ကီတို Diet နဲ့ ပတ်သက်ပြီး လုပ်သင့်၊ မလုပ်သင့် တွေဝေနေပြီလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 ဖတ်ရန် ကြာချိန်
Share now

ကီတို Diet ဆိုတာ ကိုယ်အလေးချိန် အမြန်ကျစေဖို့ ကစီဓာတ် (ကာဗိုဟိုက်ဒြိတ်) ကို လျှော့စားပြီး ကျန်းမာရေး အကျိုးပြု အဆီနဲ့ အသားဓာတ်တွေကိုသာ ပိုစားပေးတဲ့ Diet အမျိုးအစားပါ။ ယောက်ျားလေးတွေထက် မိန်းကလေးတွေ ဒီ Diet အမျိုးအစားကို ပိုလိုက်နာ စားသုံးလာကြပါတယ်။ ခုဆောင်းပါးမှာတော့ ကီတို Diet နဲ့ ပတ်သက်ပြီး မကြာခဏ ဆိုသလို လာမေးနေကြတဲ့ အမေးတွေအတွက် ပြန်လည် ဖြေပေးချင်ပါတယ်။ တစ်ခါမှ ကီတို Diet မစဖူးတဲ့သူတွေအတွက်လည်း ကိုယ့်အတွက် သင့်တော်မလား၊ မသင့်တော်ဘူးလားဆိုတာ သေချာ ဆုံးဖြတ်လို့ ရတာပေါ့။

မေးခွန်း (၁) = Diet လုပ်ပြီးနောက်မှာ ကစီဓာတ် ပြန်စားလို့ ရဦးမှာလား။

စားလို့ ရပါတယ်ခင်ဗျ။ သတိထားဖို့ လိုတာက အလွန်အကျွံ မစားလိုက်ဖို့နဲ့ Diet ကို လုံးဝရပ်ပစ်လိုက်တာမျိုးတော့ လုပ်လို့ မရပါဘူး။ ခဏလေး Diet လုပ်ပြီး ပြန်ရပ်၊ နဂိုအတိုင်း ပြန်စားမယ်ဆိုရင်တော့ Diet လုပ်ထားသမျှက အလဟဿ ဖြစ်သွားမှာပါ။ အကယ်လို့ Cheat Day သဘောမျိုးနဲ့ စားမယ်ဆိုရင် Diet လုပ်နေရင်း တစ်ရက်တစ်လေလောက်ကို ကစီဓာတ် ပြန်စားပါ။ ပြီးတာနဲ့ နဂိုလုပ်နေတဲ့ Diet အတိုင်းပဲ ဆက်သွားပါ။

မေးခွန်း (၂) = Diet လုပ်နေစဉ်မှာ ရှိပြီးသား ကြွက်သားပမာဏ ဆုံးရှုံးမှာလား။

ကီတို Diet သည် ခန္ဓာကိုယ်မှာ ရှိတဲ့ အဆီနဲ့ ကယ်လိုရီတွေကို လျင်မြန်စွာ လောင်ကျွမ်းစေတဲ့ Diet အမျိုးအစားပါ။ ဒီတော့ မေးထားတဲ့ မေးခွန်းနဲ့ ပတ်သက်ပြီး ပြန်ဖြေပေးရမယ်ဆိုရင် ပမာဏ အနည်းငယ်ခန့် ကြွက်သားပမာဏ ဆုံးရှုံးနိုင်ပါတယ်။ အကယ်လို့ ကြွက်သားပမာဏ မဆုံးရှုံးဘဲ ဒီအတိုင်း ထိန်းထားချင်တယ်ဆိုရင် ခါတိုင်းထက် များများစားပေးလို့ ရပါတယ်။ အဲ့လိုမဟုတ်ဘဲ တစ်ပတ် ၅ ရက် အဆီများများစားပြီး ကျန်တဲ့ ၂ရက် ကစီဓာတ် များများစားတဲ့ Cyclical Ketogenic Diet (CKD) အမျိုးအစား ဒါမှမဟုတ် လေ့ကျင့်ခန်း မလုပ်ခင်နဲ့ လုပ်ပြီးနောက် အချိန်အနည်းငယ် ခြားပြီး ကစီဓာတ် ပါဝင်တဲ့ အစားအစာတွေ စားလို့ ရတဲ့ Targeted Ketogenic Diet (TKD) အမျိုးအစားကို ပြောင်းလဲနိုင်ပါတယ်။

