက်သင့်ပါတယ်။ မိမိဗိုက်ပြည့်ရုံ ခံစားချက်ပေါ်လာရင် အလွန်အကျွံ ဆက်ပြီးမစားသင့်ပါဘူး။

ခြုံပြီးပြောရရင် စားသောက်မှုပုံစံ၊ နေထိုင်မှုပုံစံပြောင်းလဲပေးခြင်းအားဖြင့် အစာအိမ်အူလမ်းကြောင်းကို ပိုမိုကောင်းမွန်စေနိုင်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

အူသိမ်အဝမှာ ကျဉ်းမြောင်းပိတ်ဆို့ရင်တော့ အစာအိမ်ထွက်ပေါက်ကြွက်သားကို ပြုပြင်ခွဲစိတ်ခြင်း (pyloroplasty) နည်းလမ်းနဲ့ ကုသနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အစာရေမျိုအနာဖြစ်ခြင်း

အစာရေမျိုအနာဖြစ်ခြင်းဟာ အသက်အန္တရာယ်နဲ့ဝေးပေမယ့် ခံစားရခက်ပြီး နေ့စဉ်လူနေမှုဘဝကို ထိခိုက်နိုင်တာကြောင့် သတိပြုဆင်ခြင်သင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Probiotics နှင့် အစာအိမ်အူလမ်းကြောင်း ကျန်းမာရေး

Probiotics ဆိုတာဟာ လူသားတွေရဲ့ ကိုယ်ခန္ဓာထဲမှာ မှီတင်းနေထိုင်တဲ့ သက်ရှိဘက်တီးရီးယားလေးတွေပဲ ဖြစ်ပါတယ်။ တနည်းပြောရရင် အကျိုးပြုဘက်တီးရီးယားတွေပဲ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဝက်ခြံအမာရွတ်တွေ သက်သာစေဖို့ ဒါတွေ စားပါ။

ဝက်ခြံအမာရွတ်တွေက အလှပျက်စေရုံတင် မကပါဘူး။ ယုံကြည်မှုကိုလည်း ပျက်စီးစေပါတယ်။ ဒီလို ဝက်ခြံ အမာရွတ်တွေကို သက်သာစေဖို့ စားပေးရမယ့် အစားအစာလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သရက်သီးကပေးတဲ့ ကျန်းမာရေးအကျိုးကျေးဇူးတွေ

သရက်သီးကပေးတဲ့ ကျန်းမာရေးအကျိုးကျေးဇူးတွေ

ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
အမျိုးသမီးများ နှင့် တစ်ကိုယ်ရေ အာသာဖြေခြင်း

အမျိုးသမီးများ နှင့် တစ်ကိုယ်ရေ အာသာဖြေခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
အသားကင်တွေရဲ့ အန္တရာယ်

အသားကင်တွေရဲ့ အန္တရာယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 25, 2020 . 1 min read
အစာအိမ်ကြွက်သားများအားနည်းခြင်း

အစာအိမ်ကြွက်သားများအားနည်းခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read