အနာကျက်မြန်ချင်ရင် ဒီအစားအစာတွေကိုရှောင်ပါ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

ခေါင်းအစခြေအဆုံးတစ်ကိုယ်လုံးကထိခိုက်မိနိုင်တာပါပဲ။ငြိမ်ငြိမ်လေးထိုင်နေတာတောင် ထိခိုက်နိုင်တဲ့အရာက ကိုယ့်ကိုလာထိခိုက်မိနိုင်သေးတာ။ သွားလာလှုပ်ရှားနေရသူတွေအဖို့ကတော့ အနာကင်းဖို့ဆိုတာ မဖြစ်နိုင်တဲ့ကိစ္စပါပဲ။ အနာဖြစ်လာတဲ့အခါ ခန္ဓါကိုယ်ရဲ့စနစ်က အနာကျက်အောင်လုပ်ဆောင်ပေးပါတယ်။ ဒီလိုလုပ်ဆောင်ပေးရာမှာလည်း ခန္ဓါကိုယ်က သူ့အလိုလိုလုပ်လိမ့်မယ် ဘာမှလုပ်စရာမလိုဘူးမဟုတ်ပါဘူး။ အနေအထိုင် အစားအသောက်လေးဆင်ခြင်ပေးဖို့တော့လိုတာပေါ့။ ကဲ ဒီတော့ အနာကျက်မြန်အောင်ဘာတွေကို ဂရုစိုက်ဆင်ခြင်မလဲ။

အနာကျက်မြန်ချင်ရင် ဒီအစားအစာတွေကိုရှောင်ပါ။

အနာဖြစ်ပြီဆိုရင် ကြီးကြီးမားမားကျန်းမာရေးပြဿနာမှမဟုတ်တာဆိုပြီး အမှုမဲ့ အမှတ်မဲ့မနေပါနဲ့။ အနာကျက်နှေးစေနိုင်တဲ့ ဒီအစားအစာတွေကို မစားဖြစ်အောင်သတိထားပေးပါနော်။

ဟင်းခတ်အမွှေးအကြိုင်တွေချင်းနဲ့နနွင်းတွေက ဟင်းပွဲတွေကို အရသာပြည့်ဝစေတာတင်မဟုတ်ဘဲ ကျန်းမာရေးအတွက်လည်း အတိုင်းအတာတစ်ခုအထိကောင်းကျိုးပြုပေးပါတယ်။ ဒီဟင်းခတ်အမွှေးအကြိုင်တွေက ခန္ဓါကိုယ်တွင်းမှာသွေးခဲတာမျိုးတွေမဖြစ်အောင်ကာကွယ်ပေးပါတယ်။ ဒါပေမယ့် အလွန်အကျွံစားမယ်ဆိုရင် အနာကျက်မှုဖြစ်စဉ်အတွက်အဓိကအရေးပါတဲ့သွေးခဲမှုဖြစ်စဉ်ကို အနှောင့်အယှက်ဖြစ်စေတာကြောင့် အနာရှိနေတဲ့အချိန်မှာ ဒီဟင်းခတ်အမွှေးအကြိုင်တွေကို အများကြီးမစားပါနဲ့။

အဆီထုတ်ထားတဲ့နို့ – အဆီထုတ်ထားတဲ့နို့တွေက ခန္ဓါကိုယ်ရဲ့ အင်ဆူလင်ထုတ်လုပ်မှုနဲ့ ခန္ဓါကိုယ်ရဲ့ရောင်ရမ်းမှုကိုဖြစ်စေတဲ့လုပ်ဆောင်မှုတွေအပေါ်မှာ သက်ရောက်တာမျိုးတွေရှိနေပါတယ်။ရောင်ရမ်းမှုက ထိခိုက်ဒဏ်ရာရတဲ့အခါ ခန္ဓါကိုယ်ကပထမဆုံးတုံ့ပြန်လိုက်တဲ့ တုံ့ပြန်မှုပါ။ ဒီတုံ့ပြန်မှုကြောင့်သွေးတိတ်သွားစေပြီးသွေးခဲအောင်လုပ်ဆောင်ပေးပါတယ်။ အဆီထုတ်နို့ကရောင်ရမ်းမှုဖြစ်စဉ်ကိုအနှောက်အယှက်ဖြစ်စေတာကြောင့် အနာကျက်နှေးစေပြီး မလိုအပ်ဘဲ ပိုးဝင်ကူးစက်မှုတွေကိုဖြစ်ပေါ်စေပါတယ်။ ဒါကြောင့်အနာကျက်မြန်ချင်တယ်ဆိုရင် အဆီထုတ်ထားတဲ့နို့တွေကို မသောက်ပါနဲ့။