မေးခွန်း (၃) = Diet လုပ်နေစဉ် ကြွက်သားထု တက်အောင် လုပ်လို့ရလား။

ကြွက်သားထု တက်အောင် လုပ်လို့တော့ ရပါတယ်။ ဒါပေမယ့် ကစီဓာတ်စားသုံးမှုကို လုံးဝလျှော့ချရမှာ ဖြစ်တဲ့အတွက် ခါတိုင်းလောက် ကြွက်သားထုတက်ဖို့ မြန်မှာမဟုတ်ပါဘူး။ ဒီအတွက် အသားများများ ပိုစားလို့ ရတဲ့ ကီတို Diet ပုံစံကို ပြောင်းလဲလို့ ရပါတယ်။

မေးခွန်း (၄) = အသားဓာတ်ကို ဘယ်လောက်များများ စားပေးနိုင်မလဲ။

စံသတ်မှတ်ထားတဲ့ ကီတို Diet အမျိုးအစားတွေမှာ တစ်ရက်ကို ၂၀ ရာခိုင်နှုန်းပဲ အသားဓာတ် စားသုံးပေးသင့်ပါတယ်။ ကိုယ်က လေ့ကျင့်ခန်းပါ တွဲဖက်လုပ်နေတယ်၊ ကြွက်သားထု တက်ဖို့လည်း ကြိုးပမ်းနေတာဆိုရင်တော့ အများဆုံး ၃၅ ရာခိုင်နှုန်းထိ စားပေးလို့ ရပါတယ်။

မေးခွန်း (၅) = Diet လုပ်နေစဉ် မကြာခဏ မောပန်းတာ၊ အားနည်းသလို ဖြစ်နေတာ ပုံမှန်ပဲလား။

ဒါက ပုံမှန်ဖြစ်စဉ်တစ်ခုပါ။ ခန္ဓာကိုယ်က ကိုယ် ပုံမှန်စားနေကျ မဟုတ်တဲ့ အစားအစာတွေ၊ အာဟာရ အချိုးအစားတွေကို ရုတ်တရက် ပြောင်းလဲလိုက်တဲ့အခါ သဟဇာတ မဖြစ်ဘဲ အားမရှိသလို၊ မောပြီး ပင်ပန်းသလို ခံစားရနိုင်ပါတယ်။ ပုံမှန်လေး စားပေးသွားမယ်ဆိုရင် ခန္ဓာကိုယ်က နောက်ပိုင်း အဆင်ပြေသွားမှာပါ။

မေးခွန်း (၆) = Diet လုပ်ပြီးတော့မှ ဆီးက သစ်သီးအနံ့ရနေတာ ဘာလို့လဲ။

ကီတို Diet ကြောင့် ခန္ဓာကိုယ်က အဆီတွေကို ဖြိုခွဲပြီး ကီတုန်း (Ketone) ကို ထုတ်လုပ်ပေးပါတယ်။ ဒီဖြစ်စဉ်ဟာ ဦးနှောက်အတွက် ကောင်းစွာ အလုပ်လုပ်နိုင်စေဖို့ အားအင်တွေကို ဖြစ်စေသလို ဆိုးကျိုးအနေနဲ့ ဆီးအနံ့က သစ်သီးလိုမျိုး အနံ့ထွက်လာတတ်ပါတယ်။ စိတ်ပူစရာတော့ မလိုပါဘူး။

