စတော်ဘယ်ရီသီး နှင့် အသားအရေလှပမှု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 27, 2020 . 2 mins read
Share now

အသားအရေလှပကြည်လင်အောင် စားသင့်တဲ့ အစားအစာတွေထဲမှာ အနီရောင်တောက်တောက်လေးရှိတဲ့ စတော်ဘယ်ရီသီး လှလှ လေးတွေဟာလည်း တစ်မျိုးအပါအဝင်ဖြစ်ပါတယ်။ စတော်ဘယ်ရီသီးဟာ သူ့ရဲ့ အရောင်အဆင်းနဲ့ ပုံစံကြောင့်ရော၊ အရသာကြောင့်ရော ကလေးရော၊ လူကြီးပါမကျန် အတော်များများကြိုက်နှစ်သက်ကြတဲ့ အသီးလေးဖြစ်ပါတယ်။ ဒီနေ့ဆောင်းပါးလေးမှာတော့ အဲဒီလို လူကြိုက်များတဲ့ စတော်ဘယ်ရီအသီးလေးဟာ အသားအရေအတွက် ဘယ်လို အထောက်အကူပြုနိုင်လဲဆိုတဲ့ အချက်လေးတွေကို မျှဝေပေးသွားမှာပါ။

စတော်ဘယ်ရီသီးလေးဟာ ကျွန်ုပ်တို့ရဲ့ ခန္ဓာကိုယ်အတွက် အရေးပါတဲ့ ဗီတာမင်(အထူးသဖြင့် ဗီတာမင် C နဲ့ folic acid သို့ ဗီတာမင် B9) ၊ သတ္တုဓာတ်တွေ(potassium, magnesium, iron) ၊ အမျှင်ဓာတ်၊ ရေဓာတ်နဲ့ anti-oxidant တွေ ကြွယ်ဝတဲ့ သဘာဝသစ်သီးလေးပဲဖြစ်ပါတယ်။

စတော်ဘယ်ရီသီး ဟာ အသားအရေအတွက် ဘယ်လို အထောက်အကူပြုနိုင်လဲ။

(၁) အထူးသဖြင့် ဗီတာမင် C ကြွယ်ဝတာကြောင့် ခုခံအားစနစ်ကို မြှင့်တင်ပေးနိုင်ရုံတင်မကဘဲ အသားအရေကို တောက်ပကြည်လင်စေပါတယ်။

(၂) ဗီတာမင် C မှာ anti-inflammatory လို့ခေါ်တဲ့ ရောင်ရမ်းတာကို သက်သာစေနိုင်တဲ့ ဂုဏ်သတ္တိလည်းရှိတာကြောင့် ဝက်ခြံကြောင့်ဖြစ်တဲ့ ရောင်ရမ်းခြင်းတွေကိုလည်း သက်သာအောင် ကူညီပေးနိုင်ပါတယ်။

(၃) အသားအရေ တင်းရင်းအောင် မရှိမဖြစ်လိုအပ်တဲ့ collagen ကိုလည်း ထုတ်ဖို့အတွက် လှုံဆော်ပေးနိုင်ပါတယ်။

(၄) antioxidant ဂုဏ်သတ္တိရှိတဲ့အတွက် နေရာင်ခြည်မှာပါဝင်တဲ့ UV Light လို့ခေါ်တဲ့ ခရမ်းလွန်ရောင်ခြည်ကြောင့် ထိခိုက်ပျက်စီးတဲ့ အသားအရေပျက်စီးမှုကို ကာကွယ်ပေးနိုင်ပါတယ်။

အသားအရေအတွက် စတော်ဘယ်ရီသီးကို စားသင့်လား (သို့) စတော်ဘယ်ရီသီးနဲ့ ထုတ်လုပ်ထားတဲ့ အလှကုန်ပစ္စည်းတွေကို သုံးသင့်လား။

စားမယ်ဆိုရင်တော့ စတော်ဘယ်ရီသီးမှာပါဝင်တဲ့ အာဟာရဓာတ်အားလုံးကို ရရှိနိုင်တာကြောင့် အသားအရေအတွက် ကောင်းစေရုံတင်မကဘဲ အောက်ပါ ကောင်းကျိုးတွေကိုလည်း ရရှိစေနိုင်ပါတယ်။

၁။ သွေးတွင်းအဆီဓာတ်တွေကို ထိန်းပေးနိုင်ခြင်း၊ ကိုလက်စထရောကို လျော့နည်းစေခြင်း။

၂။  ခုခံအားကို မြှင့်တင်ပေးနိုင်တဲ့အတွက် ရောဂါပိုးမွှားများကို ကာကွယ်ပေးနိုင်ခြင်း။

၃။ သွေးပေါင်ချိန်နဲ့ သွေးတွင်းအချိုဓာတ် ကို ထိန်းညှိပေးနိုင်ခြင်း။

၄။ စိတ်ကို ပျော်ရွှင်စေနိုင်တဲ့ ဟော်မုန်းလေးတစ်မျိုးဖြစ်တဲ့ serotonin ဟော်မုန်းကို အားပေးနိုင်ခြင်း။