သကြားဓါတ်လွန်ခဲ့တဲ့နှစ်ပေါင်းများစွာကာလတွေကတည်းက အချိုများတဲ့ အစားအစာတွေက ကျန်းမာရေကိုထိခိုက်စေတယ်ဆိုတာကို လူတိုင်းကသိရှိထားပြီးဖြစ်မှာပါ။ မကြာသေးခင်ကတွေ့ရှိခဲ့တဲ့လေ့လာမှုတွေအရဆိုရင်လည်း အချိုများတဲ့အစားအစာတွေက ရင်သားကင်ဆြာဖစ်နိုင်ခြေကိုမြင့်စေနိုင်သလို အရေပြားထဲကကော်လာဂျင်ပမာဏအပေါ်မှာလည်း သက်ရောက်မှုရှိစေပါတယ်။ အနာကျက်ဖြစ်စဉ်အတွက်ကော်လာဂျင်ဒြပ်ပေါင်းကတော်တော်လေးအရေးပါတာပါ။

နိုက်ထရိတ်များတဲ့ အစားအစာတွေ – ခန္ဓါကိုယ်ရဲ့သွေးကြောတွေက အနာကျက်ဖြစ်စဉ်အတွက်အရေးပါတဲ့ ဓါတုဒြပ်ပေါင်းတွေကို သယ်ပို့ပေးတာပါ။ နိုက်ထရိတ်များတဲ့ အစားအစာတွေကသွေးကြောတွေကိုထိခိုက်ပျက်စီးစေနိုင်ပါတယ်။သွေးထဲမှာ နိုက်ထရိတ်ပမာဏများတဲ့အခါသွေးကြောအတွင်းမှာ အဆီတွေကိုဖြစ်စေတဲ့atherosclerosis(သွေးကြောကျဉ်းခြင်း) လို့ခေါ်တဲ့ရောဂါအခြေအနေတစ်မျိုးကိုဖြစ်စေနိုင်ပါတယ်။ ဒီရောဂါအခြေအနေကိုခံစားရတဲ့ အခါသွေးကြောလေးတွေ ပေါက်ထွက်ပျက်စီးသွားပြီး အနာကျက်တာကိုနှေးစေသလို ပုံမှန်မဟုတ်တဲ့သွေးယိုစီးတာ၊လေဖြတ်တာနဲ့ ရုတ်ရက်နှလုံးရပ်တာတွေအထိခံစားရနိုင်ပါတယ်။ ဒါကြောင့် အနာကျက်မြန်စေချင်တယ်ဆိုရင်ပြုပြင်ထားတဲ့အသားတွေကို မစားဖို့ပြောပါရစေ။

ဒီအစားအစာတွေအပြင် အနာတစ်ခုခုရှိနေတဲ့အခါ မာဂျရင်း လိုမျိုး ကိုယ်တွင်းရေဓါတ်ြဖည့်တင်းမှုဖြစ်စဉ်ကိုအနှောင့်အယှက်ဖြစ်စေတဲ့ အစားအစာတွေကိုရှောင်ပေးပါ။ အချိုရည်တွေကိုရှောင်သင့်ပါတယ်။နောက်တစ်ချက်က ကာဗိုဟိုက်ဒရိတ်နဲ့ပရိုတင်းတွအများကြီးစားသုံးတာမျိုးမလုပ်ဖို့ပါ။ ကြက်သွန်ဖြူလိုမျိုးသွေးကျဲစေနိုင်တဲ့ အစားအစာတွေကိုလည်း အများကြီးမစားသင့်ပါဘူး။ သွေးတွင်းသကြားဓါတ်အပေးမှာ သက်ရောက်မှုရှိနေတဲ့ အယ်လ်ကိုဟောနဲ့ကဖင်းပါတဲ့သောက်စရာတွေကိုလည်း လုံးဝရှောင်ရှားဖို့ပြောပါရစေ။