မေးခွန်း (၇) = ခံတွင်းအနံ့ဆိုး ထွက်တာကရော ပုံမှန်ပဲလား။

ဒါကလည်း ပုံမှန်ဖြစ်တတ်တဲ့ ဘေးထွက်ဆိုးကျိုး တစ်ခုပါပဲ။ ဒါကို ကာကွယ်ပေးဖို့ မနက်တစ်ကြိမ်၊ ညတစ်ကြိမ် သွားသေချာ တိုက်ပေးတာ၊ သဘာဝ သောက်ရေသန့်ကို များများ သောက်ပေးတာ၊ သကြားမပါဝင်တဲ့ ပီကေဝါးတာမျိုး လုပ်ပေးလို့ ရပါတယ်။

မေးခွန်း (၈) = ကီတို Diet က အန္တရာယ်များတယ်ဆိုတာ ဟုတ်လား။

မဟုတ်ပါဘူး။ ကီတို Diet သည် စားလိုက်တဲ့ အဆီကို ကီတုန်းအဖြစ် ဖြိုခွဲပေးတဲ့ Ketosis ဖြစ်စဉ်ကို ဖြစ်ပေါ်စေပါတယ်။ အန္တရာယ်များတယ်ဆိုတာ သူနဲ့ နာမည်ဆင်တူတဲ့ Ketoacidosis အမျိုးအစားပါ။ ထိန်းချုပ်မရအောင် ပြင်းထန်တဲ့ ဆီးချိုရောဂါရှိသူတွေမှာ တွေ့ရတတ်တဲ့ ပြဿနာပါ။ ဒါကြောင့် ဆီးချိုရောဂါ ရှိသူတွေအနေနဲ့ ကီတို Diet မစခင်မှာ ကိုယ်ပြနေကျ ဆရာဝန်နဲ့ အရင်ဆုံး တိုင်ပင်ကြည့်တာ ပိုအဆင်ပြေပါလိမ့်မယ်။

မေးခွန်း (၉) = Diet လုပ်ပြီးမှ အစာမကြေ ဝမ်းလျှောချင်သလို ဖြစ်နေတယ် ဆရာ။

ကီတို Diet စလုပ်ကာစနဲ့ တစ်ပတ်၊ နှစ်ပတ်လောက် အကြာမှာ ဖြစ်တတ်ပါတယ်။ ပုံမှန်ဖြစ်တတ်တဲ့ ဘေးထွက်ဆိုးကျိုး တစ်ခုဖြစ်ပြီး ၃ပတ်ကနေ ၄ပတ်အထိ ပုံမှန် Diet လုပ်ပေးသွားမယ်ဆိုရင် ဒီလက္ခဏာတွေ ပျောက်သွားပါလိမ့်မယ်။ အစာမကြေသလို ခံစားနေရတာအတွက် အမျှင်ဓာတ် ပါဝင်မှုများတဲ့ အစိမ်းရင့်ရော် ဟင်းရွက်တွေ ပိုစားပေးတာ၊ ဝမ်းလျှောတာ သက်သာဖို့ မဂ္ဂနီဆီယမ်အားဆေး သောက်တာမျိုးလည်း လုပ်ပေးနိုင်ပါတယ်။

ကီတို Diet သည်လည်း တခြား Diet အမျိုးအစားတွေလိုပါပဲ၊ ခဏလေးနဲ့ အာနိသင်ပြတယ်ဆိုပေမယ့် ရေရှည် စွဲလုပ်သွားဖို့တော့ လိုအပ်ပါတယ်။ Diet စတဲ့ အချိန်မှာ ကိုယ်ခန္ဓာက ဒါကို အသားမကျသေးတဲ့အတွက် ဘေးထွက်ဆိုးကျိုးအနေနဲ့ အစာမကြေတာ၊ ဝမ်းလျှောတာ အစရှိတဲ့ လက္ခဏာတွေ ပြတတ်ပေမယ့် အချိန်ကြာလာတာနဲ့အမျှ သူ့အလိုလို ပျောက်သွားမှာဖြစ်တာကြောင့် အရမ်းတော့ စိတ်ပူစရာ မလိုပါဘူးနော်။ ကီတို Diet လုပ်နေသူတွေရော၊ လုပ်ဖို့ စဉ်းစားနေသူတွေအတွက်ရော ခုဆောင်းပါးလေးက အဆင်ပြေစေမယ်လို့ မျှော်လင့်မိပါတယ်။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ဘော်ဒီ တက်လာအောင် ဘာတွေ စားရမလဲ