၅။ အနာကျက်လွယ်စေခြင်း စတဲ့ အကျိုးကျေးဇူးတွေကိုပါ ရရှိနိုင်မှာဖြစ်ပါတယ်။

စတော်ဘယ်ရီသီးပါဝင်တဲ့ အလှကုန်ပစ္စည်းတွေကို လိမ်းတာနဲ့ ပတ်သတ်ပြီး အသားအရေကို အထောက်အကူဖြစ်၊ မဖြစ်ကိုတော့ တိကျသေချာတဲ့ လေ့လာတွေ့ရှိချက်အများကြီး မရှိသေးပေမယ့် ၂၀၁၉ မှာ တွေ့ရှိချက်တစ်ခုအရတော့ စတော်ဘယ်ရီသီးကထုတ်ယူရရှိထားတဲ့ ဗီတာမင် C နဲ့ ကုသတဲ့ ကုထုံးတွေမှာ အသားအရေအတွက် ရေဓာတ်ထိန်းပေးနိုင်ခြင်း၊ အသားအရေကို တင်းရင်း ကြည်လင်စေခြင်း စတဲ့ အကျိုးကျေးဇူးတွေကို ရရှိတယ်လို့ ဆိုထားပါတယ်။

စတော်ဘယ်ရီသီး တွေကို စားမယ်ဆိုရင် ဘယ်လိုအသီးတွေကို ရွေးချယ်ဝယ်ယူသင့်သလဲ။

စတော်ဘယ်ရီသီးလေးတွေကို စားသုံးဖို့ ဝယ်ယူတဲ့အခါမှာ ဘေးဥပါဒ်လည်း မဖြစ်အောင်၊ အသားအရေနဲ့ ကျန်းမာရေးအတွက်လည်း အကောင်းဆုံးဖြစ်အောင် လတ်ဆတ်တဲ့ အသီးတွေကို ရွေးချယ်ဖို့အရေးကြီးပါတယ်။ ဒါ့ကြောင့် နီနီရဲရဲ၊ တောက်တောက်ပြောင်ပြောင်နဲ့ တင်းတင်းရင်းရင်းရှိပြီး အသီးအပေါ်မှာ လတ်ဆတ်တဲ့ အရွက်စိမ်းစိမ်းလေး ရှိနေတဲ့ အသီးမျိုးကိုပဲ ရွေးချယ်စားသုံးသင့်ပါတယ်။

ဒါ့ကြောင့် အရောင်အဆင်းရော အရသာပါပြည့်စုံပြီး ခန္ဓာကိုယ်အတွက် ကောင်းကျိုးတွေအများကြီးပေးနိုင်တဲ့ လတ်ဆတ်တဲ့ စတော်ဘယ်ရီသီးလေးတွေကို နေ့စဉ်စားသုံးပေးပြီး နုပျိုလှပတဲ့ အသားအရေကို ထိန်းသိမ်းကြဖို့ မမေ့ကြပါနဲ့နော်။

ရေးသားသူ –  Khine Phoo Ngon

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ငရုတ်ပွ နဲ့ ကျန်းမာရေး

အစိမ်းကြော်လေးပဲ ကြော်ကြော်၊ အသားလေးနဲ့ပဲ နှပ်နှပ်၊ မွှေးပြီး စားလို့ ကောင်းတဲ့ ငရုတ်ပွကို ကြိုက်လား။ ငရုတ်ပွက အရောင်လှသလို ကျန်းမာရေးအတွက် ကောင်းပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ငရုတ်သီးက ကိုဗစ် ကာကွယ်သတဲ့လား။

ငရုတ်သီးမှာ ဗီတာမင် C ပါဝင်တာကြောင့်  ကိုယ်ခံအားကိုကောင်းစေတယ်။ ဖျားနာတာနဲ့ ရာသီတုပ်ကွေးကိုသက်သာစေတယ်။ ကိုဗစ်ကိုရော ကာကွယ်ပေးနိုင်မလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Gym ဆော့အပြီး ရေချိုးခြင်းရဲ့ ကောင်းကျိုးများနှင့် ရေချိုးဖို့အချိန်မရတဲ့အခါ လုပ်ဆောင်သင့်တဲ့ အချက်များ။

Gymဆော့ ကိုယ်လက်လေ့ကျင့်ခန်း workout ကြွက်သားပြေလျော့ ရေချိုးခြင်း ဘက်တီးရီးယားပိုး ဝက်ခြံ ကိုယ်ခံအား လက်ကိုသေချာဆေး ချွေးအထွက်များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဝမ်းဗိုက်အဆီတက်အောင် လုပ်မိနေပြီလား။

ဗိုက်ပူရင် ဝတ်ရတာ အဆင်မပြေသလို ကိုယ့်ကိုယ်ကိုလည်း ယုံကြည်မှု နည်းတယ်။ ဗိုက်ပူတာက အစားအသောက်ကြောင့်ပဲ မဟုတ်ပါဘူး။ မသိဘဲ လုပ်မိတဲ့ အလေ့အထကြောင့်လည်း ပါပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သင့်အရေပြားနဲ့ ပတ်သက်ပြီး သင်မသိလောက်သေးတဲ့ အချက် (၆) ချက်

သင့်အရေပြားနဲ့ ပတ်သက်ပြီး သင်မသိလောက်သေးတဲ့ အချက် (၆) ချက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် စက်တင်ဘာ 25, 2020 . 1 min read
Skincare နဲ့ ပတ်သက်တဲ့ အယူအဆ အလွဲတွေ

Skincare နဲ့ ပတ်သက်တဲ့ အယူအဆ အလွဲတွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
နှင်းခူရှိသူတွေအတွက် စားသောက်မှုပုံစံ

နှင်းခူရှိသူတွေအတွက် စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
 နူးညံ့တဲ့ လက်တစ်စုံကို ပိုင်ဆိုင်ချင်တယ်ဆိုရင်

 နူးညံ့တဲ့ လက်တစ်စုံကို ပိုင်ဆိုင်ချင်တယ်ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read