အနာဖြစ်တဲ့အခါရေများများသောက်၊ အိပ်ရေးဝဝအိပ်၊ အာဟာရပြည့်ဝအောင်စားသုံးပြီး ဗီတာမင် E၊ ဘီတာကယ်ရိုတင်း၊ ဗီတာမင် A၊ ဗီတာမင် B နဲ့ ဗီတာမင် C ြကွယ်ဝတဲ့အစားအစာတွေကို များများစားသုံးပေးပါ။ ဇင့်ဓါတ်ပါတဲ့ အစားအစာတွေကိုလည်း များများစားသုံးပေးပါ။ ဒီလိုလုပ်ပေးတာက အနာကျက်မြန်စေရုံတင်မဟုတ်ဘဲ ခန္ဓါကိုယ်ရဲ့ ကိုယ်ခံအားကိုကောင်းစေမှပါ။

အနာကျက်စေဖို့ နောက်ဆုံးအနေနဲ့ သတိထားရမှာက အနာရဲ့ သန့်ရှင်းရေးပါ။ အနာကိုသေချာသန့်စင်ဆေးကြောမယ်။ဆေးထည့်မယ်။ တစ်နေ့နှစ်ကြိမ် အနာစစ်ဆေးမယ်။ ပလာစတာကပ်မယ်ဆိုရင် အနာကရောဂါပိုးတွေရဲ့နှောင့်ယှက်မှုမခံရဘဲကောင်းကောင်းမွန်မွန်မြန်မြန်ဆန်ဆန်နဲ့ အနာကျက်မြန်စေမှာပါ။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ကလေးကျန်းမာရေး အကြောင်း

ကလေးကျန်းမာရေး ဆိုတာက ကလေးတစ်ယောက် သန္ဓေတည်တဲ့ အချိန်ကနေစပြီး ဆယ်ကျော်သက်အရွယ်ရောက်လာသည်အထိ မိဘတွေဘက်က ဂရုစိုက် စောင့်ကြည့်ပေးရမယ့် အရာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်မေမေ ကော်လာဂျင် သောက်လို့ရလား………………….

ကိုယ်ဝန်ဆောင်ချိန်မှာ သွေးလည်ပတ်မှုကောင်းတာကြောင့် အသားအရေက ကြည်လင်လှပနေသလို ဆံသားကလည်း နက်မှောင်နေတတ်ပါတယ်။ ဒါဆို ဒီလိုကာလမှာရော ကော်လာဂျင်က လိုဦးမှာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အမြင်အာရုံဝေဝါးခြင်း ပြဿနာများအကြောင်း

အမြင်အာရုံဝေဝါးခြင်း က ဘာကြောင့်ဖြစ်တာလဲ။ ဘယ်လို နောက်ဆက်တွဲတွေ ဖြစ်လာနိုင်သလဲ။ ကုသလို့ ရပါ့မလား စတဲ့အကြောင်းအရာတွေကို လေ့လာကြည့်ရအောင်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုယ်ဝန်လအလိုက် ကြုံရနိုင်တဲ့ ကျန်းမာရေး ပြဿနာများ

ကိုယ်ဝန်လအလိုက် တွေ့ကြုံနိုင်တဲ့ ကျန်းမာရေး ပြဿနာဆိုတာ ရှိပြီးသားပါ။ ကိုယ်ဝန်ဆောင်တွေအနေနဲ့ ကိုယ့်ကျန်းမာရေးကို အမြဲဂရုစိုက်နေရပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

သွေးဖြူဥဆဲလ် ရောဂါ (White Blood Cell Disorder)

သွေးဖြူဥဆဲလ် ရောဂါ (White Blood Cell Disorder)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 3 mins read
ရနံ့ကုထုံး (Aromatherapy) ရဲ့ ကျန်းမာရေးအကျိုးကျေးဇူး

ရနံ့ကုထုံး (Aromatherapy) ရဲ့ ကျန်းမာရေးအကျိုးကျေးဇူး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 2 mins read
Covishield ကာကွယ်ဆေး မထိုးခင် ကြိုသိထားသင့်တဲ့အချက်များ

Covishield ကာကွယ်ဆေး မထိုးခင် ကြိုသိထားသင့်တဲ့အချက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 25, 2021 . 3 mins read
Covishield က ဘယ်လိုဆေးလဲ၊ ဘာတွေသိထားသင့်သလဲ

မြန်မာနိုင်ငံမှာ ထိုးမယ့် Covishield ကိုဗစ်ကာကွယ်ဆေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 25, 2021 . 2 mins read