ဘော်ဒီ ခန္ဓာကိုယ် ကြွက်သား လေ့ကျင့်ခန်း Gym အားကစား အချိုးအစား ဝိတ်တက် ပရိုတင်း အာဟာရဓာတ် အစားအသောက် ကြွက်သားတက် ဘော်ဒီတက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ကျန်းမာစွာနေထိုင်ခြင်း, ကျန်းမာရေးနဲ့အာဟာရ ဇူလိုင် 3, 2020 . 3 ဖတ်ရန် ကြာချိန်

ပျော်ရွှင်မြူးထူးစွာ Zumba ကကြမယ်

Gym လေ့ကျင့်ခန်း Zumba ကိုယ်အလေးချိန် ကြွက်သားတွေ နှလုံးကျန်းမာရေး ခန္ဓာကိုယ်ရဲ့ အနေအထား သွေးတိုး ကျန်းမာတဲ့ နေထိုင်မှု ပုံစံ အသက်ရှူလမ်းကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

ရာသီစာ အင်ဥလေးကပေးတဲ့ ကျန်းမာရေး

မိုးဦးကာလ ရာသီစာ အင်ဥလေးကပေးတဲ့ ကျန်းမာရေး ပရိုတင်း အမျှင်ဓာတ် ကိုယ်ခံအား အစားအစာ အာဟာရဓာတ် ကြက်သွန်နီ ငရုတ်သီးစိမ်း ဟင်းလျာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

လူတွေ ပြောနေတဲ့ Keto Diet ဆိုတာ ဘာလဲ

ကီတိုDiet ကျန်းမာရေးကောင်းကျိုး ကိုယ်အလေးချိန် ဝိတ်ကျ ကစီဓာတ် အသားဓာတ် အဆီဓာတ် အစားအစာ ကြက်ဥ အစာအာဟာရ ဟင်းသီးဟင်းရွက် လေ့ကျင့်ခန်း ဆီးချို သကြား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

မကြာခဏ ခေါင်းကိုက်တတ်သူ တစ်ယောက်အတွက် အသုံးဝင်နိုင်မယ့် နည်းလမ်းများ

မကြာခဏ ခေါင်းကိုက်တတ်သူ တစ်ယောက်အတွက် အသုံးဝင်နိုင်မယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 3, 2020 . 2 ဖတ်ရန် ကြာချိန်
ကြက်ညှာချောင်းဆိုးရောဂါ အချိန်မှီကာကွယ်ပါ

ကြက်ညှာချောင်းဆိုးရောဂါ အချိန်မှီကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 3, 2020 . 2 ဖတ်ရန် ကြာချိန်
ဆယ်ကျော်သက် ကိုယ်ဝန်ဆောင်ခြင်းအကြောင်း လေ့လာကြည့်ရအောင်။

ဆယ်ကျော်သက် ကိုယ်ဝန်ဆောင်ခြင်းအကြောင်း လေ့လာကြည့်ရအောင်။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 3, 2020 . 2 ဖတ်ရန် ကြာချိန်
လူတိုင်းဟာ ပျော်ရွှင်ခြင်းနဲ့ ထိုက်တန်ပါတယ်

လူတိုင်းဟာ ပျော်ရွှင်ခြင်းနဲ့ ထိုက်တန်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 3, 2020 . 2 ဖတ်ရန် ကြာချိန်